الموافقة على تعديل معادلة قيمة مكافأة المشاركة بالنجاح ورفع الحد الأقصى إلى 400 % من الراتب الأساسي

الكاتب : الجوهرة | المشاهدات : 4,511 | الردود : 21 | ‏27 أكتوبر 2010
  1. الجوهرة

    الجوهرة بـترولـي خـاص أعضاء الشرف

    3,136
    1
    0
    الموافقة على تعديل معادلة قيمة مكافأة المشاركة بالنجاح
    ورفع الحد الأقصى إلى 400 % من الراتب الأساسي




    للإطلاع على بيان النقابة حول آخر المستجدات المستحدثة بخصوص ما يتعلق بالموافقة على تعديل معادلة قيمة مكافأة المشاركة بالنجاح ورفع الحد الأقصى إلى 400 % من الراتب الأساسي، يرجى التفضل بزيارة موقع النقابة على الرابط التالي:

    http://www.kpcunion.org/default_det.asp?id=77&t=1



    بتواصل دعمكم نستكمل مسيرتنا

    نقابة العاملين بمؤسسة البترول الكويتية

    الكويت في 27 أكتوبر 2010








    اللجنة الإعلامية
     
  2. جابر

    جابر قــلــم بــتــرولــي أعضاء الشرف

    يعطيج العافيه ..خوش خبر
     
  3. cosmic girl

    cosmic girl بـترولـي نشيط

    139
    0
    0
    يعطيج الف عافية والفال حق لما اتيبون لنا اخبار جديدة عن الزيادة;)
     
  4. منطقي_واقعي

    منطقي_واقعي بـترولـي جـديـد

    29
    0
    0
    مشكوووره اختي الجوهرة على نقل الخبر ما قصرتي


    لكن بانتظار اعتمادها من قبل مجلس المؤسسة حتى يتم تنفيذها في السنه المالية الحالية
     
  5. خميس الخامس عشر

    خميس الخامس عشر بـترولـي خـاص أعضاء الشرف

    بدينا بالهبك دغدغة عمال المؤسسة ..

    مو نقابة اللي يترفع الأساسي 400% هذي مجلس خدمة مدنية بوزرائة ووكلائة..

    ياعمي ارتاح بسش عشان انتخابات بعد شهرين قامو يهايطون شلة حزب البعث السابق ..

    عتبي على اختنا الفاضلة الجوهرة .. شلون تصدقين مثل هالكلام والله لو بالاحلام ماتصير يمكن الجكومه تسكر المؤسسة لو يفكر الوزير يطرح مثل هالطرح ..

    الله يهديج بس هذي حرب انتخابات اعلامية لشهر يناير والا قسما بالله احلق شاربي لو قدروا يسوون شئ
     
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    هذا اعلان رسمي من النقابة يا اخ خميس
     
  7. خميس الخامس عشر

    خميس الخامس عشر بـترولـي خـاص أعضاء الشرف

    ياخوي النقابة شنو ..مجلس وزراء والا شنو ؟

    موظفين حالهم حالك يقدمون اقتراح على ادارة الجهه التي يعملون بها فقط لاغير ..

    يمكن يقرأ ويمكن يرمى .. واعتقد اقتراحهم هذا محد بنفذة لو شنو سوو..

    حدث العاقل بما يعقل ..

    هذي بروبوقاندا انتخابية بان احنا لازلنا نقدر نقدم اقوى العروض نفس مكاتب السفر بالصيف يعطونك تذكرة لندن ب 200 ويعوضونها من الفنادق ..
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    واضح معارضتك للنقابه حتى لو حطت لك الشمس بيمينك والقمر بيسارك

    وجهة نظرك نحترمها لكن يبقى الشكر واجب لمجهودهم وهالامور معروفين فيها هالنقابة

    عشنا سنين مع نقابات الشركات ولا شفنا منهم انجاز عام للجميع مثل هالانجازات

    على العموم يبقى رايك ورايي وكلن بعقله راضي لاني شخص ماحب نقاشات النقابه ومع وضد ومستحيل احد يغير رايه لانها ماراح تخلص

    اشكر تعليقك ومتابعتك
     
  9. خميس الخامس عشر

    خميس الخامس عشر بـترولـي خـاص أعضاء الشرف

    ياخوي احترمك لشخصك قبل رأيك وصدقني ليست مساله معارضة من لاشئ..

    بالنهاية لابد للحق ان يتبع ..

    وانا لا اجامل بذلك حتى وزير النفط وليس نقابة رفع الانذارات واعفاءات العمل والرحلات الأوربية..
     
