الديناصورات!!!!

الكاتب : prince | المشاهدات : 1,366 | الردود : 22 | ‏6 ديسمبر 2007
  1. prince

    prince بـترولـي جـديـد

    36
    0
    0
    السلام عليكم
    ياجماعة الديناصورات الي عندنا متى راح يطلعون !!!!!!!!!!!!!!!!!!!!!!!!!!!!!
    كل واحد كمل الثلاثين وللحين يقول عندي التزامات !!!
    والثاني يقول بكمل مستقبلي!!!!
    والثالث يقول أنطر الولد يشتغل وبعدين !!!!!

    بس أنا أقول الشرهه على الشركة الي للحين مخليتكم !!!!!!!!!!!!!!!!!
    لازم بس تكمل الثلاثين خلاص مشكور ومع السلامة

    بس ماكو فائدة
    وتعس عبد الدينارررررررررررررررر
     
  2. hanfa

    hanfa بـترولـي جـديـد

    14
    0
    0
    منو يحس اخوي

    عندنا واحد 33 سنة خدمة وثلاثة من اعياله بالشركة وهو للحين قاعد ياكل حلال غيره
    ويقولون اشلون اتصير البطالة
    الله يرزقهم

    ويقول الشركة كلش مو عائلية
    يا سبحان الله
     
  3. khaled

    khaled بـترولـي نشيط

    55
    0
    0
    يا اخواني انا موظف جديد بس هذي ضروف ناس مايعلم فيها الا الله سبحانه وتعالى والحكومة تعطيهم المعاشات ومو عيب الواحد يطمح بالترقية لاكن مو على حساب الغير بعضهم يدعي عليهم بالموت ولاعيب يكون الانسان قنووووووووع ترى القناعة لها اثر كبير على الانساااااااااااااااااان
     
  4. alqreen

    alqreen بـترولـي مميز

    509
    0
    0
    اول شى الديناصورات المفروض يسوون فيهم مثل الداخليةوالدفاع يسوون ديوان لهم فى الشركات للى مايبى يطلع

    يعنى شغلتهم استقبال وفود تدريب موظفين مو يخلونهم فى نفس المكان

    وبعد يمكن اللى مايبى يطلع يكون مرتاح فى شغلة ويفكر انه اذا طلع بيصير شايب حده
    والله يعطيهم طولت العمر والرزق على الله مو اهم اللى ماخذين رزق غيرهم
     
  5. hanfa

    hanfa بـترولـي جـديـد

    14
    0
    0
    مشكورين اخواني

    بس مثل ما قال اخوي خالد وين تحصل ناس قنوعين باللي عندهم
    وثاني شي والنعم بالله هو الرزاق بس من صجك واحد عمره 67 سنة وهو للحين شغال واستثناءات من فلان وعلان ، والقانون يسمح للموظف لين يصير عمره 65 سنة

    وشاكر لكم
     
  6. مواق

    مواق بـترولـي مميز

    501
    0
    0
    [​IMG]
     
  7. hanfa

    hanfa بـترولـي جـديـد

    14
    0
    0
    عسا ماشر اخوي مواق

    تحتج على شنو
     
  8. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    عجبني الموضوع قلت اشاركم

    لكن صراحه القرين عجبتني لاول مرة في تاريخ المنتدى افكار نيرة

    ياجماعه الدينصورات على قولتكم بكره بنصير مكانهم هل راح تترك راتب احتمال يوصل 2000 الى 2500 و تطلع على 1250 و الله قهر بعدين ماتعرف ظروفه لكن الي ربي منعم عليه ماتفرق معاه لكن الله يرزقهم و يرزقنا المفروض يسونهم مدريين للموظفين الجدد و يوفرون فلوس المدرسين الي موفاهمين الشغل و الله اصرف للشركة و لنا نترقى و نعين من الله خير لا و تقولهم دوام صباحي من باجر كلهم يصيرون مدربين في اقسامهم و لكم مني جزيل الشكر
     
