نفط الكويت لا تلتزم بتعليمات الشويب: تعيين مدير مكتب لندن دون مسابقة!

الكاتب : Workers | المشاهدات : 3,406 | الردود : 19 | ‏1 سبتمبر 2010
  1. Workers

    Workers إدارة المنتدى

    7,767
    30
    48
    ذكر
    الكويت
    نفط الكويت» لا تلتزم بتعليمات الشويب: تعيين مدير مكتب لندن دون مسابقة!
    لماذا التسرع في القرار وحرمان الموظفين من حق التنافس على المنصب؟


    كتبت نورة العلبان:
    أقرت شركة نفط الكويت تعيين رئيس لمكتب لندن دون اجراء مسابقة بين العاملين بالشركة لاختيار الافضل وذلك حسب ما تنص عليه التعليمات الصادرة من الرئيس التنفيذي سعد الشويب، الامر الذي ادى الى عدم رضا في اوساط الموظفين الذين توقعوا ان يكون هناك نوع من العدالة بترقيات، ولكن يبدو ان ادارة الشركة قد تجاوزت هذه التعليمات وقامت باجراءات التعيين.
    يذكر ان رئيس مكتب لندن الجديد كان يشغل منصب رئيس فريق التوظيف وقد تم تعيينه من نحو عامين.
    وبهذا الاجراء فان شركة نفط الكويت ارتكبت خطأ يتمثل في مخالفتها الانظمة والاجراءات المتبعة عندما قامت باستصدار تعميم و«الوطن» تمتلك نسخاً من القرارات التي صدرت ليبقى السؤال الذي تطرحه «الوطن» لتتضح الصورة ويكون هناك تفسير منطقي امام الموظفين الذين لم يكن لهم الحظ في التنافس على المنصب:
    1 – هل يعلم الرئيس بهذه التغيرات المخالفة لتعليماته؟ اذا كان له علم فهي المصيبة واذا لم يكن يعلم فالمصيبة أكبر.
    - 2 لماذا التسرع في اتخاذ هذا القرار؟

    [​IMG]

    ================================

    الظاهر تقصد نظام المفاضلة ..
     
  2. AD-01

    AD-01 بـترولـي خـاص

    1,040
    2
    38
    دام الخبر من النوره العلبان وجريدة الوطن ... فالموضوع شخصي ما يستحق ينشر لا بمنتدى ولا بغيره


    المهم يطلع الشويب والرشيد بالشينه قدام الناس حتى لو اجرائهم صحيح


    اذا احد قدر يعرف شنو تعليمات الشويب او وين كانت موجوده يفيدنا :)

     
  3. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم ورحمة الله وبركاته

    هلا بالغالي AD-01

    يالطيب نزلت الموضوع ومافي بالي شي من اللي في بالك يعلم الله .. واتمنى ان تكون الكاتبة مخطئة ..
    الواضح ان الشركات التابعة غير ملزمة بتعليمات المؤسسة وتوصياتها !
    يختارون منها اللي يحتاجونه واللي مايبونه يتجاهلونه ..

    الكاتبة اعتقد انها تقصد بالمسابقة .. نظام المفاضلة وموجود في هالرابط :

    نظام الترقيات لشاغلي الوظائف الإشرافية بالدرجات 17 فما فوق في القطاع النفطي

     
  4. AD-01

    AD-01 بـترولـي خـاص

    1,040
    2
    38
    هلا بك والله

    ما قلت شي عن نيتك بس الوقت هذا وقت تجديد للقيادات واللي يحب النبي يضرب خصوصا الصحافة ، وجريدة الوطن عمرها ما كان لها اجندة خاصة .. ;)


    موضوع الفرح مافيه مشكله ولا له علاقة بالمفاضلة اصلا لسبب بسيط .. الفرح انتقل من فريق الى فريق .. كان على الدرجة 18 وراح مكتب لندن على الدرجة 18

    المفاضلة تكون للترقية فقط !!