  10. Workers

    Workers إدارة المنتدى

    7,767
    30
    48
    ذكر
    الكويت
    هذا اهم شي .. بصراحة الحسبة القديمة ظالمة وارباح السنوات اللي راحت لو مطبقين نفس هالحسبة الجديدة ناخذ 300%
    نتمنى يوافقون على هالحسبة الجديدة ولو ان الارباح مو نفس السنوات الماضية
    حالياً حتى لو كان 500% زين يحوشنا راتبين على هالاسعار .. الله يعطيهم العافية نقابة المؤسسة واتحاد البترول
    على هالجهود الطيبة .. وإن شاء الله نشوف هالكلام يتحقق على أرض الواقع ..​

    وشكراً الجوهرة ماقصرتِ
     
  11. obukhaled

    obukhaled بـترولـي نشيط

    56
    0
    0
    النقابة دوم تسعى للافضل بمايتعلق بحقوق العاملين
    ويزاكم الله خير
     
  12. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    كل الشكر للزملاء في نقابة المؤسسة على رأسهم الزميل عبدالوهاب الكندري

    ونشكر الزميلة الجوهرة على نقل هذا الخبر المفرح لكل العاملين في المؤسسة والشركات التابعة لها
     
  13. زلاطيمو

    زلاطيمو بـترولـي نشيط

    66
    0
    0
    حبوبي خميييييييس يا أكبر معارض من لا شيئ هذا الموضوع ما يحتاج موافقة الخدمة المدنية بس مجلس الاداره والكتاب موثق من ادارة المؤسسة يا شاااااااطر
     
  14. كويتي عاشق

    كويتي عاشق بـترولـي جـديـد

    7
    0
    0
    يعطيكم العافية على الانجاز الطيب
     
  15. نقطة نظام

    نقطة نظام بـترولـي جـديـد

    32
    0
    0
    قواهم الله..

    والشكر موصول لإاتحاد عمال البترول وصناعة البتروكيماويات في مساهمتهم وتعاونهم مع نقابة المؤسسة لتحقيق هذا الانجاز...

    ف بتظافر الجهود والتسيق المشترك مابين الجميع نستطيع ان نحقق مثل هذه الانجازات والتي سيجني ثمارها بالنهاية جميع العامليين في القطاع النفطي *​
     
  16. bo9ali7

    bo9ali7 بـترولـي نشيط جدا

    200
    0
    0
    ملاحظة بسيطة ومهمة المشاركة بالنجاح مطلب الاتحاد البترول وخلو عنكم اللقافة والتلزق يا نقابة وبسكم افلام وحركاتكم مكشوفة
     
  17. StarTech

    StarTech بـترولـي نشيط

    107
    0
    0
    اخوي شكلك ما قريت بيان النقابه عدل
    الجماعه ما ينكرون دور الاتحاد

    ومع هذا النقابه وثقت كل تحركاتها بالروابط عشان لا يجيهم طشار كلام من اللي يحبون يتصيدون

    وهذي الروابط من البيان




    للإطلاع على المبادرة الأولى للمطالبة بتعديل قيمة مكافأة المشاركة بالنجاح عبر كتاب نقابة المؤسسة الموجه إلى العضو المنتدب للشئون المالية والإدارية بتاريخ 20/01/2009، يرجى زيارة الرابط التالي:

    http://www.kpcunion.org/files/share1.pdf


    للإطلاع على تصعيد نقابة المؤسسة ضد وزير النفط والرئيس التنفيذي السابق بتاريخ 06/05/2010 بخصوص حرمان العاملين في القطاع النفطي من مكافأة المشاركة بالنجاح، يرجى زيارة الرابط التالي:

    http://www.kpcunion.org/default_det.asp?id=62&t=1


    للإطلاع على كتاب نقابة المؤسسة المقدم رسمياً إلى وزير النفط خلال أحد الاجتماعات الثنائية بتاريخ 20/05/2010، يرجى زيارة الرابط التالي:

    http://www.kpcunion.org/files/share2.pdf
     
  18. skype

    skype بـترولـي جـديـد

    36
    0
    6
    startech


    كان في تعاون حلو بين نقابة المؤسسة ونقابة نفط الكويت بس اعتقد هذا التعاون اختفى وما قمنا انشوف شي مشترك بينهم

    اذا صار في تعاون فعلي بين الاتحاد بنقاباته ونقابة المؤسسة صدقني راح تصير انجازات جباره

    بس مشكلتنا ان اللى في الاتحاد واللي في نقابة المؤسسة كل واحد يبي يطلع في الصورة قبل الثاني ويبي يكون صاحب السبق والانجاز

    هذا شي حلو ويخلق المنافسة .. بس الاحلى اذا كانوا على قلب واحد
     
  19. LaRambla

    LaRambla بـترولـي خـاص أعضاء الشرف

    2,041
    3
    38
  20. bozzkoc

    bozzkoc بـترولـي نـشـيط

    126
    1
    18
    أخصائى أمراض معدية بالمستشفى
    Kuwait
    والله شكلها الجماعة راح يعطونا هالسنة 4 مرات ... عشان اعوضونا ال 120 من 2006 !!
     
جاري تحميل الصفحة...

مشاركة هذه الصفحة