الشركة سمعتها ماهي زينة بالنسبة للمهندسين , ليش؟

الكاتب : Mech-Eng-Kw | المشاهدات : 1,640 | الردود : 11 | ‏18 نوفمبر 2010
  1. Mech-Eng-Kw

    Mech-Eng-Kw بـترولـي جـديـد

    23
    0
    0
    السلام عليكم ورحمة الله وبركاته

    انا انقبلت بالشركة وانا مهندس بس ليلحين ما رحت اوقع العقد , بس قبلها سألت مجموعة من الشباب عن الشركة وطبعا كلهم مهندسين وموظفين هناك , فقالولي اشلع منها وروح اي وزارة وايد اشرفلك , قلتلهم انا واحد من الناس ما عندي واسطة ولا عندي احد اعرفه بالقطاع النفطي , فمن الصعب اني ارفض وبعدين اقدم مرة ثانية , الحركة هذي فيها مغامرات , قالولي شوف الشركة هذي مو حق المهندسين , اهي حق الدبلوم والثنوي لان يفرق معاهم , اما انت اكثر واحد مظلوم وماراح تاخذ حقك , فخلك بوزارتك احسن , قلت لهم بالنهاية الاقطاع النفطي كله فيه مزايا حلوة مثل التأمين الصحي وتذاكر سفر ومبلغ مادي محترم بعد التقاعد , قالولي كل هذا ما يسوا لان راح تقزر عليك وننصحك تغامر بعمرك وتقدم مرة ثانية , او روح اي قطاع خاص يشقونك شق بس ماخذ دعم عمالة وكادر وماخذ كل حقوقك , هني انا فكرت فيها وقلت اهل مكة ادرا بشعابها , فقلت انا بسأل المهندسين بالتحديد شصاير عندكم بالضبط ؟ ليش كل هالتحلطم والكلام الزايد ؟ هل كلامهم صحيح ؟ ام كله كلام فاضي ؟

    واقوى كلام سمعته منهم , ان انت حتى مو من عيالهم , يعني فيه عندنا تكتلات عرقية واحزاب , انت مالك احد هناك ولا احد راح يسمعك , فهني زعلت فعلا وقلت هالكلام ما يجوز ولا اعتقد موجود , قالولي انت مسكين ولا تدري شالطبخة , خلك بعيد ونصيحة اخوانك وانت بكيفك , لان لو عندك احد بالقطاع النفطي , صدقني ما يقطونك في هالشركة

    اتمنى الي عنده معلومة عن الموضوع ما يبخل علينا , لان الوضع محير , ولحد يقولي استخارة لاني مليون مرة استخرت وكل مرة يطلعلي شي , فأتمنى مساعدتكم :)
     
  2. الصامت

    الصامت بـترولـي نشيط جدا

    171
    0
    0
    السلام عليكم
    اخي الكريم انا انصحك انك تتوكل على الله ووقع العقد وحياك بين اخوانك بالشركه
    ولا تسمع كلام احد يحاول يبعدك عن الشركه
    كل اللي عليك انك تثيت وجودك بالشركه وباذن الواحد الاحد راح يكون مستقبلك ممتاز لاتنظر حق اليوم
    خل نظرك للمستقبل
    وتقبل تحياتي
     
  3. q8security

    q8security بـترولـي خـاص أعضاء الشرف

    السلام عليكم


    أخي الكريم إسمح لي بداخلة

    هي نصيحة لست مجبرا بأن تأخذها فربما تصيب وربما تخطأ


    أنا أشوف طال عمرك

    أن تشوف شنو خياراتك المتوفرة

    ترى عصفور بالإيد ولا عشرة بالشجرة


    يعني أوزن الباكج كامل أقصد الامور المتوفرة جدامك

    وأسأل عن الراتب الإمتيازات
    الدوام
    شفتات ولا صباحي

    ولاتنسى البترول بشكل عام السلم الوظيفي واحد
    موحد

    وسلم الرواتب كذلك

    والإخوان يصححون لي

    إذا قدرت تروح koc
    knpc
    مثلا حسب ما أسمع أفضل

    كسمعه

    ماكو أقضب مجنونك ومتى ماتوفرت لك فرصة أفضل إقتنصها



    ترى الوظايف كل مابه تتصعب

    وبالأخير تعتمد على الانسان إذا يدور راحه ولا كرف

    وإستشير واستخير

    والله يوفقك
     
  4. ابوكاسب

    ابوكاسب بـترولـي نشيط

    75
    0
    6
    إدارة الشركة متواطئة مع نقابة الشركة شترجي من وراها .. فعلا شركة سمعتها طييييييييييين
     