  9. WaRiO

    WaRiO بـترولـي مميز

    الله يخليهم انشالله ... واهم قاعدين يشتغلوون مثل ماتقووم الصبح اهوو قاعد والعصر والليل موجود

    ومادام في قانون يسمحله يشتغل الى 60 من عمره فهاذا حق من حقوقه

    موفقين
     
  10. القحطاني

    القحطاني بـترولـي خـاص أعضاء الشرف

    4,717
    0
    0
    اخي الكريم اكثر الناس الي يقعدون عندهم التزامات وهاذي من المشاكل العويصه ....
     
  11. بلبل عنقريزي

    بلبل عنقريزي بـترولـي خـاص

    2,187
    0
    0
    يالربع وشتبون باارزاق العالم
    بكره بنصير مثلهم وبتجربون الموضوع

    العالم التزامات وبلاوي
    اشرهوا على حكومتكم
    الحين رديتوا على ربعكم ؟

    قطع الاعناق ولا قطع الارزاق

    تكلموا على شي مفيد
    دامها ببطونهم بجعل فيه العافيه
     
  12. علميني الحب

    علميني الحب بـترولـي نشيط جدا

    365
    0
    0

    كلامك كافي ووافي
    والناس وراها ألتزامات وقروض وعيال
    والتقاعد يطيح نص راتبه
    بس أنا بعرف الحريم ليش ما يتاقعدون وعمرها وصل الخمسين
    إي تفتح مجال للي وراها
    مو تحيز أو كره لشخص معين ( عزالله في بطنه ريح :d )
    بس الرياجيل عندهم ألتزامات والأخت بالله شعندها ؟؟؟؟؟؟؟؟؟؟؟؟
     
  13. WaRiO

    WaRiO بـترولـي مميز

    والله يا خوي حتى الحريم منهم المتزوجه والغير متزوجه ... ومنهم الي تصرف على روحها ومنهم الي تساعد زوجها على الديون

    وما نقدر نلووم احد

    وانا متاكد 1000% اي واحد يشوووف رووحه اذا حان وقت التقااعد وما عليه شي راح يطلع


    موفقيين
     
  14. جابر

    جابر قــلــم بــتــرولــي أعضاء الشرف

    حتى لو مافيه أى إلتزامات ... مافيه أحد يكره الفلوس ..:D
    خصوصا لما الدوام يكون على الكيف ... أو ماعليه رقيب ولا حسيب ...:(
    منو اللى يكون راتبه 2500 دينار ودوامه خفيف ..ويتقاعد على 1200 دينار ...الفرق كبير ...:D

    تبى تخلص منهم ... يا تعطيهم (بكج) أو إنك تعطيهم مسئوليات وتحاسبهم عليها .. هنيه اللى يثيت إنه لازال عارف شغله صح ..يستحق يقعد ...واللى يخبص .. راح يركض ركض للباب ..:D

    عمليه سهله ... بس تبيلها أصحاب قرار ، وينفذ على الجميع ... يعنى إنسى :rolleyes:
     
  15. كعبول

    كعبول بـترولـي نشيط جدا

    496
    0
    0
    عادي ....

    اخوي ترى فيه ناس عندها ظروف تحدهم انهم يقعدون اكثر .... وغالبا هالظروف تكون عائلية ....


    يعني افرض مثلا انك انت عمرك 50 سنة الحين ....

    وعندك قرض ليلحين ماخلصته .... ولمن تتقاعد راح يقل معاشك طبعا ....


    راح تتقاعد ولا اتم على مكانك بس علشان تفتك من القرض وبعدها تتقاعد !!!


    وايضا ...

    فيه ناس يحبون يشتغلون لانه اذا تقاعدوا راح يكون حياتهم فرااااااااااااغ لانه عيالهم تزوجو كلهم وماصفيت الا انت ومرتك قاعدين تتناجرون مع بعض ... يعني متفاهمين يعني ....



