محطات الوقود في الكويت

الكاتب : Q8iGD | المشاهدات : 1,863 | الردود : 2 | ‏30 أغسطس 2010
  1. Q8iGD

    Q8iGD بـترولـي جـديـد

    12
    0
    0
    السلام عليكم

    الموضوع ببساطة هو عدم قبول محطات الوقود التابعه للبترول الوطنية والسور والاولى لبطاقات الكي نت والفيزا والماستر كارد

    العامل دايما يقول يا اما كاش او بترو نت او بترو ايزي والخ

    طيب شنو الوضع لو واحد اجنبي من برة وما عندة هالكروت؟

    عمال المحطة يقولون روح مكينة السحب الاي وهذي فيها ازعاج المفروض تتوفر الخدمة عند المضخه

    المحطات وضعت لخدمة العملاء.

    وهابين هبة يديدة في محطات السور او اعتقد صار اسمها الفا...يقولك حط فلوس في بطاقتك المدنية عن طريق تاكي نت واستعمل البطاقة المدنية - مادري بصراحه شنو الفرق او الاستفادة من هالموضوع بين الكي نت او البطاقة المدنية كأنها صارت وين اذنك يافلان

    ارجو من الاخوان في التسويق المحلي في البترول الوطنية تفسير عدم قبول الكي نت والفيزا والماستر كارد مع العلم انها كانت تقبل بالسابق

    وشكرا
     
  2. الصايغ

    الصايغ بـترولـي خـاص

    مساااء الخير

    مسااء الخير
    حبيت اقول ان الخدمه في الاول كانت موجودة بس المشكله فيها ان عميله الخصم ماكانت تتم بنفس الوقت من الحساب الرصيد تتم في اليوم الثاني وكانت هذي العمليه سببت في مشكله بخصوص خدمه الكي نت وغيرها من البطاقات الخاصه في البنك
     
  3. API 18

    API 18 بـترولـي مميز

    513
    0
    0
    اهي جت على هذي بس. المحطات لما تخصصو قبل خمس سنوات قلنا بس هذي هي راح تصير محطاتنتا نفس الامارات والسعوديه..محطات شامله الخدمات والمطاعم والسوبرماركت..بس للاسف بعد خمس سنوات ماشفنا من هذا اي شي بس شفنا تبديل العماله الوطنيه بالبنغاليين..اهي بس محطه يديده بغرب مشرف لا وقاصين على العالم صارلها اكثر من سنه مبطله وللحين برجر كنج و السوبرماركت ما بطلو. عاشت الخصخصه. لازم هالشركتين يكونون مثال لكل من ينادي بالخصخصه (اقصد مثال سيئ) قولوله شوف شنو هالشركتيين مسويين وبعدين نادي بالخصخصه. خلي اقوم اصلي ابرك.
     
جاري تحميل الصفحة...

مشاركة هذه الصفحة