رحبو بزميلكم الجديد في الشركة , مهندس ميكانيك

الكاتب : Mech-Eng-Kw | المشاهدات : 985 | الردود : 8 | ‏27 أكتوبر 2010
  1. Mech-Eng-Kw

    Mech-Eng-Kw بـترولـي جـديـد

    23
    0
    0
    السلام عليكم ورحمه الله وبركاته

    اخوكم مهندس ميكانيك, اليوم عرفت خبر قبولي بالشركة

    انا عارف اني كمهندس ميكانيك ماراح يكون لي دور بارز في الشركة ولا راح يكون عندي مستقبل في الترقيات وغاسل ايدي من الحين , ولكن الحمدلله على كل حال الناس مو محصلة شي هاليومين وانا راضي بنعم الله تعالى علي

    ولكن انا ودي شي واحد واتمنى ان هالشي يصير , ان يحطوني في مكان بحيث اشتغل شغلتي الي انا درستها , ما اتمنى انهم يحطوني مع مهندسين او فنيين كيميائيين لانه كلش ما اعرف اي شي في هذا المجال

    يعني لو يحطوني مثلا

    Maintenance
    او
    Inspection and corrosion

    واتمنى يكون فيه ساعات اضافية او اوفر تايم . لان شركتنا مافيها بدلات كثيرة مثل غيرها

    ومادري شقول يعني . اذا تعرفون معلومات اكثر او شي ياريت تفيدونا , والحمدلله على كل حال

     
  2. ARSENAL

    ARSENAL بـترولـي جـديـد

    31
    1
    6
    حياك الله ومرحبا بك :)

    والواحد لازم يصير متفائل بالخير دائم:)
     
  3. هذا انا

    هذا انا بـترولـي جـديـد

    23
    0
    1
    The King Of Kings

    حياك الله معانا والساعه المباركه والله يوفقك

    ويحطونك بالمكان اللي تبيه

    وعندنا هاليومين دوره كرة قدم شرايك اسجلك بالفريق معانا :)

    لان عددنا ناقص واحد :( ولا لقيت الحد :(

    اهلا وسهلا فيك
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    آهلا وسهلا بالزميل ونورت منتدانا
     
  5. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    أهلاً بك ومبروك الوظيفة


    وعليكم السلام ورحمة الله وبركاته
    أخي الفاضل "The King Of Kings"

    أول شئ أبارك لك قبولك الوظيفة الجديدة وهذا الأهم
    ثاني شئ يا حيّاك الله أخوي في منتداك بين أخوانك وخواتك زملاؤك في القطاع النفطي


    وبقولك شغلة ونصيحة خذها من أخييّك... لا تستعجل وانا اخوك على رزقك وقول الحمد لله على كل حال
    ترى صدقني في غيرك كثير خريجين ويتمنون مكانك... توكل على الله أخوي وانت توّك بأول المشوار والطريج طويل
    وسع صدرك ترى ماكو شي يجي بالساهل... لا تضع الشروط مسبقاً... إعمل واجتهد وربك بيعطيك على قد نيتك
    ونصيحة أخيرة لك لا تسمع القيل والقال... حب عملك وأخلص به وسوف تبدع ويكون لك شأن بإذن الله
    وألف مبروك وبالتوفيق يا مهندسنا العزيز
     
  6. Mech-Eng-Kw

    Mech-Eng-Kw بـترولـي جـديـد

    23
    0
    0
    شكرا

    مشكورين اخواني على الترحيب واتمنى لكم التوفيق في حياتكم المهنية

    وبالنسبة حق اخوي ( هذا انا ) يا معود انا بطلت كرة لان تدري اصابات الملاعب خلتني اعتزل الكرة ( صاير فان باستن لوول)

    وصدقوني انا ما احب اتشرط في بداية عملي واقول جم يطلع معاشي وابي بدلات وابي حقي ومن هالكلام هذا . انا يهمني اتعلم اكثر ويكون عندي خبره , هذا الي يفرق ما بين القطاع الحكومي والنفطي , في الحكومي مزايا مادية محترمة وشغل اقل , لكن تدش وتطلع ما استفدت شي , واكثر شي يهمني اني اكتسب خبرة في مجال عملي مو مجال آخر او تخصص بعيد عن مجالي

    واذا عندكم معلومات عامة عن الاقسام في الشركة وعدد الموظفين وشنو المشاريع القادمة للشركة ,واهم من هذا شلون النقابة وياكم

    خلوني ادش الاجواء من البداية مرة وحدة :)

    يعطيكم العافيه
     
  7. Mech-Eng-Kw

    Mech-Eng-Kw بـترولـي جـديـد

    23
    0
    0
    عندي سؤال بسيط

    عندي سؤال بسيط , اذا خلصت من الفحص الطبي , شنو الاجراءات الي راح تكون بعدها , يعني اروح المكتب الرئيسي في البداية , او اروح على طول مكان العمل ؟؟

    شكرا
     
  8. saad123other

    saad123other بـترولـي نشيط

    71
    0
    0
    حياك الله
    وبالمبارك القبول
     
  9. بترولى ماركه

    بترولى ماركه بـترولـي جـديـد

    16
    0
    0
    حياك الله بين اخوانك ونورت الشركه وموفق خيييييييييييييييييير
     

مشاركة هذه الصفحة