فوضى التقديم بشركة نفط الخليج

الكاتب : viva_elbarca | المشاهدات : 2,860 | الردود : 21 | ‏8 سبتمبر 2010
  1. viva_elbarca

    viva_elbarca بـترولـي نشيط

    100
    0
    0
    السلام عليكم

    والله انا مستغرب جدا من طريقة التقديم لشركة نفط الخليج... 400 واحد يوميا يبونهم كلهم يعبون الاستمارة حسب الدور وكل واحد ياخذله نص ساعة على مايعبي ويخلص وصلنا الساعة 9 الصبح ماخلصنا الا عال5 العصر يعني معقولة شركة كبيرة مثل نفط الخليج عيزانين يخلون التقديم عن طريق النت؟؟ فوضى مابعدها فوضة والله الوضع جنة قاعدين بدولة عربية متخلفة والأدهى والامر بعض المتقدمين الله يسامحهم تخصصاتهم موموجودة ويايين يسون زحمة والشارع فاضي

    سؤالي للي قدمو متى موعد الاختبارات؟؟ وهل الاختبارات بس ذكاء ولا ذكاء وتخصص؟؟

    قواكم الله ويعطيكم العافية
     
  2. البواردي

    البواردي بـترولـي جـديـد

    14
    0
    0
    بسيطه وعدت على خير

    وشكرا على هالموضوع واعتقد الكل راح يستفيد منه

    ابي اسأل واتمنى اللقا جواب

    انا مقدم على اداره دبلوم

    متى راح يكون الاختبار والمقابله

    والاختبار فيه انجليزي :(

    وشلون طريقه الدوام وطبيعه العمل والمعاش اذا امكن على حسب تخصصي

    واحنا تونا مقدمين متى راح يختبرون ويقبلون هل السالفه مطوله ؟؟

    وعساكم على القوه وعيدكم مبارك
     
  3. viva_elbarca

    viva_elbarca بـترولـي نشيط

    100
    0
    0

    الله يهداك اخوي انت مقدم على شركة كبيرة على مستوى الخليج ومعروفة عالميا وماتبي امتحان انجليزي؟؟ ابشرك في امتحان انجليزي ومن 100 سؤال بعد
     
  4. البواردي

    البواردي بـترولـي جـديـد

    14
    0
    0
    ادري والله

    بس الانجليزي ممارسه مثل ما انت عارف

    ومحنا بلابل بالانجليزي

    دايمن نتكلم كويتي بالكويت :)

    اذا يبون واحد يمشي عمررره وامتحانهم قواعد وكلمات امورنا طيببه ان شاءالله

    اما يدش لك بالعميق وتعال اكتب وسولف ساعه كامله عن نفسك

    هذي فيها صعوووبه شوي :)
     
  5. viva_elbarca

    viva_elbarca بـترولـي نشيط

    100
    0
    0
    مع احترامي الشديد حلاتها تصير جذي عشان يصفون هالي شارين شهايدهم من برة والي رايحين انتساب ومناشبينا عالوظايف الحبيب خذاها بسنتين بفوضى واحنا الي تعبنا ودرسنا 5 سنين نتساوى مع هذيلا؟؟
     
  6. البواردي

    البواردي بـترولـي جـديـد

    14
    0
    0
    اشوه منت مدير عندهم :) :)

    يخوي وسع صدرك

    انا شعلي من اللي شارين شهاداتهم

    يبه انا دبلوم ومن التجاري

    وقايلها في بداية الموضوع

    شكو شارين شهايدهم من برا ومناشبينك على الوضايف

    يخوي تمنى الخير للجميع عشان ربي يوفقك

    وكلها توافيق
     
  7. viva_elbarca

    viva_elbarca بـترولـي نشيط

    100
    0
    0
    الخير نتمناه للجميع لاشك في ذلك اخي الكريم لكن حق المجنهد الي تعب مو الي منتسب بمدري وين ومايعرف انجليزي ومتخرج من غير دراسة وأخص بالذكر نسبة كبيرة من خريجين مصر والفلبين وبعض خريجين الأردن ياخوك السالفة موحسد ولا شي بس هي تعتبر سرقة واضحة لمجهود الي تعبو ودرسو خمس سنين بالنسبة حق الي عندهم بكليريوس :)

    الله يوفق جميع الي اجتهدو فقط اما غيرهم خل يدورون اقرب وزارة ولا جهة حكومية تضفهم :)
     
