سؤال عن التامينات

الكاتب : rig | المشاهدات : 935 | الردود : 8 | ‏4 نوفمبر 2010
  1. rig

    rig بـترولـي نشيط جدا

    177
    2
    0



    السلام عليكم ورحمة الله وبركاته



    اخواني عندي جم سؤال عن التامينات الاجتماعية اتمني الاقي لها جواب


    1. سمعت انه التقاعد بالنسبة للي يداومون بالارياق ( يتقاعدون عقب 15 سنه ) صحيح هالكلام ؟


    2. سمعت انه لازم اكمل 5 سنوات خدمة في الوظيفة بالقطاع الخاص علشان تحتسب لي خدمه واذا اقل من 5 سنين يعطوني فلوس المده الي قعدت فيها وتضيع علي الخدمه الي اقل من 5 سنين صحيح هالكلام ؟


    فرضان تميت بالوظيقه 4 سنين وبطلع ومابي استلم فلوس التامينات ابي خدمه اكمل عليها واتقاعد مايصير ؟


    وشكراا
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    مرحبا اخوى rig بالنسبه لسؤال الاول اذا كانت الشركه مسجلتك فى الاعمال الخطره يكون التقاعد بعد 20 سنه خدمه وانا اعتقد انه شركه برقان والكى دى سى والصينيه مسجلين اللى يشتغلون فى الارياق ضمن الاعمال الاداريه يعنى ليسو مسجلين على بند الاعمال الشاقه او الخطره وهذا مخالف للقانون

    جواب الثانى هذا الكلام غير صحيح مدام الشركه تدفع الاشتراكات الشهريه للموظف فى التامينات الاجتماعيه يعنى تنحسب الفتره لو كانت اقل من 5 سنوات بغض النظر عن مده الخدمه سواء سنه او خمس سنوات

    الجواب الثالث تقدر تكمل وتنحسب لك خدمه 4 سنوات من غير ماتأخذ فلوس التامينات وهذا حقك وشكرا
     
  3. rig

    rig بـترولـي نشيط جدا

    177
    2
    0
    يزاك الله الف خير وبيض الله ويهك استاذي الفاضل


    والله كلمة حق تنقال في حقك انك الشخص المناسب للمكان المناسب ... بارك الله فيك وعساك عالقوة


    وبخصوص اسئلتي كنت عارف اجوبتها بس للاسف يانا بوشلاخ الدوام توه موظفينه عندنا والمشكلة احنا نصدقه وظاهر هذي قطه من قطاته الي ما تخلص :)


    عفسنا الله يهداه


    شكراا مرا ثانية اخي سالم
     
  4. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الاخ العزيز rig

    حياك اخوى ريق ومشكور على كلامك الطيب وفى اى وقت انا تحت امرك فى اى شى اقدر عليه او اعرفه ....
     
  5. rig

    rig بـترولـي نشيط جدا

    177
    2
    0
    يزاك الله خير


    ومليون نعم فيك والله لك مواقف مشرفه سواء بمساعده اخوانك او حتي بالرد عليهم ونصحهم


    بارك الله فيك وتلقاه انشاء الله بميزان اعمالك
     
  6. مهموم

    مهموم بـترولـي نشيط جدا

    261
    0
    0
    اخوي سالم جزاك الله خير والله يقدرك على خدمة زملائك في القطاع النفطي الخاص وعندي نصيحه ياليت يتم تبني فكرة عمل كتيب للعاملين يوضح لهم حقوقهم وواجباتهم مع عقد ندوه في النقابه ودعوتهم لبيان هذا الامر لانه لا يخفى عليك يا اخي الفاضل جهل العديد منهم بهذا الامر وخصوصا انه يوجد منهم كبار في السن او شباب جديد تنقصهم الدرايه بحقوقهم وانت جزاك الله خير قاعد تتابع امورهم وتساعد باللي تقدر عليه من خلال نقابتكم الموقره ولكن اقول لك من خلال متابعتي المتواضعه للساحه انه يوجد العديد من العاملين ما عندهم درايه بحقوقهم او حتى ما يدرون ان لهم نقابه تمثلهم فيا ليت تكون مبادره منك يا اخ سالم انت ومجلس نقابتكم الموقر وترى اليوم انت موجود وبكره بتقاعد ومن غير قصور في الاخوه الموجودين سن هذه السنه الحسنه حتى يتكون جيل فاهم حقوقه والا يستغل من قبل بعض الشركات الجشعه ولك مني وافر الشكر
     
  7. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    شكرا اخى مهموم



    شكرا اخى العزيز مهموم وفكرتك وصلت وان شاء لله كل الى قلته بااقرب وقت بيصير لكن تعلم اخى العزيز انه منذ تأسيس النقابه فى عام 2007 الى الان لم تستقر النقابه وان شاء الله فى القريب العاجل ننتظر قرار وزارة الشؤون الاجتماعيه بعزل الرئيس السابق للنقابه وذلك لتواريه عن الانظار وعدم حضوره الى مقر النقابه وبعد ذلك سوف نقوم بعقد ندوه للتعريف عن النقابه وماهو دورها وعمل بوسترات وكتيبات تبين حقوق العمال فى القطاع النفطى الخاص .....

    اخى العزيز مهموم الى ابيه منك ومن الاخوان انهم يتحملونا شوى لين تخلص مشاكلنا فى النقابه وبعدين بتشوفون الى يسركم باذن الله وشكرا مره اخرى لك اخوى مهموم
     
  8. مهموم

    مهموم بـترولـي نشيط جدا

    261
    0
    0
    تسلم اخوي سالم والله يعينك على حمل الامانه
     
  9. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    عدل اخوي / سالم ,, وانا متأكد ومليووون ب100 بعد انه هالشركات مسجلين جميع العماله الكويتيه ضمن الاعمال
    الاداريه واللي بلغني بهالشي صديق يعمل ب(وزارة الشئون الاجتماعية والعمل) مدقق حسابات على الشركات
    الخاصه وصرفها لرواتب الموظيفن وعلى كلامه يقول انه لايوجد موظف كويتي يعمل بموقع خارج الاداره !!
    حسبي الله ونعم بهالشركات اللي تلعب وتاكل بحقوق الموظفين !!
    واهم اللي يطلبون من هالشركات بتزويدهم شهادة لمن يهمه الامر للموظف الكويتي بين فتره وفتره ومأذينى فيها ,,

    واي شركات مسجله بالتأمينات (( أكيد )) تدفع الاشتراكات الشهريه للموطف ولايمكن للموظف مباشرة العمل الا
    بشهادة لمن يهمه الامر من التأمينات موجهه للشركه تشهد انه الموظف مسجل بالتأمينات ,,

    واللي اسمعه بخصوص مدة الخدمه وحسبتها .. انه يجب على المؤمن تكميل مده لاتقل عن 5 سنوات لأضافتها
    على الخدمه (( الوظيفه )) الجديده ,, وان اتوقع ان هالشي راجع ويخص المؤمن نفسه"

    وانا اقول لأخوي / rig راجع التأمينات واسألهم للعلم الاكيد ..










     
جاري تحميل الصفحة...

مشاركة هذه الصفحة