عجز في توفير دفاتر السيارات ورخص السوق

الكاتب : وطنى وبس | المشاهدات : 786 | الردود : 8 | ‏19 أكتوبر 2010
  1. وطنى وبس

    وطنى وبس بـترولـي نشيط

    95
    1
    0

    عجز في توفير دفاتر السيارات ورخص السوق
    السيارات في الكويت تسير على «برنت»



    [​IMG]




    سيارات الكويت تسير على «برنت» صادر من ادارات المرور في المحافظات الست والسبب عدم توافر ورق لطباعة دفاتر السيارات.
    مصدر مسؤول في وزارة الداخلية كشف لـ «الراي» بأن «هناك عجزا كبيرا في توافر دفاتر السيارات وكذلك رخص السوق والذي يدل على عدم وجود تخطيط جيد لاحتياجات الادارات من رخص سوق او دفاتر سيارات نظرا للطلب المتزايد عليها من قبل المواطنين والمقيمين».
    وأوضح المصدر بأنه «من غير المعقول ان تسير السيارات وقائدها لا يحمل دفترا يثبت ملكيتها له بل ورقة مختومة صادرة من الحاسب الآلي للوزارة وليس لها تاريخ محدد، مشيرا الى ان هذا العجز مستمر لأكثر من شهرين مقبلين اذا لم يتخذ قرار سريع بتوافر الورق الخاص بالدفاتر ورخص السوق».




    التعليق /


    ازمة جوازات..
    ازمة دفاتر..
    ازمة رخص سوق..
    ازمة سير..
    ازمة افراد شرطة..
    ازمة مخافر..
    ازمة اعلانات..
    هذى الداخلية صل على النبى...
     
  2. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    وأزمة بلا أزمة

    هههههههههههههه
     
  3. خميس الخامس عشر

    خميس الخامس عشر بـترولـي خـاص أعضاء الشرف

    ياجماعة الخير شفيكم..

    *********مو فاضي للوزارة فاضي يهرب جمال الكندري ويطلع تجار المخدرات ويستقبل الجويهل ويزودة باوراق ووثائق لمهاجمة خصومة وشتم النواب والناس والقبائل وتسخير الوزارة لخدمة الجاهل والقلاف ..

    اقول الله يخلف على الديرة ..
     
  4. WaRiO

    WaRiO بـترولـي مميز

    الله يهداك يا خميس ********* عاااد ... مالقيت اسمه ثاني ......


    انزين وينهم باطينه بط بمخالفاتهم الي ما تدري اهي صج ولا تأليف كله غير مباشر وشاقين الشباب باسواق القرين مخالفات ووووين الفلووووووووووووووووووووووووس !!!!!!!
     
  5. Workers

    Workers إدارة المنتدى

    7,767
    30
    48
    ذكر
    الكويت
    الشي الوحيد اللي مستحيل يكون فيها ازمه هي دفاتر المخالفات ماتخلص ..
    مستحيل تخرب الكاميرا الموجودة بين الاحمدي والفحيحيل اللي عند الاشارة كاميرا غداره : )

     
  6. bo-saleh

    bo-saleh بـترولـي مميز

    انا اقول انه من مسك هالوزير والوزاره رايحه فيها ومدوجه ومن مشكله في مشكله


    ياوزير الداخليه ارحل وريحنا
     
  7. قانون كيفك

    قانون كيفك بـترولـي جـديـد

    32
    0
    0
    اذا برنت بدون تاريخ من صالحنا كل شوي قاطين تأمين وطوابع وطوابير وزحمه عالفاضي :p
     
  8. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    مادري شفيهم على وزارة الداخليه !!

    كأن مافي تقصير إلا من هالوزارة !! لا وماشاء الله مدققين على دفاتر السيارات والرخص !!

    انزين والوزارات الثانية كلها زينه يعني ؟ والشغل ماشي على "سنقة عشره" على قولة اخوانّا المصريين ؟؟

    بصراحه أشوف هالوزير أقوى وزير داخليه من فتره بعيده .. يتخذ القرار ولا يتراجع فيه .. وبصراحه وبدون زعل .. أشوف ان المشكله الأساسية بينه وبين بعض أعضاء مجلس الأمّه ..

    سالفة الفرعيّات ... من يوم صار قانون تجريم الانتخابات الفرعيّة .. واهم مستخفّين ..

    قاموا كالعاده ينبشون من وراه على أي شي .. حتى لو تافه وسخيف ..

    الله يحفظ الكويت وشعبها من كل مكروه ..

    بكل طبقاتها وطوائفها وحضرها وبدوانها ..

    وما راح يرجّعنا (قري) إلاّ هالاعلام التّبّاع كما أحب ان أطلق عليه .. اللي يمشّيه البعض على كيفهم .. مع أو ضد أي شخصية

    أرجع وأقول ترى الكويت هالكبر ( صغيرونه ) ما تتحمّل كل هالمشاكل سواء اللي تسوى واللي ما تسوى ..

    واللي الكل قام يسوّي نفسه فاهم فيها .. الكل قام يتكلم بالسياسه !! حتى اليهالوه !!

    والله العظيم هذا شي مو صحّي ولا هو الشي الزين حق الوحده الوطنية ..

    لأن اللي يتكلم وايد .. بيغلط وايد .. وبيتسبب بمشاكل أكبر ..

    يا ريت كل واحد يتكلم بحدود معرفته .. وراح نكون بخير .. ويا ريت الصحافه .. تدور لها مادّه غير السياسه .. لأن الصحافه كانت تنقل الخبر .. أما في وقتنا الحالي كما هو معروف فهي تصنع الخبر .. بطريقة أو بأخرى ..

    الله يحفظ الكويت والجميع من كل شر

    وشكرا صاحب الخبر ..
     
  9. المنقسي

    المنقسي بـترولـي جـديـد

    42
    0
    0
    ياخوفي باجر حتى البطاقة المدنية تصير بورقة




    نفس بعض الدول العربية :):)
     
جاري تحميل الصفحة...

مشاركة هذه الصفحة