بعد أذنكم .. متى تسجيل خريجي الثانويه العامه؟

الكاتب : ناصر العجمي | المشاهدات : 1,494 | الردود : 13 | ‏25 أغسطس 2010
  1. ناصر العجمي

    ناصر العجمي بـترولـي جـديـد

    8
    0
    0
    صبحكم الله بالخير

    تقبل الله صيامكم وطاعتكم

    سؤال؟

    متى تسجيل خريجي الثانويه العامه؟

    في الشركات البترول

    ضروري

    وأرجو الايفاده
     
  2. ماجد العجمي

    ماجد العجمي بـترولـي جـديـد

    12
    0
    0
    على حسب ما سمعت

    ان الاعلان بينزل بعد العيد

    والله المستعان
     
  3. ناصر العجمي

    ناصر العجمي بـترولـي جـديـد

    8
    0
    0
    متى ياشباب

    ما كانه طول فتح تسجيل الثانويه الي عند خبر يرد علي الله يعطيكم العافيه :confused:
     
  4. meshal

    meshal بـترولـي نشيط

    52
    0
    0
    الظاهر نفس السنه اللي فاتت ( يفتح التسجيل في اواخر شهر 9 )

    لكن تابع هالقسم وبتحصل إعلان أول ماينزل

    موفق ياخوي
     
  5. ناصر العجمي

    ناصر العجمي بـترولـي جـديـد

    8
    0
    0
    ابي شوركم

    :confused:انا سجلت في الا تصلات والملاحة وقبلوني و انا ابي اسجل في مشغل حقل شنو تنصحوني اكمل في المعهد اوانتظر تسجيل في مشغل حقل
     
  6. غراابيل

    غراابيل بـترولـي نشيط جدا

    383
    0
    0
    السلآم عليكم ورحمة الله وبركاتــه ..


    أخوي ناصر اذا تبي نصيحة اخو .. عشان لاتاكلها مثل ماكلاها غيرك .. ( اللي انا منهم )

    سجل بالمعهد وكمل دراستك .. واذا براسك النفط هم سجل فيه مايضرك هالشي ..

    لأن انت اذا سجلت بالمعهد على الاقل ضامن حقك ومايضيع اذا رفضوك النفط ..

    انا من العام مسجل وللحين اوراقي يماطلون فيها يقولون انطر ندق عليك والله راح من عمري سنه بطالي حاشني فراغ مو طبيعي شوي واتعاطى .. :p


    تبي نصيحتي مثل ماقلت سجل بالمعهد واذا شفت نفسك ماشي بالمعهد ودرجاتك حلوه وتقدر تاخذ دبلوم وتقدمه على النفط هم افضل وافضل وافضل مليون مره من انك تقدم الثانويه ساده :)

    صدقتي شوف اللي مسجلين بالنفط بشهاده ثانويه عامه مواضيعهم بالمنتدى تارسه الصفحه ويتحلطمون من التأخير اللي صارلهم شوفهم بموضوع مشغل حقل 2009 والله العظيم متبهدلين تخيل ينطرون من 2009.. كلنا طحنا بهالمصيبه لأن ماكان عندنا علم فيها ولا احد دلنا والحين انا اقولك نصيحه لاطيح فيها .. والناس كانت تقولي توظف وسجل بالنفط على ما تمشي اوراقك بس للاسف مالقيت وظيفه تبي شهاده ثانويه غير العسكريه .. وانا السلك العسكري ما اميل له بسبب بعض الالتزامات .. على العموم هذي نصيحتي واتمنى والله انك تكمل بالمعهد وبعدها اخذ شهادة الدبلوم و قدمها على النفط وادعليلي ...

    موفق انشالله ..

    تقبل مروري ..
     
