مشاكل الموظفين ومعاناتهم

وعليكم السلام ورحمة الله وبركاته

ويا هلا فيك وحياك الله معانا في المنتدى
أسعدنا انضمامك الكريم
مع تمنياتنا لك بالإفاده والاستفاده
وبداية موفقة وعساها مو آخر مشاركة

 

ما شاء الله عليك يا dehen_3ood
رقم عضويتك 92

ما شاء الله

الله يوفقك

 

مشكلتي يا طويل العمر التفرقه بين الموظفين خاصه بالاتزام بالدوام
انت اللي تيي مبجر وينكسر ظهرك على المكتب وانت تشتغل وما تطلع الا اخر الدوام يا ويلك ان تاخرت 5 دقايق وتحقيق اذا بغيت تستاذن وغصب عليك ترجع الدوام حتى لو كنت رايح الديره وما يمديك ترجع الا قبل نص ساعه من الدوام ما تقولي شنو بسوي بهالنص ساعه واذا ما تبي ترجع قدم اجازه على اخر ساعتين مو ظلم
والناس البطاليه اللي ما منهم فايده حلال عليهم يتاخرون يدشون ويطلوعون على كيفهم محد يقولهم شي

لا واللي العن ان لو انت تحركت من مكانك حتى لو حق شغل قامو يدورون عليك جنك منحاش ولا يكون اييك احد يقعد يسولف وياك جنك قاعد في سجن انفرادي
والبطاليه عادي يسوون دواوين وسوالف وضحك بصوت عالي محد يقولهم شي

وانت المسكين يتكود عليك الشغل واللي معاك بالقسم يتفرفر من مكتب لي مكتب حش وقرقه وبلعه ما يبي يشتغل اشكله يرفضون الشغل ومحد يحاسبها وانت خلك موت من ضغط الشغل محد يساعدك
واذا اخذت طبيه حتى لو مره وحده بالسنه ما ينسونلك اياها بالتقرير السنوي وفي ناس ما ينشافون طول السنه وتقاريرهم احسن منا

والا الكورسات والبونس كله حق اللي ما يشتغل شنو هالظلم يا جماعه ويين شغلي طول السنه ليش يروح حق انسان مايستاهل ماخذ معاشه حرام في بطنه

سامحوني اذا طولت وهذا شيء من لا شيء
وعلى قولتهم قلبي متروسه والصفحه خلصت

 

حاسة فيييج ......حاسة فيييج
شنسوي بعد ...اللي مكتوب على الجبين لازم تشووووووووووووووفه العين

اللي علينا نسويه ....

 

حياك الله اخوي مستكشف بس اتمنى اللي ذبحك من الحنه عالدشه ماكان غلطان لان نفس ماانت عارف المنتدى متنفس للموظف عشان يقول اللي بقلبه واحنا اهني كلنا اخوان لا تحاتي وهم اعيد واقول نسعى للمصلحه العامه مو الشخصيه وحياك الله مره ثانيه
وان شاء الله تتحفنا بمواضيعك وردودك.

 

ههههههههه حياك الله حبيبي مستكشف مره ثانيه وان شاء الله عن طريق هالمنتدى الممتاز نقدر نوصل ولو شي بسيط عن مشاكلنا

والله يكون بالعون

 

هذا بكل مكاان بس يجب علينا ان نقف بوجه كل

 

أخي المستكشف


وعليكم السلام ورحمة الله وبركاته



حياك الله معنا في المنتدي ونتمني نستفيد منك ونفيدك



دمت بود

 

مشكور اخ مستكشف على الرد
بصراحه انا كنت احب دوامي وكنت اشتغل وادور الشغل دواره واكسر ظهري واتعب نفسي حتى لو كنت تعبانه وما كنت انتظر اي مقابل بس للاسف لما شفت مافي تقدير حتى لو بسيط صار ما عندي حافز اني اشتغل بدون زياده وصار شغلي بس علشان احلل معاشي مو اكثر واشغل وقتي

المشكله الاعظم ان الي ما يشتغل ولا يعرف الدوام شلون صاير اهو اللي يترقى واهو مو عارف كوعه من بوعه بالله ما تقولون لي شلون بيدير الشغل لا وعقب ما يمسك الكرسي يطلع حرته فيك يعني مو كافي انه ماخذ مكانك هم يتفلسف عليك و ينتقم منك

بصراحه صارت اوضاع الشركه تبجي بس الواحد شيقول غير الله كريم وحسبي الله ونعم الوكيل

 

صباح/مساء الخير على كل الموجودين.......

بصراحه الموضوع جدا جميل وأشكر صاحب الفكره على طرح مثل هالموضوع لأن كثير من العاملين يواجهون ويعانون من هذي المصيبه وللأسف أن اللي مايشتغل -ولايحلل معاشه اللي ياكله هو وعياله وبيته- تلاقيه مرتااااااااااااااااح والمسؤولين مايعطونه شغل ولايكلفونه بأي مهمه او انجاز ولما تسألهم طيب فلان أو فلانه معانا بالقسم ليش ماتعطون شغل ترى ضغطتونا بالشغل ياجماعه يامسؤولين...توقع شنو الرد يكون للأسف يرد عليك يقولك يامعود هذا أو هذي مايداوم والشغل يتعطل عنده وكله متأخر ومرضيات وتزريق والشغل يتأخر ومايخلص ونتوهق !!!!!!!!!!!!!!!!!!!!!!!!! يعني هذا رد من مسؤول المفروض أنه يعرف شلون يتصرف مع ناس ماتبي الشغل..ياخي يقعد في بيتهم ويجي غيره مو لاقي شغل وينجز أحسن منه.....والمصيبه الأكبر والطامه أن حالك حله شنو تاخذ هو مثلك..........


