مساعد حفار متدرب بالشركة الكويتيه للحفريات kdc

الكاتب : 7amad al3jmi | المشاهدات : 6,507 | الردود : 11 | ‏29 أغسطس 2010
  1. 7amad al3jmi

    7amad al3jmi بـترولـي نشيط

    101
    0
    0
    السلام عليكم ورحمة الله وبركاته

    شباب عندي استفسار

    مساعد حفار متدرب بالـ kdc .. معاشنا 488 + دعم العماله 370 التوتل 850 تقريبا

    اللي سمعته ان بعد سنه تعيين يزيد المعاش الى 1200 تقريبا
    او بمعنى ثاني بعد انتهاء مدة التدريب اللي هي 6 شهور


    فـ ياليت احد يكون عنده خبر يقولنا بمدى صحة هالكلام ..؟

    مع العلم ان عقودنا جديده

    وشآكرلكم ​
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    مبروك الوظيفة يااخوى حمد والله يوفقك انشالله
     
  3. 7amad al3jmi

    7amad al3jmi بـترولـي نشيط

    101
    0
    0
    الله يبارك فيك ويرضى عليك

    منور ياسآلم
     
  4. 1980

    1980 بـترولـي نشيط

    هلا فيك اخوي حمد

    شوف يالغالي

    انت اكيد المسؤؤل اللي عليك هندي او باكستاني او مصري صح

    انت ظبط علاقتك معاه

    لأنه راح يكتب فيك تقرير كل شهرين

    واذا تقريرك مظبوط يعطونك زياده 50

    واحسبها كل شهرين زياده 50

    يعني ان شاء الله 6 شهور معاشك فوق 1000 دينار

    وترى مو مهم المعاش

    هالوظيفه صدقني اهم شئ الخبره فيها يعني لو تطلع منها بعد 3 سنوات

    صدقني اي شركه نفط بالعالم تقدم عليها راح تقبلك لأنه عندك خبره

    صح ان الدوام متعب

    بس صدقني وانا اخووك

    اصبر وربك يفرجها

    ان مستقبلك راح يصير فوووووق

    وشهادة الخبره تغطي على شهادة مهندسين توهم متخرجين من الجامعه

    روح يالعجمي والله يوفقك
     
  5. 7amad al3jmi

    7amad al3jmi بـترولـي نشيط

    101
    0
    0



    بآرك الله فيك .. ومآقصرت طال عمرك

    كفيـت ووفـيت .. وبيّض الله وجهك
     
  6. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    اخوي / 1980 كلامك يقول =---> واذا تقريرك مظبوط يعطونك زياده 50

    واحسبها كل شهرين زياده 50

    يعني ان شاء الله 6 شهور معاشك فوق 1000 دينار


    اسمحلي اقولك انه هالكلام (( غير صحيح )) !! واسأل مجرب :)





     
  7. Assistant driller

    Assistant driller بـترولـي خـاص أعضاء الشرف

    كلام صحيح 100% خلال فترة قليله راتبك يكون اكثر من الف دينار وهذا يعتمد عليك انت وشغلك مو بس حتى شغلك وتعاملك مع مسؤولينك وزملائك في العمل . هذا بالنسبه للراتب