  7. ناصر العجمي

    ناصر العجمي بـترولـي جـديـد

    8
    0
    0
    عند سؤال يا شباب

    ابي اعرف شنو مستقبلين افضل روتب ومنصب


    1- مشغل حقل

    2- الاتصلات و ملاحه مع دبلوم

    ولي عنده خبر ياشباب كام رتب الاتصلات لا يبخل علي


    والله يعطيكم العافيه
     
  8. e6aly

    e6aly بـترولـي جـديـد

    9
    0
    0
    السلاام عليكم
    أخوي ناصر انا الحين ادرس بمعهد الاتصالات والملااحه ومقدم على مشغل مصفاه من 2009 والحمدلله قبلوني وابلش يوم الأحد بس نطرت أكثر من سنه والنفط معروفين بأجراءات توظيفهم تاخذ وقت يعني اذا قدمت راح تنطر اقل شي سنه خصوصا عالثانويه انت دااوم بالمعهد وانطر الأعلان و المعهد زينه شهادته دبلووم ومعاشاتهم حلوه بس النفط أكثر
    وتقبل مروري
     
  9. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    أخوي ناصر تابع المنتدى وراح ينزلون أعلان بخصوص التوظيف لكن متى مايندرى يمكن بكره ويمكن بعد 3 سنوات محد عنده خبر لكن خلك متواجد بالمنتدى علشان تعرف الأخبار أول بأول


    الله يوفقك أن شاء الله


    بالنسبه شنو الأحسن على حسب لكن رواتب المشغلين أحسن من رواتب بعض الدبلوم

    لأن أنت أذا كملت وراها دخلت البترول لا كذا راح يكون راتبك أقوى من رواتب المشغلين لكن أذا رحت لأي وزارة من الوزارات بالبدايه راح يكون راتبك من 700-900 دينار

    طبعاً على حسب الوزارة اللي راح تكون فيها وعلى حسب المكان

    أتمنى أني جاوبتك الجواب الكافي

    الله يوفقك ويوفقنا .....!!
     
  10. ناصر العجمي

    ناصر العجمي بـترولـي جـديـد

    8
    0
    0
    ارجو المساعده

    ياشباب كم



    قريد في تخصاص الاتصلات



    منو اكثر القريد مشغل


    او الاتصلات
     
  11. bint_q8

    bint_q8 بـترولـي نشيط جدا

    293
    0
    0
    اللي اتمناها ؛)
    Q8
    موفق يارب

    دام اقبلوك معهد الاتصالات ادرس لين يتم قبولك بالشركه لان سالفتهم مطوله لاتضيع سنه من عمرك علشان تنطر الوظيفه روح كمل احسن من النطره علي الفاضي ... الله يكتبلك اللي فيه الخير ان شاءالله والاخوان ماقصروا بالردود
     
  12. ناصر العجمي

    ناصر العجمي بـترولـي جـديـد

    8
    0
    0
    الي عنده فكره يفيدني

    ياشباب منو عنده فكره عن شغل في بواخر النفط وشلون دوامة وكم راتبة وكيف مستقبله
     
  13. انسان

    انسان بـترولـي نشيط

    72
    0
    0
    ناصر الله يمسيك بالخير انت تدور الطيب ولكن الاطيب بين يديك ومنت شايفه ادرس البترول الوطنيه اخس عمل بالقطاع النفطي وبعدين مو على طول تدخل مشغل حقل دوره من سنه الى سنه ونصف واختبارات واذا سقطت تفصل من الدوره وعلوم كثير الله يكفينا شرها ادرس ابركلك وبعدين قدم على نفط الكويت احسن عمل وراتبها قوي الشهاده راح تفتحلك كل الابواب بد مشيئه الله جلت قدرته واتمنى لك التوفيق والنجاح حفظ الله الكويت واهلها من كل مكروه
     
  14. ناصر العجمي

    ناصر العجمي بـترولـي جـديـد

    8
    0
    0
    متى نتايج

    ياشباب


    ابي اعرف متى علان نتايج القبول ورفوض


    في عقود المقاولين
     
جاري تحميل الصفحة...

مشاركة هذه الصفحة