    من سمع فيكم ان تيم ليدر او اي موظف تم نقله من فريق الى فريق ثاني (نقل او تدوير) وصار فيها مفاضلة ؟! كل فتره وفترة نشوف تعميم اداري فلان التيم ليدر كان بالشمال ونزل وفلان التيم ليدر كان بالاحمدي وطلع الحقول .. ومن قال اصلا ان النقل يتم بمفاضله :)

    اكرر .. بالنسبة للرابط اللى تفضلت فيه مبين من عنوانه .. "نظام الترقيات .. " مش النقل



    شكرا شكرا

     
  5. Workers

    Workers إدارة المنتدى

    7,767
    30
    48
    ذكر
    الكويت
    مايخالف اخوي بس المفاضلة ادري انها للترقيات والقصد رئيس مكتب لندن شاغر له فتره
    ماحطو مفاضلة لشغل هالوظيفة .
    التدوير معروف وطبيعي يحصل من فترة لفترة وهذي بعيده عن الموضوع​
    =======================
    اخوي AD-01 ودي اعرف شغلة مافهمتها
    هو يعتبر ايفاد في مهام خارج الكويت يعني اعتماد من الشركة بوظيفه مؤقتة .. حددها اربع سنوات
    وبعدين راح يرجع وين يروح ؟ اتوقع انها تختلف عن باقي الوظائف !​
     
  6. جابر

    جابر قــلــم بــتــرولــي أعضاء الشرف

    السلام عليكم جميع ..
    أسمحولنا ندخل معاكم ..ونستفيد من معلوماتكم

    اللى أعرفه إن الترقيه مو شرط تكون عموديه ..يعنى مو شرط من درجه أقل إلى درجه أكبر ..ولكن الترقيه ممكن تكون أفقيه ..يعنى من قيادة فريق (صغير) ألى فريق أكبر وبصلاحيات أعلى ...

    إذا هالمعلومه صحيحه ..فعملية النقل اللى تمت هى فعليا (ترقيه) وعليه يجب المفاضله حسب نظام الترقيات ..
     
  7. AD-01

    AD-01 بـترولـي خـاص

    1,040
    2
    38
    اول شي .. رئيس مكتب لندن كان المسؤول عنه شخص واحد من سنة 1988 لين قبل شهر ، وبعد تحقيق اداري تم استبعاده و(نقل) فيصل الفرح لهذا المكان ، فما كان مكتب لندن شاغر اصلا .. ونفس ما تكلمنا النقل ما يحتاج مفاضلة.

    ثاني شي .. ليش التدوير بعيد عن هذا الموضوع ؟؟ شنو الفرق بين واحد انتقل من الاحمدي الي الحقول وبين واحد انتقل من الاحمدي الى الصين او لندن او سنغافورة ؟!!

    ثالث شي .. هذا ما يعتبر ايفاد لمهمة عمل خارج الكويت ؟؟ اللى تتكلم عنها يسمونها Duty لها مدة وتآخذ على كل يوم 200 دينار اذا كانت اقل من شهر

    اللي تقصدها لها لائحة ادارية موجوده في مؤسسة البترول (اذا تقدر تنشرها بالمنتدى نكون شاكرين لك) اسمها لائحة العاملين في المكاتب الخارجية

    هذي اللائحة تتطلب انك تحدد مده العمل في هذا المكتب .. مثلا تقدر تقول (3 سنوات قابلة للتجديد) ويقدر العضو المنتدب انه يقلل المده اذا شاف ان الشخص (خارها) واذا رجع له مكان موجود وهذا شي عادي ومعروف خصوصا في مؤسسة البترول الكويتية
     
  8. AD-01

    AD-01 بـترولـي خـاص

    1,040
    2
    38
    هلا والله بابن العم :)


    جابر .. الفريق اذا كان صغير او كان كبير .. الشخص ماتغير مسماه او درجته فما اخذ ترقية :)

