الرقم الالي لقضية كادر المهندسين

الكاتب : مهندس ارجنتيني | المشاهدات : 1,863 | الردود : 14 | ‏20 أكتوبر 2010
  1. مهندس ارجنتيني

    مهندس ارجنتيني بـترولـي جـديـد

    12
    0
    0
    الرقم الالي لقضية كادر المهندسين
    دأب صاحب القضية المرفوعة على مؤسسة البترول الكويتية الخاصة بكادر المهندسين باخفاء حقائق هذه القضية لهدف غير معلوم !!!!
    ورغبة مني بكشف هذه الخفايا والغموض فانني اضع رقم هذه القضية لمتابعتها من جميع المهندسين والعمال، ولقطع الطريق لاي مساومات على حقوق الموظفين ، بعد ان اصر صاحب القضية على الجميع بعدم رفع قضايا اخرى على المؤسسة بدعوى عدم تأخير قضيته ودمجها بباقي القضايا....
    فان الكثير استجاب لهذا الطلب بسبب وضع مصالح المهندسين كأولوية
    الرقم الالي: 91741520

    https://www.kuwaitcourts.gov.kw/mojweb/NGvlistcase/showLastEvents.jsp?Dimm=1&case=91741520
     
  2. StarTech

    StarTech بـترولـي نشيط

    107
    0
    0
    منو صاحب القضية هذي ؟

    وشدراك ان الريال متعمد يخشها ؟

    وليش محد ثاني رفع قضية حق المهندسين وغيرهم؟

    القضية مرفوعة في شهر 9 - 2009 والقرار من 2006

    المفروض تهاجم الناس اللي نايمه بالعسل .. مو الناس اللي شغاله بصمت حقك وحق غيرك
    الظاهر ادمنتوا البهرجات الاعلامية اسلوب الجمعية

    وين جمعية المهندسين اللي قالت بترفع قضايا بالآلاف، وبالنهاية تنزل بيان حق الزنكي تقوله احنا مؤدبين احنا ما نرفع قضايا عليكم !!

    على العموم مشكور على الرابط

    العبرة بنتيجة القضية مو بمعرفتك حق رقمها الآلي

    واتمنى كل القطاع النفطي يشوفون النتايج
    ويشهدون على اخلاص و اجتهاد صاحب القضية
     
  3. StarTech

    StarTech بـترولـي نشيط

    107
    0
    0
    كما هو واضح في الرابط أدناه

    مصدر الرقم الآلي

    هو سؤال برلماني مقدم من نائب رئيس جمعية المهندسين ناجي العبدالهادي

    http://www.q8ow.com/vb/showthread.php?t=29427

    طالب فيه بحصر القضايا المرفوعه ضد المؤسسه بخصوص الكادر

    يا شين جمعية المهندسين
    وهي اتليقف على شغل غيرها

    وتالي تجي تذمهم

    اشتغلوا يا جمعيه وكفاياكم بهرجه
    الشغل بركه

    ولا تدرون روحوا رفعوا قضايا بدال لا تتبلون على خلق الله
    ولا تقولون الريال مانعكم ترفعووون قضايا لووووول
    صج عذر اقبح من ذنب من صاحب المشاركة الواحدة فقط !
     
  4. Names

    Names بـترولـي نشيط جدا

    160
    0
    0
    الحبيب مع وفد جمعية المهندسين اللى رايح الارجنتين ب 350 دينار


    على الاقل صاحب القضية كان خاشها عن "لقافتكم" المعتادة ويشتغل بدون بهرجه واعلام


    التخريب من طبعكم .. ومع الاسف انكم ممثلين للمهندسين !!


    اتمنى يكون فيكم يا "جمعية المهندسين" شوية كرامة واحترام وتقولون لنا ليش محد منكم رفع قضية مع انكم كنتوا تقولون نبي نرفع قضايا !؟؟

    حتى لما الشباب في اللجنة التطوعية اشتغلوا على الكادر .. طلعتوا ضدهم بدراسه ثانية "ام صفحتين" وحاولتوا تشقون الصف

    والحمدلله ... محد من المهندسين مشى معاكم او راضي يتقبلكم.