  5. Mech-Eng-Kw

    Mech-Eng-Kw بـترولـي جـديـد

    23
    0
    0
    شكرا

    اول شي مشكورين على تعليقكم

    ترا فعلا ماكو شي اسمه ارفض وظيفة واخذ وظيفة ثانية غيرها هاليومين , لان صج الوظايف قاعدة تقل , والبلد تقريبا في انحدار , انت اليوم تحصل باجر ما تحصل , ولكن شركة بي آي سي , الناس الي فيها خصوصا مهندسين , يقولك احنا اسوأ شركة في القطاع النفطي كله , يعني لو تقدم مرة ثانية وتشوفلك اي شركة ثانية يظلون هم افضل منا بمراحل , ويقولك حاليا المهندسين قاعدين يقدمون استقالاتهم , يعني ماكو احد , فقدم مرة ثانية , واذا صادوك وعرفو انك مقدم مرتين ورافض العقد , توكل على الله وشوفلك وزارة زينة خصوصا المهندسين بالوزارات عندهم كادر

    فأنا قلت بنفسي , معقولة الشركة بهذا السوء , الي تروح تفضل جهة حكومية مالها مستقبل على القطاع النفطي, طبعا انا كلمت مهندسين وكلهم بلا استثناء يقولون انحش وكلنا ندمنا على توقيعنا العقد و ودنا نستقيل ولكن مضطرين نقعد جم سنة علشان نكمل الخبرة وبعدها نشوف لنا مكان ثاني

    فياريت لو تسالون احد من ربعكم المهندسين يمكن انا الي سالتهم متحبطين او حاسدين جهات ثانية والله اعلم
     
  6. Workers

    Workers إدارة المنتدى

    7,767
    30
    48
    ذكر
    الكويت
    وعليكم السلام ورحمة الله وبركاته
    حياك الله أخي الكريم ..


    مع إحترامي للأخوة الزملاء من اخوانا المهندسين .. مو صحيح هالكلام .. المهندسين قليل وبشكل عام التوظيف
    في الشركة واقف من فترة طويلة واعتقد ان التوظيف في الفترة الأخيرة كان للجامعيين فقط .. والعدد قليل ايضاً
    اللي اعرفه مافيه مهندس بالشركة مظلوم .. درجات ياخذونها بوقتها .. جميع مميزات المؤسسة وشركاتها التابعة
    ياخذها المهندس اول باول من تدريب ودورات خارجية بشكل مستمر في كل سنة والبعض يعطونه عدة دورات خارجية في نفس السنة
    حسب المكان اللي انت فيه وهذي بروحها فائدة كبيرة والاهتمام الكبير من الشركة للمهندسين من ناحية التطوير الوظيفي

    ومن توصل درجة 15 اذا كنت بالعمليات تستلم سيارة وهذي ميزة مو موجودة في باقي الشركات النفطية ..
    وتقدر تختار السيارة اللي تناسبك ..بشروط معينة حسب الرغبة في التغيير

    وإن شاء الله بعد ماتهتم بنصيحة الأخ الصامت راح توصل مواصيل محد يوصلها غير المهندس من المناصب المهمة
    وراح تحكم في أرزاق الموظفين وعليك مسئولية كبيرة وانت قدها بإذن الله .. هي امانة وفيها العدل ويجب ان تؤديها باكمل وجه
    ومن يتق الله سبحانة وتعالى ويخافه يبشر بالتوفيق في الدنيا والآخرة ..

    غريب هالمنطق ! .. هل فيه مقارنة اصلاً حتى نقارن موظف الشركة بموظف الوزارة .. وخاصة حق الدبلوم والثانوية

    الظلم اذا كنا نبي الحق أكثر ناس تظلم هم من اصحاب الدبلوم والثانوية من بعض المسئولين اللي يتحكمون في ارزاق
    الموظفين في التقارير السنوية واللي يترتب عليها الزيادة في العلاوات والترقيات وغيرها كثير ..

    ملاحظة : التقارير السنوية لها حسبة تعتمد على النسبة اللي راح ياخذها الموظف في تقريره السنوي
    وجرت العادة في شركتنا الموقرة باعطاء المهندسين على الاقل جيد جداً .. هذي ميزة بامكانك تضيفها
    مع المميزات المستحقة والمكتسبة للمهندسين ..
    كيف تكون مكتسبة ؟ يعني كسبوها من نسبة بعض الموظفين وماراح يقدرون يأخذون حقهم ! في الدنيا
    وإن شاء الله في الآخرة يحصلونها .. وسلامتك​
     
