رساله الى المهندسين ومنها الى هناء الصميعي

الكاتب : أبرك الساعات | المشاهدات : 2,151 | الردود : 26 | ‏11 نوفمبر 2010
  1. أبرك الساعات

    أبرك الساعات بـترولـي جـديـد

    49
    0
    0
    بسم الله الرحمن الرحيم

    فالبدايه يا مهندسين القطاع النفطي الناس تدرس ليس اعطائكم حقكم ولكن اعطائكم اقل مبلغ ممكن لإرضائكم. وهذا الامر ليس بغريب على الاداره البخيله مع المهندس اشد البخل وهي لا تعلم بأن المهندس هو الكل بالكل وهو من يدير الملايين ويدخل لميزانية الدوله هذه الملايين بعد اجتهاد كبير من المهندسين...واللي للأسف ما قمنا نشوف اي تقدير من الاداره. وللأسف ان اللي ماسك اكبر منصب بالقطاع النفطي هو مهندس ولكن ما نشوف له اي وقفه اتجاه زملائه المهندسين.

    يا جماعه انا من قريت اسم هناء الصميعي بالزياده وانا متشائم ولا تلوموني لان هالشخصيه تعودنا عليها من زمان مو من اليوم.. هالسنه احرمتنا من مكافأه النجاح واللي كل الوزارات ياخذونها تحت بند اعمال ممتازه ولحد يقول لي الوزارات لازم اعمال ممتازه ويقارنونها بالبونس الخاص فينا لان بالوزاره الكل ممتاز تقريره السنوي وبالتالي فإن حالها كما هو الحال بمكافأة النجاح والبونس السنوي ما يقضبه الا اللي بمكانة عاليه من الامور الاداريه (على سبيل المثال:هناء الصميعي)

    اتمنى كل التمني من الاخت الزميله هناء الصميعي بأن تكون شفافه معنا وتقول لنا البونس السنوي لها هذه السنه كم كان؟ وليش تحرم الموظفين من هالمكافأه اللي الكل يفرح فيها وتعوضه عن قصور المسؤوليين وعدم التقدير له

    يا اخت هناء الصميعي انا اتمنى انج تقدرين جهود المهندسينلمره واحده في حياتج النفطيه واتمنى لو لمره واحده بأن تكوني كريمه وتبتعدي عن العنجهيه لأن بكل صراحه قاعد نعاني معاناه نفسيه اكثر من انها ماديه بخصوص الزيادات واتمنى ان يكون التعامل معانا بكل احترافيه ولكم بالشركات النفطيه الخليجيه والامريكيه أسوه.

    و لازم نعرف منو اللي الامر النهائي بيده؟ بخصوص حقوق المهندسين
     
  2. مجموعة نفطية

    مجموعة نفطية بـترولـي خـاص أعضاء الشرف

    694
    0
    0


    اذا كانت هذي نظرتك بأن المهندس هو الكل بالكل في القطاع النفطي اجل ابشرك مافي زيادة وانت تعرف ان من يرى

    في نفسه انه فاهم كل شي ويهضم حقوق الناس والعامليين الاخرين ربك ماراح يوفقه ولا يسدد خطاه


    العمل في القطاع النفطي قائم على كل شخص من اصغر موظف الى اكبر واسمن مهندس

    لكن للاسف ان البعض بس ياخذ الشهادة يظن نفسه انه اصبح الكل بالكل وانه هو من يخطط وهو من يعمل والباقي مال وجودهم داعي


    احسن الظن باخوانك العامليين الاخرين المشغليين منهم والموظفيين والا ترى اذا ظلت هالنظرة حبيسة راسك

    صدقني ماراح تتوفق بحياتك لان نهاية الكبر مأساوية ولك في القطاع النفطي شواهد كثيرة


    لاتبخسوا الناس حقوقهم .......واعط كل ذي حق حقه


    والسلام عليكم
     
  3. أبرك الساعات

    أبرك الساعات بـترولـي جـديـد

    49
    0
    0
    منو قالك ان انا متكبر يا صديقي؟ولكن هذا هو الحق والظاهر ان كلمة الحق تزعل كثيراً
    ويمكن ان يكون التعبير مبالغ فيه وانا اتفق معاك وصحيح ان المهندس ليس هو من يقوم بكل شي وهذا امر طبيعي ولكن يعتبر التعبير مجازي بأنه الكل بالكل...وهو المصدر الرئيسي اللي يدير كل هالامور بدراسته وعلمه وفهمه من اول قطرة بترول من الابار الى اخر قطرة يتم اشعالها في المصانع والسيارات والطيارات من مهندس البترول الى مهندس البيئه ...ومن الطبيعي ان اي وظيفه بالعالم تحتاج لمساعدين ولكن يجب التفرقه بين الموظف المحترف والموظف العادي وانت بنفسك ما راح ترضى وتقبل بالوضع الحالي لو كنت بمكانه.

