شرايكم نمتنع عن تناول الوجبات

الكاتب : أبو خالد | المشاهدات : 2,758 | الردود : 59 | ‏9 أكتوبر 2007
  1. أبو خالد

    أبو خالد بـترولـي نشيط

    129
    0
    0
    محاسب
    الكويت
    ياجماهة الخير: الشركة سنويا تدفع مبالغ ضخمة جدا على مناقصات الوجبات (ذات ال100 فلس)

    بما أن الأغلبية الساحقة غير رابغبين فيها أو بالعربي مو طايقينها . . ليش ما نمتنع عن تناولها خير شر
    والمبالغ اللي تروح تنفيع حق شركات ما تعرف شي بالطبخ ، نخلي المبالغ هذي تصب في صالح الموظفين وبيئة العمل ... تطويرهم تحسين جو العمل .إلخ


    ولاّ شرايكم؟
     
  2. dalloomi

    dalloomi بـترولـي جـديـد

    2
    0
    0
    أخوى أبو خالد والله كلامك صحيح

    ياليت أفلوسها يوزعونها على العاملين كبونص اعتقد افضل واللي يبي ياكل يجيب معه أكله من البيت انظف وأحلا.:confused::D
     
  3. أبو خالد

    أبو خالد بـترولـي نشيط

    129
    0
    0
    محاسب
    الكويت
    أنا أشوف جذي بعد
    كلش كلش المطاعم على أفى من يشيل
     
  4. MAB12

    MAB12 بـترولـي مميز

    في مصفاة ميناء عبدالله بخصوص المطعم .... اكل بايت وكله ريحه

    ياجمعه يتصل علينا المطعم الساعه 8 يقولو شتبون والساعه 11 يكون الطلب موجود ( 3 ساعات ) انا بودي اعرف متى طبخوا ومتى قسموا الوجبات عشان الوزيع على الاقسام واذا تبدل الشفت ودخل شفت العصر يتصل الساعه 4 ويسئل شتبون والساعه 6 موجود الطلب يعني نفس الضيه متى طبخوا ؟ انا اعتقد انهم بس يغيرون اسم الطلبات

    والله العظيم مره بالقسم قاطعنا المطعم وبعد مده جانا الليدر وسئلنا ليش ماتطلبون من مطعم الشركه ؟ ( المطعم داز كتاب يستفسر )

    الله يخلي المطاعم ابرك من مطعم الشركة
     
  5. BG. 1

    BG. 1 موقوف

    489
    0
    0
    منتظر الترقية
    البيت ماخلص
    أتكلم عن السناتر

    90% من الشباب ما ياكلون وجبات المطعم

    والغالبية تطلبه علشان الليبرية وعمال الصيانة

    يعني المطعم خسارة علي الفاضي
     
  6. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    صح كلام بي جي ون


    لا وبالمناقيش يطلبون من بو ربع عشان السوبرفايزريه هناك نفسهم دنيه


    يدق الصبح يسالهم شنو غداكم اليوم من اي مطعم ومرات يتشرط شنو يبي يتغدى


    ويجمع عصابته وييون ياكلون على حساب الشفت


    ويقعد عندهم ويغثهم بالسنتر

    وهذا الي يخليهم يظطرون ياكلون من بو ربع
     
  7. BG. 1

    BG. 1 موقوف

    489
    0
    0
    منتظر الترقية
    البيت ماخلص
    مشكلة المناقيش مع الأصلع ورفيقه

    أبشرك بعد العيد مفتكين منه

    وبعدين ضبطوا غداكم
     
  8. أبو خالد

    أبو خالد بـترولـي نشيط

    129
    0
    0
    محاسب
    الكويت
    ياجماعة الخير..

    الكلام اللي بقوله خطير.. بس نفعه راح يعم الكل انشالله

    في بعض العقود تكون عقود خدمات.. يقدمون خدمات للموظفين (اللي هم المستخدمين) طيب ليش ما يكون لهم تقييم خدمة أنا يا شركة نفط الكويت ليش ما أسوي استبيان أو استعلام شامل من قبل الموظفين عندي حول مستوى الخدمة اللي يقدمها المقاول ... إذا زين نخليه يستمر وإذا موزين نخليه يفارق ... شكو ادفع له فلوس الدنيا والخدمة اللي قاعد يقدمها لموظفيني تعيسة.؟؟؟
    أنا اقصد شركة الوجبات والكل يعرف اسمها .. لا أكلهم ينبلع ولا مطعمهم يقدم شي فيه خير .. ترا بمبلغ المناقصة الراسية عليهم في ألف شركة وشركة مستعدة تقدم شغل متعوب عليه . . مو الخمبقة اللي قاعدين نشوفها الحين
    ترا ماحنا مجبورين

    ياجماعة مايصير نكتفي بالتعليق لازم يكون لنا موقف (رد فعل)
     
  9. الولدالذهبى

    الولدالذهبى بـترولـي نشيط جدا

    192
    0
    0
    خووش موضوع يا بو خالد
    بس البدليات .. وااايد
    انا معاكم .. وافضل نطبخ بمكان العمل والا يحطون
    بكل منطقه مطعم من المطاعم الكشخه والزززززززينه
    والموظف يطلب واهم يوصلون الطلب
    انا اكل الشركه والوجبات ما اكلللللللللللله
    الله يديم النعمه






