عاجل..تقدم 1500 مهندس باستقالات جماعية احتجاجا على عدم اقرار الكادر الهندسي

الكاتب : الوعد الصادق | المشاهدات : 3,210 | الردود : 18 | ‏15 أغسطس 2010
حالة الموضوع:
مغلق
  1. تقدم اكثر من 1500 مهندس من مختلف الشركات النفطية باستقالات جماعية احتجاجا على عدم اقرار الكادر الهندسي وعللوا على ذلك نتيجة الاحباط السائد بين المهندسين وارتفاع اجور مهندسي الحكومة مقارنة بمهندسي القطاع النفطي .
    وأبلغ مصدر مذكور ان النائبان حسن جوهر وسعد الخنفور قد تقدما بطلب لوزير النفط بالامتناع عن قبول الاستقالات حتى تشكيل لجنة طارئة لتقييم الوضع واقرار كادر هندسي للقطاع النفطي يتراوح بين 900- 2500 دينار حسب التدرج الوظيفي .
     
  2. stinkysocks00

    stinkysocks00 بـترولـي نشيط

    79
    0
    0
    نعم وهذا حالنا
    كل ماهددوا الشباب راحو النواب وغيرهم يشتغلون بالكوادر
    ليش الانتقائية وردة الفعل عند المصائب فقط , لماذا لا ينظر الى كل الكوادر ووضع آلية وسقف زمني للانتهاء من كل الكوادر؟
    لا حول ولا قوة الا بالله
     
  3. API 18

    API 18 بـترولـي مميز

    513
    0
    0
    احترموا الشهر وبسكم اشاعات. يمكن اصدق لو تقول 15 مو 1500 مره وحده. خبر ماله اساس.
     
  4. المتألق

    المتألق بـترولـي نشيط

    108
    0
    0
    ان صفوا على عشره لك حق
    ترى شكر النعمه زيييييين
     
  5. تايتنك

    تايتنك بـترولـي خـاص

    1,239
    0
    0
    المفروض يعطونهم حقوقهم اذا لهم حق وصراحة لو رواتب الحكومة احسن ليش قاعدين بالشركة حق التعب والدوام الطويل استقيلوا وروحوا الحكومة .
     
  6. السيد المؤمن

    السيد المؤمن بـترولـي جـديـد

    14
    0
    0
  7. عباس الناصر

    عباس الناصر بـترولـي جـديـد

    8
    0
    0
    يا جماعه انا الي اشوفه ان موظفين النفط ما عليهم قاصر ولله الحمد لكن السالفه صارت دلع كل ما زادو وزاره ولا مؤسسه ولا فئه كل الكويت قامت وكلهم صارو يبون زياده حتى لو امس زايدينهم مايصييييييييييييييير
     
  8. kahraba_eng

    kahraba_eng بـترولـي نشيط

    71
    0
    0
    وين ماعلينا قصر
    لمه المعاشات الحكومه اعلى من معاشاتنا < و دوامنا اكثر و اشق منهم .
    اهني يكون ما علينا قاصر
    المفروض يكون عدل
     
  9. نوار

    نوار بـترولـي جـديـد

    27
    0
    0
    أحسن أنهم قدموا أستقالاتهم
    أشلنا فيهم
    ولو أني مستحيل أصدق أنه كويتي يترك النفط؟؟؟؟!!!!!
    أحسن مهندس فلبيني ولا هندي والله العظيم يشتغل ضعف ضعف ضعف إلي يشتغله بعض المهندسيين الكويتيين مليوووووووووون مره
    يبون فلوس يبون كوادر خل يورونا عرض مقفاهم ويروحون الكهرباء ولا الأشغال ولا الأسكان ويشبعون من الكادر لين يطلع من خشومهم صج الناس مايملي عيونهم إلا الترااااااااااااب
     
  10. A11

    A11 بـترولـي نشيط

    71
    0
    0
    مايندرى صحة الخبر من جذبه ..بس الظاهر فيه ناس طاقها القهر من المهندسين بالذات ..
    اللى يقولى مايشتغلون واللى يقولى طماعين ...شالسالفه حسد والا حقد ..

    ماعليه خلاف ..فى كل مهنه فيه الفاهم وفيه القابس ..حتى بالسكرتاريه ...فيه اللى عارفه شغلها ..وفيه اللى همها المكياج والتقلقس ..ونشر الشائعات ..
    لكن ...يظل المهندسين (بالعموم) هم عمااااااد الحضارات والتكنولوجيا..هم بناة الجسور والمركبات الفضائيه والمعدات والأجهزه بأنواعها ...طبيه ونفطيه وغيرها...هم من يصممها ويصنعها ويبدأ تشغيلها ...
    ليس من المعقول إن يتساوى حوافزهم مع أى تخصص ثانى ..
    ومن حقهم يطالبون بالتميّز ...

    والدوله إذا ماميزتهم ...فهى خسرت أكبر وأثمن إستثمار بشرى لديها ...
     
