الشباب الي مقدمين على بعثة بريطانيا

الكاتب : abdularahman | المشاهدات : 3,360 | الردود : 25 | ‏6 نوفمبر 2010
  1. abdularahman

    abdularahman بـترولـي جـديـد

    19
    0
    0
    :mad::mad::mad:

    ماصارت
    الشركة طولت علينا
    من شهر 9 مقدمين عددنا مايطوف الـ50 واحد
    شدعوه ليلحينهم يفرزون الطلبات ؟
    التعليم العالي والله 1500 واحد يقدمون يطلع قبولهم بنفس الأسبوع
    ما أدري ليش جذي الشركة قاعدين يعلقون ويعطلون الطلبة الخريجين عن فرصهم في الاماكن الثانية
    أنا ماقدمت عالتعليم العالي شهر 6 والسبب أني ناطر بعثة الشركة صارلي 3 سنين وانا بالثانوية اشوف اعلانهم ينزل مرتين بالسنة
    غير هذا طوفت على نفسي فرصتين بالجيش والمطافي وأنا أنطرهم يردون علي لأن رغبتي الأولى أني أكون بالبحرية التجارية ومافي مكان غير الشركة يدزون هذا التخصص
    نزل اعلانهم وسجلت وملفي كامل ونسبتي الحمدالله عالية بس والله ماصارت
    قبل اسبوعين نزل اعلان البعثات الثاني للتعليم العالي وقلت كافي تضييع فرص وقدمنا عليهم انا وربعي الي مقدمين عالشركة والحمدالله كلها اسبوع واحد وانقبلنا بأمريكا كلنا بدون لا توفل ولا ايلتز ولا حتى مقابلة شخصية والحين بنسافر هالشهرين واذا يا موعد سفر التعليم العالي والشركة ليلحينهم ماردولنا خبر أشكرة بنسافر وماراح ننطرهم



    ما أدري ليش أحس أنهم قاعدين يضيعون كفائات من ايدهم :cool:
     
  2. abdularahman

    abdularahman بـترولـي جـديـد

    19
    0
    0
    أتمنى الي يدرس ببريطانيا حاليا على الشركة يرد عالموضوع عندي جم سؤال بس عن البعثة والدراسة
     
  3. sanjoob

    sanjoob بـترولـي جـديـد

    12
    0
    0
    انا قدمت على البعثة ورحت اليوم الامتحان الصبح وباجر بعد في امتحان ... اتوقع انت ويانا كنت اليوم صح ؟
     
  4. abdularahman

    abdularahman بـترولـي جـديـد

    19
    0
    0
    لا والله ماكنت معاكم بس خلاص عرفت شالسالفة..طلعو ماشيين بالترتيب..امتحاني ورا العيد :D
    شلونه عاد امتحان الانجليزي ..يقولون تافه ؟
     
  5. sanjoob

    sanjoob بـترولـي جـديـد

    12
    0
    0
    اي يبااا حده تافه وسخيييييف :p
    وموفق انشالله
     
  6. nagror_maqhor

    nagror_maqhor بـترولـي جـديـد

    37
    0
    0
    الله يعينكم شباب بعدكم ما شفتو شي و احنا السابقون و انتم اللاحقون
     
  7. sanjoob

    sanjoob بـترولـي جـديـد

    12
    0
    0
    ليش شدعوة اخوي لهالدرجة الشغله مو شي ومو مريحه :(
     
  8. nagror_maqhor

    nagror_maqhor بـترولـي جـديـد

    37
    0
    0
    من ناحية تعب تعب بس هذا شي متوقع من شغل مثل هالنوع بس الي يقهر كميه الظلم و هضم الحقوق الواضحة و الصريحة الي مستحيل اي موظف كويتي ينحرم منها الا بهذي الشركة
     