    سالفة المسئوليات بالفريق كانوا مفرقين بينهم .. كان التيم ليدر الفني درجتة 18 والاداري 17 ، وكان الفني له بونص سنوي 1200 دينار غير عن التيم ليدر الاداري

    بس عقب (بعض الناس) صار الكل سيم سيم على الدرجة 18 ولغوا البونص .. فصار فيه ظلم ان التيم ليدر الاداري نفس التيم ليدر الفني :)
     
  9. Workers

    Workers إدارة المنتدى

    7,767
    30
    48
    ذكر
    الكويت
    وعليكم السلام يامرحبا والله بجابر


    قبل شهر صار عندنا تدوير بين اربعه من رؤساء الفرق
    كل واحد نقل مكان الثاني .. تبديل بينهم .. والموضوع واحد اصبح او يصبح : ) في مكان ثاني ..
    طيب حالياً رئيس فريق التوظيف يعتبر شاغر او لا ؟ لأنه راح ومافيه احد مكانه ..

    شلون مايعتبر إيفاد لمهمة عمل خارج الكويت ! التعميم مكتوب فيه يوفد للعمل به ..

    طيب اذا كان مايعتبر ايفاد للعمل خارج الكويت شنو راح يكون ؟
    يعني معقوله الاحمدي ولندن والصين والحقول ماتفرق !

    وهذا نظام الإيفاد للعمل بالخارج ( للقطاع النفطي )​

    [​IMG]

    [​IMG]

    [​IMG]

    [​IMG]

    [​IMG]
     
  10. AD-01

    AD-01 بـترولـي خـاص

    1,040
    2
    38
    Workers

    جزاك الله خير على المعلومة .. انا شخصيا توني ادري ان الايفاد للمكاتب الخارجية يسمونه ايفاد لمهمة عمل


    بالنسبة لفريق التوظيف عندنا صار شاغر وراح يصير عليه ترقية بالمفاضلة ، بعد ما تم (نقل) رئيس فريق التوظيف الى مكتب لندن

    بالنسبة للتفصيل ا للى تفضلت فيه هذا كله ما يتعارض مع كلامي ان المفاضلة مو مطلوبة (للنقل) .. والا انت شايف في اللائحة اللي نشرتها حضرتك شي يطلب المفاضلة للمكاتب الخارجية ؟؟


    واتمنى اذا عندك لائحة المكاتب الخارجية انك تنشرها .. انا شفتها قبل فتره بس ما كان فيها الكلام هذا .. هذا الكلام اللى تفضلت فيه موجود في لائحة شركة نفط الكويت
     
  11. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم ورحمة الله وبركاته

    والله يجزاك خير اخوي الغالي والجميع ..
    هذا هو الكلام التمام .. ومايصير ينقلون رئيس فريق من مكان ثاني ويحطونه في هالمكان
    ولا عادي يصير ؟ لأن راح يكون مكانه شاغر وماسوينا شي !
    حسب مافهمت انه مو نقل يعتبر ايفاد حسب نظام الإيفاد اللي تكلمنا عنه
    ونا سألتك ابي افهم هالنقطه بالذات ..
    التفصيل انت طالبه ونزلته لكم نبي نستفيد ونفهم المقصود منه .. لأن بصراحة السالفة فيها لبس ونبي نفهمه
    واللي انا شايفه في اللائحة .. الإيفاد ماله شغل بالمفاضلة ولايعتبر حتى نقل .. هو إيفاد لمهمة مؤقته ويتم توقيع اتفاقية إيفاد
    مع الموظف بالحقوق والإلتزامات خلال فترة الإيفاد .. ونا سألتك يالغالي اذا انتهت فترة إيفادة اكيد لازم يرد الكويت ووين راح يكون؟
    .. لو انتداب كان قلنا مكانه محفوظ حتى يرجع ولا يشغل مكانه احد في فترة غيابه .. والانتداب له ضوابط بروحه ..
    هذا اللي اعرفه عن الشغل خارج الكويت مع العلم انه نسخه طبق الاصل في جميع اللوائح الادارية للشركات التابعة للمؤسسة ..وان قدرت تحصل اي شي غير الموجود ارسله لي ماعليك امر للايميل اللي بالتوقيع وراح انزله في المنتدى .. عموماً انا اضفت هالنظام كامل على هالرابط :
    http://www.q8ow.com/vb/showpost.php?p=259108&postcount=4
    ==========================================
    الخلاصة : حسب اللي انا فهمته وياليت احد يصحح لي بارك الله فيكم
    كاتبة جريدة الوطن تعرف معلومات عن نظام المافضلة ولكن ماتعرف شي عن نظام الإيفاد للعمل خارج الكويت !
    فاختلطت عليها الأمور او انها تعرف كل شي وتعمدت كل هالسوالف .. والله اعلم ..

