مبروك التجديد لسعد الشويب

الكاتب : pic1 | المشاهدات : 7,148 | الردود : 68 | ‏24 أغسطس 2010
  1. pic1

    pic1 بـترولـي نشيط

    128
    0
    0
    بسم الله الرحمن الرحيم

    قضي الأمر الذي فيه تستفتيان

    صدق الله العظيم

    مبروك التجديد للرئيس التنفيذي لمؤسسة البترول الكويتية السيد سعد الشويب ، ونتمنى من الله عز وجل ان يعينه على الاستمرار على الامانة والإخلاص للبلاد والعباد.
     
  2. Q8_oil

    Q8_oil بـترولـي خـاص

    1,387
    0
    0
    أخوي وين المصدر ؟؟
     
  3. pic1

    pic1 بـترولـي نشيط

    128
    0
    0
    المصدر احد مسؤولين مجلس الوزراء .
     
  4. الكبير

    الكبير بـترولـي نشيط جدا

    187
    0
    0
    إشاعات

    فترة الشويب تنتهي في شهر أكتوبر يعني بشهر سبتمبر يبين

    أرجو من إدارة المنتدى شطب الموضوع
     
  5. LaRambla

    LaRambla بـترولـي خـاص أعضاء الشرف

    2,041
    3
    38
  6. marine

    marine بـترولـي جـديـد

    22
    0
    1
    انشاء الله الخبر مو اكيد يارب
     
  7. Workers

    Workers إدارة المنتدى

    7,767
    30
    48
    ذكر
    الكويت
    جميع أخبار الصحف الكويتية تقول ماراح يجددون للشويب .. ومصادرهم تقول بلغوه شفوياً !
    من بعد الحملة الاعلامية الاخيرة على الشويب والتي فقدت مصداقيتها لدى كثير من الناس ..
    ويعتقد الكثير بان الهدف هو عدم التجديد للشويب ..
    وهذا اول خبر يخالفهم .. عموماً شهر سبتمبر مو بعيد .. والله يكتب اللي فيه الخير ..​
     
  8. poratl

    poratl بـترولـي نشيط

    96
    0
    0
    لاطبنا ولا غدا الشر
     
  9. pic1

    pic1 بـترولـي نشيط

    128
    0
    0
    بالعكس احلا بشاره واحلا عيدية من رئيس الحكومه للشرفاء من ابناء القطاع كل يوم طالع لنا واحد يتهم رئيسنا بشي مو فيه ويصيغون للاخوه الصحفيين البدون في جريدة السياسة وغيرها المقالات و الاخبار عشان يعطون مصداقية لحملتهم ضد الرئيس التنفيذي .

    قبل كانوا مشلخين وزيرنا السابق طق كل صبح خبرية كذب وترك الوزراة وصارت السالفة ان شكينا بمصداقية المهندس محمد العليم الله يذكره بالخير ، بس ظلموه في الامس مثل مو قاعدين يظلمون الشويب اليوم لدرجة احد الكبار قال محمد العليم وسعد الشويب الوحيدين اللي ماذاقو حلاوة الكيكة ومنعوا نفسهم بايديهم ، وبعدها مشا العليم والله رزقنا بوزير ماعلية قاصر بس قرصتة تعورهم مايقدرون يقربون صوب الممر اللي مقابل مكتبة صار الطق والإفتراء على الرئيس التنفيذي كل صبح خبرية كذب وتشويه سمعه وطعن بالذمه حتى برمضان ماخافوا الله بس والله يالشويب اني اغبطك على الحسنات اللي بتاخذها من المسيئين لك.

