الواسطة بالتوظيف

الكاتب : viva_elbarca | المشاهدات : 3,015 | الردود : 20 | ‏10 سبتمبر 2010
  1. viva_elbarca

    viva_elbarca بـترولـي نشيط

    100
    0
    0
    ياجماعة شسالفة الكل يقول زهب الواسطة جهز الواسطة حق القبول يعني شنو ازفت بالامتحانات وزهب الواسطة شغلي يمشي؟؟ مومعقولة؟ ماعندهم سستيم درجات وسقوط ونجاح ولا قصدهم الواسطة بالمقابلات؟؟
     
  2. ابو هاني

    ابو هاني بـترولـي نشيط

    146
    0
    0
    عدل كلامك واذا ماعندى واسطة شسوى مو حرام لازم يشوفون لنا حل ويفكونا من الواسطات صج تبهذلنا
     
  3. جابر

    جابر قــلــم بــتــرولــي أعضاء الشرف

    شخصيا ..ما أعتقد إنه فيه أحد راح ينظلم ..بشكل واضح...لكن هذا مايمنع إن المقابلات فى كل مكان ، مو بس الشركه لها أثر كبير ..
    فيه ناس عندها ذمّه وتحاول فى المقابله إنها تكون محايده .. وفيه ناس ممكن توصلك السما بالمقابله أو تخفس فيك بناء على شغلات مالها أى علاقه بالمهنيه ..مثل إسم العائله ..وإذا ماعجبته ..يدوّر الزلّه ويكبرها..وإذا تعجبه يرقعلك أثناء (نقاشهم) وحصر الدرجات..

    حاول تعرف منو اللى بلجنة المقابلات ...

    الزبده ..الواسطه بالمقابله لها أثر كبير ..صحيح ماراح تقلب (الأثول) عبقرى ...لكن بما إن الغالبيه ناس فهمانه ..والأماكن محدوده ..فأى نقطه تحصلها تكون لصالحك ..

    للأسف ماعندى معلومات خاصه تنفعك ..وكلامى عام مو بالضروره عن شركتنا ..لكن أعتقد إنه واضح ..نحن لانزال جزء من الكويت

    وبالتوفيق
     
  4. viva_elbarca

    viva_elbarca بـترولـي نشيط

    100
    0
    0
    الواسطة بالمقابلة سهلة ومعظم الناس يقدرون يدبرونها وحتى لو مادبرها ترى معظم المتقدمين ناس فاهمين ويعرفون يتحجون لكن هل تنفع الواسطة بالامتحانات؟ انا سمعت ان اذا كان التقديم عن طريق الشركة راح يكون شغلهم كله واسطات اما عن طريق المؤسسة فتكون صعبة
     
  5. دمعة المقهور

    دمعة المقهور بـترولـي نشيط

    53
    0
    0
    انا عن نفسي اقولك...ماعليك من هالكلام...اهم شي انك تقدم زين بالامتحانات....والمقابله

    اغلب الناس الي انقبلو مااحتاجو لواسطه ولا شي


    خل واسطتك رب العالمين

    والله يوفقك ان شاءالله
     
  6. هلا خفجى

    هلا خفجى بـترولـي نشيط جدا

    179
    0
    0
    مشكلتنا فى ادارتنا العنصرية والطائفية والمحسوبية اتقوا الله فى انفسكم الكفاءة مطلوبة فى الشركة
     
  7. مهندس انتاج

    مهندس انتاج بـترولـي نشيط

    51
    0
    0
    بالنسبة للإختبارات تطلع كثير من المتقدمين قبل المقابله وعادةً الإختبارات تكون نزيهه وإذا قدمت زين إن شاء الله تطلع للمقابله. يعني الي مظبط واسطه وسقط في الإختبار ما تنفعه واسطته

    لكن أخي إنتبه... وهذا شيء أنا شفته بعيوني ما حد قالي... في الإختبارات في من اللجان و المراقبيين يغششون بعض المتقدمين و يساعدونهم... وأبشرك المراقبين والعاملين في اللجان غالبيتهم مايعرفون الإجابات لكن يأخذون من الإشخاص الفاهمين ويعطون الإجابات للموصى عليهم...

    إنتبهوا لا تسمحون للمراقبين يعرفون إجاباتكم...

    وعلى فكره... المقابلة أخطر شيء تمر فيه... يبيلك واسطة أو تكون تبع فئة المقابلين نفسهم وللأسف المقابلين الحقانيين نفسهم عليهم ضغط وتوصيات وشرهات يعني حتى العدل غصب عنه يصير إنحيازي أو راح يتبهدل بعدين. لكن أطلب من الله التوفيق واعلم إن الناس فيها خير وإذا إنت زين و أبهرتهم ويرتهم إنك فلته وقد المسؤوليه كلهم راح يقبلون فيك لأن الحق حق وتستاهل ومحد يقدر يردك.

