بخصوص الـ coverall & safty shoes

الكاتب : hussain | المشاهدات : 2,380 | الردود : 11 | ‏27 سبتمبر 2010
  1. hussain

    hussain بـترولـي جـديـد

    22
    0
    0
    op.2
    kuwait
    يا جماعه قريت هالنص اللي بحطه لكم في لائحه الجزاءات التأديبيه للعامل ألا وهو :-

    21-كل موظف أو عامل لا يستعمل أو لا يرتدي ما تصرفه له الشركة من ألبسة وأدوات السلامة لوقايته أثناء العمل أو يحضر إلى العمل بدون هذه الألبسة والأدوات .

    والجزاء الاول وهو : الإيقاف عن العمل حتى ارتداء الألبسة والأدوات اللازمة مع خسارة الأجر.

    الموضوع مو سالفة الجزاء ، السالفه انه الشركه تعطينا عدد 2 بلسوت وعدد 1 سيفتي واحنا نداوم بالسناتر واهل السناتر ادرى احنا شلون متعرضين للكرود ، انزين ادا توصخوا البلسوتات او انشقوا (ادري بتقولون ودهم المصبغه او خيطهم) :) انا اقدر اسوي جدي واقدر بعد اروح اشتري احسن منهم ولما البس اللي احسن منهم ما يعجب المسؤولين يقولك ليش مو لابس لبس الشركه ، والسيفتي يا جماعه بس واحد طول السنه شالسالفه وين قاعدين !! ياخي اللي بريله مرض او شغله وما يقدر يلبس ها السيفتي لمده سنه إلا ولا زم يغير شلون ؟ الجواب انه يقدر يروح يشتري احسن منه ، اوكي لما يلبسه يردون بعض المسؤولين ويقولك ليش مو لابس سيفتي الشركه :(

    ترى الحمد لله نقدر بمعاشاتنا نلبس احسن لبس بالمواصفات من اللي يوزعونه .
    السؤال ألحين البلسوتين انشقوا والسيفتي ما يصلح اني ألبسه شسوي ؟
    طبعا ابي الجواب حسب الماده اللي بالائحه
     
  2. مهموم

    مهموم بـترولـي نشيط جدا

    261
    0
    0
    اخوي بالنسبه للبلسوت اذا تلوث بالزيت او انشق اثناء العمل او تلف لاي سبب اثناء العمل من حقك تكلم مسؤولك المباشر ويطلب لك من المخازن وبالنسبه للسيفتي شوز اذا ما كنت تقدر تلبسه لاسباب صحيه تطلب لجنه ويعفونك من ارتدائه بامر لجنه طبيه
     
  3. hussain

    hussain بـترولـي جـديـد

    22
    0
    0
    op.2
    kuwait
    مشكور على الرد حبيبي
    صارلي 5 سنين توني اعرف هالمعلومه
    انزين في ماركات معروفه بالبلسوتات والسيفتي واعتقد انك تعرفها
    ليش شركتنا مو معترفا فيهم ؟
     
  4. مهموم

    مهموم بـترولـي نشيط جدا

    261
    0
    0
    الله يعافيك ويسلمك طالما ان رب العمل يوفر لك اللبس المناسب فانت غير مطلوب منك ارتداء خلافه الا في حالة انه ما يوجد مقاس لك فانت تحضر اللبس من خارج الشركه وتحضر الفواتير الخاصه به او يتم طلب مقاس لك وهذي ما تحصل الا في حالات نادره بسبب الطول او الوزن او مقاس السيفتي شوز
     
  5. Ahmad Alenezi

    Ahmad Alenezi بـترولـي نشيط

    53
    0
    0
    السلام عليكم ....

    الله يعينك يالحبيب والف لا باس عليك ان شاء الله...