  8. تاجر ومفلس

    تاجر ومفلس بـترولـي جـديـد

    15
    0
    0
    ياخوي تعوذ من الشيطان

    اللهم لاحسد..ليش كل هالحسد

    هل كل خريجي مصر والاردن شارين شهايدهم

    لاتحط شي في ذمتك الله يجزاك خير

    ورزقك جايك جايك لو انك في القطب الجنوبي
     
  9. Br0nz

    Br0nz بـترولـي نشيط جدا

    291
    0
    0
    viva_albarca

    قال تعالى : {قل هل يستوي الذين يعلمون والذين لا يعلمون}

    كلامك ياخوي عين الصواب .. و الله يـا ان قبل الشهاده الجامعيه تحجي ..
    صارت فوضى كلمن هب و دب خذاها ..

    و الله ناس ما تفهم شي من عمر اعرفهم .. !

    الحمدلله هالظاهره بدة تنقرض .. بس اللي عدوا منها و ناشبونا ..
    و تلقاه همه الوحيد .. و السؤال الشهير ( في امتحان انقليزي و جم نسبة النجاح ؟ )
    كلامي خاص للي شرى الشهاده او يابها من بره انتساب !
    يعني نسبته 53 داش جامعه بمصر شكووو !

    عالعمووم الله يهديهم بس ​
     
  10. viva_elbarca

    viva_elbarca بـترولـي نشيط

    100
    0
    0

    حسبي الله ونعم الوكيل مناشبينا بكل الوظايف انا ماقول الا الشرهه عالمؤسسة الي قابلة طلباتهم المفروض حتى امتحان مايدشون والله من عذر صاير تكدس بالبلد اذا كل من هب ودب صار مهندس ومحاسب واهو اسمه مايعرف يكتبه بالانجليزي ولا دم ضروسهم شي اسمه امتحان انجليزي...انا اقول زين يسون فيكم وحلاته بعد المقابلات بالانجليزي عشان يصفونهم ويدورون اقرب وزارة يتوظفون فيها

    اخوي تاجر ومفلس: يعلم الله اني اتمنى الخير حق كل مجتهد درس وتعب وخذا الشهادة من جامعة معترفه مافيها رشاوي وضبطني وضبطك صح ان هالشي يصير بجامعة الكويت لكن مو على حساب الشهادة اما الي ماخذلي الهندسة بسنة وسنتين من جامعات ودول تلفانه مايشوف شر لانه سرق مجهودنا احنا الي تعبنا وهم بعد يبون ياخذون اماكنا بالتوظيف؟؟ ياخوك بذمتك هذا يرضي الله رسوله ؟ اي منصب واي امانة بتحطها برقبتك اذا موعارفين انجليزي وداش شركة سمعتها معروفة عالميا؟؟
    انا ماقول الا الله يهديكم وتحسون شوي بالي تعبو وكرفو 5 سنين مومثل الي ماخذينها بسنة وسنتين بانتساب
     
  11. viva_elbarca

    viva_elbarca بـترولـي نشيط

    100
    0
    0
    مو كلهم في ناس اجتهدو منهم مانظلمهم وعسى الله يوفقهم بس للأسف هم قلة مقارنة بالي ماجتهدو والدليل شوفهم اكثرهم بالمقابلات مايدري كوعه عن بوعه
     
  12. Br0nz

    Br0nz بـترولـي نشيط جدا

    291
    0
    0
    والله محد عــارف لهم غير شركة إيكويت ..

    والله يا ان ماسحه فيهم الأرض ..
    امتحان انقليزي , و مقابله ســاعه انقليزي ..
    و غير ها فوق ال 2.50 معدل يبون ..
    و شهايد من دول المعروفه بره ..

    اتمنى المؤسسه تطبق نظام جذي
    علشان والله ما يشمونها ..
     
  13. viva_elbarca

    viva_elbarca بـترولـي نشيط

    100
    0
    0
    معلوم بعد لان ادارتها امريكية وحب الخشوم وأنخاك وتنخيني ماعندهم ماتشوف شغلهم ماشي عال العال ماعندهم خمبقة المؤسسة

    يالله ماعليه يقولون بدو شوي شوي يصعبونها عليهم اول كان واسطة بكل شي الحين صارت الواسطة بس بالمقابلات وأخيرا صارو يطلبون ثلاث امتحانات قدرات وتخصص وانجليزي عشان مايشمون القبول وانشالله انشالله بالمستقبل القريب المقابلات بالانجليزي عشان حامض على بوزهم يوطوطون المؤسسة و شركاتها
     