    هل يرضيك العمل 8 ساعات تحت ضغط وخطر ومسؤوليه و و و و والخ وتحصل اقل من غيرك بالوزاره؟
    هل يرضيك بأن المهندسين بالشركات النفطيه الخليجيه يقبضون اكثر منك ب800 دينار؟
    هل يرضيك بأن يدخل شخص غير مقدر لوظيفه المهندس ويقوله انت متكبر ويبخس حقهم ولا يقول كلمة حق واحده بحقهم ولكن يهاجمهم وكأنه حاسدهم ويقول لاتبخسوا الناس حقوقهم واعط كل ذي حق حقه واهو لم ينصف المهندسين؟

    بالنهايه اللي ابيها توصل لك ولغيرك.... المهندس بالبترول هو الوحيد اللي مظلوم بكل قطاعات الدوله...ما اشوفك تكلمت وانصفتنا؟ والكلام اللي يقال ماهو الا من نار تحترق في صدورنا

    واللي يقرا كلامك ماهو الا تقليل من حجم المهندسين ....ولعلمك المهندس اهو اللي يطور واهو اللي يزيد الدخل واهو اللي يتحكم بالانتاج واهو واهو واهو .......والامر كله عائد من رب العالمين والتوفيق منه ....يا ليتك تخاف الله وتقول كلمة حق.

    لا تحسب ان المهندس اذا سكت....يصغر حجمه اذا الجاهل حكى

    ياخوي لا تقلل من قيمة المهندس وخاف الله في ردودك.
     
  4. أبرك الساعات

    أبرك الساعات بـترولـي جـديـد

    49
    0
    0
    الله يهديك
     
  5. أبرك الساعات

    أبرك الساعات بـترولـي جـديـد

    49
    0
    0
    و لزيادة معلوماتك يا اخي الموظف......ان الزياده التي اتت بسنة 2008 ماهي الا لإرضاء المهندسن وايضاً الزياده التي ان شاء الله ستأتي ما هي الا ارضاء للمهندسين....وقول الحمدالله انك مشمول وياهم

    الان المشكله العظمى التي يتخوف منها المسؤولين الغير مهندسين وهو تسرب واستقالات المهندسين وعلى شان جذي صارت الدراسه والترضيه. ولو مايصير زياده بالبترول راح تشوف الامور شلون راح تنعفس وخصوصاً عند الاستقالات اللي راح تصير وبعدين عاد المسؤولين الغير مهندسين راح يلجئون الى الموظفين العاديين والغير محترفين ونبي نشوف شنو يقدر يسوي الموظف العادي؟
     
  6. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    برد عليك بهذي رد مختصر

    اذا كنت مو قادر تشتغل 8 ساعات هذا وانت مهندس والعقل المدبر للملايين خلاص قدم استقالتك وروح لوزارة تعجبك
    بس انت الظاهر من كثر الضغط مو متحمل هالشي

    اجل شتقول عن المشغليين اللي راهنيين حياتهم من اجل عملهم وحياتهم الاجتماعية صفر بالعلاقات والسبب ان دوامهم نظام شفتات لا ويجي بالاخير .....مهندس (طبعا مو الكل لكن من البعض ......يمكن انت منهم ماندري ) ويتفلسف ويعطي order غلط واخير شي يتحكم بأرزاق العالم اللي تشتغل من كل قلبها ويظلمهم بالاخير


    وبعدين محد قلل من قيمة المهندس ياقلبي بس انت الظاهر اول مرة تدش منتدى وتناقش الناس الموجودة هنييه عبالك يشتغلون عندك يا باش مهندس .......المنتدى هذا يضم الجميع بروح اخويه من المهندس الى المشغل الى اصغر موظف وارجع اقولك لاتتعدى على الموظفين بكلامك


