بعثات الموظفين الســـــــــــــرية

الكاتب : مجموعة نفطية | المشاهدات : 2,632 | الردود : 17 | ‏27 سبتمبر 2010
  1. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    اخواني عندي سؤال وودي القى عليه اجابه

    في ناس قاعده تنقبل في بعثات البترول من الموظفين لكن ليش ماينزلون اسمائهم لنا

    انا عندي خبر اني في واحد من المكتب الرئيسي وواحد من مصفاة الشعيبة انقبلوا الفترة اللي طافت والحين مسافرين الله يوفقهم وييسرلهم الاول راح بريطانيا والثاني راح امريكا


    سؤالي كالتالي :

    اولا لماذا لايتم الاعلان عن اسماء المقبولين في البعثات ؟؟؟؟

    ثانيا لماذا عدد المقاعد 4 مقاعد فقط ليش مايتم زيادة عدد المقبولين ؟؟؟؟


    بالعكس خل نعرف اعداد المقبولين يعني الفترة اللي طافت انقبلوا اثنين فقط .....شلون تقولون نبي اربعه وانتوا قبلتوا اثنين ..........السالفة فيها فيتامين و ؟؟؟؟؟؟


    نبي نعرف
     
  2. VIBRATION

    VIBRATION بـترولـي نشيط جدا


    السلام عليكم ورحمة الله وبركاته

    أخي الحبيب الذي ذهب من الشعيبة إلى بريطانيا هو زميل لي وبنفس القسم الذي انا فيه ، الرجل حاصل على شهادة الدبلوم من كلية الدراسات التكنولوجية ، وأتم الشروط المطلوبة للإلتحاق بالبعثات ، والشرط الرئيسي والصعب هو أن تحضر التوفل 550 أو الــ أيلتس 6 ، وحقيقة الرجل تعب حتى حصل على الآيلتس وكافح إلى أن نال مراده .

    أخي أنا ذهبت بنفسي إلى إدارة التطوير الوظيفي وسألتهم عن الدورات والبعثات ولماذا لم يقبلوا إلا إثنين فقط هل تعلم ماذا كانت إجابة الموظفة في دائرة التطوير ؟

    قالت لي : لأنهم لم يحصلوا على التوفل أو الآيلتس !!

    وقلت لها بالله عليك هل هنالك واسطة بالموضوع حتى لا أتعب ويأخذها غيري باردة مبردة ، فأجابتني : صدقني لا واسطة بالقبول لأن الشيخة شذى هي من توقع على القبول .
     
  3. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    اللي راح من الشعيبه راح امريكا وهو موظف بالعمليات ...........


    وانا ماني حاسد احد انا بعرف ليش ربعنا يخشون هالامور عننا
     
  4. الهداد

    الهداد بـترولـي جـديـد

    33
    0
    0
    وليش تبي تعرف الاسماء ؟

    سؤالك غير مقنع
     
  5. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    اخواني ارجو انكم ماتفهموني غلط

    اول شي انا قلت الله ييسر لهم ويبارك لهم في مسيرتهم الدراسية ويوفقهم


    ثاني شي الشركة دايم تقول احنا نبي مثلا 5 مقاعد دراسية ونتفاجئ المقبولين 2 او 1

    ليش الشركة تحدد 5 مقاعد وتقبل 2 وتقضب الباقي الباب


    مع انهم مستوفين الشروط حالهم حال المقبولين ال2


    هنيييه السؤال


    اما الشباب اللي راحوا اقسم بالله اني فرحان لهم من كل قلبي وبالعكس ابيهم يجتهدون علشان يواصلون نجاحهم في حياتهم العملية
     
  6. AL-MU7AMY

    AL-MU7AMY بـترولـي جـديـد

    3
    0
    0

    لا يا أخي العزيز أنت محطيء !

    الذي ذهب من الشعيبة هو مبارك العجمي الله يوفقه الموظف في دائرة الهندسة والصيانة

    وذهب يوم السبت بتاريخ 25 / 09 / 2010 إلى بريطانيا لا إلى أمريكا !!
     
