سؤال عن بدل الاجار

الكاتب : ARS_q8 | المشاهدات : 1,307 | الردود : 8 | ‏9 سبتمبر 2010
  1. ARS_q8

    ARS_q8 بـترولـي جـديـد

    34
    0
    0
    السلام عليكم وعيدكم مبارك

    شباب انا مهندس قريد 13
    ومثل ما تعرفون ان بدل الاجار ينزل حق المتزوج و لازم يكون قريد 13

    سؤالي .. اكيد في شروط حق بدل الاجار ؟!

    انا اسمي موجود فبيت ورثه ولي نسبه بلبيت ... فهل استحق البدل ولا لا؟ لاني اذكر من فتره رحت لقسم الاسكان بالشركه وكلمت الموظف ... قالي عن موضوع الورثه ومافهمته ...

    اللي يعرف يفيدنا يرضالي عليكم

    مشكورين
     
  2. Barbarian

    Barbarian بـترولـي نشيط

    120
    0
    0
    الشهادات المطلوبه لمنحة السكن:

    1 - شهادة لمن يهمه الأمر من التأمينات الاجتماعيه اذا كانت زوجتك طالبه أو شهادة راتب من مكان العمل اذا كانت تشتغل

    2 - شهادة لمن يهمه الأمر من بنك التسلبف والادخار من أقرب فرع لك حسب المحافظه لاثبات انك لحد الآن ما خذيت الـ 70 ألف دينار مالت الحكومه

    3 - شهادة لمن يهمه الأمر من الرعايه السكنيه في جنوب السره تفيد انك تقدمت بطلب بيت او ارض ولحد الآن ما وصل دورك

    4 - شهادة لمن يهمه الأمر من نزع الملكيه لك ولافراد اسرتك بأنك ما عندك بيت ملك لا انت ولا افراد اسرتك من الدرجه الاولى وأتوقع من هناك راح يبين ان عندك نسبه في بيت ورثه

    5 - شهادة لمن يهمه الأمر موجه الى شركة نفط الكويت من العدل والاسكان على ما اظن في مجمع الوزارات الدور الثاني اذا ما خاب ظني
     
  3. ARS_q8

    ARS_q8 بـترولـي جـديـد

    34
    0
    0
    يعطيك العافيه
    يعني انا الحين مقدم حق بيت و ما اخذت ال 70
    ممكن يرفضون طلب بدل الاجار اللي مقدمه بسبب نسبتي فبيت الورثه ولا الموضوع سهالات عندهم ان شالله؟

    بالعربي هل يدققون واايد و يرفضون طلبات :)
     
  4. Hardvictory

    Hardvictory بـترولـي جـديـد

    33
    13
    8
    يعطيك العافية

    انا درجتي 14 ومتزوج وساكن ايجار , يمشيلي بدل ايجار 170 دينار , ومنحة سكن 150 دينار

    للي ما عنده بيت ( سواء حكومة أو بيت من الشركة )

    اللي اعرفه ان بدل الايجار ما يتوقف الا اذا عنك بيت من الشركة

    بس منحة السكن تتوقف في حالة اذا طلع لك بيت حكومة أو اخذت بيت من الشركة
     
  5. إعلامي قديم

    إعلامي قديم بـترولـي نشيط جدا

    195
    0
    0
  6. إعلامي قديم

    إعلامي قديم بـترولـي نشيط جدا

    195
    0
    0
    أخوي بالنسبه اللي قريده 12 وراح يأخذ 13 جم راح يكون بدل إيجاره
     
  7. dalmurja

    dalmurja موقوف

    85
    0
    0
    انا درجة 14 وما عندي بيت. قاعد اخذ بدل إيجار من الرعاية السكنية صارلي 3 سنين (كنت اشتغل في الحكومة).

    الحين انا ف البترول و ما زالة تنزل ال 150 دك.... هل في بدل احصل عليه زيادة؟
     
  8. Ahmad Alenezi

    Ahmad Alenezi بـترولـي نشيط

    53
    0
    0
    السلام عليكم ورحمه الله و بركاته,

    يعطيكم العافيه يا حلوين من بعد غيبه لي عن المنتدى الاكثر من رائع

    لكثره اسالكم و استفساراتكم انا بفيدكم ان شاء الله......

    من قريد 13 وفوق ينزلك 150 منحه سكن غير بدل الايجار اللي اهو150... وكل ما تترقى تزيد المنحه وانتى طالع

    لمه يطلعلك بيت ينقطع البدل والمنحه....((تشتري او يطلعلك او ارض او اي شي باسمك ان شاء الله شقه هم راح ينقطعون)) لانه لازم تجيب كتاب من وزاره العدل السجلات العقاريه.

    بنبهكم على شغله مهمه صارت فيني اللي هي لمه تصير قريد13 المنحه لازم تطلبها لانه الاخوان بالاسكان في الشركه ما يعلمونك اذا لازم تقدم ولا لا....واذا ما قدمت راحت عليك الفتره اللي ماقدمت فيها يعني مافي شي اسمه اثر رجعي

    اذا زوجتك موظفه و يمشيلها بدل سكن او بدل ايجار هم سالفه ثانيه وراح يطلبون عليك اوراق لزوجتك..

    واذا يمشيلك بدل ايجار من موسسه الاسكان للرعايه السكنيه لازم توقفه ولا بيصير فيكم نفس ماصار فيني بتدفعها اثر رجعي...

    الله يعينكم و يوفقكم يارب على كثره الاوراق والمراجعات


    موفقين وان شاء الله فدناكم
     
  9. Hardvictory

    Hardvictory بـترولـي جـديـد

    33
    13
    8

    مرحبا ...

    اعتقد انك لازم تبلغ الرعاية السكنية

    لأن موظفين القطاع النفطي ينصرف لهم بدل ايجار من الشركة

    الحق على عمرك بدال ما يستقطعون المبالغ اللي اخذتها بأثر رجعي
     
جاري تحميل الصفحة...

مشاركة هذه الصفحة