مــتى ينفــتح باب تسجـيل مشـغل حقـل

الكاتب : الـحربي | المشاهدات : 1,556 | الردود : 7 | ‏1 أكتوبر 2010
  1. الـحربي

    الـحربي بـترولـي جـديـد

    3
    0
    0
    سلام عليكم ورحمه الله وبركاته

    شـباب الله لاهينكم ابي منك نصيحه وانا واحد ادرس بتكنلوجيا وصار لي سنتين وعندي انذار معدل وبالعربي مابي ادرس ابي اتوظف وقالولي شباب مشغل حقل حلوه ومعاشاتها طيبه وقويه بس دوام تعب الـمهم ابي لما اتوظف اي اقريد واخير اقريد الي اوصله كــم..؟وكم معاشي..؟في دورات ولا مافيه..؟؟ونظام دوامي اشلوون..؟؟ واخير شي ابي متى تسجيل وجزاكم الله كل خير :)
     
  2. ربينا سوا

    ربينا سوا بـترولـي خـاص

    مرحبا مليون في إبن العم..

    قبل نص ساعة واجهة أحد النواب وسألته عن التوظيف في القطاع النفطي فقال:

    شهر 11 راح يفتحون وظيفة مشغل حقل.

    لكن أخوي يجب أن تعرف أن الشهادة المطلوبة هي القسم العلمي وإختبار الإنجليزي نوعا ما صعب

    لا أريد أن أحبطك لكن لازم تكون بالإنجليزي ممتاز.. الدورة سنة وكم شهر والدوام نظام الشفتات والدرجة 8

    والراتب طيب إذا كنت متزوج حول الألف يعني تقدر تشتري( نيسان باترول) بالون.. والتسجيل سوف يعلن بالجرائد.

    بالتوفيق إن شاء الله.​
     
  3. الـحربي

    الـحربي بـترولـي جـديـد

    3
    0
    0
    هلا بــك زود ..انا نسبتي 56 بالميه مقرارات 1.77علـمي وبالانجليزي زين اعرف اتكلم واقري لك علي شوي
     
  4. ربينا سوا

    ربينا سوا بـترولـي خـاص

    نسبة 56 ما تنفع لا زم تجيب إستثناء.. وأختصر عليك الطريق شوف لك واحد يعرف

    النائب/دليهي الهاجري وإذا بعد يمون عليه حيل خله يسجلك في لستت المهمين.

    بالتوفيق إن شاء الله​
     
  5. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    دليهي يقول لازم تنجح بالأختبار والباقي عليه

    لا تروح ولا تتعب أدرس وتعلم لاتعتمد على الواسطات
     
  6. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    انا حاليا بفتره الدوره
    طبعا الدوره سنه اذا كنت اوكي بالانقليزي يعني مو ماخذ دوره انقليزي ومعفي منها نفس حالتي .. واذا الانقليزي مو ذاك الزود دورتك تصير سنه و 3 اشهر

    المعاش بالدوره 350 ويخصمون منه التامينات 20 يعني قول 330

    هذا بال6 اشهر الاولى اللي تداوم فيها بمركز التدريب ( تدرس وتدريب عملي وامتحانات اسبوعيه )

    ال6 اشهر الثانيه تداوم بالمصفاه ( يأهلونك حق الوظيفه ) داوم طبيعي ويزيدون على معاش الدوره 70 دينار اللي اهو بدل شفت

    بعد ال6 اشهر الثانيه ينزل بحسابك مبلغ 1800 دينار الى 2000 دينار اثر رجعي ملوت ال6 اشهر اللي داومت فيها بالمصفاه بربع راتب

    وخلاص تتثبت بوظيفتك وتتوظف على قريد 7 ومعاشك 890 وزياده عليه جم بدل
    وبعد سنه ترتفع من قريد 7 تصير قريد 8 وطبعا المعاش يزيد

    بس بعدين كل سنتين اتوقع او ثلاث يرتفع القريد مالك وحسب تقاريرك تبيض الويه ولالا بالشغل
    واعلى قريد توصله على حد علمي 15
    وانشالله نشوفكم من اوبريترات لي سوبرفايزرات :d


    سالفه القبول
    ماله شغل علمي ولا ادبي او عامه ولا مقررات

    انا شهادتي ثنويه مقررات وادبي بس لازم تكون نسبتك اقل شي 60% والانقليزي يكون قوي عندك
    لان بالدوره مافي عرب كلهم اجانب والامتحانات كيميا وفيزيا بالانقليزي والامتحانات بالانقليزي والدكاتره اجانب
    والامتحانات كل اسبوع مافي شي اسمه فاينل , كل خميس امتحان واللي تمتحنه خلاص ما تاخذه مره ثانيه

    الزبده لازم الانقليزي يكون عندك قوي علشان تشيل عمرك بالدوره
     
  7. الـحربي

    الـحربي بـترولـي جـديـد

    3
    0
    0
    مــتى ينفــتح باب تسجـيل توظفي للمطافي وللمشغل حقل

    سلام عليكم ورحمه الله وبركاته


    ابي استفسار مـتى يفتح باب تسجيل في الوظايف knpc صار لي اكثر من 4 اشهر وانا انطر للحين مافتحو ولا لا..؟؟
    والمطاافي النــفظ يقبلون ثانويه مقرارات علمي ولالا؟؟ ومشغل حقل متى يفتحوون تسجيلهم .؟؟.وياليت احد يفيدني وجزااكم الله الف خير..واتمنى من الكل يرد علي وشكرا.
     
  8. ربينا سوا

    ربينا سوا بـترولـي خـاص

    والله يالغالي ... ضيعونا

    ما عاد نعرف صدقهم من كذبهم.. نقص شديد بالمصافي وتكتيم شديد على إعلان الوظايف

    شيء محير ياخوك.. إترسوا المصافي بالهنادوه عمال المقاول..إيييييه... الله المستعان.
     

مشاركة هذه الصفحة