    وانا بصراحه شايف بعض الاخوان هنيي يحبطوون الواحد اللي وده يدخل مجال الحفر مادري اهو شيقصد يعني تلقاهم يخرعونه الشخص بالعمل وهذا الشي انا اسميه انانيه بعض الناس ماتحب تخدم غيرها اي بمعنى اصح ماتحب الخير حق غيرها تلقاه اذا دش احد واستفسر عن الوظيفه وعن طبيعة عمل هذي الوظيفه ومميزاتها تلقاه يعطي معلومات غير صحيحه عن هذي الوظيفه ويقولوله انهم يطلبون منكم طلبات تعجيزيه مع العلم اسرع وظيفه بالقطاع الخاص اهو عامل الحفر والسايق وانا اشووف بالعكس انا الحين داش على السنه الرابعه بشركة الكي دي سي للحفريات راتبي طاق الالف دينار وزيادة بوايد بعد والشغل متعه لا ومو بس جذي تلقى بعض المهندسين يستعينون فيني فمساعدتهم بدل مايستعين فمهندس ثاني مع العلم انه شاهدتي رابعه متوسط بس الحمدلله بحكم خبرتي صرت اعرف اشياء المهندس مايعرفها . وانا اقوول حق اللي يبي يدش الحفريات حتى لو ماعنده شهاده يقدر يدش والشغله ولله متعه حيل صج انك بتنكرف بس راح تلقى بالنهاية خبره و بتلقى راتب يريح ضميرك ولاتسمعون لبعض الناس اللي يقولون شغل وكد وماكو غشمره وراتب ضعيف هذا كله كلام فاضي الراتب ضعيف فلبدايه بس بعد سنه شي ثااني .... وحتى الشغل فلبدايه كرف بعدين بترتااح ... وشاكرلكم :)
     
  8. غراابيل

    غراابيل بـترولـي نشيط جدا

    383
    0
    0
    هلا وغلا اخوي Assistant driller أنت وينك من زمان :(

    يأخوي اقرأ موضوعك عن قسم الحفريات واحاول أوصلك ما أقدر !

    المهم ابعرف أي شئ عن الشركه الصينيه إذا عندك أي معلومه يرحم والديك لاتبخل علينا .
    وأنا من شهر 2 مقدم وزرعوني للحين يقولون انطر اندق عليك !
    للعلم شهادتي ثانويه ومقدم على مساعد عامل حفر ومقابلتي بتاريخ 15\7 بمركز التدريب البترولي .وبعدها دقو علي الشركه الصينيه بالعشر الأواخر من رمضان طالبين أوراق ومستندات صور الجنسيه والمدنيه .. الخ
    هل هالنطره طبيعيه ؟

    وشاكرلك على معلوماتك القيمه ..

    تقبل مروري ..
     
  9. 7amad al3jmi

    7amad al3jmi بـترولـي نشيط

    101
    0
    0


    اشكرك اخوي Assistant driller على التأكيد وجزآك الله كل خير .. :)

    بالنسبه لـ كلامك عن الوظيفه ومهام العمل وطبيعة الشغل .. انا ويآك بكل شي قلته

    انا صارلي شهر .. بس استنتجت شغلات واجد .. الشغله فـ بالبدايه متعبه على اشخاص وعلى اشخاص عأدي

    المسأله مسأله صبر وتعوّد .. ورآح تحب الشغله وهذا كلام اكثر من شخص ومنهم انت

    ومثل ماتفضلت انت واخونا 1980 الخبره من هالشغله .. تستاهل التعب

    بالاخير .. اشكرك اخوي Assistant driller على الرد الوآفي واشكر اخوي 1980 على التوضيحات

    لكم خآلص تحياتي
     
  10. Assistant driller

    Assistant driller بـترولـي خـاص أعضاء الشرف


    أهلا وسهلا فييك أخووي غرابيل .. ولله ياخووي في ظرووف خلتني اقطع عنكم شوي بس مو معناها اني ماراح ارجع والحمدلله تعديت هلظرووف هذي وانشالله راح افهمك على الخاااص كل اللي تبي تعرفه :)
     
  11. Assistant driller

    Assistant driller بـترولـي خـاص أعضاء الشرف


    من طيب اصلك يا 7amad al3jmi وانشالله اقدر اخدم الجميع في هذا المنتدى :)
     
  12. 7amad al3jmi

    7amad al3jmi بـترولـي نشيط

    101
    0
    0

    الله يرحم وآلديك .. كفيـت ووفيـت ..
     
جاري تحميل الصفحة...

مشاركة هذه الصفحة