    أتمنى أن الله يفقكم ويرزقكم الوظيفه ويأخذ كل واحد حقه وأسأل الله أن يفكنا من العنصرية والواسطات السيئة
     
  8. عذبي

    عذبي بـترولـي نشيط

    121
    0
    0
    اخوي انا اعرف 200 موضف بالشركه توظفوا في الاونه الاخيره ولا واحد فيهم حط واسطه :)

    صدقني ان الموضوع كفاءه و الموضوع عليه مراقبين و ناس تنبش من ورا كل مسؤول في اللجان كلها و صدق و امن بالله اللي يفكر يحط واسطه و هو يدري ان مستواه ما ياهله انه يتوظف هذا ما راح ينقبل بالشركه لو يحظ الف واسطه .

    اسأل مجرب . ولا تسال طبيب
     
  9. q8gps

    q8gps بـترولـي نشيط

    87
    0
    0
    ياجماعه انا واحد من الناس الي دشو الشركة وما اعرف حتى فراش فيها
     
  10. ابو ريتاج

    ابو ريتاج بـترولـي نشيط جدا

    190
    0
    0
    ياجماعه انا واحد الحمدالله ماامدح نفسى ومثل مايقول مدح الروح سماجه--لكن كل شى زين فيه درجات عاليه وانكلزيتى توب التوب وقدمت زين وقابلت زين فى كذا شركه وانا اقصد الشركات النفطيه والخاصه لكن للأسف ماحصل نصيب لأن فيه ناس عندها واسطه وتاخذ مكانك مع العلم ان تقديماتى بدون واسطه --- وفى الاخير جبنا واسطه ومشت امورنا ---والى يقول لك ان مافيه واسطه ولا شى ولجان نزيه انا اقول له----- يستريح---لا نزيهه ولا بطيخ
     
  11. عذبي

    عذبي بـترولـي نشيط

    121
    0
    0


    باختصار كان اكو واحد احسن منك
     
  12. سايروس

    سايروس بـترولـي جـديـد

    6
    0
    0
    اخوي انا كنت داش اتطمش على الموضوع وما لفت نظري شي أكثر من تعليقك !!

    ياليت تقرا تعليق الاخ عدل قبل لا تعلق .. والواسطة موجودة والكثير يعلم ويقر فيها .. هل نقول كلهم افهم منك واحسن منك !

    ياليت نتعلم نحترم بعض شوي بس مو وايد

    تحياتي لك وللاخ اللي ما اعرفه صراحة بس الريال حب يقول سالفته مع التوظيف
     
  13. عذبي

    عذبي بـترولـي نشيط

    121
    0
    0
    اخي الكريم السلام عليكم و الرحمه اما الاحترام موجود بيناتنا و انا خير من يعرف كيف اتكلم .. يمكن انت حسبالك اني اغلط على الرجل ابدا .. و حاشا لله ماهي تربيتي ..

    خليني اكتبلك كلمتين يمكن يوصلون وجهة نظري و جنابك مو ملزوم فيها ابدا ..

    كلمة واسطه موجوده في كل خرم في العالم ! صح ؟؟ اعتقد تتفق معاي .. ممتاز .. ألان



    بالنسبه لشركتنا السؤال هو كالتالي كم نسبة الموظفين اللي يتوظفون بالواسطه :confused: و كم نسبة اللي ياخذونها بذراعهم مثل ما يقولون ؟؟؟؟ صدقني اخي الكريم لو عرفت ترد على هالتساؤل البسيط لعرفت ان كلامي كان صح .....

    مثال حي ... انا دخلت الشركه من غير واسطه و طلعت الاول على دفعتي ... و بعد ما توظفت سالت دفعتي اكو واحد فيكم حط واسطه كلهم قالوا لا ...

    بالمقابل ابن عمي خليصي ما انقبل ((((مرتين)))) مع وجود الواسطه من غير ذكرها و لو اقولك منو الواسطه و منو عنده بالشركه و كلهم مقربين من الاداره بالبالاداره نفسها طال عمرك وهم ما انقبل ... و غيره معدودين على الاصابع انقبلوا بالواسطه نعم و هم اقولك يستاهلون تدري ليش ؟؟؟ مو عشان واسطه

    عشان عمه ولا ابوه لا جده خدم في القطاع النفطي و يبون يكرمون اهلهم في توظيف ابنهم .

    و بالنسبه لكلمة اكو واحد احسن منك .. خذ مثال و الرجال موجود بالشركه الان على راس عمله انقبل و اللي كان تحته على طول ما انقبل و هو صديقي الصدوق لشغل بوزشن مهندس بيئه مع خبره 7 سنوات الخ ... الثاني حاط واسطات كثيره و الاول ما حط ولا واسطه و انقبل ...