  7. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    يستاهل بوزايد كل خير ادري عنه

    بس في موظف من وحدة crude في الشعيبه هذا راح قبل شهر ونص تقريبا امريكا هم بعد يستاهل والله يوفقه مابي اذكر اسمه لان ممنوع ينذكر اسامي اشخاص في المنتدى


    ربي يوفقهم انشالله للجميع


    بس انا ابي اعرف ليش ربعنا مايزيدون مقاعد البعثات عشان الناس تستفيد اكثر ؟؟؟

    خل الخير يعم الناس ليش التضييق ؟؟؟
     
  8. بوعزوز الداهية

    بوعزوز الداهية بـترولـي جـديـد

    30
    0
    0
  9. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    الله يخلف بس
     
  10. @al-qrsh@

    @al-qrsh@ بـترولـي نشيط جدا

    372
    0
    0
    بس في موظف من وحدة crude في الشعيبه هذا راح قبل شهر ونص تقريبا امريكا هم بعد يستاهل والله يوفقه مابي اذكر اسمه لان ممنوع ينذكر اسامي اشخاص في المنتدى

    اخوى الموظف اللى انت تقول راح امريكا
    الرجال راح علاج بالخارج مع بنت اخته الله يشافيها
    وسلامتك
     
  11. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    يعني الا اذكر اسمه ..... كان بال CCR بالكرود بالD شفت راح من قبل شهر ونص امريكا يدرس هندسة هم بعد اجتهد وجاب الايلتس وراح بعثه

    وراح الرجال وربي يوفقه ويوفق كل الاخوان اللي اجتهدوا وراحوا

    اخواني انتوا ليش مو فاهمين النقطه اللي بوصلها انا ........!

    انا مع البعثات ماني ضدها بالعكس بس انا ابي ليش المؤسسة تقول نبي 5 كراسي وتقبل 2 بس ليش ماتلتزم وتفيد اكبر قدر ممكن من الموظفين

    ترى الموظفين يستاهلون كل خير اقسم بالله كفاية وقفتهم بالشمس بالصيف هذي بس كافية


    والاخوان اللي راحوا ربي يوفقهم بالعكس نتمنالهم كل خير عسا ربي يوفقهم وين ماكانوا

    بس احنا متافئلين خير بالشيخه شذى انها تتخذ قرار زيادة المقاعد او ان تلزم كل شركة بانها تقبل العدد المطلوب

    وتتجاوز عن بعض الشروط القاسية
     
  12. Ambitious

    Ambitious بـترولـي جـديـد

    25
    0
    0
    السلام عليكم

    الله يوفق اللي راحوا بعثة او اجازه دراسية ..

    بالنسبة للواسطه ..

    لا احد يستخف بعقول الناس .. مستحييييييييييييل احد يروح بعثة بدون واسطة ولازم واسطه قويه

    انا عندي دبلوم تكنولوجيا ومعدلي فوق ال 3 وعندي ielts academic 6.0 .. للعلم فقط

    اللي يسأل عن الاسامي .. ريح نفسك مو مهم الاسامي اهم شي الواسطه


    موفقين
     
  13. VIBRATION

    VIBRATION بـترولـي نشيط جدا


    لا بأس أخي العزيز كم كان معدلك او نسبتك بالثانوية العامة او المقررات ؟
     
  14. mtm

    mtm بـترولـي نشيط جدا

    419
    0
    0
    الله يوفقهم ويردون بعد تخرجهم
     
  15. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    يا معود احنا يدزون العالم ويخلصون وبعدين يدزون لنا المذكرة !! يعني عقب ما يحطون اللي يبونه يقولون ترى في بعثه !!


    عندنا تيم ليدر ياااااااااااااااااااااااااااااااااااااااااااو على باله الشركة بإسمه !!

    الله على الظالم

    وبالتوفيق للمبتعثين ...
     
  16. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    مو هذا اللي ابتلشنا فيه بعض المسؤولين كانك بتروح على حسابه
     
  17. محمد التيسي

    محمد التيسي بـترولـي نشيط

    74
    0
    0
    الله يوفق الجميع يستاهل من حصل عليها ومن لم يحصل عليها نقول لة ان شاء الله الدور جايك ولكل مجتهد نصيب
     
  18. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    الله يسمع منك ويوفق الجميع
     
جاري تحميل الصفحة...

مشاركة هذه الصفحة