ليش نطالب بالزياده ؟ حالكم حال غيركم!!

الكاتب : Euro | المشاهدات : 706 | الردود : 9 | ‏4 ديسمبر 2007
  1. Euro

    Euro بـترولـي نشيط

    99
    0
    0
    السلام عليكم .. هذا رد على بعض الاخوان الي يقولون الحمدلله احنا معاشاتنا زينه وماكو شي يميزكم عن غيركم واشمعنا يزيدونكم .. انا اقول هالتقرير يكفي ويزيد .
    وطبعا للأسف قالي هالكلمه واحد بال KNPC بس الظاهر انه مو شايف ولا حاس بالي الاغلبيه حاسه فيه (كل يرى الناس بعين طبعه)


    غاز كبريتيد الهيدروجين H2S والذي يوجد في جميع مصافي النفطية هو احد الغازات الخطيرة والشائعة صناعة البترول وهو متواجد في معظم الوقود الحفرية ويحدث كنتيجة ثانوية أثناء الإنتاج ومعالجة البترول والغاز ويمكن ايضا ان ينتج اثناء تنقيح المعدن وإنتاج الورق والصرف الصحي ومعالجة المخلفات . إذا عملت حول أبار البترول ، خطوط الانابيب، وحدات الغاز، وحدات فصل الزيت عن الغاز، مصانع معالجة المخلفات، او المباني بجانب مثل هذه المرافق ، فأنت تعمل بجانب مصدر H2S . عادة الإجراءات الهندسية تبقي H2S بأمان حيث يمكن احتوائه في الأوعية والخطوط النفطية. ولكن عند حدوث التسرب فالإصابات الشديدة أو الكوارث يمكن ان تنشأ.........

    الآثار المرتقبة عند التعرض للغاز:

    · (1 ppm) لا آثار جسدية هامة، حاسة الشم تبقى سليمة ويمكن ان تكتشف ولها رائحة البيض الفاسد.

    · (10 ppm) التهاب العين، وايضا هو قمة الحد الأقصى المسموح بالتعرض له لمدة ثماني ساعات ويمكن ان تتنفس بدون استخدام أجهزة التنفس.

    · (15 ppm) الحد الأقصى المسموح بالتعرض له لمدة 15 دقيقة ويمكن ان تتنفس بدون استخدام أجهزة التنفس.

    · (100 ppm ) يسبب حرقان العيون والحلق ، والصداع ، الغثيان، الكحة، حاسة الشم تصبح عديمة الجدوى خلال 3-15 دقيقة.

    · (300 ppm) يسبب التهابات العين والجهاز التنفسي خلال 30 دقيقة.

    · (400 ppm) تسبب صعوبات تنفسية، إفساد الجهاز العصبي، الشلل في النهاية، وشل مكامن التفكير في الدماغ.

    · (700 ppm) فشل الجهاز التنفسي أو الجهاز الدوري، الإغماء ، النوبات المرضية، فشل الأمعاء والمثانة، الموت خلال 30 دقيقة.

    · (1000 ppm) الإغماء الفوري ويقتل في الحال.



    مواصفات الغاز:

    1. غاز قابل للإشتعال ، جامح ، سام جدا، يثير انسجة العيون المكشوفة والأنف والحلق والرئة عندما يمتصه الجسم فيعمل كالسم الداخلي الذي يمكن ان يفسد الجهاز العصبي ويشل نظام التنفس.

    2. عديم اللون فلهذا لا يمكن رؤيته عند التسرب لا يرى في الجو العاصف يتحرك H2S كسحابة غير مرئية عادة في اتجاه الريح.

    3. أثقل من الهواء ويميل أن يهبط على المناطق المنخفضة مثل الخنادق والمصارف والحفر بالرغم من ان المناطق العلوية قد تكون خالية من H2S ولكن يتواجد كغاز قاتل جدا في المناطق السفلية.

    4. قابل للاشتعال والانفجار تحت الشروط الجوية العادية H2S يتحد بالهواء الجوي لتشكيل المزيج الذي سوف يشتعل على مدى كبير جدا( 4.3% - 46%) ويسمى المدى القابل للاشتعال أو الانفجار هذا المدى تقريبا سبعة مرات اكبر من المدى القابل للاشتعال للجازولين.

    5. عند احتراق H2S يبعث غاز SO2 ثاني أكسيد الكربون. يمكن ان يسبب SO2 حكة وحرقان للعيون المكشوفة والأنف والحلق وخلل النظام التنفسي.

    6. آكل عندما يتحد H2S بالرطوبة في الهواء الجوي يشكل الحمض الآكل الذي يتلف المعادن وينتج عنه تسربات خطيرة حيث يأكل الحمض معدن المواسير، الصمامات والخزانات والمعدات الأخرى. (هذا الحديد فما بالك جسم الانسان)

    7. تآكل H2S عامل أساسي في تكوين مواد Pyrophoric عندما يتفاعل H2S مع الصلب وتعرضه إلى الهواء.


