هل هناك حقوق

الكاتب : sales_eng | المشاهدات : 1,243 | الردود : 18 | ‏22 أكتوبر 2010
  1. sales_eng

    sales_eng بـترولـي نشيط جدا

    238
    0
    0
    السلام عليكم
    أعضاء المنتدى الكرام انا عندي سؤال الحين *شنو حقوق الموظف الكويتي في القطاع الخاص وانا اقصد العمل في القطاع الخاص البحت وليس نظام العقود هل هناك *قوانين تحمي الموظف الكويتي من التفنيش *ولا مافي اي قانون يحمي هذا الموظف من انهاءخدمته*
    ياليت لو فياي احد يفيدني
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    نعم هناك حقوق مكفوله للموظف فى القطاع الخاص ولو رجعت للقانون الجديد بالقطاع الخاص راح تعرف ماهو لك وماهو عليك وشكرا
     
  3. sales_eng

    sales_eng بـترولـي نشيط جدا

    238
    0
    0
    أخوي الكريم سالم*
    ماعليه اعتبرني جاهل *بالأمور هذه وخل ارد اصيغ السؤال*
    يعني هل يحق للشركه اتييني انا يالموظف الكويتي وتقولي باي باي مانبيك *عشان سبب غير مقنع
     
  4. santafe

    santafe بـترولـي مميز

    717
    3
    18
    اي خوي عادي انا واحد منهم فنشوني والسبب يقولون العقد الجهاز الحفر خلص وانت امسك الباب ما تشوف شر وناطر رحمة الله
     
  5. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    مايحق للشركه تستغنى عنك بدون سبب ولكن هناك شركات تستخدم هذى الطريقه وتقوم بتفنيش الموظف ومن بعد ذلك الموظف يتجه الى وزاره الشؤون ويرفع قضيه ضد الشركه وايضا يحق له ان يشتكى عن طريق شركه النفط او البترول على حسب العقد وبعد ذلك تقوم الشركه بفتح تحقيق مع الشركه المخالفه ومحاسبتها ....
     
  6. sales_eng

    sales_eng بـترولـي نشيط جدا

    238
    0
    0
    أخوي سالم ,
    بكون واضح معاك ..
    انا في محال عملي يتطلب البيع .. يعني لازم تبيع عشان إتييب الهدف او المبلغ آخر السنه ..
    ولي زميل معاي ما ياب هذا الشي فهل يحق للشركه إنهاء خدمته وفصله ؟ تقوله باي باي
    وعلى وزارة الشؤون يعني شنو بتكون موضوع الشكوى ؟ وشنو بتسويلك الوزارة ضد هالتجارة أصحاب الملايين
     
  7. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    وزاره الشؤون اداره المنازعات الفرديه مثل المحقق مال المخفر يسوى قضيه وبعدين يرسلها الى المحكمه ومن بعد المحكمه تحكم ويتم تنفيذ الحكم ....

    لكن بنسبه لصديقك خله يتصل على وانا راح اروح معاه الشركه وانشالله ماراح يفنشونه
     
  8. sales_eng

    sales_eng بـترولـي نشيط جدا

    238
    0
    0
    أخوي سالم مشكور وما قصرت ولي حديث خاص معاك بالموضوع هذا ..
    بس إلي مستغرب منه إنه الكل يعتبر تفنيش الكويتين بالخاص صعب لكن في الحقيقه التفنيش بالخاص إب بييزه .. ياترى إنته شنو رايك ؟ هل فعلا صعب ولا فصل الكويتي كشربة ماي
     
  9. sales_eng

    sales_eng بـترولـي نشيط جدا

    238
    0
    0
    أخوي الكريم إنته شنو سويت ؟ شكيت ؟ تحجيت ولا سلمت أمرك لله

    ياربي وين دور الحكومه إهني ووزارة الشؤون .. يعني الواحد تفنش وين يسد قسطه
    وين يدفع أجار بيته
    وين يوكل عياله

    أحد ينورنه
     
  10. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    ابو محمد لا تحاتى وانا ناطر تكلم محمد فيروز وتردلى خبر وانا قبل شوى تأكدت انهم موقعين عقد 4 ارياق ومالهم حق يفنشونكم على العموم شوف شيصير مع ادارتكم وبلغنى على شأن نرفع كتاب الى رئيس مجلس اداره شركه نفط الكويت وشكرا
     
  11. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    كل ماخلص العقد يتجدد تلآقئي واذا على قولتك .. ( السبب: الجهاز الحفر خلص )
    بينقلونك جهـآآز ثآني .. ؟! واذا ماكو أجهزه بالشركه كلهآ خلصت ... :rolleyes:
    يتجدد عقدك على شركه ثآنيهـ .. واتوقع في قانون قوي لحماية العامل من الفصل او التفنيش !
    قول سبب غير هذا أخوي :mad:
     
  12. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    لا ياخوى الشكوى لله كلام الاخ سنتافى صحيح وهذا الى صار معاه ومع ربعه وانشالله بيكون لنا موقف مع الشركه وبياخذ حقه
     
  13. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    لحول ولا قوة الأ بالله العلي العظيم ..
    هذا الكلام مايجوز :(
     
  14. sales_eng

    sales_eng بـترولـي نشيط جدا

    238
    0
    0
    يعني خلاصة الكلام طردت الكويتي إبييزه
    الله يعين إنشاء الله
     
  15. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم يااخوان انشالله الموظف الكويتى ماينطرد والحمدالله ان هناك رجال فى شركه نفط الكويت يخافون على الموظف الكويتى ويقفون وياه وهذا ما حصل معى ومعا اخونا سنتافى وقد قامو بحل مشكله الاخوان الاربعه المسرحين من شركه المتحده للحفريات فى اسرع وقت ف لهم منا كل الشكر والتقدير
     
  16. sales_eng

    sales_eng بـترولـي نشيط جدا

    238
    0
    0
    اخوي سالم انته تهت عن سؤالي شويه
    انا سؤالي كان عن الشركات الخاصه البحته الي مو مرتبطه بالقطاع النفطي هل ينطبق عليهم نفس الشي ولا لا
     
  17. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الشركات الخاصه الغير نفطيه اذا هذا سؤالك نعم التفنيش سهل هناك والسبب انه لايوجد لهم نقابه خاصه بهم والحل الوحيد لما يفنشونه هو وزارة الشؤون قسم المنازعات الفرديه ملاحظه مهمه الشركات الخاصه ليس لها جهات رقابيه عليها مثل الشركات النفطيه الخاصه
     
  18. santafe

    santafe بـترولـي مميز

    717
    3
    18
    اي ان اشهد يا ابو عبدالهادي انك رجل وبمعنى الكلمة على اليوم الي شفتة بعيني صراحة الحق يقال ،قول وفعل وابصملك بالعشر وعسالله ربي يوفقك ويسدد خطاك والله يا جماعة الفضل يعود الى الله العلي القدير ومن ثم سا لم العجمي الذي جعلة سبب للوقوف ضد ذلك التفنيش التعسفي مع الشكر والقدير
     
  19. شراع الشمال

    شراع الشمال بـترولـي نشيط

    81
    1
    0
    سنتافى تستاهل من يساعدك انت وربعك وماهى غريبه على سالم انه يساعدك بس مستغرب من شى واحد وينه رئيس النقابه عن هالناس الى تتفنش كل يوم إلى بقوله ياويله من الله وبس
     
جاري تحميل الصفحة...

مشاركة هذه الصفحة