  11. kahraba_eng

    kahraba_eng بـترولـي نشيط

    71
    0
    0
    بخصوص الكلام على المهندسين
    ميت قهر منهم ولا شنو ... انا اشوف الفني ما يشتغل مثل الاجانب و معاشاتهم صكت على الوزاره .... يقول خل يورونا عرض مقفاهم بعد


     
  12. دمعة المقهور

    دمعة المقهور بـترولـي نشيط

    53
    0
    0


    شكو الحين خربتها ويا الفنيين؟

    الحين الموضوع ماله دخل بالاخوان الفنيين؟ اخوي لاتخلط الامور

    ولا تحط بضمتك

    كل واحد يشتغل الشغل الي عليه

    والله سبحانه اهو الي يحاسب الناس اذا يتشغلون ولا لا

    لاتقعد تقط اللوم بدون تفكير بس عشان ترد اعتبار المهندسيين ياخوي

    ونعم فيهم كلهم


    بس مو بهالاسلوب


    وتقبل مروري
     
  13. usamissle2004

    usamissle2004 بـترولـي جـديـد

    27
    0
    0
    المهندس الكويتي اثبت جدارتة في القطاع النفطي وما هو محتاج شهادة منك

    اما سالفة الكادر فهي حق للمهندس الكويتي في القطاع النفطي مثل اخوه في القطاع الحكومي وابشرك انها مسألة وقت

    اما تقارن الاجانب الفلبينيين والهنود في المهندس الكويتي ما اعتقد انهم اكثر وطنية واهتمام في العمل

    مثل اخوانا المهندسين الكوتيين

    ورجاء يا اخ العرب اختار الفاظ محترمة لمن تنتقد اصحاب الشهادات العليا

    مبارك عليكم الشهر فقط للمهندسين الكويتيين في القطاع النفطي وسوف نبارك لكم الكادر عن قريب انشاءاللة
     
  14. usamissle2004

    usamissle2004 بـترولـي جـديـد

    27
    0
    0
    الرجال ما غلط قال اللي في خاطرة مثل صاحبك نوار
    او الظاهر انك تشوف بعين وحدة
    اعور
     
  15. دمعة المقهور

    دمعة المقهور بـترولـي نشيط

    53
    0
    0


    ماتقصر حبيبي تسلم

    هم انا ماغلطت :)

    اهو طلع عن الموضوع وحبيت ارده للموضوع وبس
     
  16. المهندس

    المهندس بـترولـي خـاص

    1,305
    8
    0
    الخبر قويييييييي :) ودي اصدق
     
  17. المطيريkoc

    المطيريkoc بـترولـي نشيط

    60
    0
    0
    صباح الخير على الكل واعصابكم شوي شوي الحمدلله احنا بديره فيه الخير يحلم فيها ملايين البشر بس احنا ماذبحنا الا الفسقه والتلاعب التجار بهالبلد انا معارض اي زياده بالرواتب لسبب احنا ولله الحمد معاشاتنا فوق ال1100 طبعا الجامعي واذا زادوا الرواتب شي طبيعي تجار البلد بيرفعون كل السلع حط مكانك مكان اللي معاشه مايوصل ال500دك شتقول عنه اذا متزوج وعنده اولاد وساكن اجار وين بيلحق
    انا اقول الحمدلله على كل حال واللي يبي راتب عالي ترا غير النفط في الوزارات بس ماتلقى نفس مميزات النفط وانا اقول حمدوا ربكم على النعمه اللي انتم فيها انا من ناحيتي مقتنع بالراتب ولله الحمد

    وعندي شي ثاني بقوله اللي يقول مافي مساوات بيني مهندسي النفط والوزرارت انا على فكره كل ربعي مهندسين بالنسبه للنفط انا تعينت على قريد 12 حالي من حال المهندس يحتاجني واحتاجه بنفس الوقت محد يستغني عن الثاني نكمل بعضنا البعض انا جيولوجي , خلونا نفرض زادوا معاشات المهندسين وانا مع زيادتهم لانهم يستحقون الزياده السؤال الاهم هل راح يكون هناك عداله بين المهندس والجيولوجي كونهم بنفس القريد بس راتب المهندس اكثر ب300 فرضابعد الزياده ؟
    ماراح اتوقع الجيولوجيين بيسكتون او اقل شي بيقولون دام زدتم المهندسين لازم تكون هناك زياده لنا كوننا بنفس الدرجه ونمكل شغلنا مع بعض وحسب قوانين الشركه توحيد السلم الوظيفي اي اللي بقريد 12 كلهم نفس المميزات والراتب...
    فا اللي اعرفه انه الاداره متوهقه بهالشي انه اذا زدنا لازم نزيد الكل بدون اسثناء وانا سمعت انه بيزودون ال120 حق غلاء المعيشه ويسكتون الموظفين

    ودمتم سالمين واتمنى اني ماجرحت احد بكلامي :)
     
  18. Ahmad Alenezi

    Ahmad Alenezi بـترولـي نشيط

    53
    0
    0
    السلام عليكم

    يعطيكم العافيه يا حلوين و عوده جديده لانه صارلي فتره مشغول عنكم و عن سوالفكم الحلوه....