  7. الصامت

    الصامت بـترولـي نشيط جدا

    171
    0
    0
    السلام عليكم
    اخي الكريم بالمختصر المفيد
    توكل على الله ووقع العقد
    نصيحه لله لاتسمع القيل والقال المهندسين في الشركه مرتاحين والله يوفقهم
    ويوفق الجميع
    عطني اسم مهندس مظلوم بالشركه من اللي كلمتهم ولكل حادث حديث
    وسلامتك
     
  8. أصيل

    أصيل بـترولـي جـديـد

    6
    0
    0
    السلام عليكم توكل على الله وقع مع شركتنا وبأذن الله ستكون أمور الشركه أفضل فى المستقبل واذا لا قدر الله صار لشركه أى شى لاسمح الله بأن تتخصص أو أى شى غير مستحب أسوأ ما سيكون بأن الشركه تعطيك الخيار بالأنتقال ألى الشركات الزميله والدليل على كلامى بأن الشركه بين فتره و أخرى تنزل أسماء الوظائف المتاحه والمطلوبه من الشركات الزميله والحمد لله أنك بالكويت لأنها دولة قانون ودائما تخاف على مستقبل أبنائها الكرام أنت كويتى أرفع راسك الله لا يغير علينا قولوا أمين .
     
  9. الصديق

    الصديق بـترولـي جـديـد

    2
    0
    0
    السلام عليكم وكل عام وأنتم بخير
    الحقيقة أنا من المتابعين الدائميين لهذا المنتدي
    وهذة أول مشاركة لي ....شدني الموضوع
    مع أحترامي لجميع الردوود من الأخوة

    الشركة بكل صدق واختصار مثل ما قالوا ربعك
    شركة لازم تكوون عندك ظهر
    والا يكوون مصيرك الويل والثبور
    النقابة ماخذة ود الأدارة
    كونك مهندس فمصيبتك أكبر
    كراف عالفاضي وتاليتها المميزات لغيرك اللي نايم

    اذا ما عندك طموح وبس تبي معاش فهذة شركتك

    الشركة تعتبر مملكة الرعب

    والله علي ما أقول شهيد​
     
  10. Mech-Eng-Kw

    Mech-Eng-Kw بـترولـي جـديـد

    23
    0
    0
    مشكورين

    اخواني الي صاير ان المهندسين الي سألتهم قاعدين يقارنون الشركات الثانية في البي اي سي , الموضوع كله ان يقولك هني انت تنكرف وتشتغل وحالتك حالة , وآخر شي الترقيات والعلاوات حق غيرك , وفوق هذا شركات مثل كي او سي وغيرهم , مدلعين الموظفين بدورات وايد وسيارة اول ما يوصل قريد 13 , طبعا اهو يبلش 12 خلال سنتين ماخذ 13 واهو مبسوط بدون تعب ولا ارهاق , وفي هذي الشركات تقل فيها الواسطات لكن في شركتنا تكثر فيها وبشكل كبير حتى في الترقيات , ناس تشتغل وتكرف وناس نايمة , وحتى يقولك في عدد كبير من الغير الكويتيين تتعامل معاهم , اغلبهم ناس مو نظاف وتعاملهم سيء

    هذي مجموعة من الكلمات الي سعتها منهم , واقوى شي سمعته يقولك الشغل الي انا اشتغله هني ما يقدرونه , لو اسويه مكان ثاني يحطوني فوق راسهم

    انا اتوقع انهم شوية حاسدين الشركات الثانية , لان يقولك احنا كلنا شركات حكومية ليش هالتفرقة

    هذا الشي الي مو عاجبني من كلامهم , بس هل كلامهم الباجي صحيح ؟

    في ناس تنكر وفي ناس تصر على هذا الكلام خصوصا في المنتدى , وانا ضايع اوافق او ارفض واقدم مرة ثانية

    الله كريم
     
  11. butterfly

    butterfly بـترولـي نشيط

    83
    0
    0
    Assistant Admin
    وافق وذا تضايقت بعد جم شهر/سنه

    اقعد كمل خبره واشلع لاي شركه نفطيه زميله

    وقتها فرص قبولك بالشركات النفطيه تزيد لانك مهندس وعندك خبره من داخل القطاع النفطي

    واللي بيجري عليك بيجري علينا معاك بالشركه
     
  12. interkw

    interkw بـترولـي جـديـد

    31
    0
    0
    ايد كلامك

    هذا القطاع النفطي صعب تنقبل فيه بدون خبره اما الوزارات سهل تدخلها
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,189
  2. المحرر النفطي
    الردود:
    1
    المشاهدات:
    1,038
  3. المحرر النفطي
    الردود:
    0
    المشاهدات:
    486
  4. Workers
    الردود:
    0
    المشاهدات:
    12,481
  5. المحرر النفطي
    الردود:
    0
    المشاهدات:
    563

مشاركة هذه الصفحة