    بس ترى على فكرة سبب تسرب اغلب المهندسين على قولتك من القطاع النفطي ......حسب علمي ووجهة نظري

    ان اغلب شهاداتهم مضروبة ..... يعني انت ادرى بربع الفلبيين وبريطانيا وسلوفاكيا اللي تخلص الهندسة بسنة وحدة

    وتجي تجيب العيد بالناس بس اكتشفتهم المؤسسة وحطت حد لهالشي هذا .......لا والمشكلة يشوفون انفسهم

    على شنو مدري ؟؟؟؟


    وان عدت ......عدنا
     
  7. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    كلام غير منطقي نهائيا الشركات طول عمرها ماشية بالكل ياصديقي ومو واقفة على فلان ولا فلنتان

    وان عدت .....عدنا
     
  8. أبرك الساعات

    أبرك الساعات بـترولـي جـديـد

    49
    0
    0

    رد واحد يكفي عليك لاني قاعد اخاطب موظف عادي ولست بالموظف المسؤول عن هذه الامور: اذا كانوا شجعان المسؤولين عن الشركه والقطاع النفطي خل يصرحون نفس تصريحك وتشوف شنو راح يصير( هذا بخصوص موضوع استقالتي).
    اما بخصوص الشهادات اخر شخص يتكلم انت مع احترامي لك.

    ثالث رد احب اقوله لك...اخي العزيز يبدوا انك لاتفقه ما تقرأ....الموضوع رساله من المهندسين الى هناء الصميعي...اما انت فالمفروض تحفظ ماء وجهك ولا تعلق حتى.

    يا متواضع لا تزال تهضم حق المهندسين وتظلمهم ولم نسمع منك كلمة اشاده الى الان او انصاف للمهندسين:)
    واحتراماً لمشاعرك مالذي يجب على الشركه اعطائه للمهندس من حيث الزياده الماديه؟ علماً بأن مهندس الوزاره يفرق عن مهندس الشركه البتروليه بمبلغ 300 دينار كمهندس مبتدأ؟ نبي نشوف حلك يا متواضع؟
     
  9. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ياهناء الصميعي تعالي شوفي ابو الكل بالكل شقاعد يقول !
    مع الأخذ بالاعتبار بما جاء في قواعد سلوك العمل
    يلتزم كافة العاملين بالمؤسسة وجميع شركاتها التابعة بهذه المبادئ. وقد أرست المؤسسة دعائم قواعد سلوك العمل في المؤسسة على ركائز خمس
    ما الركائز الخمس يالكل بالكل ؟
     
  10. API 18

    API 18 بـترولـي مميز

    513
    0
    0
    نصيحه ياخوي ومن واقع تجربه .لا ترد على هالناس وهرقطاتهم ..ولما تسالهم وين قلنا عطو المهندسين فقط ..للاسف مايجاوبون لان يدرون ماعندهم الا الحسد والكلام الفاضي ويقولونلك ليش نميز المهندس و ليش وليش مع انه لو يصير مهندس تلقاه اول الناس يطالب بالكادر..بس احسن شي تقول لهم انه الكادر محصلينه محصلينه انشالله
     
  11. أبرك الساعات

    أبرك الساعات بـترولـي جـديـد

    49
    0
    0
    لا اعلم. أفدنا حتى نعلم
     
  12. أبرك الساعات

    أبرك الساعات بـترولـي جـديـد

    49
    0
    0
    جزاك الله خير على هالكلام الطيب.......ياخوي انا ما احب اكتب بالمنتديات ولا احب اذكر شخصيات ولكن بكل صراحه انا اعاني من مشكله نفسيه وحبيت اذكرها وانا اعلم ان الاخت هناء الصميعي من اقوى الركائز في هذا الموضوع واتمنى انها تلتفت لنا.

    ولكن اتفاجئ بدلاً من ان يلقى موضوعي النور...يأتي شخص يهاجم حقوق المهندسين ولا يريد حتى ان يذكر انهم مظلومين. ونحن نريد منه الحل وهو شخص عادي وانا متأكد انه لو كان انسان منصف لأنصفنا وننتظر من الاشخاص المحترفه بالقطاع النفطي ارضائنا كمهندسين.