    وبس
     
  10. KOCQ8ya

    KOCQ8ya بـترولـي جـديـد

    48
    0
    0
    السلام عليكم

    انا معاكم بعد اكل الشركه صج الله يزيد النعمه على الاقل قبل كان ينوكل الحين ماكو شي معلقين على الفول واللبنه
    والا المرتديلا يعني كله مافيه طباخ كله جاهز ينحط بالصمون وقبل على الاقل ناكل الفطاير الحين كرواسون امريكانا بايت مال جم يوم ويابس ما ينوكل والا السلطه يا ذره والا معكرونه شلون يعني نبي شي ثاني واذا سوو سلطه يا مالهم خلق كل قطعه اكبر من ايدي وناشفه والا حطو الخضره بدون طمام يعلهم الفقر حتى الليمونه هونو عنها

    الواحد بصراحه لوما اليوع والا جان ما اكل منهم احنا مو عيزانين عن ريوقنا بس الواحد في بعض الاحيان يضطر
    والمطاعم صارت هالايام ممنوع تدخل مناطق الشركه واذا اسمحولهم يا يايك الطلب غلط والا بارد ما ينوكل

    انا ماني عارفه شركه شكبرها ليش اتدور ارخص المقاولين ليش ما اييبون شي سنع احنا راضين يزيدون سعر الوجبه بس خل اييبون شي ينوكل

    على فكره قبل جم سنه سوو استبيان عقب ما اشتكو العالم من الوجبات وقالو راح يعدلون الوجبات وبالاخر ما صفينا الا على هالشكره التعبانه ام صمون ناشف والله الواحد اييبله بخصم ودرابيل وايد ابرك
     
  11. norema-sarto

    norema-sarto بـترولـي مميز

    668
    0
    0
    والله إحنا في منطقة الأحمدي المطاعم يمنا...حررررررررررة

    وكل يوم نغير ...حتى اللي بالمنقف والفحيحيل ..يوصلون

    بس ترى البوكس ينفع ساعات ...لما تكون مفلس..خخخخخخخخخخخخ
     
  12. HUMMER

    HUMMER بـترولـي خـاص

    والله يااخوان يبيلنا وقفه جاده مع هالمطعم ولازم نشوف منو المسؤل عن المطعم ونكلمه والليبر موضروري ياكل من المطعم نفس مانطلب من بره نحسب حسابه
    وانا معاكم بمقاطعة المطعم
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    خلووووكم علي اللونق سالاط ابركلكم علي الاقل فيه حبه تفااح وحبه موووز ((((((:)
     
  14. KOCQ8ya

    KOCQ8ya بـترولـي جـديـد

    48
    0
    0
    الله يهداكم حاشنا تسمم وسوء تغذيه وامراض من اكلهم شوفوا لنا حل خلص رمضان وبنموت من اليوع والسبه هالوجبات
     
  15. BG. 1

    BG. 1 موقوف

    489
    0
    0
    منتظر الترقية
    البيت ماخلص
    شباب وشايات عندي رأي

    ليش ما نختار يوم بعد رمضان والجميع يمتنع عن طلب الوجبات لنا وحق العمال الباقين من مقاول وعمال سناتر

    شرايكم
     
  16. أبو خالد

    أبو خالد بـترولـي نشيط

    129
    0
    0
    محاسب
    الكويت
    كلامكم صج يطيب الخاطر ويبرد الحرة

    أنا قبل فترة رحت حق المجلة (كويتي) اللي هم بعد راح نقعد لها قعدة.. ما علينا ، قلت لمدير التحرير إني حاب أعلق وأبدي رايي عن المطعم والوجبات . قالي لا ما يصير نهاجمهم . طيب إذا ما وصلت صوتي ورايي عن طريق المجلة اللي تتوزع على كل مكتب شلون بيدرون أصحاب القرار إن أغلب موظفي الشركة مايرغبون الوجبات التعبانة هذي.

    عقد مثل هذا يبيله متابعة أول بأول من جماعة العقود أو المشتريات ... شركة قاعد تقدم وجبات للموظفين 3 مرات يوميا (لكل شفت) وفوق ال 90% مو مستسيغين الأكل واخليهم يستمرون .. لا وأطلب منهم يسوون بوفيهات وتنظيم حفلات.

    ياجماعة حرام حرام تستمر الشركة هذي في تقديم منتجاتها لنا ..
     
  17. أبو خالد

    أبو خالد بـترولـي نشيط

    129
    0
    0
    محاسب
    الكويت
    بي جي ون

    أنا رايي من رايك ... ولو تبي شهر ماعندي مانع
    وأفضل وقت الشهر الجاي كله على البراد

    والله بيجيهم طراق ما هو طراق
     
  18. الولدالذهبى

    الولدالذهبى بـترولـي نشيط جدا

    192
    0
    0
    الريجييييييييييييييييييييم
    :)





    وبس
     
  19. KOC FIRE

    KOC FIRE بـترولـي جـديـد

    11
    0
    0
    دائرة الاطفاء
    KUWAIT
    وأنا معـــــــــــــــــــــاكم
    أحنى اذا ماصرنا صف واحد المطعم مايرد علينى بس اذا صرنا ايد وحده صدقوني نكسر خشمه المطعم
    ويتغير شغلة من الاسواء الاحسن ونضرب عن المطعم جميع الاقسام الشفتات لمدة اسبوع وقسم راح يتغير


    لا لمطعــــــــــــــــــــــــــــــــــــــــم شركـــــة نفط الكــــــــــــويت:mad::mad:]
     
  20. operation

    operation بـترولـي جـديـد

    16
    0
    0
    وانا بعد وياكم لتغيير المطعم الشركة الوصخ
     
جاري تحميل الصفحة...

مشاركة هذه الصفحة