    الحمله اللي بالسياسية ثمنها انتقال صحفي مايحمل جنسية الى جريدة اخرى اشتهرت في مهاجمتها الرئيس التنفيذي بسبب وبدون سبب من صحافية فقدت مصداقيتها امام الشارع وامام الراي العام بتلفيق التهم ومالقت غيرها يهاجم الشويب ولما تمت مقابلة الصحفي البدون كانت تقدم له الوعود بانها راح تضغط على ملاك الجريدة عشان يقبلون فيه وانا ماحط بذمتي بس اعتقد جازم انها هي اللي تصيغ اخبار الصحفي البدون لكي ينشرها بالجريدة اللي يعمل فيها حاليا لدرجة ان اسلوب كتابتها نفس اسلوب البدون مما يقطع الشك باليقين انها هي من تصيغ له الاخبار عشان توهم الشارع بانها صادقه وهي ابعد ماتكون عن ذلك .

    على فكره المقابلة اللي تمت مع الصحفي البدون كانت في الدور الأول في غرفة اجتماعات في آخر الممر نص كراسيها مكسرة وهذا حسب مايشيع هالصحفي البدون بصورة اوضح المقابلة كانت بين ثلاثة من جريدة ( مسؤول بحريني وصحفي وصحفية كويتيين) وبين هالصحفي البدون ولما سأل بالانجليزي من قبل الصحفي البحريني في كانت اجابته: انا لغتي الانجليزية زيرو ( يعني انجليزي مايعرف ويفهم بالقطاع النفطي شوية عقل يامن تصيغين الاخبار) .

     
  10. pic1

    pic1 بـترولـي نشيط

    128
    0
    0
    ابشرك انه خبر يقين مو بس الأكيد
     
  11. pic1

    pic1 بـترولـي نشيط

    128
    0
    0
    يابوعبدالله الله يخليك الحمله كانت من جريدة وحده فقط ولها اسباب كثيرة بنذكر لك سببين منها تحويل مسؤول نفطي من المؤسسة للنيابة حسب المخالفات اللي ذكرت في تقرير ديوان المحاسبة وبعد التحقيق ثبت براءة هذا المسؤول واشاد فيه الشويب امام الكل في اجتماع البورد ، والسبب الثاني تلميع نجم مسؤول آخر دارت علية الشبهات بصورة مخيفة وواضحه وضوح الشمس لايمكن تجاهلها ومذكورة في تقرير ديوان المحاسبة وفي كل سنة تزيد المخالفات عن السنة السابقة وان دل علي شئ فانما يدل على ان هالشخص مو نظيف والمسؤول اللي مرغوب في تلميعه وتسويقة هو اللي يطرح اسمة لخلافة الشويب حسب ماتدعي بعض الأطراف لأن تم نقلة من موقعه لموقع آخر واصدر قرار احالتة للنيابة لولا تدخل قطب حكومي الفه.... وقطب برلماني كبير( شكرا استريح استريح ) وضغطوا بانه اذا تمت احالته للنيابة ماراح يوقفون مع وزير في استجوابة وتمت الصفقة مرغمين في المؤسسة على وقف احالته مؤقتاً.

    غايتهم ماراح يتوصلون لها لأن القرار اتخذ خلاص بالتجديد للشويب .

    انا اوعدك باذن الله انك بتسمع مايسر خاطرك وبثبات سفينة الشويب بين امواج الفساد.
     
  12. pic1

    pic1 بـترولـي نشيط

    128
    0
    0
    اذا انت عندك علة في وجود الشرفاء على سدة القرار فانا اقولك الله يعينك

    وماراح تطيب وشرك بزيد
     
  13. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    اتمنى عدم التجديد للشويب وهناك من هو افضل منة وهذا راى الشخصى وانشالله الخبر مو صحيح وشكرا
     
  14. AD-01

    AD-01 بـترولـي خـاص

    1,040
    2
    38

    هلابك اخوي سالم


    من تشوفه افضل من الشويب من الاسماء المطروحه .. انا اثق بنظرتك الثاقبة
     
  15. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    هناك الكثير افضل من الشويب ومن حزبة وهم لا ينتمون الى الاحزاب والشللية مثل الاخ على الهاجرى او فاروق الزنكى والكثير الكثير
     