    حولوا يا اخوان ان تفكرون انه غيركم ممكن بورطة او شي جذي وهذا اللي يخليه يقعد ....

    يعني لا تفكرون بانفسكم وااايد .....
     
  16. كي او سي

    كي او سي بـترولـي خـاص أعضاء الشرف

    كلامك عدل يا خوي

    بس نظرتي مو حق واحد عمره 50

    مثل ما ذكرت ناس قاعده تشتغل واعمارهم فوق الستين وعيال عيالهم يشتغلون

    واذا عليهم قروض وكانوا ماخذين حق عيالهم عيل وين رد الجميل ويشيلون ابوهم بعد هالعمر هذا

    وضربتلك مثال عن واحد عنده ثلاثة اعيال الله يخليهم له وهو للحين شغال بالشركة والله يعطيه الصحة والعافيه

    ترى موحسد بس منطق وهل بقى من العمر شي
     
  17. كعبول

    كعبول بـترولـي نشيط جدا

    496
    0
    0

    والله هم صح كلامك انه فيه نااس طماعيين ....


    ماشاء الله عنده 3 عيال يشتغلون واهو بعد ليلحين يشتغل ....

    والله فيه حيل يشتغل .... لا وعمره 60 بعد ....


    الظاهر انه عياله نسووه او كل واحد تزوج او خذاله قرض .....


    ويمكن كلهم من عايلة طماعين ويحبون الفلوس .....
     
  18. Eng.Vampire

    Eng.Vampire بـترولـي خـاص

    في ناس خدمتهم وصلت شي وثلاثين سنة بالقطاع يعني جيييييل كامل وللحين معشعشين مادري شنو ينطرون ... والله يا اخوان ما نتمنى لهم الا كل خير بس هم لازم يعطون فرصة لجيل الشباب .. عندنا بالشركة مسؤولين خدمتهم فوق ال 30 سنة ومو ناوين يطلعون .. وهم في شباب مؤهلين وخدمة بس مافي لهم مكان ؟؟ شنو ذنبهم ؟؟؟ بعدين موضوع الالتزامات والعيال يدرسون وهالسوالف مو عذر او ذريعة تخلي الواحد ما يطلع تقاعد لازم يكون مبدأ تكافؤ الفرص موجود
     
  19. Omdah

    Omdah موقوف

    64
    0
    0
    الديناصورات .. يا أساتذه .. و يا آنسات .. و يا عانسات ..

    قاعدين يشتغلون أحسن من كثير من الموظفين الجدد .. ما تلقون عندهم تذمر من طول الدوام .. الريوق .. الوجبات .. كم العمل .. تدريب الزملاء الجدد ..

    أكثرهم .. يرحبون بجميع الكويتيين الجدد و لا يبخلون .. بخبرتهم و معلوماتهم ..

    مثل ما تفضل بعض الزملاء .. الراتب 2000 و التزامات .. و بعدين (مت قاعد) على 1187 و نص دينار .. هذا الفرق ..

    بدل ما تنادون بالتخلص من الخبرات و تفريغ الشركات النفطية من المخلصين ,,

    طالبوا برفع سقف الراتب التقاعدي .. و أعتقد أكثرهم .. يحبذ .. فرقى الناس اللي ما يبونهم ...

    على فكرة!!
    التكميلي .. إذا تبون تعرفون .. ترى ضحك على الذقون ..
    التأمينات تخصم 87.5 و يعطونك .. 106 و أنت مغطي 1250 .. مو حرام !!؟؟

    طالبوا بالمفيد ..

    أرجو من الجميع تغيير هذه النظرة عن الزملاء (الخير و البركة) ...

    و بس



    العمده
     
  20. Oil Engr

    Oil Engr بـترولـي نشيط جدا

    372
    0
    0
    لاننسى ان في دينوصورات من الفورمنية والأبريترية والسوبرفاسرية

    وليس فقط من المسؤولين فقط
     

مشاركة هذه الصفحة