أبي أحد يتبنى قضيتي

الكاتب : EQUATE_FOREVER | المشاهدات : 2,255 | الردود : 18 | ‏9 نوفمبر 2010
حالة الموضوع:
مغلق
  1. EQUATE_FOREVER

    EQUATE_FOREVER بـترولـي جـديـد

    8
    0
    0
    السلام عليكم ...

    حتى لا أطيل عليكم ...

    بدخل بالموضوع على طول ... بس أتمنى القراءه لأنه فعلا موضوع غريب

    تخرجت من الثانوية و قدمت على أيكويت أكثر من مره و لم يحدث شيء

    أكلمت الجامعة و تخرجت و قدمت و لم يحدث شيء

    كملت ماجستير و تخرجت و هم قدمت و لم يحدث شيء

    حاليا أحضر الدكتوراة في بريطانيا وهم قاعد أقدم عليهم و هم ماكو شيء

    عدد المرات اللي قدمت فيها على إيكويت أتوقع ألف هذي مو مبالغه ترا ... من أيام الجليب و أنا أقدم عليهم


    صارلي أكثر من عشر سنوات أقدم عليهم و لا في أي شيء

    عمرهم ما إتصلوا علي هذا اللي معقدني !!!!!!!!!!!!!!!!!!!!!!!!!!!!!!!!!!!!!!

    أنا ما أقول إقبلوني .... أنا أقول إحترموني و دقوا علي .... قصوا علي و سووا معاي مقابله !!!

    طول هالسنوات عمرهم ما دقوا علي و عمرهم ما قالوا تعال نقابكم ولا أي شيء !!!!!!!!!!!!!!!!!!!!

    إذا على الإنجليزي تب أصلا أحضر الدكتوراه في بريطانيا , إذا على نظام الشركات و السيستم مالهم ... أنا شغال كونتراكتر في قسم الآي تي لإحدى الشرات النفطية !!!!

    تخصصي كمبيوتر و ألف مره ينزل إعلان كمبيوتر و أقدم عليهم ... ولا عمرهم إتصلوا أو قالوا ييب أوراقك أو قالوا تعال قابل !!!!!!!!!!!!!!!

    إتصدقون !! مره دخلت السايت و قدمت و حطيت بيانات وهمية يعني حطيت المعدل إمتياز .... الخ و حطيت رقم تلفوني ....

    إتصدقون ما إتصلوا !!!!!!!!!!!!!

    شنو معناته هالحجي ؟!!!

    معناه السيستم اللي حاطينه للتسجيل مو حقيقي !!!!!!!!!!!!!

    شلون أقدم و أحط إن معدل عالي و كل شيء أوكي و مايتصلون فيني و لا يقولون تعال قابلنا ... على الأقل يقولون هات أوراقك !!!!!!!!!!!!!

    مافي إعلان نزل ما قدمت عليه آخرها اللي توه سكر قبل إسبوع ... و عمرهم ما قالوا ييب أوراقك !!!!!!!!


    في نظام الريكروتمن ( أنا شغال على هالنظام في شركتي ) هذا سلمك الله تسوي بحث و تشوف هالشخص جم مره قدت على الشركة و يبين عندهم جم مره أنا قدمت .... أو عن طريق السايت مالهم يقدروون يشوفون الهستري يبين جم أبلكيشن أنا معبي من يوم سووا النظام !!!!!!


    هل الإعلانات الللي تنزل و الأبلكيشن اللي نعبيهم وهمية ؟؟؟؟!!!!!!!!!

    أبي أحد يجاوبني ....

    يا جماعه أنا بهالحاله شسوي ؟؟!!! أروح أرفع عليهم قضية؟!!! و إلا شسوي ؟؟؟

    والله جد أبي أحد يفيدني !!!​
     
  2. ام ريما

    ام ريما بـترولـي مميز

    بالعربي عندك وااااسطه كل امورك تمشي وشووووف عيني بالواسطه كل شي يصير لو عندك ثانوية عامه راح تشتغل
     
  3. EQUATE_FOREVER

    EQUATE_FOREVER بـترولـي جـديـد

    8
    0
    0
    واسطتي رب العالمين ... ثم شهاداتي

    هل يحق لي أطالبهم قضائيا ؟!!