    المهم احب اباركلكم بالشهر الفضيل و عسى الله يتقبل منا و منكم صيامنا و قيامنا اللهم امين يارب العالمين...

    بالنسبه للموضوع و مشاركتي الله يطولي بعماركم

    انا اقول انه مافي عدل و مساواه بصراحه لانه الكادر يعتبر للمهندسين مو للوزارات ولا ليش ما يسمونه بدل وزاره الكهرباء ولا بدل وزاره التربيه ولا بدل اي وزاره؟؟؟؟؟ ليش سموه كادر مهندسين....؟ لانه يعتبر للمهندسين عموما

    خلوني افسرلكم الامر حبه حبه يمكن تتضح الرؤيه لبعض الاخوان......

    الحين شاللي خلانا ندخل النفط معنه كان بالامكان اننا ندخل وزارات و كانت العمليه اسهل انك تدخل وزاره الا اننا نبي التميز بجميع مقاييسه يعني تبي عمل تبي جهد تبي دوام و تبي قرنقش"فلوووس" وهذه اكثر شغله خلتنا نتجه للنفط المعاش.....

    طيب الوزارات اكثر الناس اللي اعرفهم معرفه شخصيه و اقعد معاهم من عيال العم و من الربع المهندسين اللي هناك يقولون والله مافي لا دوام ولا في شغل وعلى فكره ترى في احسن وزاره لها بدلات عاليه اللي هي الكهرباء والماء

    واللي يعرف ناس هناك راح يتفق معاي مليون بالميه انه ماخذين الدوام حدااااااااااق بحدااااااااااااااااااااااااااااااااق

    طيب الحين لمه يقرون الكادر لهم طيب احنا مهندسين حالنا حالهم ؟؟؟؟ لكن الفرق احنا ما نقعد مع عيالنا و حياتنا كلها دوام بدوام وما نقعد مع اهلنا وكل هذا بسبب الدوام والوقت مانشتكي لا حشى والله الحمدلله يارب على كل حال و رضينا بهالشي بقناعتنا و قبلنا نكون موظفين للشركه و ياربي لك الحمد والشكر احنا بالف خير و نعمه لكن وين التمييز اللي كنا نطمحله...؟

    لمه تلقى واحد نفس شهادتك ونفس راتبك لا و في بعضهم احسن منك بعد لكن على مدى السنين راح توصل الى نفس راتبه و اطوفه
    لكن اهو مرتاح مافي دوام مافي تعب يعني عادي تلقاه طالع شهرين مسافر من غير رصيد اجازته عادي في ناس تقعد فتره طويله مو مداومه وهم الامور طبيعيه والحياه حلوه و الراتب اهو نفس الراتب ؟؟؟؟

    بينما احنا دوام وحتى استأذان مافي عندنا الا على كيف المسؤول له خلق ولا لا و يقولك بكل بساطه مافي قانون عندك يقولك انه لك حق استأذان يعني تبي تطلع اطلع من رصيد اجازتك؟؟؟ ولا استأذن ساعتين اسالكم بالله في مكان بالكويت الحين تخلص فيه بساعتين

    والله العظيم واقسم بعزت الله و جلاله انا السنه اللي طافت عشان مراجعات اهلى بالمستشفى واظن ما تخفاكم مراجعات المستشفى و مواعيدهم الحلوه والله 12 يوم من رصيدي بس مراجعات مستشفى لاني اخذ اليوم كله....؟ اروح من الساعه 7 اطلع من عندهم الساعه 12:30 يعني حتى لو بداوم بوصل على الساعه 1 يعني فشله اداوم

    بينما الاخوان عندهم غير اجازاتهم عرضي و مرضي وبيرمشن و مادري شنو مسميات عجيبه غريبه غير السنويه...؟

    انا ما احسدهم بالعكس والله العظيم عليهم بالعافيه يارب و يستاهلون لكن ليش لمه احنا نطالب بالانصاف بعض الاخوان يعتبرونا ناس جشعين ولا نحسد ولا اللي يقول قولوا الحمدلله جنه يقول انطموا يا شباب؟؟ يبا الحمدلله يارب و الف الحمدلله يارب احنا بالف خير و نعمه ونحمد الله و نشكره لكن الانصاف حق ومن حق اي واحد يطالب فيه

    اتمنى العموم يتقبل احترامي و تقديري
    وخلونا انتناقش بطريقه حلوه و راقيه عشان نوصل لحل
    والسلام عليكم و رحمه الله و بركاته
     
  19. AD-01

    AD-01 بـترولـي خـاص

    1,040
    2
    38



    احترم عقولنا شوي باخبارك .. مال امه داعي تألف اخبار علينا


    حتى بجوجل ما لقيت هالخبر .. 1500 مهندس استقالوا مره وحده ...



     
جاري تحميل الصفحة...
حالة الموضوع:
مغلق

مشاركة هذه الصفحة