الي متى يا نقابتنا الكريمة

الكاتب : الكويت وبس | المشاهدات : 1,049 | الردود : 7 | ‏19 أغسطس 2010
  1. الكويت وبس

    الكويت وبس بـترولـي نشيط جدا

    231
    0
    0
    بصراحة وبكا أمانة أستغرب سياسة نقابتنا ال............ يعني لي متى وأنتوا بتضحكون عالموظفين بخصوص العروض اللي شادين حيلكم فيها واللي من سابع المستحيلات توصلون فيها ل5% من مجهود اخوانا بالنقابات الثانية يعني أكثر من مره قمت بتبيه الاخوان بالنقابة بعدم الخوض بهامجال لانه مو بصالحهم واحتمال تكون عكسية عليهم ولكن وللاسف لا حياء لمن تنادي

    فمن يومين تقريبا نزل اعلان بالبريد وفيه عدد من العروض وكالعادة جربت اتصل باحدى الشركات اللي مسوية عرض واكتشف انه ماكو فرق نهائيا بين الشخص اللي بره النقابة واللي بالنقابة فالي متى يا نقابة والله عيب

    مثال حي ......

    اتصلت بالشركة اللي مسوين معاها عرض بخصوص الثيل الصناعي وسألتهم عن السعر وقالي سعر الساعه 35 واذا بتحجز بالشهر اكثر من 5 مرات فممكن انزلك السعر الي 25 للساعه وميزته الوحيده انه يشيل على قولته 8 لاعبين من كل فريق مع العلم انه اسعار ملاعب الثيل الصناعي وعلى حد علمنا انها بسعر 20 و25 وفي بعض الملاعب 15 فأموت وأعرف وين الخصم ووين العرض وصدقوني لو تشد معاه شوي بالحجي بيعطيك احسن من عرض النقابة

    فكافا لعبا على الذقون وبلاها من عروض

    يعني يا إنكم تسوون عروض تكون بارزة ولا بلاها لانهم بتنزل من أسهمكم
     
  2. AD-01

    AD-01 بـترولـي خـاص

    1,040
    2
    38
    يا الغالي سعر ملعب الثيل الصناعي ما ينزل عن ال30 دينار بالساعه واذا تعرف ملعب يأجر باقل بلغنا عنه خلنا نروحله


    واحد من الشباب اتصل برقم الحجز قاله الملعب ب30 واذا عن طريق النقابة ب 25
     
  3. الشطي

    الشطي بـترولـي نشيط

    55
    0
    0
    انا اللي اعرفه ان الساعه اقل من 35 او 30 دينار وفي ملاعب وايد جذي... بس يمكن تكون اصغر من انها تشيل 8 لاعبين من الفريقين
    بس ما اعتقد انهم ياخذون على المتر او على الحجم !!! :)

    فاذا كلامك صحيح نتمنى من النقابه انهم يشوفون هالموضوع لان هالسعر مافيه خصم ....بالعكس في زياده
     
  4. الكويت وبس

    الكويت وبس بـترولـي نشيط جدا

    231
    0
    0
    يالغالي أحب أعلق على مشاركتك وأقولك انه 90% من الملاعب اسعارها تتراوح مابين 20 و25 وعشان ما اتعبك تقدر تتأكد من موقع الشركة الرسمي عشان تشوف الاسعار اللي قلتلك عليها واذا بغيت مثال حي وبما إنك موظف بالقطاع النفطي مابي اتعبك واخليك تباعد تقدر تروح لملاعب الشركة اللي مقابل بيت التمويل اللي بالاحمدي وأسال المصري اللي هناك واذا عطاك اكثر من هالسعر انا محاسب وللعلم انا تقريبا كل اسبوع احجز يوم واذا تبي تباعد روح مثلا ملاعب حديقة الشعب وبفس الشي واذا على قولتك 25 والسعر الاساسي 30 يعني الفرق 5 دنانير فأقدر أقولك صراحة انك قنوع ولكن انا عكسك تماما لاني ما اعتقد انه هال5 دنانير تعتبر خصم ولا عرض واااااااو وبعدين ما اعتقد هالعرض قوي لسبب ثاني انه مكانه بالمنطقة العاشرة بالتالي هالعرض ممكن يخدم سكان هالمناطق وبس فاللي ساكن بالديره ما اعتقد تسوى انه يدفع 30 والفرقيه 5 بتخليه يطق هالدرب وسلامتك وتعيش وبالنهاية أقدر أقول نقابتنا محتاجه كورس من نقابة البترول
    بالضبط كلامك تأكيد على كلامي
     
  5. بن عامر

    بن عامر بـترولـي خـاص

    1,159
    0
    0
    k.o.c
    kuwait
    مع الأسف عرض جدا عادي لأن مفروض يكون السعر 20 للملعب الكبير و 15 للملعب الصغير و يكون على أكثر من ملعب مثلا 3 ملاعب موزعه بالديرة و بالمنطقه العاشرة و المنطقه الرابعه هني صح نقول إنه عرض يسوى .


    نتمنى من الإخوان بالنقابه إعاده النظر بالعرض .
     
  6. محمد المذن

    محمد المذن بـترولـي مميز

    694
    0
    0
    كلامك صحيح عندك عرض القطرية الخصم حق اتحاد البترول مو بس حق نفط الكويت والخصم عبارة عن خصم 15% للحجز بالدرجة الاولى (عن طريق الانترنت) و12% لرجال الاعمال واعتقد 10% للسياحية
    المهم شرط العرض الاول انه يكون عن طريق الانترنت
    والقطريه اساسا مسوين خصم للي يحجز عن طريق النت بس مو محددين النسبة بس بالنهاية نفس السعر بالضبط جربت دشيت عن طريق للنك الي دازينه وعن طريق موقعهم

    الفرق بين العرضين اهو اسم اتحاد البترول الي ضايفينه بالعرض

    قلتها من قبل الحل مقاطعة عروضهم الدايخه لين تخيس بجبودهم
     
  7. بن عامر

    بن عامر بـترولـي خـاص

    1,159
    0
    0
    k.o.c
    kuwait
    مع احترامي لنقابتنا ما شفنا عرض يسوى إلا عروض العمره و الباقي ما ترتقي إنها تسمى عروض لأن راح تحصلها برا بنفس السعر أو أقل بشي بسيط نفس عرض القطريه بالضبط .

    أتمنى يعيدون النظر في موضوع العروض لأن للحين ما شفنا شي يسوى .
     
  8. -AloSaiMy-

    -AloSaiMy- بـترولـي جـديـد

    15
    0
    0
    Q8
    شنو الجديد في الموضوع


    نو كومينت بصراحه
     
جاري تحميل الصفحة...

مشاركة هذه الصفحة