    إلا إذا كان مكتب لندن يعتبر إدارة بروحها كونها ترجع بمسؤلياتها إلى نائب العضو المنتدب للشئون الإدارية والمالية ..

    هنا يكون الوضع مختلف .. ووحدة من ثنتين اما انها ترقية لدرجة مدير ..
    او نفس ماتفضل اخونا الغالي جابر ..


    وينك يالمنصور ؟ : )​
     
  12. AD-01

    AD-01 بـترولـي خـاص

    1,040
    2
    38
    انا بالنسبة لي الامور واضحه .. ماني شايف اسم جديد على العملية غير (النقل) .. واحد طلع من قسم وراح قسم ثاني وصار يحمل اسم رئيس القسم الثاني وعلى نفس الدرجة ... لا تعقد الامور يا الزعيم :)

    ورئيس مكتب لندن درجته درجة رئيس الفريق = 18


    Head = Team Leader


    انا ما سمعت ان الموظف الموفد يوقع اتفاقية لان اللائحة مفصله حقوقه والتزاماته وواجباته


    عموما الموضوع اخذ اكبر من حجمه .. وكان الهدف ان (فلان) يطلع بالشينة قدام الناس


    ونفس ما وصلني المسج .. "ومبروك علينا القطاع النفطي في قبضة الوطن ";)
     
  13. جابر

    جابر قــلــم بــتــرولــي أعضاء الشرف

    يعطيكم العافيه ..معلومات حلوه ..
    بس عندى سؤال صغيروووون :D

    من المتعارف عليه إن كل وظيفه (أو وظائف متشابهه) لها Grade Range
    هل الوظيفتين Head , Team Leader لهما نفس (مدى الدرجات)
    مثلا : عندنا بالخفجى مثلا ...هناك رئيس قسم فى دائرة ما مدى الدرجات لوظيفته من الدرجه 25-27 ..بينما قسم ثانى قد يكون من26-27 أو حتى من 27-28
     
  14. AD-01

    AD-01 بـترولـي خـاص

    1,040
    2
    38


    هلا والله بالغاااااالي

    إحنا بنفط الكويت عندنا مسمى Head = Team Leader

    مسمى Head موجود في المستشفى وفي مكتب لندن


    وكلهم على الدرجة 18
     
  15. جابر

    جابر قــلــم بــتــرولــي أعضاء الشرف

    هلا والف هلا بمن قال هلا
    ويعطيك العافيه ..
     
  16. Workers

    Workers إدارة المنتدى

    7,767
    30
    48
    ذكر
    الكويت
    انت دائماً تفيدنا في مثل هالأمور وتعودنا ناخذ منك العلم التمام .. ونا تحمست شوي طمعان في اني افيد واستفيد ..
    ماتوقعت انك راح تفسرها تعقيد مني للأمور .. وبصراحة انت هالمرة صاير متحفظ على المعلومات !