    انا اتفق مع راي اخوي و اقولك اطلب لجنه لكن اللي يضحك في الموضوع انه يا كثر اللي اشوفهم كله لبسهم من بره و هم مسؤولين اصلا

    موفق يالحبيب والله يعينك اذا بتطلب لجنه

    رايحه جايه رايحه جايه
     
  6. المهندس

    المهندس بـترولـي خـاص

    1,305
    8
    0
    الكفرهول اللي موزعين مو صناعه الريد وينج (الجناح الاحمر) شكله واضح مفصلينه في الكويت ولازقين عليه العلامه ... يعني غير مطابق للمواصفات .... تاكدو يا جماعه ما نبي المقاولين يستغلون البلد
     
  7. مهموم

    مهموم بـترولـي نشيط جدا

    261
    0
    0
    بس فيه نصيحه احب اقولها لكل الاخوان المستجدين حاولوا تعرفون كل حقوقكم ووجباتكم بالضبط واعرفوا مهام وظيفتكم بالظبط والا تغامر بنفسك ترى في كل مكان معلقين السلامه اولا والشي اللي ما تعرفه اسال والا تقوم باي عمل ما دربت عليه لانه في هذه الحاله راح تعرض نفسك للخطر انت وزملائك
     
  8. ضارى

    ضارى بـترولـي نشيط

    السلام عليكم

    عزيزى حسين

    أغلب الموظفين يستخدمون بلسوتات من خارج الشركة

    ولم يتم تفعيل هذا القانون على أحد

    المشكلة تأتى فقط من شركة التأمين

    يوجد بند من البنود

    لا يلزم شركة التأمين بالتعويض لأى عامل

    لا يستخدم ملابس السلامة المعتمدة من قبل شركة نفط الكويت وشركة التأمين

    وكما تعلم فإن شركات التأمين تبحث عن أى عذر لعدم دفع أى تعويض للعامل

    لذلك يحرص المسؤولين بالتنبيه على هذا الأمر حتى لا تضيع حقوق العاملين

    والله أعلم
     
  9. Lag

    Lag بـترولـي نشيط

    94
    0
    0
    شوف اخوي

    اذا كنت تشتغل في السناتر وطبيعة عملك فنية ,, فانت تستحق بلسوتين وسيفتي شوز كل نصف سنة مالية
    يعني لك 4 بالسنه

    ربعنا فيهم جعصنه ,, عشان جذي ما يصرفونهم كلهم ,,, وعشان هذا السبب ما يقدر يتخذ فيك اجراءات جزائية لانهم هم اللي مقصرين

    انت عندك حلول كثيرة

    اولا بداية كل سنة ماليه دز ايميل للمسؤول واطلب فيه صرف مستحقاتك من ملابس الشركة ,, واحتفظ بنسخة من الايميل
    هني محد يقدر يخالفك الا اذا صرفلك الكمية كاملة ,, واكيد ماراح يصرفلك الكمية كاملة
    وعلى فكرة اذا ما صرفلك الكمية الكاملة لك حق تنبهه انك راح اداوم في ملابس رياضية بعد اسبوع اذا لم يتم صرف مستحقاتك
    وصدقني خلال هالاسبوع بيدزونلك 10 بلسوتات :)


    ثانيا اخذلك بلسوت زايد من بلسوتات الشركة وياليت يكون المقطع وعلقه بكبتك بالدوام خله زينه
    وداوم بالبلسوت اللي يريحك ,, واذا حاول احد يسجل عليك ,, عندك 5 دقايق تبدل وراح يحرمك من أجر 5 دقايق فقط :)

    ثالثا لا تلقي كل اللوم على المسؤولين ,, لانه بعضهم هم مضغوط ,, وهو ما يحب يأذي احد ,, بس يتعرض للضغط احيانا وخصوصا من جماعة السيفتي والتأمين
     
  10. Free_Kuwait

    Free_Kuwait بـترولـي نشيط

    115
    1
    18
    للعلم فقط اخوي... هذا البلسوت صناعه مصريه100%:)
     
  11. HP DRY

    HP DRY بـترولـي جـديـد

    27
    0
    0
    لك 4 بلسوتات بالسنه ماتاخذهم مع بعض لازم على فترات متفرقه يعني 2 2
    ولك سيفتي شوز واحد
    عزااااه يالسيفتي شوز القديم القصير
     
  12. Elking

    Elking بـترولـي جـديـد

    11
    0
    0
    السلام عليكم

    انا موظف اداري واداوم في الحقول. والجماعه اهني مو مقصرين حتى احنا قاعدين يطلبون لنا البلسوت و السيفتي شوز

    و اللي اعرفه انه كل ست شهور نستحق 2 بلسوت 1 سيفتي شوز و الجماعة فعلا قاعدين يطلبونها كل ست شهور.
     
جاري تحميل الصفحة...

مشاركة هذه الصفحة