  9. sanjoob

    sanjoob بـترولـي جـديـد

    12
    0
    0
    انزين ومافي امل هالظلم يروح :(
     
  10. nagror_maqhor

    nagror_maqhor بـترولـي جـديـد

    37
    0
    0
  11. abdularahman

    abdularahman بـترولـي جـديـد

    19
    0
    0
    أخوي nagror_maqhor ..
    أنا شايف أن الرواتب صج أنها مو أعلى من رواتب المهندسين بالبر بس بالنهاية تعتبر رواتب عالية وزينة..والي أهم من الرواتب أنك انت تكون حاب الوظيفة واحنا أغلبنا مقدمين علشان الوظيفة نفسها مو علشان الرواتب..
    وفترة الدوام ندري انها 4 شهور بـ3 بدون اجازات ومستحيل أصلا يعطونا اجازات بوظيفة مثل هذي لأن الشركة تحتاج الي يشغل اسطولها 24 ساعه ..
    احنا قبل لا نقدم قالو لنا كل شي عن الوظيفة والرواتب ومن هالحجي..وفي ناس انسحبت..
    وبعد جم يوم بيطلعونا احنا المتقدمين رحلات على البواخر يورونا طبيعة الشغل والحياة بالبحر علشان الي مايعجبه الوضع ينسحب قبل لاتبدي الدراسة ومايقعد يلوم الشركة بعدين.
    يمكن انتو مظلومين لأنكم ودوكم تدرسون علطول وانتو ماتعرفون شي عن الشغل ..بس في بعضكم الي درسو على حسابهم مادري يمكن انت منهم ليش مابحثو واستفسرو قبل لايدشون مجال مثل هذا؟؟.
    أنا أشوف احنا ماراح ننظلم بالشركة لأن احنا رايحين لهم بريولنا مقدمين عالإعلان ونبهونا أكثر من مرة على طريقة الشغل والي ماعجبه انسحب..والباجي وافقو
    وبما أن اعلان البعثة كانت النسبة 65% هالسنة أغلب المتقدمين كانو من الناس الي انسدت بويوههم لاجامعة تقبلهم ولا ضباط ولا شي نصهم سحبو اوراقهم من التطبيقي وقدمو...يعني بالنهاية مجبورين يتقبلون الشغل لأنها فرصة كبيرة صارت لهم.
     
  12. nagror_maqhor

    nagror_maqhor بـترولـي جـديـد

    37
    0
    0
    أخوي عبدالرحمن اقولك من الاخير
    القانون الكويتي البحري و الخاص و النفطي و القانون الدولي و لوائح مؤسسة البترول كلها تنص نص واضح ان البحار له الحق ببدل عن العطل الرسميىة و ياخذ اوفرتايم عليها بالاضافه لمميزات و حقوق وايد ضايعه و مستحيل يعلمونك عن الاشياء هذي اذا انت راضي ابسط حقوقك تروح عليك مو مشكله بس لازم باجي المقدمين يعرفون
     
  13. abdularahman

    abdularahman بـترولـي جـديـد

    19
    0
    0
    من ناحيتي مافرقت ..بس وين نقابتكم إلي انتو انتخبتوهم ؟
     
  14. q8_74

    q8_74 بـترولـي جـديـد

    1
    0
    0
    الشباب الي يشترون شهايد التوفل والآيلز من الأردن والبحرين والإمارات ممكن يعطونا اسامي هذي المعاهد وشكرا ولا تقولولي ما ندري نص الي رايحين البعثاث شارينها ولا في ناس ما تعرف اي بالإنجليزي تييب 700اشدعوه لو امه امريكية ما يابها الدرجة والي يبي يطيح على صاحبه شاري الشهادة ولا لأ اشيك عليه عن طريق المطار ورتح ينصدم وترا على فكرة السالفة ما تاخذ وقت كلها يومين الى ثلاثة ايام
    بانتظاركم
     
  15. abdularahman

    abdularahman بـترولـي جـديـد

    19
    0
    0
    أخوي الشهادة فيها رقم سري تقدر تجيك عليه من أي مكان بالعالم...وفي قنصلية بريطانية بالكويت..لما تقدم الشهادة على جهة , راح يطابقون الرقم السري مع القنصلية البريطانيه,يعني مالك أمل , وحتى لو حصل وقدرت تطوف منها,في مقابلة شخصية بالانجليزي وفي اختبارات انجليزي يعني انسى الموضوع..
    واذا الجهة الي انت مقدم عليها ماطابقت الرقم , الجامعه ماتقبلك الا لما يتأكدون أن هذي الشهادة صجية
    و على فكرة رفيجي دخل معاي التوفل امتحننا مع بعض ياب 1200 من 1400 ترا الموضوع بسيط مافيها شي مو معجزة اهي الناس مستويات :)
    وبعدين يا أخوي " كل مابني على باطل فهو باطل " وحلات الشي تاخذه بمجهودك الشخصي ..
    الله يهديك انشالله
     