    مشكوره أن ريما على الرد​
     
  4. بترولى ماركه

    بترولى ماركه بـترولـي جـديـد

    16
    0
    0
    يسعدلى صباحكم الحين الواسطه اهم من الشهاده والله انى مقبول بوظفتى قبل ما اجيب الثانويه بشهرين وللحمداله والله اعينك هذى الكويت
    تقبل تحياتى
     
  5. VERSACE

    VERSACE بـترولـي نشيط جدا

    السلام عليكم
    اخوي بدال ما تقول الحمدلله وهذي خيره مسويها سالفه
    افرض انك انقبلت من اول مره علي الثانويه صدقني ما راح تكمل بعد الثانويه هذي خيره الله كتبها لك فقول الحمدلله ولا تطمع باكثر من نصيبك
     
  6. EQUATE_FOREVER

    EQUATE_FOREVER بـترولـي جـديـد

    8
    0
    0
    1. ومنو قايل لك إني مو قايل الحمد لله ؟!!! الحمد لله من قبل و من بعد
    2. شنو تقصد مسويها سالفه ؟!!
    3. "افرض انك انقبلت من اول مره علي الثانويه صدقني ما راح تكمل" - هذا شيء راجع لي مو راجع لحضرتك
    4. "لا تطمع باكثر من نصيبك" - شدخل الطمع ؟!!! أنا قايل لك عطني فلوس؟!!!

    موضوعي عن " السيستم مال التوظيف فيه أخطاء غير حقيقي " وصلت المعلمومه ؟!!!

    شنو دخل الحمد لله ؟ وشنو دخل الطمع؟؟ وشنو دخل ماراح تكمل ؟!!!

    إنت ما أدري قاري الموضوع غلط أو تبي ترد على موضوع ثاني و بالغلط كتبت الرد في موضوعي أو توك قاعد من النوم ...


    الحمد لله و الشكر
     
  7. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    السلام عليكم ورحمة الله وبركاته
    أخي الفاضل "EQUATE_FOREVER"
    كلمني على الخاص
    مع الشكر والتقدير
     
  8. مضاوى

    مضاوى بـترولـي جـديـد

    36
    0
    0
    السلام يا اخوانى طولوا بالكم ليش الاعصاب :mad::mad:صج كلام اخي ايكويت فور افر بعض المواقع تعبى ابلكيشن وعمك اصمخ وبعض الاماكن حق ناس وناس لا وازيدك من الشعر بيت التوظيف يدقون على ناس وناس من تحت لى تحت ;)حتى لو الواسطة فراش :cool::cool:يدقون عليك بعدين كلام اخونا الثانى مع المثل العجيب مالة خوش مثل واللة امانة ضحكت من قلب لما قريتة ينطى البقلاوة للى ما له حلق بذمتك اكو احد ما عنده حلق قول ما عنده ذوق يمكن بس حلق اشك:rolleyes::rolleyes::rolleyes:
     
  9. ALSERHAN

    ALSERHAN بـترولـي نشيط جدا

    خير

    انشالله خير
     
    آخر تعديل: ‏14 نوفمبر 2010
  10. EQUATE_FOREVER

    EQUATE_FOREVER بـترولـي جـديـد

    8
    0
    0
    والله الواحد ما يقول إلا حسبي الله و نعم الوكيل ...
     
  11. bandar10

    bandar10 بـترولـي جـديـد

    27
    0
    0
    يا الغالى - يا العزيز - يا ولد ديرتى - قالوها الاوليين - توكل على الله اولا - ثم حط واسطتك - و على قد واسطتك بعد الله سبحانه و تعالى - تأمر و تدلل - لا تعور قلبك و خل عنك اللى علمونا اياه فى المدارس - و خل عنك كلام ابهاتنا و اعمامنا - ترى والله يحوشك الضغط و السكرى - الله يعينك - و ترى الواسطة مو اى واسطة - ترى واسطة الفيحاء و النزهة غير واسطة الفردوس و الجليب - يحفظك ربى
     
