ضايق خلقي وحدي متشائمه وكارهه تخصصي

الكاتب : M.Aq8 | المشاهدات : 1,998 | الردود : 19 | ‏1 نوفمبر 2010
  1. M.Aq8

    M.Aq8 بـترولـي جـديـد

    12
    0
    0
    السلام عليكم ساعدوني حدي مكتأبه وضايق خلقي انا خريجة اداب انجليزي والله كرهت تخصصي لاني كل ما اقدم على مكان علشان اتوظف يقولون ما نبي تخصصج صارلي الحين 3 سنوات على هذا الحال لو يعيد فيني الزمن جان اغير تخصصي .. ودي اقدم على knpc توقعون يقبلون انجليزي وخصوصا ما عندي واسطه .... والله دنيا كويتيه ومتأذيه !!!!وما في وظايف حقي.
     
  2. WaRiO

    WaRiO بـترولـي مميز

    شوفي اختي .... اذا مافي واو صعبه شوي بس يمكن ياخذونج مركز التدريب تبع المؤسسه والله أعلم
     
  3. M.Aq8

    M.Aq8 بـترولـي جـديـد

    12
    0
    0
    شكرا على الرد بس مركز التدريب منو ماسكه
     
  4. almostishar

    almostishar بـترولـي مميز

    567
    5
    18
    أذا ماتبين مجال التدريس ..
    قدمى على مجلس الامة ..رواتبهم ممتازه ودوامهم اريح من الكى ان بى سى
     
  5. M.Aq8

    M.Aq8 بـترولـي جـديـد

    12
    0
    0
    مشكورين على التفاعل بس مجلس الامه مايوظفون اإلا حديثي التخرج وما توظفو من قبل وهذي الشروط ما تنطبق علي . كل مكان سالت عنه والله تعبت
     
  6. سلطان العجمي

    سلطان العجمي بـترولـي جـديـد

    12
    0
    0
    الشيخه شذى الصباح
     
  7. M.Aq8

    M.Aq8 بـترولـي جـديـد

    12
    0
    0
    السلام عليكم انا تخصصي اداب انجليزي كل ما اقدم على مكان يقولون مانبي تخصصج شنو اسوي ودي اقدم عندكم بس ما عندي واسطه توقعون يقبلون اداب انجليزي؟؟؟؟؟؟
     
  8. M.Aq8

    M.Aq8 بـترولـي جـديـد

    12
    0
    0
  9. نزع الخافض

    نزع الخافض بـترولـي نشيط

    104
    0
    0
    معقووووووووله . تخصص انجليزي ومالقيتي مكان .. اكيد في شي غلط
     
  10. جابر

    جابر قــلــم بــتــرولــي أعضاء الشرف

    بالنسبه للغه الأنجليزيه ..أكيد مطلوبه ..كل الشركات عندها مجلات أسبوعيه وأقسام علاقات عامه ..أكيد يبوون ..
    والأنجليزى أفضل بكثير من تخصصات أخرى مال (أمها علاقه) ووظفوها بالعلاقات العامه والتدريب والعلاقات الحكوميه ...تخصصات مثل دراسات أسلاميه وتاريخ وجغرافيا وحتى مكتبات ...الأنجليزى أفضل بكثيييييييييييييييييييييييييييير

    للتأكيد : أى جامعى ..مهما كان تخصصه ...إذا فيه واسطه ..يتم قبوله ..والأقسام الأداريه تااااارسه الشركات ....

    بالتوفيق
     
  11. FCC

    FCC بـترولـي نشيط جدا

    250
    0
    0
    أدب انجليزى ومو محصله وظيفه !

    قدمتى على الديوان ؟

    أول وزارة تطلب هالتخصص وزارة التربية .. أحلى دوام وأحلى معاش ​
     
  12. API 18

    API 18 بـترولـي مميز

    513
    0
    0
    السالفه ما تتصدق... انا وحده تصيرلي نفس تخصصج خلصت و اشتغلت ببنك على طول. جامعي يقعد بالبيت السالفه فيها انه..اخاف حاطتلج شروط يا القطاع واللا فلا.
     
  13. خميس الخامس عشر

    خميس الخامس عشر بـترولـي خـاص أعضاء الشرف

    اذا اخراج مسرحي انقبل بالقطاع..

    اذا تربية بدنية انقبل بالقطاع ..