    خلك بالارجنتين مع ربعك *********** :)
     
  5. LPG

    LPG بـترولـي نشيط

    149
    0
    0
    وضعكم يا المهندسين صعب


    ونهايتكم راح تكون ألييييييمة


    انا اشوف ان محد يرفع قضية طالما في اخ رافع قضية و المفروض يكون الامر بالكتمان اذا القضية مضمونه وناجحه
     
  6. مهندس ارجنتيني

    مهندس ارجنتيني بـترولـي جـديـد

    12
    0
    0
    ليش في ضحالة وتشنج بالطرح......
    المهندسين صار لهم زمن وهم يسؤلون عن رقم القضية والكل ساكت
    وارجع للمنتدي وشوف الاسئلة....
    علي العموم اجابت الاسالة
    1- راعي القضية اسمه عبدالوهاب ...... وله صفة اعتبارية باحد النقابات
    2-بالنسبة للدليل اعتقد اسأل القائمة اللي نازله ضده واللي كانو ربعه بس زعلمهم بدفاعه وتكتيكه مع الرئيس السابق
    3-ليش محد رفع قضية لانه يقول لا ترفعون قضية تري يصير طلب لدمج القضايا وتتاخر فدايم يقول خلوني اصير جيفارا الارجنتين وعشان مصلحة المهندسين مخلينه... علي طاري النوم بالعسل ، انصحك بالعسل الارجنتيني. تري زين حق الحارج الي عندك
    زين
     
  7. كويتي بسيط

    كويتي بسيط بـترولـي نشيط

    112
    0
    0
    اخوي مهندس ارجنتيني .. .ماني فاهم شنو الغرض من هجومك و استهزائك بزميل لك رافع قضيه لمصلحه الموظفين بالقطاع النفطي ؟؟

    الاولي انك تشيد بمجهوده الفردي و تثني عليه لا ان تهاجمه و تحاول احباط جهوده ...

    شخصيا اتمني التوفيق لكل من يسعي بشكل فردي او جماعي لخدمه الموظفين ...و اقدم له شكر خاص من القلب .. :)
     
  8. API_77

    API_77 بـترولـي جـديـد

    24
    0
    0
    الأخ المهندس الأرجنتيني بقيت أعرف اذا سألت عن كادر المهندسين بالأرجنتين ؟؟
    واذا اتدخلت الجمعيه بمطالبه حق كادرهم اهناك !!

    اخوي يقول المثل خل الخبز حق خبازه ، معناته خل الناس (الجاده) تطالب بالكادر او خلك بالعسل و الستيك الأرجنتيني .. صح
    والباب مفتوح للجميع
     
  9. زين

    زين بـترولـي جـديـد

    8
    0
    0
    بالرجوع للرابط للسؤال البرلمانى
    الكلام بالسؤال واضح وهو حصر عدد القضايا المرفوعة؟؟
    بس شلون فسرتها على مزاجك مادرى؟؟؟
    يا جماعة اللى نبيه مصلحة المهندسين والبعد عن مايعكر وحدة الصف واللى عنده كلام بادلة خل نسمعه
    اما اللى يحاتى انتخابات نقابته فخل يشد حيله بالانتخابات ويبعد عن الزج بقضايا المهندسين
     
  10. Names

    Names بـترولـي نشيط جدا

    160
    0
    0
    ابتلشنا بأهل مشاركتين ويدش دعوم يدافع عن جمعية المهندسين


    ترا احنا مو يهال .. والله عطانا عقل انفكر فيه .. اذا كنت حاضر معانا ورشة العمل وشفت موقف الجمعية جدامك وشفت الاحداث اللي صارت بعدها بما فيها ردت فعل الجمعية من ظهور اللجنة التطوعية راح توصل لنتيجة واضحه ان الشخص اللي يدعم ويدافع عن تخاذل الجمعية عقب اللى صار واحد من اثنين .. اما جاهل بالواقع.. او راعي مصلحة !!


    اذا دشيت رابط السؤال البرلماني راح تتفاجأ ان حتى السؤال البرلماني الموجه من النائب ناجي العبدالهادي (مسروق بالنص ) من النائب فلاح الصواغ !! وهو دليل انه السؤال كان رد فعل من الجمعية بهدف التقليد ، علما بان السؤال الاساسي موجهه من نقابة نفط الكويت .. ( دش الرابط واقرا )

    الجمعية ما تدخلت بشي الا اخترب ، وموقف الشباب اللي رافعين القضية لما سألتهم : "ليش ما تتواصلون مع الناس وتبلغونهم عن اخر تطورات قضية كادر المهندسين و تستغلون الاعلام بما انكم الوحيدين اللى رافعين القضية ؟؟ كان جوابهم :" استعينوا على قضاء حوائجكم بالكتمان" و " هدفنا المصلحة وكسب القضية ومانبي الشهرة"و "الاعلام دايما يكون عكسي على القضية وينبه الناس علينا واحتمال نخسرها" والاخ عبدالوهاب لو يسعى للتكسب كان شفناه افصح وفاخر بأنه الوحيد في المؤسسة اللي رافع قضية يطالب بكادر المهندسين .. لكنه ما سواها مع العلم انه بوقت انتخابات وهذا من صالحه.