  12. EQUATE_FOREVER

    EQUATE_FOREVER بـترولـي جـديـد

    8
    0
    0
    الظلم ظلمات يوم القيامة ...... الله كريم
     
  13. minsu

    minsu بـترولـي جـديـد

    6
    0
    0
    alsalam 3laikom e5oy equate forever regarding ur comlaining and wa96a equate mafeha shay esma w96a hatha 1 athnen yama rado nas 3ndhom wa96at w akther employee ma3ndhom wa96a bas you dont have luck ow yemken as per what i heard they send the CV to other K companies who is ineed of employees but since you are in IT it is hard to have employees in this department since they are full so the best way is to visit EQUATE and check and inshallah they will hired you

    thank you
     
  14. EQUATE_FOREVER

    EQUATE_FOREVER بـترولـي جـديـد

    8
    0
    0
    1. وعليكم السلام و رحمة الله و بركاته

    2. I think it will be better if you wrote either in arabic or english, because there is alot of mistakes in your writing, which make misunderstanding some time.*

    3. I don't know why people writing comments without reading the subject !!!! *"IM NOT COMPLAINING BECAUSE THEY DIDN'T SELECT ME" are we clear ? should I repeat it again ? so please read *what I wrote and you will understant!

    4. You said: "*IT it is hard to have employees" , you said that base on what ?!!*
    last ad there was 5 IT jobs !! everytime there is IT job , I don't know from where you got this information!!!*

    5. Thank you.
     
  15. مشمش

    مشمش بـترولـي جـديـد

    43
    0
    0
    الي يقول انه ايكويت ما يبيلها واسطه
    أقوله ما عنده سالفه

    وشكرا
     
  16. بـحـــــــــــر

    بـحـــــــــــر بـترولـي نشيط

    110
    0
    0
    الواضح انه هناك لبس كثير بالطرح والنقل ولا اريد ان اطيل
    اخي العزيز شهادتك الجامعيه من وين وكم معدلك
    اخبرنا ولكل حادثه حديث
     
  17. EQUATE_FOREVER

    EQUATE_FOREVER بـترولـي جـديـد

    8
    0
    0
    أخي بحر ... أعتقد إنك ما قرأت اللي أنا كتبته عدل ... راح أحط لك إقتباس منه :

    " إتصدقون !! مره دخلت السايت و قدمت و حطيت بيانات وهمية يعني حطيت المعدل إمتياز .... الخ و حطيت رقم تلفوني ....

    إتصدقون ما إتصلوا !!!!!!!!!!!!! "

    بمعني ... أنني ادخل السايب و أكتب إني خريج جامعة الكويت و إن معدلي إمتياز و كل شيء عال العال و محد يتصل و سويتها أكثر من مره ....

    أخي الكريم أتمنى منك إنك أنت تجرب أول ما ينزل إعلان على السايت قدم على أي شيء و إكتب إن معدلك 4 نقاط .. و شوف يصير شيء و إلا لا !!!!

    هذا النقطه اللي كررتها أكثر من مره بس الكل عباله إني أقول ليش ما أقبلوني

    شاكر لك ردك
     
  18. Kuwait00

    Kuwait00 بـترولـي نشيط

    Dear friend,
    Do not give up. Try to get in to Equate from their back door (through a contracting company, like KDSC: http://kdsc-kuwait.com). Equate hires lots of people through KDSC (I guess they like to try before they buy) – If they (Equate) like you performance, they would ask you to resign from KDSC and hire you. Please contact KDSC by phone (I would not email them – phone calls are more effective find).
    Again do NOT give up. All the best to you.
     
  19. EQUATE_FOREVER

    EQUATE_FOREVER بـترولـي جـديـد

    8
    0
    0

    Thank you very much for this useful information... I realy appreciate your help
    :)

    بدال ما ألاقي حل للمشكله صار موضوعي مشكله الظاهر ... عموما :

    أشكر كل من كتب رد و أسأل الله أني يجزي المحسنين بالإحسان و المسيئين ( ماراح أقول بالإساءه ) بالغفران .


    أتمنى إغلاق الموضوع


    شكرا .
     
جاري تحميل الصفحة...
حالة الموضوع:
مغلق

مشاركة هذه الصفحة