استفسار بخصوص Kgoc مهم جدا للجميع

الكاتب : ITALY-OIL | المشاهدات : 1,149 | الردود : 5 | ‏8 سبتمبر 2010
  1. ITALY-OIL

    ITALY-OIL بـترولـي جـديـد

    2
    0
    0
    بسم الله الرحمن الرحيم

    السلام عليكم ورحمة الله وبركاته







    اخواني انا تخصص نظم معلومات وقدمت على طلب التوظيف واحتاج مساعدتكم في بعض الاسأله لو ماعليكم امر

    نظم المعلومات شنو طبيعة عملهم ؟

    وقريت مكتوب باوراق الطلبات ارامكو لاعمال الخليج

    هل هي نفسها ارامكو السعوديه؟

    ودوامي وين بيكون بالخفجي تبع شركة ارامكو ولا شنو بالضبط؟

    والدوام هل هو اربع ايام او خمس ايام بالاسبوع ومن الساعه جم لي الساعه جم؟

    والرواتب الخاصه بنظم المعلومات تقدر بجم ؟

    وانا نظم معلومات وخبره سنتين ماهو المستوى الوظيفي مالي؟

    لان شفت ارقام مكتوب الرواتب وارقام وماعرفت شي بصراحه انا اي رقم بكون فيهم؟

    والدوام شنو نظامه يعني في قعده واستراحه ولا طول اليوم دوام وكرف؟

    وهل في غرف مخصصه لنا للراحه او دوانيه للقعده وسوالفف ولا كله شغل بشغل طول اليوم؟

    ياليت اللي يعرف ويقدر يجاوبني لاتبخلون على اخوكم ومشكورين مقدما وقواكم الله
     
  2. ITALY-OIL

    ITALY-OIL بـترولـي جـديـد

    2
    0
    0
    احد يعطينا ويه شباب

    لووووووووول

    اللي عنده معلوماه لايبخل علينا فيها

    ترى فيها تحديد مستقبل ياشباب

    ومشكوورين مقدما
     
  3. جابر

    جابر قــلــم بــتــرولــي أعضاء الشرف

    وعيكم السلام ورحمة الله

    أرامكو لأعمال الخليج ..ليست أرامكو السعوديه ..والكويتى مايتوظف فيها ..

    إذا رحت الخفجى ...(طبعا شركة نفط الخليج ..فيها المكتب الرئيسى بالأحمدى والوفره.. والخفجى) ..مايندرى وين يقطونك :)

    الغالب نظم معلومات ..تندرج تحت توظيف (محلل نظم) يعنى دائرة تكنولوجيا المعلومات ..
    إن صح هالكلام ..شغلك راح يكون فى قسم التطبيقات ..ومرتبط مع نظام الساب ..


    الدوام من 7:00 ص ألى الساعه 3:00 ظهرا ...لكن حسب القسم ..ممكن يسمح لك ل 7:30 أو حتى ال 8:00 والطلعه ممكن يطوفون لو تبى 2:30 تطلع ...حسب الشباب اللى وياك وتفاهمهم مع رئيس القسم ...

    الدوام من السبت إلى الأربعاء ...والخميس والجمعه راحه ..وأنت تعتبر من كبار الموظفين ..ومو مسموح لك تداوم شفت ..وأوفر تايم مافيه ...تعطى بدلا من الساعات اللى تداومها زياده (لو صار فيه حاجه).. ساعات راحه ..

    جامعى وخبره سنتين ...تأخذ الدرجه 21 ...ويزيدونك على أقل مربوط شوى (يمكن يزيدونك 150 دينار)..شوف رواتب الخفجى ....
    وبدلات الكويت (زوجيه وأطفال وعلاوة غلاء معيشه تأخذها نفس الدرجه 13 فى الكويت ) ..شوف جداول الكويت (الوفره مثلا )
    وفيه بدل من الوزاره من 200-450 حسب حالتك الأجتماعيه ..

    ونتمنى نشوفك بالخفجى ...الكثره زينه ..
     
  4. أبو حلا

    أبو حلا بـترولـي جـديـد

    11
    0
    0
    الله يعينك على هالدائره , كل اللي فيها من اخواننا السعودين وربعنا مالهم اي صلاحيات مدري شنو سالفتهم بس يقولون مديرهم هو اللي مسوي الوضع الحالي انشالله يذلف ويمسكها كويتي

    على العموم بالتوفيق وانشالله نشوفك قريب بالخفجي
     
  5. Dior83

    Dior83 بـترولـي جـديـد

    11
    0
    0
    صبحكم الله بالخير شباب

    ومشكورين على المعلومات الطيبه

    يسمحلي صاحب الموضوع اسأل الشباب عن نفس الموضوع بس انا تخصصي اعلام - صحافه وقدمت ودعواتكم اني اني انقبل

    شلون طبيعة عمل اصحاب هذا التخصص وشلون الراتب ( جامعي خبره 4 سنوات ومتزوج وعندي بنتين ) ؟

    طبعاً مقدم على الخفجي .. وسلامتكم
     
  6. viva_elbarca

    viva_elbarca بـترولـي نشيط

    100
    0
    0
    اخوي شنو الموضوع المهم جدا للجميع؟ انت عندك استفسار وتبي تسأل
     
جاري تحميل الصفحة...

مشاركة هذه الصفحة