    حبطتني ياخوك ! بعد ماطلبت مني انزل نظام الإيفاد .. الحين تقول ماسمعت !
    نا يالطيب ماجبت شي من عندي كتبت اللي شفته في لائحة النظام ..
    ومجبور ارد عليك واوضح هالكلام حتى مايفهم احد خطأ ..
    [​IMG]

    الله يعافيك وياهلا فيك اخونا جابر .. رؤساء الفرق مو كلهم نفس الدرجة فيهم 17 وفيهم 18 حسب اللي اعرفه ان فيه تقييم لوظائف رؤساء الفرق ومحددينها من المؤسسة اعطيك مثال :
    رئيس فريق علاقات العمل ( العلاقات الصناعية ) .. درجة 17
    رئيس فريق شئون العاملين والرواتب .. درجة 17
    رئيس فريق تنمية القوى العاملة ( التدريب والتطوير ) .. درجة 18
    رئيس فريق إدارة المخاطر .. درجة 18​
     
  17. جابر

    جابر قــلــم بــتــرولــي أعضاء الشرف

    هلا والله ومرحبا ....فرصه سانحه الواحد يعرف شوية معلومات عن الKOC :)

    أنا قصدت درجات البوكس (الوظيفه) مو الأشخاص ...والا عندكم كل وظيفه مربوطه بدرجه وحده فقط .. :confused:
    مثلا عندنا مدير الدائره يكون من الدرجه 28-30 .. يستلم الوظيفه درجه 28 ويترقى أوتوماتيكيا كل 4 سنوات بدون أى مشاكل أو الحاجه إلى شواغر (على نفس المسمى الوظيفى ) ..حتى يصل للدرجه 30

    أنت حددت مثلا رئيس فريق علاقات العمل ( العلاقات الصناعية ) .. درجة 17
    يعنى الدرجة 17 هى أقل درجه لنيل هذه الوظيفه (أصليا)....لكن كم أعلى درجه تسمح فيها هالوظيفه ....


    المقصود من هالسؤال ..المقارنه بين المدى الوظيفى لكل من المسميين (Head & Team Leader) حتى يبين إذا كان المكانيين فعلا متكافئين (وظيفيا) أم لا ..

    طبعا كلامى ..مجرد تحليل ..وغير مرتبط باللوائح الفعليه بالمؤسسه من حيث تعريف (النقل)

    وسلامتك
     
  18. AD-01

    AD-01 بـترولـي خـاص

    1,040
    2
    38
    Workers

    بعد قلبي بجد اشكرك على نشر نظام الإيفاد لكن كلامي أني ما سمعت مو معناته اكذبك ... محشوم

    بالنسبة لنفط الكويت جميع التيم ليدور على الدرجة 18 والمسميات اللي تفضلت فيها صحيحة لكنها مش في KOC وحسب معلوماتي انها في pic

     
  19. Workers

    Workers إدارة المنتدى

    7,767
    30
    48
    ذكر
    الكويت
    الله يسلمك يالغالي .. ماقصرت توضيح وافي عسى عمرك طويل ..
    طبعاً درجات رؤساء الفرق اللي ذكرتها انا على اساس انها اقل درجة شغل هالوظيفة ..
    ولا ادري والله هل يقدر ياخذ غيرها درجة او انها مربوطة بدرجة وحدة فقط ..
    على طاري الدرجات عندنا وعندكم .. اشوفها استوت السالفة :D
    مبرووووك ..... معادلة درجات الخفجي الجديدة
    عساها خير لكم إن شاء الله
    الله يعزك يالحبيب والشكر لك أكثر ماقصرت الله يعطيك العافية ..​
     
  20. جابر

    جابر قــلــم بــتــرولــي أعضاء الشرف

    الله يبارك فى عمرك ..ربك كريم ..والشباب ماذخروا جهد ...وإن شاءالله نشوف تطبيقها عن قريب
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,225
  2. المحرر النفطي
    الردود:
    1
    المشاهدات:
    7,938
  3. المحرر النفطي
    الردود:
    0
    المشاهدات:
    7,504
  4. المحرر النفطي
    الردود:
    0
    المشاهدات:
    1,603
  5. المحرر النفطي
    الردود:
    1
    المشاهدات:
    6,864

مشاركة هذه الصفحة