    اكو عداله اكثر من ظلم في التوظيف ... ولا تنسى ان وايد ناس يدورون الشاره على المسؤولين الكبار فالموضوع حساس و الناس تنبش ورا اللي متوظف بواسطه ...


    زبده الكلام اذا كان في واسطه فهي لا تتعدي ال 5 بالمئه و الباقي ياخذونها بمراجلهم كما انا دخلت الشركه و انت دخلتها و غيرنا دخلها من غير واسطه ...

    التوظيف الحالي المتقدمين فوق الالف حبيبي و الارقام عندي و المطلوب ( عدد ) لا يتجاوز العشرات :) تخيل الوضع شلون و المناسفه شلون تكون ... لا بد من تقديم الأكفأ لان اذا صارت كلها واسطات راح تصير فضيحه :)

    و سلامتك و تعيش يالغالي
     
  14. طموحي نفط الخليج

    طموحي نفط الخليج بـترولـي جـديـد

    32
    0
    0
    حبيبي لا تحاتي ذراعك يعني ذراعك والي يغير راي المقابله نتيجة الامتحان المطلوب قليل والموجود عدد كبير يعني امتحانك هو الهدف شد حيلك اطمح ان مايطوفك شي كله صح



    والله يوفقك

    الي متكل على واسطه

    انصحح لايحرج نفسه ويفتح باب على شماته يضحكون عليه لا اقصد تجريح بس الحقيقه هذي
     
  15. heater oprator

    heater oprator بـترولـي جـديـد

    13
    0
    0
    والله يا قلبي الحين بكل مكان واسطه
    ابسط مثال للواسطه
    تبي تروح تشتري طماط >> على سبيل المثال
    اذا ما تعرف راعي المحل ماراح يعطيك طماط زين
    اما اذا تعرفه راح يعطيك من الطماط السنع
    وهذا ابسط الامثله
    للاسف مجتمعنا مريض
    ومرضه الوااااااااااااسطه
    عسى الله يفكنا منها يارب
     
  16. Q8Geo2010

    Q8Geo2010 بـترولـي نشيط جدا

    173
    0
    0
    كل شي راح يبين انشالله بعد المقابلات :)
    بس اخوي انا المستغرب منه ان الشركه ما تسوي امتحانات الا امتحان انجليزي .. والامتحان تافهه وبمستوى المتقدم الي اقل من المتوسط باللغه يعني المنافسه بس بالمقابله
     
  17. ابو ريتاج

    ابو ريتاج بـترولـي نشيط جدا

    190
    0
    0
    -------------------
    اخووى طال عمرك --- انت تقول ان فيه احسن منى مو مشكله اذا اقبلوه يستاهل وعليه بالعافيه--- بس اذا كان الشخص اللى من المقبولين تعرفه زين -- وان المتقدم كان ميح وانقبل وانا لا -- لا ويقولك انا قدمت ميح وخبصت بالامتحان --اخوى طال عمرك هذى اشتسميها---شكرا على مشاركتك
     
  18. Eng.Vampire

    Eng.Vampire بـترولـي خـاص

    يا جماعة الواسطة موجودة ومو بس بالقطاع النفطي بكل مكان ..... لكن الواسطة بالتوظيف بالشركة جدا محدودة والقبول يتم على أساس عادل وهو مجموع نتيجة اختبار الانجليزي والمقابله والمعدل العام عند التخرج ...... انا وغيري بالعشرااااااات انقبلنا بدون واسطة ولا حب خشوم وغيره كل واحد يشد حيله ويقابل عدل وأهم شي الانجليزي وانا أجزم انه بينقبل وموفقين
     
  19. عذبي

    عذبي بـترولـي نشيط

    121
    0
    0
  20. abo_mohamd

    abo_mohamd بـترولـي جـديـد

    22
    0
    0
    يعطيكم العافيه شباب على هذي المشاركات الطيبه ...

    بالنسبه لـ وجهة نظري بـ هالموضوع ...

    انا أقول إن شي يشيل شي ... يعني الواسطه تشيل مجهودك .. ومجهودك يساعد الواسطه ..

    مثلا . مستواك ميح على قوله الشباب .. فـ صعب الواسطه تساعدك بـ القبول .. إلا إذا واسطتك تشق الوجه..

    إما إذا مستواك ممتاز .. يبي لك واسطه بسيطه علشان تنقبل ...

    ونصيحتي .. شد حليك بـ الإختبارات .. شوف لك واسطه بعد ... وإذا الله كاتب لك نصيب فيها راح تاخذها..

    وبالتوفيق للجميع.
     

مشاركة هذه الصفحة