حراميه الوظائف قولولنا شنو الحل معاهم وارجو الدخول والقراءه وعدم الشطب

الكاتب : رزقى على الله | المشاهدات : 1,458 | الردود : 10 | ‏22 سبتمبر 2010
  1. رزقى على الله

    رزقى على الله بـترولـي نشيط

    112
    0
    0
    السلام عليكم كلكم شباب وبنات لى متى وحنا نتكلم ونسولف ونسال بعض ونعصب ونام وحنا حلمانييين كل واحد باكر يقول بروح اكلم فلان وفلان والدعوا كلها عند مدراء الشركات الكبرى لى متى وحنا نكذب على انفسنا لى متى وكل واحد يسوى شغله بسكات وحتى ولد عمه مايعلمه ولى متى ونفطنا يروح برا والكويتى اولا فيه ولى متى والشروط التعجيييزيه حاطيينها عشان محد يدخل ولا شنو بصراحه انا اكتب وانا معصب على كل واحد فى النفط بيده التوظيف ويحرم الناس من الخبر والمميزات الى الكويتى احق فيها الله ياخذهم انشالله ويفصلهم ولا يوفق اعيالهم انشالله ان كانهم ماخلو الناس اتوظف ولا خلو الناس تعيش بالمميزات الحلوه الى اللله سبحانه وتعالى كاتبها لنا ولهل الكويت كافه وهاذى رزق من عند رب العالمين وهو يبدووون الاجنبى والهندى واذا مافى احد حطووو شروط صعبه ولا يبووون واسطه ويبون الكويتى يذل عمره ترى الناس اعزاااز نفس وانشالله ان حنا محنا ميتييين وكل واحد فى خير ونعمه بس الكلام الى يجرح الخاطر انه كل واحد من الاعضاء قبل لاينجح يحطك بحلم انك موظف فى القطاع النفطى ولما ينجح ويوصل للمجلس مايدرى ع7نك ولما تسفل فيه يجييبلك فلان وفلان واسطه عشااان تقووله مو قصدى واسف على العموم انا مابى اطول عليييكم واسمحولى على الكلام وحبيت اطلع الكلام هاذى من زمان وجا وقته والسلام ختام والله يوفق كل واحد مقدم على القطااع النفطى وانشالله يتوظف
     
  2. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت

    كلامك كله عدل
    :confused::confused::confused::confused::confused:

    أنا بقولك شغله وحده ((لاتعليق))
     
  3. m.alsayegh

    m.alsayegh بـترولـي جـديـد

    5
    0
    0
    opretor assasten
    kuwait
    السلام عليكم

    أنه اشارك الكنج في الموضوع وماكو تعليق ...

    بس اقول الرزق على الله مو بيد البشر
    ومايقص الرقبه الا اللي خلقها


    شكراااااا .....واحد محقور وايد
     
  4. أمن و سلامة

    أمن و سلامة بـترولـي نشيط

    81
    1
    0
    يا طول صبرك يا رزقني على الله

    أنا أشهد أنك قطعت الصبر تقطيع

    ما عليه عسى الله يفرجها عليك
     
  5. حظ عيني

    حظ عيني بـترولـي نشيط جدا

    151
    0
    16
    والله لو اجتمعو على ان يظروك بشي لن يظروك الابشي قد كتبه الله لك

    ولواجتمعو على ان ينفعوك بشي لن ينفعوك الا بشي قد كتبه الله لك
     
  6. المنصور

    المنصور بـترولـي خـاص أعضاء الشرف

    بسم الله الرحمن الرحيم

    { وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ }

    [ الذاريات: 22-23 ]