    وهالشي بصراحه يأثر على اداء العمل وعلى امور اخرى ما احب اني اذكرها لان بالاخير في ناس راح تهاجم دون ان تعلم او تفقه من الامر شيء
     
  13. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ومنا إلى هناء الصميعي حتى تعلم مايجهله الكل بالكل مع فائق الأحترام والتقدير
     
  14. أبرك الساعات

    أبرك الساعات بـترولـي جـديـد

    49
    0
    0
    ومن انتم او تحب ان تكون مستور الهويه؟

    اتمنى الاجابه حتى اشفي غليلك

    وتعليق بسيط عليك يابو الاحترام والتقدير...انا لازلت مهندس مبتدأ هذا اولاً

    ثانياً الركائز الخمس اي غبي يقدر يسوي سيرج ويحطهم لك اهني وانا عندما قلت لك لا اعلم...كان قصدي ابيك تجاوب وتعلق على شان اعرف ارد عليك. ولكن انت انسان ماعندك مبدأ وتحب تلف وتدور...وجه لي الانتقاد مباشر وانا مستعد ارد عليك. وبعدين نتمنى منك تقول لنا رايك بحقوق المهندسين دام انك انسان امبين عليك فائق الاحترام و (التقدير). نبي نشوف تقديرك
     
  15. workerq8

    workerq8 بـترولـي مميز

    613
    6
    18
    انا بعرف شغلة مهمة يا منتدانا الكريم هذا منتدى العاملين في القطاع النفطي بكل قطاعاته من مهندسين واداريين وفنيين وغيره ولا منتدى خاص فقط للمهندسين فقط لا غير

    جدعوة اخوي انتو الكل في الكل توك مهندس مبتدأ وعلى طول خذيت انطباعك الاول انكم الكل في الكل شنو خليت على اهل الخبرة

    النظرة العنصرية لبعض مهندسي القطاع النفطي تجاه زملاءهم تحتاج الى تغيير لان الانانية بداية الهلاك
     
  16. المهندس

    المهندس بـترولـي خـاص

    1,305
    8
    0


    والله انك ضحكتني .. يا خوي هذولي اللي شهاداتهم مضروبه من يو ... فكر معاي شوي :) هاا عرفت من وين!!؟ .... شكلك للحين ما عرفت ...

    انا اقولك .. يا خوي اللي شهاداتهم مضروبه ومن الفلبين وبريطانيا وبو سنه وصار مهندس هذووولي بارك الله فيك كان موظفين وعمال ومراقبين ومشغلين وشياب وعلا اخر عمرهم فكرو بالهندسه.. اللي هم من ربعك وفكروا وجابو هالشهادات واللي ابتلشنا فيهم صراحه ... المشكله في ربعك اللي يابو شهادات مضروبه ونحسبوا علينا .. وفي النهايه صاروا عليك وشافو نفسهم

    ا
     
  17. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    تصدق تضحكني انت وصاحبك جدا بهالموضوع هذا ههههههههه

    بالنسبة للشباب المشغلين اللي درسوا بره انا اقولك اياها من الحين انا مابي اعمم على الكل لكن الغالبية منهم درسوا ببعثات على حساب المؤسسة اللي ماتحلم فيها لا انت ولا صاحبك ....... وللامانة يبلون بلاء حسن في شغلهم لانهم رجال بدوا من الصفر يعني كانوا مشغليين ولهم الفخر بهذا وللامانة واقولها لك اقرب مثال مدير عمليات مصفاة الاحمدي كان مشغل وهذا هو في اعلى منصب لله الحمد لانه انسان متواضع وماعنده فرق بين مشغل ومهندس

    والشهادة كانت له مجرد طموح ووسيلة لبلوغ غاية وماهي مثل ما انت وصاحبك تهدفون له وهو الكبر ......ومن تواضع لله رفعه

    وبعدين المنتدى اللي تذمه انت وصاحبك مديره مشغل مصفاة في ميناء الاحمدى وهذا الرجل عندي انا من وجهة نظري اذكى من مية مهندس لانه جمع شمل الموظفييين في منتدى يهتم بقضاياهم وامورهم ومافرق بين مهندس ومشغل بل اعطى المجال للكل في النقاش وماقال هذا مهندس وهذا مشغل .......

