كويتيين ملطشة صرنا وين انروح حق منو نشتكي بعد الله

الكاتب : santafe | المشاهدات : 1,388 | الردود : 12 | ‏9 نوفمبر 2010
  1. santafe

    santafe بـترولـي مميز

    717
    3
    18
    اربع كويتيين جاءهم اخطار تفنيش من جهة عمل بحجة المشروع انتهى العقد مع نفط الكويت وصارلنا أكثر من أسبوعين انروح علشان نتوظف في شركات ثانية يقولون احنا ما عندنا مشكلة في توظيفكم بس نبي منكم كتاب من نفط الكويت لا مانع من التحويل انروح لنفط الكويت يقول مالهم حق الشركة بان تفنشكم ولازم يردونكم ويدزون خطابات حق الشركة الي فنشتنا والشركة تبعث كتاب الى نفط الكويت يفيد بان لا توجد اماكن لتحويلهم وهذا يبعث كتاب وهذاك يرد بكتاب واحنا صايرين ملطشة يارايحن النقابة والنقابة تبي ترفع كتاب لنفط الكويت ونفط الكويت تبي تضغط على الشركة على انهم يردونا وصايرة خبيصة بيناتهم وكل واحد يبي يبين عضلاته والكل يتكلم عن القانون وكل واحد يقول الزين عندي والوقت مو من صالحنا كل واحد يعيل اسرة وعندنا التزامات مالية يعني اذا تأخرنا وخاصة البنوك ناطرين شارة علينا والله المستعان.


    مؤسسة البترول الكويتية وشركاتها

    إيمانا من مجلس إدارة مؤسسة البترول الكويتية بضرورة وأهمية الاعتماد على العناصر الوطنية فقد أصدر المجلس قراراً برقم ( 23 ) لسنة 2002 بجلسته المنعقدة بتاريخ 22 /4 / 2002 والذي نص على التالي :

    إلزام المقاولين المنفذين لمشاريع المؤسسة وشركاتها التابعة بتعيين العمالة الوطنية حسب النسب والأعداد المتفق عليها في كل شركة ، على ألا تقل نسبة الكويتيين عن 25% من إجمالي العمالة الماهرة وشبه الماهرة .

    ومن أجل ضمان مستقبل أفضل للعمالة الوطنية ، ورغبة في إتاحة فرص عمل أكبر وفتح مجالات أكثر وأوسع أمام الشباب الكويتي من خلال العقود التي تبرم مع المقاولين في نطاق العمل في القطاع النفطي فقد تم تخصيص هذا الموقع للتوظيف من خلال مؤسسة البترول الكويتية لإعطاء فرصة للراغبين في العمل من خلال عقود المقاولين بالقطاع النفطي لتسجيل طلباتهم عبر شبكة الانترنت ، وكذلك متابعة سير الطلب الخاص بكل متقدم على حده .
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الكويتيين ماهم ملطشه

    يابو محمد انت اكثر واحد شفت بعيونك وتعرف شنو صاير لكن خلك بكره الساعه 9 عند سعود جمعه فى شركه نفط الكويت وانا كلمته اليوم وقالى عندى وبكره الموضوع محلول عشان جذى ابيك بكره تكون موجود وتشوف بعينك ولا تتشائم يابو محمد وشباب الكويت ماهم ملطشه وانت عارف البير وقطاه على العموم وعدنا بكره ولاخ مصطفى كلمنى وقلتله هالكلام ... انا يوم شفت الموضوع استغربت منه وادرى انه موضوعكم بينحل وانا واثق من كلامى انشالله ومشكور
     
  3. santafe

    santafe بـترولـي مميز

    717
    3
    18
    اصلا انت يا ابو عبد الهادي ما عليك غبار انت بيضتها انشهد انك سنافي والله ورايتك مرفوعة دائما وانك رجل بمعنى الكلمة
     
  4. Safety First

    Safety First بـترولـي خـاص أعضاء الشرف

    الشكوه لغير الله مذله


    ربي يوفقك أخي الكريم
     
  5. faisa.238l

    faisa.238l بـترولـي جـديـد

    3
    0
    0
    الله يكون في عونكم والله يستر علينا والله ان يدينا علا قلبونا ليجي يوم ويقبضونا الباب مافيه قانون يحمينا
     