لكن أهم شي الواحد يحلل معاشه والله المستعان .

 

حياك الله اخوي مستكشف بين اخوانك وخواتك
ونتشرف بمعرفتك وانضمامك لنا

انا مشكلتي تيم ليدري ... مزهقني عيشتي ... ومن اول يوم قالي انا ماني بحاجتج بالقسم بس قعدني
مع انه يتني الفرصه اني اروح اماكن وااايد غير المكان اللي انا فيه
بس قلت لأ هالتيم ليدر لازم اسويله فورمات واعاده تربيه اقصد اعاده برمجه

والله قاعده على قلبه .. الحمدلله اشتغل شغلي على اتم وجهه واللي يبيه يصير بس بنفس الوقت اي شي يضايقه وماله علاقه بالدوام اسويه
وابسط شي انه مايحب الضحك يعني انا بالذات ليش كله اضحك يقولي مابي اشوفج تضحكين وين قاعدين اخوي؟؟
فشومي شتسوي؟؟؟ ... تقوم كل ماتمر عند مكتبه تضحك جذي واهو يتنرفز ويعصب جذي

كااااااااااااك والله اعرف ارفع ضغطه ... ياخطيره ياشومي

عالعموم موضوعك بطل جروحي ياخوي بس هم ماقصرت
وحياك الله مرة ثانيه

تقبل مشاركتي
تحياتي

 

ما اقدر اقول غير
ولكم بالقطاع النفطي

 

كسروا مياديفي حسبي الله على اللي كان السبب ومثل ما قلت قاعد اشوف غيري حاط ريل على ريل وياخذ قريد وبونص وانا قاعد جذي بس خلني افيدك بشغله على الاقل تهون عليك مصيبتك

شوف شنو الشغل اللي يتعلق في مسماك الوظيفي وحاول تسويه واذا بتزيد من عندك هذا شأنك ، انا مو قاعد اقولك تمرد ولا لا تشتغل بالعكس بس انا صدقني قاعد احاول اخفف عليك او اوصلك اني انا سويت جذي والحمد لله ارتحت

طبعا بعد ما انقلبت من انسان حافر الممرات بريله وايده سوده من الكمبيوتر والاوراق صرت انسان شغلي عادي وبارد والكل ملاحظ في دائرتي هالشئ والكل ياني واسالوني يا فلان شفيك شصاير فيك وطبعا وصلت بصوره غير مباشره اني كنت اشتغل شحصلت والحين قاعد مرتاح نفس الشئ وعلى فكره هم وصلت بصوره غير مباشره اني زعلان وان اللي قاعد يصير لي مو عاجبني وظلم ولا قعدت في مكان واستانس على فكره لا شفت بعض الناس اللي تقول عنهم يترقون بدون شغل واشكره اقوله انت ترقيت بواسطه وانت ما تشتغل وصار لساني شويه طويل وما قمت اخاف او ما اداري شعور احد من هالاشخاص


صار معاي نفس الشي - تدري هذا اللي ما يشتغل ليش ياخذ قريد وبونص - هذا لانه متفرغ وما عنده شغل ومركز على اقريد والبونس متا يحين وقتهم نط على المسئول وحن عليه ودبر واسطته - قسم بالله انا نسيت نفسي وايد وكنت مركز على الشغل وكل الاس او بي فري جوود وفري جوود بس وعندي اوت ستاندمج واللي كنت ادربهم ونعرف انهم ما يشتغلون والا اس او بي مالهم اي شي جود ونازل خذو الترقيه - مشكلتي اني عرفت الطبخه متأخر المهم دبرت واسطتي وخذيت الدرجه الي ابيها - تفاجأت الناس اللي مثلك وشرواك وتعرفني عدل قامت تباركلي وفرحانين والكل يقولي انت والله تستاهل - ياني مسئولي قال سو عزيمه قتله سوري انا الجريد يايبه بواسطه ولو يايني من طيب خاطر جان سويت - بس سوري جريدي يبته بذراعي - اندقر \\


بالتوفيق اجمعين

 

يا جماعه الواسطه كل شي بالشركة صج القهر انك تكرف و الي جدامك يقره جرايد و التقارير نفس الشي بس مقيوله كل مدير وله شلته و جماعته و اذا طالبنه ابشي قالو ماكو ميزانية ابي اعرف الميزانية بس عليكم الله كريم

 

البعثات الدراسية الخاصة بلعاملين

أنا مو باط جبدي غير موضوع البعثات حق 6000 موضف كرسيين بس ، أنا عندي عقدة نفسية لأني مو قادر أصدق إن هالكرسيين ينبعثون من غير واسطة

بس ودي أعرف شنو وضع الراتب لما الواحد يروح بعثة على النفط ؟