    بصراحه في مهندسين ينحطون عالجرح يبرا لانهم متواضعيين والله موفقهم

    لكن انت وصاحبك داشين تبون تذمون الموظفين والمشغليين ........وبعدين انت واصاحبك ابو الكل بالكل ابسألكم سؤال دامكم توكم مبتدئيين .......شنو قدمتوا خدمات في مواقع عملكم وانتوا توكم مبتدئيين ؟؟؟؟؟
     
  18. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    انا بقولك رايي انت تبي الصج صح هاك الصجية .....

    المهندسين الكويتيين من خيرة المهندسين .....لكن البعض منهم (واللي انت منهم وصاحبك المهندس ) شايفيين انفسهم عباله ملك الدنيا بالشهادة ونسى ان الله سبحانه له الفضل في حصولة على هالشهادة مشى في الارض مرحا ......لكن انت وصاحبك ابشركم بالسقوط المبكر ........اما المهندسيين المتواضعيين الله يوفقهم ويسمح دروبهم انشالله


    بعطيك مثال واضح من عندنا من المنتدى

    الاخ المراقب فهد شموه .....طبعا مهندس بترول

    لكن هالانسان يعجبني بشي انه دايم متواضع واذا كتب رسالة حق اي عضو .....يكتب تحت اسمه العامل :فهد شموه عشان جذي ربي موفقه

    اتمنى انك انت وصاحبك تعيدون حساباتكم وتتركون عنكم الكبر والاحلام الوردية اللي عايششين فيها والا صدقني نهاية مشواركم الوظيفي راح ينتهي بدعوة موظف .......اما يحوشك دسك ......او تتحرول .......وتاليها تطلع تقاعد طبي ......ساعتها خل شهادتك تنفعك


    اياكم والكبر
     
  19. المهندس

    المهندس بـترولـي خـاص

    1,305
    8
    0

    كلامي واضح :) الريال شمل مهندسين الفلبين ومهندسين بو سنه ونص فينا وحبيت اوضح له هذول من وين يوو .... عشان لحد يجي بالطالعه والنازله ويشملهم فينا ... وبالنسبه للشباب اللي كملوا ودرسوا وجابو الشهادات واستحقوها بجداره هذول تحسبهم علينا .. لانهم فعلا سلكو الطريق الصحيح وجابو الشهاده :)..

    وراعي المنتدى علا العين والراس ... بس المنتديات وايد تارسه النت مو محتاجه هندسه :) ويبيلها ناس فاضيه ما عندها شغل

    لمعلومك جزء كبير من مهندسين الشركه مبتعثين من عن طريق التعليم العالي مو مؤسسه (خشمك واذنك)

    ويسمحون لنا الشباب اذا ثقلنا عليهم بس بغينا نحط النقاط على الحروف

    والله الموفق
     
  20. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    بهذي ياباش مهندس اختلف معاك ......مجلس التعليم والتطوير برئاسة الشيخة شذى الصباح .....ماعندهم خشمك اذنك عندهم اهم شي انك تكون عندك التوفل بمعدل 550 ونسبتك فوق 65% وماعليك اي شي

    واذا مو مصدق هالكلام حاول تقدم وانت مو مستوفي لو شرط واحد .....ابصملك انك ماراح تقبل في البعثه

    لانه لحد الان لم يتم قبول اي موظف بواسطه هذا للعلم بس يامهندسنا العظيم

    ورجاء منك لاتغمز بمدير المنتدى وتقول ناس فاضية ماوراها شغل بالعكس الاخ فيصل العجمي مو مقصر لا بشغله ولا مع اعضاء المنتدى ,,,,,, بس الظاهر في ناس فاضية تحب دايم تحشر انفها بالرايحة والجاية


    والله عاد والتعليم العالي .....اقول لاتخلينا نفتح ملفات قديمة ترى حتى بامريكا في نجاح بس بالحضوور يعني لو ماتفهم ......تنجح ......وانت ادرى بهالشي مني كونك مهندس الكويت العظيم اللي مافي مثله

    وقبل فترة سكروا حتى بعثات بريطانيا .....لذلك لاتخلينا نفتح ملفات مالها داعي تنفتح
     
جاري تحميل الصفحة...

مشاركة هذه الصفحة