    ايهما افضل اللغة الإنجليزية ام ماذكرنا..

    اتمنى التوفيق للجميع وموفقة اختنا الفاضلة ..
     
  14. Mr.nO

    Mr.nO بـترولـي نشيط جدا

    450
    0
    0
    fire fighter
    q8




    أختي الفاضله


    لاتشكيلنا ثم نبكيلك


    الموضوع يبيله ,, فيتامين واو ,,


    وهذا موقع شركة البترول الوطنية ,, يتم من خلاله إعلان وظائف في القطاع النفطي


    http://www.kpc.com.kw/ar/default.aspx


    أتمنى لج التوفيق
     
  15. عبدالله

    عبدالله بـترولـي نشيط

    110
    0
    0
    Q8
    معاي اوبريتر 2 تخصصه لغه عربيه !!! ( افتح الصمام الخانق و اغلق القائم مقام ) لوووووووووووووووووووووووول

    ملاحظه القائم مقام يعني : باي باس By-Pass

    والله دنيا معكوسه تزرع بصل يطلع كوسه!!!!!

    الله يوفقج اختي ويرزقج بالوظيفه الحلال.

    انا اخوي نفس تخصصج وان شاء الله خريج الكورس الجاي. والله بديت احاتيه؟!
     
  16. Golden1973

    Golden1973 بـترولـي جـديـد

    33
    0
    0
    اختي تقولين مجلس الامه ما يقبل الا حديثي التخرج واللي ما سبق لهم التعيين
    وهالشروط ما تنطبق عليج
    يعني كنتي متعينه بمكان واستقلتي ؟؟؟؟؟؟
     
  17. Golden1973

    Golden1973 بـترولـي جـديـد

    33
    0
    0
    بعدين ليش ما تقدمين بديوان الموظفين ؟؟؟؟؟؟؟؟؟؟؟؟
    ليش ناطره ثلاث سنين ؟؟؟؟؟؟؟؟؟؟؟؟؟؟؟؟؟؟
     
  18. M.Aq8

    M.Aq8 بـترولـي جـديـد

    12
    0
    0
    مشكورين على التفاعل بس انا حاليا اشتغل في احدى الوزارات التعيسه ومعاشي660 ولا شي ما جني جامعيه ومن زمان من 3 سنوات وانا احاول اطلع من الدوام ماني قادره ما خليت احد ما كلمته علشان يوظفني حتى الاعضاء مجلس الامه بس ما كو فايده يعطوني الكتب موقعه من مكتب الوزير واذا وديتها للمكان الي ابي اتوظف فيه يقولولي بطريقه غير مباشره ان كتابج ما يمشي ،،،
     
  19. Workers

    Workers إدارة المنتدى

    7,767
    30
    48
    ذكر
    الكويت
    اختِ بالقطاع النفطي ماراح توظفين فيه إلا عن طريق اعلان الوظائف
    واذا إعلان الوظائف مافيه تخصصج ماراح احد يقدر يساعدج .. حالياً مو نفس قبل
    كل شي عن طريق اعلان الوظائف .. فيه ناس معدله وضعها بتخصصات مو مطلوبه
    او مو مرغوبه بالقطاع ولكن هم بالاصل موظفين وكملو دراستهم وبعدها تم تعديل وضعهم الوظيفي ..

    وتخصص أدب انجليزي مطلوب في القطاع النفطي وحتى آخر إعلان لنفط الخليج طالبين بكالوريوس أدب انجليزي
    ولكن للرجال ..
    http://www.q8ow.com/vb/showthread.php?t=31232

    وإن شاء الله راح يكون فيه إعلانات قادمة ويكون لج نصيب فيها .. ​
     
  20. سلومكو

    سلومكو بـترولـي مميز

    563
    0
    0
    عسى الله يعينج أنشالله ويصبرج على بلواج

    أختي أنصحج مثل نصيحة احد الأخوان في رده عليج

    مركز التدريب البترول لازم يقبلونج فيه وانتي تفيدينهم بعد

    عند الشيخه\ شذى الصباح


    ومعروف عنها انها تحب تساعد وماتحب تبخس حقوق الناس على حسب ماسمعت

    حاولي تدخلين مكتبها وكلميها وعسى الله يقدرها تكون سبب في توظيفج انشالله

    وعسى الله يرزقج انشالله
     

مشاركة هذه الصفحة