  14. فهد الدوسري

    فهد الدوسري بـترولـي جـديـد

    8
    0
    1
    اي شار ين الشهاده ولا راح ننقبل بالشركه والله يخلي الواسطه موتوااا حره شهاده من مصر ولا من الكويت كلهم بكالريوس ومعترف فيهاااا ذبحكم الحسد
     
  15. LaRambla

    LaRambla بـترولـي خـاص أعضاء الشرف

    2,041
    3
    38


    شاري الشهادة ومتوظف بالواسطة ويقول حسد

    اساسا هالشهادة رزقها حرام
     
  16. viva_elbarca

    viva_elbarca بـترولـي نشيط

    100
    0
    0
    حسد على شنو؟ من زود العلم الي محصله بالغش؟ ولا من مال الحرام الي بتاكله؟ خو انتو ماهمكم مال حرام فلوس الحكومة عندكم حلالي
     
  17. Br0nz

    Br0nz بـترولـي نشيط جدا

    291
    0
    0
    اي والله صدقتوا ..

    انا ما اقول الا اللي خذاها بطريقه مشروعه و المعترف فيها , عسى الله يوفقه
    امــا شغل انتساب و عطني و اعطيك , و شراي .. لا والله , عساها ما تكون من نصيبه ..

    الشهايد زادت , و صار زحمه , و اللي تعب و جد و اجتهد مو ماخذه حقه !
    حلو الواحد اللي يمسك مكانه يكون مخه متفتح و متنور , مو تحطه و حاله حال الكرسي اللي بيقعد عليه !

    و يعطيكم العافيه ​
     
  18. ابو ريتاج

    ابو ريتاج بـترولـي نشيط جدا

    190
    0
    0
    اشفيكم غيرتوا مسار الحديث عندكم ---سؤالنا متى يبدون الاختبارت
     
  19. ابو راشد المري

    ابو راشد المري بـترولـي جـديـد

    25
    0
    0
    kuwait
    السلام عليكم ورحمة الله وبركاته

    يا اخوان الي يقول ناس شاريه شهادات بطريقه غير مشروعه والي يقول انا تعبت والي يتشكى يا اخي الشكوى لله سبحانه

    وثاني شي .. صدقني مافي احد ياخذ شي مو له لا تقول واسطه وغيره الي ربي كاتبه راح يقسم لك انت وغيرك

    فـ لا تخاف وبدال هالموضوع الي تغير محوره بسبب إجابة شخص انه مايعرف انجليزي والشي طبيعي بديرتنا مو جديد

    اسئل الله الدعاء ان الله يوفقك ..

    للعلم اخوي الغالي ...


    انا قدمت على الشركه عام 2001 وكان العدد كبير جداً وصلنا لـ 280

    وبعد الاختبارات المذكوره انحسر العدد لـ 120 وبعدين 80 واخر شي صفينا على 18 والطلب كان على 12

    وواسطه ماكو واسطه ماعندي غير ربي جل جلاله

    والا تم قبولي للعلم ناجح في كل الاختبارات والا زعلت لان مو مكتوبه لي

    والي ابي اوصله لك ظاهرة شراء الشهادات على قولتك ,,, الخ


    روح اشتكي على التعليم العالي لانه السبب الاول لا تقول مستحيل لان هم الي صدقو الشهادات

    يعني المواطن مو مذنب الذنب ذنب التعليم العالي ....


    واتمنى تكون استوعبت لو جزء بسيط من كلامي


    استودعتك الله ياغالي
     
  20. viva_elbarca

    viva_elbarca بـترولـي نشيط

    100
    0
    0
    صحيح الذنب الأكبر يقع على التعليم العالي مافي شك بهالكلام بس الظاهر ربعنا شغل "قالي من أمرك قال من نهاني؟؟" اذا الوزارة فيها ناس ماتخاف ربها وصدقو عدد كبير من الشهادات أروح انا استغل هالعيب وأحلل هالشي حق نفسي؟

    اخوي بال2001 الوضع كان اهون وكانو المهندسين ينعدون عالاصابع ماكان فيه شي اسمه خريجين مصر والفلبين والاردن يقولي واحد ان المقابلة سؤال واحد بس يكفي ان جمعية المهنسين كان رئيسها دكتوراة من امريكا من بكليريوس من مصر

    في الختام انا ما اقول الا الله يوفق ويسر درب كل مجتهد خذاها من عرق جبينه ويخلي ربع مصر والفلبين معششين بالوزارات لان هذا مكانهم
     
جاري تحميل الصفحة...

مشاركة هذه الصفحة