    طبعاً هذه بعض الشغلات ...
    علما بأنه في بعض الوحدات .. (نفس الي انا فيها) انت 8 ساعات قاعد تستنشق هذا الغاز السام .. لان للاسف عندنا فلتر يتجمع فيه هذا الغاز .. ويتكثف .. فلازم نسوي drain على الجو .. والله يعينك .. طبعا ال Drain نسويه كل 20 دقيقه بالكثير ..وخذ صداع يومي .. ويوم بعثنا Report حق ال safety الي بس يعطون كورسات وما يطبقون هالشي .. وطناااااش..يوم خلاص شفنا ماكو حل من ال Safety دزينا اقتراح انشاء vessel خاص عشان نودي الشي عليه مو على الهواء هم طناش ..واذا خفت على صحتك وقلت صدري تعب ما اقدر اسويه (هذا ويهي اذا شميت القريد) والمشكله ان الشركه ما يصير تستمرض فيها ويقولون الموظف ليش ياخذ طبيه ؟؟
    طبعا هذا بس الفلتر ... غير ال sample الي اشبع وانت تشم .. لين ارجع البيت وانام والريحه لي الحين بخشمي ..
    هذا شي من ولا شي ليش احنا نستاهل الزياده (والكلام لك ياللي تدش نظيف وتطلع نظيف) :mad:
     
  2. YOU^AND^ME

    YOU^AND^ME بـترولـي نشيط جدا

    444
    0
    0
    ماعنده سالفه ...... ولا يحس بالفرق اللي بينه وبين اي واحد يشتغل في القطاع النفطي في دول الخليج خاصتا وباقي الدول بشكل عام
    انا اقول حتى هذي الزياده قليله بحق النفطيون ان اصح التعبير ...!
     
  3. shayib80

    shayib80 بـترولـي نشيط جدا

    193
    0
    0
    B OPERATOR
    MAB REFINERY
    الأحساس نعمة من الله

    المثل القديم يقول الي ايده بالماي مو مثل الي ايده بالنار
    إذا تكلمت معاه بقولك محد جابرك تشتغل هالشغله
    في النهاية الجدال مع هالنوعية من البشر عقيم ومايوصل لأي نتيجة
    لا تحر نفسك

    ترى الاحسان نعمة
     
  4. غيوره جدا

    غيوره جدا بـترولـي نشيط جدا

    249
    0
    0
    Specialist
    Virtuous City
    اي والله صاج .. شويه اذا بتقارن باي شركة بترول بالعالم او بالخليج

    انا اعرف واحد سمعه خف والسبه الصوت العالي والضغط

    من يطلع يبيله دقيقيه او 2 عشان يردله السمع
     
  5. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    موظفين الوزارات لهم الظاهر حسبالهم الشغل هني بس جرايد و كمبيوتر و سوالف
     
  6. زهرة التوليب

    زهرة التوليب بـترولـي خـاص

    ما يبونا نطالب بالزيادة

    خل يرفعون رصيد آجازاتنا
    ويقللون وقت ساعات العمل
    ويقربون أماكن شغلنا اللي بآخر الدنيا
    ويعطونا عرضي حالنا حال باجي الوزارات

    ساعتها نقول مانبي زياده
    بس على هالوضع الزيادة من حقنا ونص
     
  7. Euro

    Euro بـترولـي نشيط

    99
    0
    0
    عرضي ؟؟؟ يا معود الحين حطو بصمه .. ما ادري على اي اساس بصمه حق ال field ونظام شفتات بعد ؟؟ بالله شلون اذا بتبدل ؟ شلون اذا واحد من ربعك يالك قبل الوقت ؟ شلون اذا حصلك ظرف وتبي تستأذن ساعه ؟ او دقايق ؟؟ كله شفط من الحساب !!! كافي الواحد اذا طلع اجازه معاشه يروح ؟ يصير سايق باص مو نفطي .. ما اقول الا ...(اططححسسس) يا موظف اقتصاد الدوله و (ابتسم فأنت حنطور)
     
  8. Neilz

    Neilz بـترولـي نشيط جدا

    242
    0
    0
    الله يعطيك العافيه على هالموضووووع تصدق انا احس انك وياي بنفس الوحده بس منو مادري انشالله مع الايام راح اعرفك انا اقول حق اللي يقول شحقه تاخذووون زيااده تعال يوم واحد او داوم بدالي وتعرف اذا احنا نستحق هالزياده والا لا ومشكوووورين
     
  9. اسامه

    اسامه بـترولـي نشيط

    59
    0
    0
    اوبريتر
    الكويت
    ياجماعه


    معاشاتكم غير مرضيه
     
  10. Federer

    Federer بـترولـي جـديـد

    17
    0
    0
    ازيدك من الشعر بيت :p ..

    v
    v

    وين اللي يقدر عااااد ؟!!
     
جاري تحميل الصفحة...

مشاركة هذه الصفحة