  16. AD-01

    AD-01 بـترولـي خـاص

    1,040
    2
    38
    اممممممممممممممممممممممممممممممم


    شلون حكمت على كفاءتهم ؟؟


    ماشفت احد من الاتحاد او في النقابات (على حد علمي) يمدحهم حتى الموظفين في المؤسسة والبترول الوطنية ... اللهم هذا المنتدى فقط اللي يمدح بو ضاري علبوا رسالة التهنئة وبنفس الوقت القى مواضيع من ادارة المنتدى تذم سياسة فاروق الزنكي في البترول الوطنية



    وبعدين منو عندك الكثير الكثير غيرهم - من ضمن الاسماء المرشحه - ؟
     
  17. العوضي

    العوضي بـترولـي خـاص

    1,054
    3
    0
    انشاء الله الخبر مو اكيد يارب وطير علينا مشاركة النجاح
     
  18. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    اول شئ اتكلم بصفة شخصية ولا اتكلم بلسان النقابة
    ثانيا الواحد يتكلم على الى شافه وابو ضارى او فاروق فيهم الخير
    ثالثا محد دمر المؤسسة الى هالاحزاب وانت عارفهم
    رابعا اى واحد لا ينتمى الى حزب او تيار افضل الف مرة من الشويب
    خامسا لا تزعل يااخوى هذا رائى الشخصى ومبارك عليك الشهر
     
  19. SECURITY

    SECURITY بـترولـي نشيط جدا

    160
    1
    18
    الأستياء شديد جدا من الموظفين العاديين

    فما بالك بالحيتان ههههههههههههههه

    الله يرحم ايام هاني حسين

    بعهد هاني حسين انجازات تحسب له كأسم وكأداء وكقياده

    ولا نشكك بسعد الشويب . .

    لكن القادم أفضل

    واعتقد أن من أبرز الأسماء التي ستخلفه

    شذى الصبــاح

    وإذا على الكيكه فالكل أكيد ذاقها

    بس فرق اللي ذاقها بروحه

    وفرق عن اللي ذاقها مع ربعه
     
  20. AD-01

    AD-01 بـترولـي خـاص

    1,040
    2
    38


    اولا .. مشكور على التوضيح بان كلامك بصفة شخصية .. ولو اني ما شفت بكلامي اي تلميح لك ان كلامك كلام نقابي :)


    ثانيا .. نرجع لتوضيحاتك الغالية ..

    ما اتوقع انك تعاملت مع بو ضاري او بو حمد كموظف .. اتوقع بما انك نقابي دشيت عليه بشغله عادية و(تجمل) فيك .. وهذا شي طيب منهم انهم يقدرون ويوجبون

    لكن اذا كنت موظف في المؤسسة وبالتحديد في الشئون الادارية و المالية كان شفت قرارات الرجال وطريقة تعامله مع الموظفين وتذمرهم ... هذا مو كلامي .. كلام موظفينه


    ونفس الكلام بالنسبة لبوحمد المشهور بعدم المبالاه ومحد سمعله صوت لما كان رئيس نفط الكويت وحاليا بالبترول الوطنية .. حتى بايام اضراب النقابة و حوسة المصفاة الرابعة كان مختفي.


    ثالثا .. الاحزاب والشللية والقبلية والعائلة والفئوية هذا شي موجود ووضعها طبيعي بالكويت وحد يوصل لهذي المناصب بدون (ظهر).

    رابعا .. ممكن تقولي (بكلام) مقنع ليش (اي) واحد احسن من الشويب ؟؟

    انا بالنسبة لي اشوف الشويب سيء ومتردد ومو صاحب قرار لكن مع هذا الرجل نظيف وافضل من غيره اللى يصدر قرارات بدون دراسة وما يحسب حساب مصلحة الموظفين و(يموت) على الترزز والجرايد و(التمدح) في المنتديات او غيره اللى محسوب على اهل مصالح و مصايب.

    في اسامي ما تنقد عليها نفس سامي الرشيد بس مو محسوبه على تيار ولا محسوبه على التجار واصحاب قرار وهذا الشئ يخليه ماراح يوصل.

    خامسا ... مشكور على رايك وكل عام وانت بخير
     
جاري تحميل الصفحة...

مشاركة هذه الصفحة