    شنو المصلحة لما تشهر رقم القضية ؟؟ شنو الهدف لما تتدخلون وتخربون شغل رجل يبي مصلحة المهندسين وقاعد يسعى فيها بكل أمانه ؟؟ كل هذا علشان رئيس الجمعية على خصام معاه وانتم "مع الخيل يا شقرة" ؟؟
    الحين رقم القضية طلع .. والناس درت ان عبدالوهاب "صادق" وان الجمعية كانت "تشكك" قدام الناس انه رافع قضية وكان ربعهم يدندنون .. نبي رقم القضية اذا كانوا صادقين !!

    لو فيكم عاقل "يزن" الامور .. كان صفيتوا ووقفتوا مع اللي يبي مصلحة المهندسين .. مو مع الجمعية اللي خذلت المهندسين وتسعى بكل طريقه انها "تخرب" و "تشق" صفوف المهندسين في النفط

    نزلوا النقابات سؤال .. نزلت الجمعية سؤال نفسه .. حطوا اعلان بالجرايد .. حطت الجمعية اعلان نفسه .. نزلوا تصريح لدعم كادر المهندسين او مطلب للمهندسين .. نزلت الجمعية نفسه .. اشتغلوا اهل النقابات على قريد 17 وخلصوا .. جات الجمعية ونسبت لها .. سوو الشباب لجنة ودراسة بارقام وتواقيع من 1400 .. سوو الجمعية دراسه بارقام (بس مالقوا احد يدعمهم بالتواقيع) وقابلوا فاروق الزنكي والاتحاد ..

    نبي نشوف شلون راح يسرهم الرئيس التنفيذي والاتحاد :)

    اخر شي يقولون ان الجمعية ما رفعت قضية لان صاحب القضية يقول راح تخربون القضية ؟!! علينا هالكلام ؟ من متى قمتوا تسمعون كلام عبدالوهاب :) احترموا عقولنا شوي


    اذا مصلحة المهندسين مع اللجنة التطوعية والنقابات احنا اول الداعمين لهم.. واذا مصلحتنا مع جمعية المهندسين (وهذا حلم) احنا اول الداعمين لها


    انا قاعد اشوف ان الساخطين على جمعية المهندسين "امثالي" كثييير .. وعسى الله يزيدهم ويفكنا منهم ومن خرابهم ولقافتهم


    اتمنى لوفد الجمعية رحلة موفقه في الارجنتين :)
     
  11. الماجستيري

    الماجستيري بـترولـي نشيط

    91
    0
    0
  12. مهندس ارجنتيني

    مهندس ارجنتيني بـترولـي جـديـد

    12
    0
    0
    عدنا والعود احمد
    ...
    على العكس مافى هجوم
    بس صراحة فى استغراب
    واحد رافع قضية يطالب بحقوقه (مفهومة)
    بس الغريب ليش يقدم دراسة بنص حقوق المهندسين وهواللى رافع قضية بحقوقه كاملة
    واكيد اتفق وياك على"شخصيا اتمني التوفيق لكل من يسعي بشكل فردي او جماعي لخدمه الموظفين " لكن اضيف والمطالبة بحقوقهم كاملة
     
  13. brilliant

    brilliant المـراقب الـعـام

    8,477
    0
    0
    Engineer
    Kuwait
    ماقصر العضو لكن الغريب ليش مايبي احد يرفع وياه القضيه واذا احد رفع وياه هالقضيه شكو تاخر قضيته
     
  14. StarTech

    StarTech بـترولـي نشيط

    107
    0
    0

    تعرف التلفيق والافتراء
    هذا ديدن جمعية المخربين
    هم اللي يصرون ما يبون يرفعون قضايا

    ولما يتفاجئون بقضية ناجحة جدامهم
    يتعذربون ويهاجمون ويشرشحون اي واحد يشتغل (لكن مو تحت اسم الجمعية)
    وحجتهم السخيفة الحين: اللي رافع القضية قالنا لا ترفعون

    يا سلام، شنو استغفال عقول المهندسين هذا !
    لا يبا انتوا ما تعرفون تشتغلون
    الا بالتليقف على شغل غيركم

    وبيانات الجمعية تؤكد انهم هم اللي رافضين طريق المحاكم

    لكن هذه القضية اللي محد تكلم عنها صدمتهم وعورتهم ما ينلامون
    احراج اذا في ناس برا الجمعية تشتغل بكل ضمير
     
  15. StarTech

    StarTech بـترولـي نشيط

    107
    0
    0
    يعني الحمد لله تعترف ان الرجل ما تنازل ورايح المحكمة يطالب بحقوقه وحقوق المهندسين كامله
    والله عفيه عليه يفتهم

    وشرهتك على اللي ما يفتهمون

    الجمعية تتهمه وتسميه متخاذل في حقوق المهندسين
    والحين انت تشهد له انه قاعد يطالب بالحقوق كامله

    عرفت منو المتجني الأفاك الحين ؟!
     
جاري تحميل الصفحة...

مشاركة هذه الصفحة