مرافق زوج لاستكمال الدراسة

الكاتب : Eng.A | المشاهدات : 4,256 | الردود : 10 | ‏17 أكتوبر 2010
  1. Eng.A

    Eng.A بـترولـي جـديـد

    44
    0
    6
    السلام عليكم

    زوجي خذا بعثة بيكمل دراسته.. هل الشركة تطلعني مرافق زوج و معاشي يمشيلي؟ ولا لازم استقيل؟

    الله يعافيكم الي يعرف يفيدني
     
  2. جهراوي نت

    جهراوي نت بـترولـي نشيط جدا

    208
    0
    0
    أعتقد اذا دازينة التطبيقي او الجامعة او دكتور ودازينة الصحة تطلعين


    غير جذي ما اظن


    لكن مو متاكد ان شاء الله احد يفيدنا اكثر
     
  3. Eng.A

    Eng.A بـترولـي جـديـد

    44
    0
    6
    مشكورر اخوي جهراوي

    انشالله ننطر احد يفيدنا بعد
     
  4. طرباخ

    طرباخ بـترولـي جـديـد

    25
    0
    0
    الى المهندسة

    انا عندي ولد عمي شغال بشركة البترول زوجته عطوها الجامعة دراسة الدكتوراة والماستر طبعا خارج الكويت حاول يطلع معاها رفضة الشركة ولازالت المحاولة قائمة
     
  5. Eng.A

    Eng.A بـترولـي جـديـد

    44
    0
    6
    الي اعرفه اذا الزوج دبلوماسي يطلعونها عادي و معاشها يمشي

    بس البعثة مادري

    اتمنى احد يفيدنا
     
  6. تايتنك

    تايتنك بـترولـي خـاص

    1,239
    0
    0
    عليج بتشغيل الواسطة واللة يوفقج
     
  7. Workers

    Workers إدارة المنتدى

    7,767
    30
    48
    ذكر
    الكويت
    وعليكم السلام
    الشركة ماتعطيج اجازة باجر لمرافقة الزوج .. ومولازم تستقيلين .. قدمي إجازة بدون اجر وراح يوافقون وراح يستنفذون
    رصيد اجازاتج وبعدين تصير الاجازة بدون اجر ..

    القطاع النفطي يقدم لزوجة الموظف اللي عنده ايفاد لمهام خارج الكويت
    يدفعون عن زوجته اشتراكات التامينات بس وبشرط انها تعمل في جهة حكومية وترافق الزوج طول فترة الايفاد
    ولازم تكون حاصلة على اجازة بدون مرتب بناء على كتاب من جهة العمل ..

    عموماً الاجازة بدون مرتب لازم يكون عندج ظروف استثنائية وهي سفر الزوج قدمي اللي يثبت وتاخذين الاجازة ..
     
  8. Workers

    Workers إدارة المنتدى

    7,767
    30
    48
    ذكر
    الكويت
  9. الماجستيري

    الماجستيري بـترولـي نشيط

    91
    0
    0
    لا إختي مايحق لج إجازة معاه إلا في حالة واحدة فقط

    اللي يحق لج إنج تاخذين إجازة بدون راتب (مرافقة مبتعث) والمؤسسة تدفع إشتراكات التأمينات فقط لاغير

    ووفق البعثة الدراسية يمشي له راتبة وراتب إضافي يعني ما تحتاجين راتبج عادي

    هذا بالإضافة إلى التذاكر وأمور طيبة ومزايا مجزية

    موفقين
     
  10. King-fahed

    King-fahed بـترولـي نشيط

    85
    0
    0
    اذا راح بدون زرجته يمكن يتزوج هناك الغربه مره
     
  11. mjaljaser

    mjaljaser بـترولـي جـديـد

    18
    0
    0
    عندي سؤال يا جماعة، الحين اللي يدزونه بعثة شركة نفط الكويت و زوجته موظفه في القطاع الحكومي، هل يتم اعطائها اجازة مرافق زوج مع راتب؟ لاني اطلعت على القرار المختص بهذا الموضوع و لكن الصدمة الكبرى ان اذا كان المبتعث موظف في مؤسسة البترول (الشركة الام) يتم اعطاء زوجة المبتعث اجازة مرافق زوج مع راتب كامل! لان ميزانية المؤسسة تبع الحكومة! اما موظفين الشركات التابعة فزوجات المبتعثين يتم اعطائهم اجازة خاصة بدون راتب! و هذا الكلام من مصادر موثوقة من ديوان الخدمة المدنية و انا الصراحة مو داشة عقلي السالفة لان ميزانية كل الشركات التابعة للمؤسسة ميزانيتها اصلا من الحكومة و هي شركات حكومية الا شركة ايكويت يمكن، عطوني الحل، و اللي يعرف عضو خل يقوله الموضوع يمكن يطرحونه بالمجلس، و اللي يعرف احد مبتعث من احدى الشركات التابعة للمؤسسة و زوجته موظفة حكومية و طالعة اجازة مرافق زوج مع راتب يبلغني جزاكم الله خير. يا نقابة يالله شدو حيلكم. و شكرا

    يرجى الرفع باستمرار
     
جاري تحميل الصفحة...

مشاركة هذه الصفحة