البترول الوطنية قلصت الكورسات على موظفيها الى العدم

السلام عليكم

يعطيك الف عافيه وموضوع يحتاج الى نظره من المسؤولين.

 

موضوع مهم جدا اخوي الوسام وجزاك الله كل خير

للأسف فيه ناس في السنه الوحده ياخذون اكثر من كورس مادري على هي واسطات ولا لا
انا بالنسبه لي لي اربع سنين ماخذيت ولا كورس ,, بس مال المطافي والسولار اللي ذبحونا فيه وهذي كلها داخل المصفاة
لكن برى مافيه شي لي كم سنه
واللي غيرنا ماشاءالله عليهم كل كم شهر طالع له اسبوع كورس
ولا اعرف صراحه ماهو مقايس استحقاق الكورسات عندهم

 

والله يا الوسام كلامك فى محله
الكورسات تقلصت والعذر بالمن بور و النقص
الاجازات صارت بالحسره والسبب النقص
الاوفرتايم كثر والسكات كثرت والسبب النقص
الكنترول بانل يغطى ولا له بديل والسبب النقص
السوبرفايزر يغطى مكان الكنترول بانل والسبب النقص
الشفت كنترول يغطى مكان السوبرفايزر والسبب النقص
والشفت كنترول يغطي مكانه مهندس صباحى والسبب النقص

وانزين وين الحل !!!
وين المسؤلين !!!
ووين النقابه !!!
عمك اصمخ
وتحياتي لك الوسام

 

السلام عليكم
اخوي الوسام في قسم المطافي ميناء الاحمدي كل سنه ينزل كشف بدورات والكورسات واحنا الموظفين نختار والموضوع اختياري بالنسبه لنا الكورسات متوفره عندنا وفي الحين عندنا دوره توفل للانجليزي بالنسبه للشباب اللي جابو بالاختبار انترميديا وابرانتر ميديا لكن انا ما ادري اذا اشغله هذي بس بقسم الاطفاء ولا بكل الاقسام

ملاحظه : القسم فيه اوفر مان بور

 

فعلا كلامك صحيح
انا قبل سنه بالضبط كان عندي كورس شهر انقليزي

وبعدها عطوني كورس عادي مايفيد المشغل بأي شي والموجودين مهندسين رزونا معهم شوي

بس المفروض الكورسات تكون في مصافي في دول نفطيه ونستفيد منهم

 

انا رحت لكورس في فندق كراون بلازما لمدة يومين مثل مارحت مثل ماجيت لان الي معاي مهندسين ونصهم ضايغ بالطوشه لان المدرس بريطاني يستابق ويا الكلام

وثاني شي الكوري ماله علاقه كلش مع الاوبريشن كان الكورس يتكلم عن جهاز يحدد حالة الانسان من حيث الراحه و الاستنفار

عند طريق وضع الاصابع عليه

هههههههه اتوقع خوش كورس

والكورس الثاني كان عن احد الينتات وحسبة غاز H2s فيها والله يا اخوان وكانت مساله حسابيه في بنت لا اعرفها الا عندما امر عليها

اسال الله لهم ولنا الهدايه والتوفيق في الاختيار وذلك لا أفادة المبعوثين و الا عدم بعثهم .... واتمنى لكم النجاح والتوفيق

 

ترجمت البدليات

كراون بلازما = كراون بلازا
الكوري = الكورس
مساله حسابيه في بنت لا اعرفها = مساله حسابيه في ينت لا اعرفها

هههههههههه الله يعين

 

المشكله ياخوي والقهر لما يدزون زميل لك قديم خدمته اكثر من 13 سنه وبلبل انجليزي ويخلونك انت اليديد الي ماتعديت السنتين
ويالله اطقطق يس ونو والبيب بالاشاره يفهمو

 

في قسمنا ثلاث مهندسين اجانب و ثلاث مهندسين كويتيين, السنة الماضية المهندسين الاجانب اندزو حق كورس في بلغاريا لمدة اسبوعين والكويتيين خلوهم, صل على النبي اهيا ديرتنا وفيها اللي يبون

 

كورس انجليزى يحتاج على الاقل ستة شهور وللاسف غير مطبق عندنا فى شركة البترول الوطنيه الكويتيه وتعال شوف البدليات لما يكتب اى موظف تقرير بالانجليزى سواء على مستوى العمل اليومى او فى اى كورس تبعثه له الشركة وخاصه لما يكون الكورس فى احد الفنادق او فى مركز التدريب البترولى والمحاضر فى هذا الكورس اجنبى ولا يعرف ولا كلمه عربى _ والشباب بالكورس مافيهم اللى عارف شى من المحاضره _ سؤال للقائمين على هالكورسات الى متى تدزون موظفين الى كورسات المحاضر فيها اجنبى مالفايده من حضور شخص كورس وهو مو فاهم شنو اللى ينقال بهالكورس............................؟

 

يعجبني فيك يا اخ الوسام بصراحه طرحك للموضيع وفعلا في سنة 1994 لاحظ بأي سنه ،كانت هناك دورات انجليزي وتعطى لجميع الموظفين وطبعا تدخل هذه الدوره بمراحل حتى تصل الى التوفل ومن بعدها اذا اجتزت هذه المرحله تذهب الى لندن لي مدة 6 أشهر للدراسة اللغه وطبعا بطبيعت الحال عندما وصلت الى التوفل للاسف رفضو لانني ( بنت ) ومن بعد تلك السنه اوقفو جميع دورات الانجليزي الخارجيه وذلك بسبب انهم وفرو لنا تلك الدورات داخل البلاد ولا نحتاج الى الذهاب للخارج وشكرا

 

مادري عندي سؤال ؟؟انتو لمه تنقبلون ماكو اختبارات لغة؟؟؟ماتقدمون شي اسمه اختبار لغه انجليزيه؟؟لكل الموظفين سواء مهندسين اطفائين اداريين( ماعرف غيرهم)مو من شروط القبول اجتياز امتحان انجليزي؟؟ولا بس احنا المهندسيين اللي نمتحنه؟