لو قطوني في شركة ورفضت العقد شراح يصير ؟

الكاتب : Mech-Eng-Kw | المشاهدات : 1,622 | الردود : 14 | ‏3 نوفمبر 2010
  1. Mech-Eng-Kw

    Mech-Eng-Kw بـترولـي جـديـد

    23
    0
    0
    السلام عليكم ورحمة الله

    في واحد من الشباب قطوه في شركة Pic , وقال انا الصراحة رافض هذي الشركة وكنت حاط رغباتي شركات ثانية ولكن ما قبلوني فيها , واذا رفضت العقد هل اقدر اقدم مرة ثانية على التقديم الجديد ؟ ام تكون فرصة اخيرة وراحت عليه ؟

    وياريت احد الاخوان الي عنده خبرة في هذا الموضوع يعطينا خبر

    شكرا
     
  2. التيم ليدر

    التيم ليدر بـترولـي نشيط

    69
    0
    0
    شركه نفط الكويت
    الكويت
    هلا حيااك الله اخوي
    من المعروف اللي يقدم ويرفض ... ترى رااح يطول او الاحتمال الكبير ماعاادر يقبلونه
     
  3. ربينا سوا

    ربينا سوا بـترولـي خـاص


    إذا سجلت ملاحظة عن سبب رفضة, ستكون صعبة جدا إلا بواسطة دسمة.

    ملاحظة هامة ونصيحة: أرجو منك تغيير (النك)اللي مسمي نفسك فيه (ملك الملوك هو الله سبحانه وتعالى).

    تقبل تحيتي.
     
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    مسمآه الوظيفي شنوه ؟!
    فني ولا أمين ؟؟؟؟؟؟؟؟؟؟؟؟؟
    اذا واحد من الاثنين
    دوامه شعيبه ...
    وصباحي ...............

    شركة عربي صح :)
     
  5. Mechanical Engineer

    Mechanical Engineer بـترولـي نشيط جدا

    359
    0
    0
    ههههههه

    نفس حالتي تماما

    انا قبلوني و دقوا علي و قالتلي الموظفه الحين الحين تيي توقع العقد

    شكله العموم منحاش منهم


    انا كذلك بس ما قلتلهم رافض سحبت عليهم
    لانه حاط ببالي شركات معينه اتوظف فيها بس طلع يقطونك يا عشوائيا او على مزاجهم
    و مالك حق تختار!!!

    خو خلو الناس تختار و سولهم مقابله مو خسرانين شي مو تبون تكويت؟؟؟؟؟؟؟؟؟؟؟
     
  6. Mech-Eng-Kw

    Mech-Eng-Kw بـترولـي جـديـد

    23
    0
    0
    هك

    اخوي ميكانيكال انجينير

    ترا الشركة صج مالها داعي واعرف واحد هناك يقولي روح داوم باي وزارة حتى لو معاشك اقل وكل يوم تاكل حب شمسي بالدوام وما تستفيد شي طول عمرك , ولا انك تتوظف عندنا , لان صج معاناة , ويقول عندك ثلاث شركات حلوين اذا دخلتهم لا ترفض , Koc او Kgoc او Kpc

    اما الباجي ممكن Knpc نوعا ما , ولكن الباجي انسا الموضوع خلك بوزارتك , صج ماراح يكون لك فايدة بالدنيا بس على الاقل مريح بالك وعايش حياتك ياخي

    حتى تخيل يقول لو تشتغل شركة خاصة صج يشقونك شق وما تشوف حتى نفسك ولا اهلك وتنسا انك انسان , ولكن على الاقل يعطونك حقك وكل واحد ماخذ نصيبه , ولكن الشركات النفطية الحكومية الصغيرة هذي انسا الموضوووع


    اللهم بلغلت اللهم فاشهد , كلامي هذا موجه للمهندسين فقط , اما في ناس لو يوضفونه فراش في اصغر شركة بالنفط راح يرضا , ولكن احنا كمهندسين عندنا عزة نفس مو اي مكان يقطونا ,احنا مو مقصه !!!

     
  7. ميكانيكا قوى محركه

    ميكانيكا قوى محركه بـترولـي نشيط

    58
    0
    0






    السلاك عليكم
    الكبر لله يا مهندس
    قال رسول الله صلي الله علية وسلم
    "لا يدخل الجنة من في قلبه مثقال ذرة من كبر ولا يدخل النار من في قلبه مثقال ذرة من إيمان‏"

    وشكرا
     
  8. طموحي نفط الخليج

    طموحي نفط الخليج بـترولـي جـديـد

    32
    0
    0
    والمهندس على راسه ريشه
    مترزرز بغترتك وعقالك والاجنبي يستلم الشغل وانت تدور من يمسح جوخ الشهاده