  16. Seven_KOTC

    Seven_KOTC بـترولـي جـديـد

    9
    0
    0
    اووف والله طولتوا
    شلون تعامل الموظفين معاكم
    واحد العام يقول حدهم نفسية
     
  17. abdularahman

    abdularahman بـترولـي جـديـد

    19
    0
    0
    والله أول ماقدمنا كان علبالنا جذي لأن عددنا كان كبير حيل لأنهم نزلو نسبة القبول من 75% صارت 65%
    بس لا والله نفسياتهم حلوة وتعاملهم معانا راقي مايقصرون ومكاتبهم مبطلة يستقبلونا بأي وقت
    الموظفين الي مشرفين علينا الله يعينهم ماسكين ألف شغلة وشغلة بالشركة غير شغلنا احنا الطلبة الله يعطيهم العافية الصراحة
    واحنا الحين خلاص بالمراحل الأخيرة والسفر قريب بس طولو شوي لأن أول مرة يقدم عليهم عدد كبير
    عموما ليلحيننا بقى لنا امتحان..مابين منو الي مقبول فينا
     
  18. Seven_KOTC

    Seven_KOTC بـترولـي جـديـد

    9
    0
    0
    الله يوفقكم ويعطيكم العافية
    السنة الي طافت اشتكى لي صديق ابنه مقدم ان تعاملهم كان ناشف
    والي سمعته انهم هالسنة غيروا المجموعة الي تتعامل مع البعثات كليا لهالاسباب
    بس حقيقة مادري منو الي ماسكم هالسنة بالضبط فما اقدر احكم
     
  19. abdularahman

    abdularahman بـترولـي جـديـد

    19
    0
    0
    يوفقنا ويوفقكم أجمعين انشالله
    يمكن والله ماعندي فكرة الصراحة عن لجنة العام بس الي حالياً ماسكين الشغل وايد زينين ويعطيهم العافية وأعتقد بينهم موظفين يدد على الشركة
    أهم بس مشكلتهم الوحيدة التأخير وايد ضيعو وقت يعني ربعنا الي على التعليم العالي بأمريكا خلصو كورس لغة وخلصو كورس الجامعه الأول والحين بلشو بالكورس الثاني يعني خلصو ثلاث كورسات واحنا ليلحيننا بالكويت
    أهو صج أن التأخير مو بإيدهم نوعا ما بس هم حرام احنا طلبة يعطلوننا جذي من شهر 6 متخرجين من الثانوية ومجابلين البيت
     
  20. Seven_KOTC

    Seven_KOTC بـترولـي جـديـد

    9
    0
    0
    التعليم العالي غير وزارة كاملة هذا شغلها بس الشركة البعثات تابعة لقسم او ادارة بجروب يعني جم موظف
    والي اعرفه ان عادة يسفرونكم شهر فبراير او اخر يناير وحتى الاعلان ينزل مع بداية السنة الدراسية يعني بسبتمبر ماينزلونة خلال الصيف لان اغلب المدراء الي اهما اعضاء اللجنة باجازات اما التعليم العالي فمن تطلع نتايج الثانوية وضعهم غير
    عموما انا بستفسر منو هالسنة ماسكين البعثات وبستفسر منهم عن الوضع
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,587
  2. المحرر النفطي
    الردود:
    0
    المشاهدات:
    2,741
  3. المحرر النفطي
    الردود:
    0
    المشاهدات:
    6,976
  4. قائمة التطوير
    الردود:
    1
    المشاهدات:
    7,999
  5. المحرر النفطي
    الردود:
    0
    المشاهدات:
    6,900

مشاركة هذه الصفحة