  6. faisa.238l

    faisa.238l بـترولـي جـديـد

    3
    0
    0
    ويقضبونا
    :D
     
  7. موهند

    موهند بـترولـي جـديـد

    23
    0
    0
    santafe بشر شنو صار معك؟
     
  8. santafe

    santafe بـترولـي مميز

    717
    3
    18
    والله يا خوي مهند كل خير انشالله سالم العجمي مو مقصر معانا والله يكثر من أمثالة والرجال يشهدالله على ما اقوله ،من يوم ما بلغناه عن التفنيش وهو كل يوم عند نفط الكويت يكلم المسؤولين وجزاه الله ألف خير بس ما توقعته منه هذا العمل الي يقوم فيه بس يا خوي موهند انا لما رحت النقابة وهذه اول مرة اروح هالمكان اسالهم عن الرئيس النقابة وين كنت ابي اشتكي وصارلي أكثر من أسبوعين ادورة مو محصلة علشان الموضوع كل واحد يقول مانشوفه صارلنا مدة طويلة ما يتردد على النقابة عيل ليش صاير رئيس ماني فاهم بس انشالله خير ابو عبدالهادي ماقصر معنا وراية بيضاء انشالله
     
  9. الحيدري

    الحيدري بـترولـي نشيط

    51
    0
    0
    اخوي سنتافي مااقول الا الله يكون في عونكم وماعليك الله معك انشاء وعلى قلوتهم ولكل مجتهد نصيب وابو عبدالهادي كفو ويستاهل البيضاء
     
  10. santafe

    santafe بـترولـي مميز

    717
    3
    18
    كلمة حق لازم تنقال ليسجل والله شهيد على ما أقول التاريخ تلك المواقف النبيلة والمشرفة من سالم العجمي حقيقتا وقفى لا تنسى اليوم هو أسعد أيامي بصراحة الي سمعت من شخص كان بالامس قالي بالحرف الواحد قالي انتوا خلاص متفنشين مافي ردة لكم ، اليوم في تمام الساعة 10 صباحا بتاريخ 11/11/2010 اسمعوا يا شباب الي ايادي خفية تراهنت على عدم مقدرة النقابة في استرجاع الكويتين مرة أخرى أقول لهم اليوم الشخص الذي فنشني وقد صمم على ذلك التفنيش يقول بعد العيد سوف تباشر عملك مع عدم استقطاع اي من الراتب والي مومصدق هذا رقم تلفوني 66242567 ابو محمد فشكرا لسالم العجمي وشكرا لنقابة الموقر وشكرا لنفط الكويت قصدي حكومة شركة نفط الكويت شكرا للسيد مدير الحفر التطويري عياد الكندري وشكرا للسيد رئيس الفريق العمل سعود جمعة والى جميع المهندسين في جهاز الحفر رقم 1 والى كافة الاخوان الذين ساندونا ووقفوا بجانب ابنائهم وقفة رجل واحد تجاه المقاول وقد كشرت انيابها شركة نفط الكويت ونقابة القطاع النفطي الخاص لهم ، نيابة عن زملائي الافاضل اوجه تحية واحترام وتقدير وحب واخلاص لكم جميعا نعم لتبقى كويت العز وكويت الحرية والسلام ختام .


    ونحن ابناء الكويت الواعد
     
  11. عمار يوسف ناصر

    عمار يوسف ناصر بـترولـي جـديـد

    22
    0
    0
    نفس اللى حصل معاى فى سنة 2008 ما كو أمان وظيفى للكويتى وأتمنى تفعيل دور نقابة العاملين فى القطاع النفطى الخاص وتطبيق لوائح العمل فى القطاع النفطى واعطاء كافة البدلات للموظفين الكويتيين.
     
  12. friday

    friday بـترولـي جـديـد

    4
    0
    0
    انا قدمت استقالتي ورحت وزارة الحمدلله افتكيت
     
  13. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    للاهميه

    يااخوان اذا فيه احد تعرض للظلم فى عمله لا يسكت ويتصل فينا واحنا نردله حقه بأذن الله فالنقابه هى موجوده لدفاع عن حقوق العاملين فى القطاع النفطى الخاص ....

    الرجاء من اى شخص يتعرض الى اساءه فى شركته الاتصال بالنقابه وشكرا ...
     
جاري تحميل الصفحة...

مشاركة هذه الصفحة