    والعزه بس عند المهندسين عيب والله هل الكلام
     
  9. Q8Geo2010

    Q8Geo2010 بـترولـي نشيط جدا

    173
    0
    0
    يعني الحين المحاسب والاداري والاعلامي والجيولوجي والحفار والجامعي بشكل عام ما عندهم عزه نفس ؟
    انا الحقيقه استغرب من كلام بعض الشباب خصوصا مهندسيين هالايام ترى مادري على شنو مرفعيلكم !
    ترى في تخصصات اعمال شااقه بالنفط غير الهندسه بالهبل
    بعدين الحجي مو بس انك تكون مهندس معناته انت صح او انت مركز الحجي انك تكون شخص منتج ولا شالفايده مهندس بالدز اتخرج ومعدلي نقطتين والهوموركات والامتحانات مكرره ! وتتخرج بست سنين حشى مو مهندس طب عظام داش :)

    الي ابي اوصله كل التخصصات الجامعيه الي يحتاجها القطاع النفطي ضرووووريه ما يصير نميز شي عن شي وعلى راسهم الجيولوجي (الاستكشاف) ثم المهندس (الانتاج - تصدير ) ومعاهم التخصصات الثانيه الاداريه مثل المحاسبه والاعلام وغيره يعني شنو مهندس اروح اسوي شغل ثاني ! ما يصير في تخصصات ثانيه وكل واحد بمجاله ودش الي يحبه .. احنا نكمل بعض وكلنا عزيزين نفس ولا عمري سمعت كويتي يروح النفط عشان يصير فراش بل بالعكس الي سمعته ان حتى المقصرين بدراستهم قاعدين يكملون مسائي ويدرسون ويججتهدون ويشتغلون بوظايفهم :)

    وشكرا
     
  10. Br0nz

    Br0nz بـترولـي نشيط جدا

    291
    0
    0
    المهندس ما يتكلم بالسفاهه اللي حضرتك تفظلة فيها ..
    و عيــب عليك تطيح من مقدار الناس ..
    انت دارس 5 سنين و انا دارس 5 سنين مثلك ..

    انا اقول الله يخلي جمعية اللي مرفعه جووكم بهالكادر ..
    ولا كشغل و اتكون فعال تره امثالك وايد يبي يقشر حب شمسي ..

    مو قصورا بباجي المهندسين .. بس بالنهايه كلنا جامعيين و كلنا عزيزين نفس
    يا ابو الكلام الراقي !! اسلــوب ياهال و رب الكعبه ​
     
  11. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    يا المهندس يالي شايف نفسك شنو عبالك انت الي تتكلم جذي انت اذا جذي من البداية انا اقولك روح اكل حب شمسي باي وزارة ابركلك ولامثالك امثالك مانبيهم بلقطاع النفطي لانه مو كفو والفراش الي تتكلم عنه ابرك منك ومن شهادتك الي مرتز عشانها اشوه انك مو دكتور جن الله يعين المرضى الي عندك بعد:mad:
     
  12. VERSACE

    VERSACE بـترولـي نشيط جدا

    انا اقول لا تدخل يا حبيبي وخلك باي وزاره كافي المرضى النفسيين اللي عندنا وانا واحد من الناس شهادتي ثانويه بس شسوي ما عندي عزة نفس ما اقول الا الله يستر عليك
     
  13. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    هلا خوي ...

    اول شي اسأل الشركه اذا في مجال تنقل ولا لأ ؟!

    واذا مافي نقل خل الرفض يكون طالع من الشركه نفسها اللي تعينت فيها مو منك ,,
    لأنه اذا قلت انت اللي رافض راح تطول على ما تتوظف من جديد ,, هذا اذا ماقالولك ماكو غير هالفرصه !!

    والله يوفقك باللي فيه الخير انشاالله ,,



    (( بس ليش الشباب قاعدين يردون على غير هالموضوع !!؟ )) :)




     
  14. DSM

    DSM بـترولـي جـديـد

    38
    0
    6
    DRILLING SUPERVISOR
    KUWAIT
    يبا وافق ,, كلهم نفس الشي ,, لاتفقق لا باجر نشوفك بالشؤون
     
  15. أبو خالد 112

    أبو خالد 112 بـترولـي نشيط

    105
    0
    0
    يا جماعة أنا مهندس و أعتذر و أعتذر و أعتذر عن أخوانا و الرجل باين أن خانة التعبير أو مندفع أو منصدم أن ما دخل المكان الي يبية و في ناس حولة يمكن أهلة ولا أحد يبونة يتوظف ويقبل و هو رافض و طامح بمكان أحسن في شهادة
    و المهندس ما يتميز ألا في شغلة و عطائة و أنتاجيتة عن البقية و كذالك الجامعة الي تخرج منها و الدولة وحب الناس لة و كلمة و نعم لي أنذكر أسمة
    و فوق هذا كلة أذا الكل ما يحبك من الجامعين و الفنين سواء كويتين و لا غير كويتين فأنت قاعد تسويلك بيئة عمل سيئة تحرق من نفسك فيها و أنتاجك بالعداوات
    هذي نصيحتي لك يا خوي و أعتذاري للأخوانة الحبايب معانا
    >>>>و من تواضع لله رفعة <<<<
    و أشوة أنك مو دكتور هندسة :D جاااااان الحين لغة الحوار منتهية من حدة الغرور :cool:
     
جاري تحميل الصفحة...

مشاركة هذه الصفحة