تحقيق عسكري بالمرور بسبب عمل اعلان بالتلفزيون

الكاتب : كويتيه ماركه | المشاهدات : 776 | الردود : 4 | ‏12 سبتمبر 2010
  1. كويتيه ماركه

    كويتيه ماركه بـترولـي خـاص أعضاء الشرف

    بصراحه صدمني وشدني هـ الخبر ..
    خصوصا ان العسكري حيييل معروف بالكويت ..

    مستحيل تمر عنده وما يبتسم لك حتى لو بعز الحر الابتسامه ماتفارقه
    اقرو .. وانصدموا :/

    :
    عسكري بالمرور دفع ثمن حب الوطن
    ....
    أُحيل عسكري بالإدارة العامة للمرور إلى التحقيق بعد مشاركته في إعلان تجاري نفذته إحدى شركات الاتصالات.
    وتفيد التفاصيل التي رواها مصدر أمني لـ«عالم اليوم» ان عسكريا بالمرور افنى حياته محبا لعمله ومخلصا له وكان محط تقدير واحترام رؤسائه أُحيل إلى التحقيق على خلفية مشاركته في إعلان تجاري مرئي ومسموع لإحدى شركات الاتصالات الشهيرة وذلك بتهمة مخالفة العسكري المروري النشيط للقانون وعدم حصوله على الموافقة الرسمية من وزارة الداخلية.
    وأشار المصدر الأمني إلى ان احد العمداء بالوزارة كان وراء اثارة القضية بسبب غيرته من العسكري الذي يحظى بحب الصغار والكبار ومصدر ثقة لعدد كبير من السياسيين.
    وعزز المصدر صدق كلامه بالقول ان الاعلان الذي شارك به العسكري لم يتقاض عنه اجرا والهدف منه حث الشباب على حب الوطن والاخلاص في العمل.



    الاعلان مال viva
    اللي يطلع فيه العسكري " مال قرطبة "
    معقوله الحين 28 سنه وعشان سوى اعلان ببلاش حق الكويت !!
    تحيلونه تحقيق وتسوون له سوالف
    :/


    تعليقي : مايستاهل التحقيق والي صار كله انا اشوفه من حبه لديرته .. بس اهو غلط انه طلع يعني خدمه 28 سنه ومايدري المفروض بعد يراعون جم صار له ومايحاسبونه انا اشوف في اشياء جايده يغطون عليها والاغلاط الصغيره يكبرونها ؟؟..


    :
    :
     
    آخر تعديل بواسطة المشرف: ‏16 فبراير 2015
  2. بن عامر

    بن عامر بـترولـي خـاص

    1,159
    0
    0
    k.o.c
    kuwait
    سبحان الله الشخص هذا كذا مره أروح قرطبه و أمر عليه و أشوفه مبتسم و يسلم على الناس بطيبه مو طبيعيه و ما يستاهل اللي صارله مفروض يقدرونه بدال لا يحاسبونه .
     
  3. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    حسب المعلومات اللي وصلتني

    ان الاخ محمد بلال قام بالتصوير بعد تكليف من قبل

    وكيل وزارة الداخلية السيد / احمد الرجيب واخذ الاذن منه

    وبعدين بالنسبة للعسكر ممنوع يظهرون في اي جهاز اعلامي بدون اخذ موافقه

    وهذي الشغله ما طوف على رجل امن ملتزم بعمله مثل بو صباح والكل يشهد له

    وان شاء الله تكون المعلومه اللي عندي صحيحة

    ودمتم سالمين
     
  4. جابر

    جابر قــلــم بــتــرولــي أعضاء الشرف

    نظريااااااااااااااااااااات ..طب وتخيّر :):)
    نظرية المؤامره (1) : السالفه مو علشان العسكرى ..قد ماهى علشان (الورده الصفراء) شعار الأسرى ..ناس تبى تنسى وترزق الله ..المتهم كل من له مصلحه بطمس أثار الغزو
    نظرية المؤامره (2) : وجه محبوب ومعروف ..وإعلان لمس قلوب الناس لأن المشارك فيه منّا وفينا ..مو ممثل - المتهم شركات الأتصالات المنافسه وأعوانها فى دهاليز الوزاره
    نظرية المؤامره (3) : الوزاره متروسه حسّاد ومو عاجبهم أحد يطلع جدّام الناس ..لازم اللى يطلع بالتلفزيون (محسوب على أحد) ورتبته عاليه ..ضابط كبير بالداخليه ورا هالشغله
    نظرية المؤامره (4) : الدفاع صادت أثنين (عسكر) رفعوا علم إيران ..وماندرى شنوصار عليهم ..الداخلية قالت أنا أضرب بيد من حديد لأى عسكرى يرفع علم (الكويت ) ..مالقوا كله مدنيين ..حطوا الحره بوكيل الضابط لأنه (رفع شعار الأسرى) ..المتهم (غيرة شرايج - وزارات)
    نظرية المؤامره(5) : وزاره سايبه ويبوون يبينون إنهم عندهم (عين حمرا) ...أعلى رتبه يقدرون عليها وكيل ضابط ..بعد كلنا نعرف حتى الضابط بونجمه مايدخل الكليه الا وراه وزير أو عضو مجلس أمه (بليييييه) أو من الدماء الزرقاء ..

    ماعليه ...خير تعمل شر تلقى ...علشان الكويت وأهلها ...قط ورا ظهرك ..:eek:
     
  5. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    يعني الموضوع إشاعه !!!

    اللهم اكفنا شر الاشاعات والفتنه وبلاكبيري ..

    وشكرا !
     
جاري تحميل الصفحة...

مشاركة هذه الصفحة