حــــد التخبط

الكاتب : عباس الناصر | المشاهدات : 918 | الردود : 7 | ‏14 أغسطس 2010
  1. عباس الناصر

    عباس الناصر بـترولـي جـديـد

    8
    0
    0
    السلام عليكم ورحمة الله
    اخواني وخواتي اعضاء المنتدى كل عام وانتو بخير
    ومبارك عليكم الشهر....

    هاذي اول مشاركه لي معاكم وانا بصراحه ما شاركت الا من حر ما فيني

    الموضوع ان انا مقدم اجازه حق شهر رمضان من شهر 4 قلت قبل الزحمه يعني:cool:

    المهم وقامو الشباب وقدمو اجا
    زه قبل رمضان باسبوع بس تاريخ اجازتهم قبلي تاريخ اجازتي بيومين

    الي صار انهم اطلعوا والحين يوم صارت اجازتي الي ناطرها من اشهر يدق المسؤل ويقولي ان بكنسلها

    اييي ليييييييش ؟؟؟ قال لان ما عندنا احد عنده (((تصريح ))) دخول للمنطقه الي انت تداوم فيها والمكان راح يكون فاضي والتصريح يا خذ شهرين على ما يخلص


    الاسئله الي تسدح نفسها

    الحين انتو شركه طول بعرض منتو قادرين تنسقون مع وزارة الداخله ادارة امن الحدود وتطلعون تصريح بيومين ؟؟:confused:

    2- اذا انتو ما عندكم تنسيق واي احد قدم اجازه وقعتوها انا شكو اتحمل اهمالكم ؟؟؟؟

    3- في حال ان اجازتي تكنسلت اخواني شنو الاجراء الي اقدر اتخذه علشان اطلع حقي

    واسف على الاطاله ومشكورين
     

  2. الخطوة القادمة هي اللجوء للنقابة ولكن حذارى :

    سوف يقومون باتصلاتهم لحل مشكلتك وديا وهم يدركون انهم سوف يعمون عليك واي شيء عن طريقهم سوف يقابل بالرفض .
    سوف يكبرون السالفة ويصعدون ويوعدونك ان الموضوع منتهي
    والخطوة التالية المفاجئة The Mobile Is Swith Off Or Out Of The Coverage Area
    وبعده التهرب من التواجد بالنقابة وجعل الفراش يرد على التلفونات
    ومن ثم حصولهم على كورسات خارجية مقابل صفقات مشبوهة تحت الطاولة على ظهر اللي مثلك وشرواك
    وتصير بينهم وبين الادارة شيفرة على بعض نوعيات الشكاوي ارفع وحنا نكبس واطلع كورسك
    الفاجعة ليمن تكتشف بعدين ان الشخص اللي لجأتله بالنقابة وقعوله اجازته برمضان والفضل يعود لك لانك انت اللي فتحت عيونه وعلمته الطريج.
    :D
     
  3. majroo__7

    majroo__7 بـترولـي نشيط

    64
    0
    0
    ما في شي مستحيل

    عزيزي ما في شي مستحيل

    اذا فعلا مقدم إجازتك قبلهم و مسؤؤلك يدري

    يقدر مس}ولك يدق عليهم و يكنسل إجازاتهم و يردون وانت تطلع

    التيم ليدر عند صلاحية بإلغاء الإجزات

    بس انت اصمد و خلك على رايك

    من حقك
     
  4. stinkysocks00

    stinkysocks00 بـترولـي نشيط

    79
    0
    0
    اخي العزيز

    اعطيك راي وتاخذ عليه بونص و يحترمك التيم ليدر وتطلع اول واحد المره الجاية؟

    اطلب من التيم ليدر اتسوون روتا ROTA

    واتعبونها بداية السنة وانت لك الاولوية

    اللي يطلع ارمضان هالسنة ايخلي غيره يطلع ان شالله السنة الجاية

    الا اذا كنت امجهز سفره للعمرة انت والاهل.

    واذا المسؤول عنده الروتا بيده ماكان غيرك طلع قبلك وانت امقدم من زمان.

    :eek:
     
  5. محمد المذن

    محمد المذن بـترولـي مميز

    694
    0
    0
    الله يكون بعونك فعلا حد التخبط
    مالك الى ربك اهو الي ايب لك حقك
     
  6. عباس الناصر

    عباس الناصر بـترولـي جـديـد

    8
    0
    0
    اذا على النقابه اقبض من دبش عمك اصمخ

    عموما شاكر تواصلكم اهتمامكم ويعطيكم الف عافيه
     
  7. عبدالله

    عبدالله بـترولـي نشيط

    110
    0
    0
    Q8
    مو لازم تطلع إجازه......
     
  8. عباس الناصر

    عباس الناصر بـترولـي جـديـد

    8
    0
    0
    هههههههههههه

    والله رايك ضحكني ...بس الحمدلله طلعت اجازه
     
جاري تحميل الصفحة...

مشاركة هذه الصفحة