    الارزاق عند الله سبحانه مو عند البشر


    القطاع النفطي مملوك للحكومة ولا دخل لمدراء الشركات بأمور التوظيف

    ولا اعتقد ان في شروط تعجيزية والشروط كلها تناسب الجميع

    ولا جان محد توظف وصارت الوظائف في القطاع النفطي محتكره على فئه معينه من الناس

    التوظيف لجميع الكويتيين ولكن يجب ان تكون مستوفي الشروط

    +

    انك تعدي الاختبارات المطلوبه (انجليزي ، تخصص ، قدرات) ومن ثم المقابله الشخصيه

    وعقب كل هذا

    التوفيق من الله سبحانه

    وهو مقسم الارزاق
     
  7. S89

    S89 بـترولـي جـديـد

    23
    0
    0
    السلام ! مو جذي ياخوي افا عليك ! أنا الحمدالله انقبلت و راس أمي انه لا واسطه ولا شيء تعجيزي ! تؤكلت على ربي سبحانه و الحمدالله انقبلت ! إدعي ربك و ترى يمكن الله كاتبلك رزقتك ابمكان ثاني ربك سبحانه يبي عبده يسعي قدم اب كل مكان و يارب إلي فيه الخير لك الله يسهله لك ! حرام لا تدعي إبهالطريقه جزاك الله خير لأن يمكن انت اسمحلي بس ما فيك الشروط إلي يبونها يمكن في أحسن منك و اكتفو أبعدد معين ! و الله يوفقك .
     
  8. رزقى على الله

    رزقى على الله بـترولـي نشيط

    112
    0
    0
    اشكر كل من رد على الموضوووع وياليت الكل الى دخل وتفرج وقرى وطلع يرد بس للاسف اخوانا فى المنتدى يخافون من كلمه الحق ولو كل واحد حط ايده بيد الثانى وصارت مضاهره سلميه كان الشركات فتحت ابوابها لتوظيف ومع ذالك مافى شروط تعجيييزييه للشباب والبنات على العموووم انا لما القا واسطه توظفنى راح اوصل لشباب الى شاركو فى موضوووعى واعرض عليههم الواسطه وانشالله رزقهم ماايموووت واشكر واشكر كل من شارك وفى الاخير حبيت اقول ترى قبل اسبوع قابلت الشيخ احمد العبدالله وزير النفط وبغيت اكلمه فى موضوع التوظيف والشروط التعجيزيه بس الى كان واقف معاه ماعطانى مجال اكلمه ولا عادى اقولها نفس شربه الماى والسلام ختام
     
  9. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    اخوي والله مادري شقولك انا واحد من الناس اللي علقت نفسي بس انطر البترول

    صحيح اني انقبلت الحين واداوم بس والله كرهوني فيها

    صبرت سنه وبعد السنه طلبو مني طلبات وفحوصات والله انها كلفتني 600 دينار
    كله بسبه فحوصات واشعات بمستشفيات خاصه
    وماشالله بالكويت البوق محلل , اشعه تقط عليها 100 دينار يقولك يابلاش يعني حتى بعد ما انقبلت ضليت اسبوعين اراجع مستشفيات خاصه بس علشان كانو شاكين ان فيني مرض , خلوني اشك بنفسي قطيت 600 دينار عالفاضي وبالاخير يقولون اشتبهنا فيك مرض
    مبروك انت مقبول :/

    جد شي يضيق الخلق معقدين التوظيف وشروطهم مالها حل
     
  10. ITC

    ITC بـترولـي نشيط جدا

    294
    27
    28
    مبرمج
    كلامك عسل اخوي

    روح الله يرزقك الجنة
     
  11. ابو راشد المري

    ابو راشد المري بـترولـي جـديـد

    25
    0
    0
    kuwait
    السلام عليكم ورحمة الله وبركاته

    والصلاة والسلام على رسول الله صلى الله عليه وسلم ..

    اما بعد ..

    الموضوع في محله ..

    وانا مؤيد ان مافي شي يحصل لـ إبن أدام إن الله اذن له بالقسمه والنصيب ..


    وهالشي امر طبيعي والا يبي له رفعة ضغط ..

    لكن

    الي صحيح يحزن الشخص ان يقدم وعمك اصمخ ماتدري متى يردون عليك مثال انا مقدم من شهر 7 باقي المقابله إلى الحين خبر خير

    وهالشي من الاخطاء الاداريه ..

    على كل حال ..

    اسئل الله رب العرش العظيم ..

    إذا الوظفيه لـ خير فيها ان يكتبها لي واذا لـ منها شر ان الله يبعدها عني ..

    وهالشي المفروض كل شخص يدعي بالدعاء هذا ...



    وبعدين الاخ / S89


    اتق الله في نفسك والا تحلف بـ امك

    الحلف بـ غير الله شرك ...

    امك غاليه على العين والراس بس لا تشرك بربي الله يجزاك خير ..
     
جاري تحميل الصفحة...

مشاركة هذه الصفحة