Lab Results

الكاتب : QATEL | المشاهدات : 1,737 | الردود : 20 | ‏12 أغسطس 2010
  1. QATEL

    QATEL بـترولـي جـديـد

    2
    0
    0
    السلام عليكم ورحمة الله وبركاته

    فالبدايه اتمنى لكم صياما مقبولا وعملا تجزون عنه الخير,,,,

    ياجماعه من خلال فترة عملي في غرفة التحكم ابي اسأل عن نتائج المختبر اللي دايما ناخذها هل هي صحيحه؟

    شلون الفيد يندبل ونفس النتائج وتبين عندي في اليونت عندي اكثر من انالايزر وهم النتائج نفسها يعني هل اصدق نتائج المختبر ولا الاناليزر


    ادري انه موضوعي تقني بس حبيت ابين لكم الشغله هذي

    وفي الختام تقبل الله اعمالكم وصيامكم
     
  2. ربينا سوا

    ربينا سوا بـترولـي خـاص

    تقبل الله منا ومنك ومن الجميع العمل الصالح (والنية الصالحة)..!!

    لو سمحت لي عندي لك سؤالين قبل الإجابة على أسئلتك.

    في أي ميناء وعن أي (يونت) تتكلم.. لأنها تفرق كثير في الإجابة.!؟؟

    المشاركة رقم واحد عندك قوية والله من وراء قصدها..!!
     
  3. QATEL

    QATEL بـترولـي جـديـد

    2
    0
    0
    انا فالشعيبه -- gas treating
     
  4. القنيصي

    القنيصي بـترولـي نشيط

    52
    0
    0
    وعليكم السلام وكل عام والجميع بخير
    اخوي تقدر تعتمد على الانلايزر بدون نتايج المختبر,اذاعرفت الاجابه راح تعرف اهمية نتايج المختبر​
     
  5. mtm

    mtm بـترولـي نشيط جدا

    419
    0
    0
    المختبر يعطونك نتائج عن كل سامبل

    واذا انت شاكك بشي ارسل لهم السامبل مرة ثانية

    هذا ما يتم عمله عندنا

    انا بمصفاة الاحمدي
     
  6. وطني

    وطني بـترولـي جـديـد

    32
    0
    0
    حسب كلامك انت غير واثق بنتايج المختبر هل هي صحيحه ولا لا وهذا اكبر طعن لزملائك مع العلم الي فالمختبر شباب ذو خبره يعملون كما تعمل ويخافون على مصلحة العمل من اي خلل والتبليغ عنه.
     
  7. ربينا سوا

    ربينا سوا بـترولـي خـاص

    أخي العزيز..

    المختبر يحدد لك النتائج بدقة (ppm) أي جزء من المليون وبتفصيل دقيق جدا يعجز عنه الأناليزر

    سأحاول أن أقرب لك الصورة بمثال:

    إذا مرض إنسان ما.. ستعرف أنه مريض عن طريق إرتفاح حرارته أو تغير لونه أو أحد الأسباب العامة التي تدل على مرضه

    دون إستطاعتك تحديد مرضة فإذا ذهبت به للطبيب أخذ منه عينات وعمل له تحليل كامل وعرف وحدد المرض والمشكلة.

    فأنت تعرف باليونت عندك مشكلة ولكن المختبر هو من سيحدد المشكلة بالضبط ويخبرك عنها فهو مهم جدا كأهمية مختبر

    المستشفى الذي لا يستطيع الدكتور الإستغناء عنه.!! ولكن للأسف المختبرات في المصافي مظلومة جدا والدليل فرق

    الدرجات وعلاوة الخطر بينهم وبين العمليات.!!

    أخي العزيز سؤالك غريب بالنسبة لي وأرى فيه إتهام غير مبرر لزملاء لك أنا أعتبرهم من أهم الموظفين بالمصافي.!!
     
  8. YOU^AND^ME

    YOU^AND^ME بـترولـي نشيط جدا

    444
    0
    0
    الاجهزه الموجود فالمختبر تكلف المؤسسه الاف الدنانير ويمكن اكثرعشرات مثلا

    وهالاجهزه جايبينها علشان هالنتايج والسالفه مو لعبه او تخمين من راس الموضف فالمختبر

    عينه ويدخلها بالجهاز وينطر نتيجتها ليش هالشك انا مو بالمختبر لكن قريب منهم وعارف وشايف عشرات الاجزه الموجوده عنده من

    قسم الوتر والغاز وغيره .... واللهم اني صايم :)
     
  9. KWO

    KWO بـترولـي نشيط

    يا جماعه اخونه Qatel ما قال شي غلط اهو سأل سؤال ليش خليتو السالفه فيها طعن بموظفين المختبر ؟ الي عنده جواب يقوله و الي ما عنده ماله داعي يتكلم بشيئ ما يخص هالموضوع الواحد قام يخاف يكتب موضوع و السبب الردود الي تفسر الموضوع بشكل خاطئ
     
  10. diners

    diners بـترولـي نشيط جدا

    اخوي سؤالك في محله

    مرات تشوف النتائج مختلفه وافضل شي تسويه بهالحاله انك ترفع التلفون عالمختبر الفينيش او احد الكيميائيين الاوائل وتسالهم مباشرة او ترسل لهم عينة للتأكد.

    على طاري الصيام... اذا شميت ريفورميت يعتبر فطرت ؟ اشمه شم كل يوم هههههه جني طاق زقارة هههههه
     
  11. diners

    diners بـترولـي نشيط جدا

    تعديل: مشاركة مكررة.

    الله ياخذ الريفورميت هههههه
     
  12. FLYING BUZZ

    FLYING BUZZ بـترولـي جـديـد

    9
    0
    0
    اضم صوتي لك في احيانا نتئاج تختلف عن الواقع بس ممكن الخطاء مو من اللاب ممكن الفيلداوبريتر اخذ السامبل وماعملها flush او انه السامبل ضلت وقت طويل بالشمس, الا اذا انته شاك في شي :)
     
  13. KWO

    KWO بـترولـي نشيط

    كلنا نغلط و مو عيب اذا الواحد غلط العيب اذا الواحد ما تعلم من الغلط الي سواه و احيانا يكون الغلط من الاوبوريتر و احيانا من اللاب
     
  14. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    السلام عليكم

    كل عام وانتم بخير جميعا

    بما ان الاخ العزيز فتح موضوع يخص المختبر ونتايجه .. قلت اكتب موضوع يعرف طبيعه عمل المختبر

    كثير من الاخوان في غرف التحكم يعتقد بان المختبر حطوه بس عشان يفحص عينات وحدته الي شغال عليها .. طبعا ما قلت هالشي الا عقب ما صارت مواقف كثيره منها : يتصل الاخ ويشخل التلفون ويقول يالله ياخوي مستعجلين على النتيجه متى تخلص ؟ ....... يا ابن الحلال ترى المختبر يستقبل عينات وحدات المصفاة بكبرها من ماء وغاز وزيت وضيف عليهم عينات الخزانات :) مو بس عيناتك والشغله الثانيه ... شنو استعجلك فيها .؟؟ الاخ داق على مطعم ؟؟
    وتصدقون انصدم انه يتصل ثاني يوم ياخذ النتيجه :eek:!!! هذا اللى مستعجل عليها ؟ :confused:
    يا جماعه مثل ما قال واحد من الاخوان .. خل يجرب احد فيكم ويتشرف بزياره للمختبر وخل يشوف الاجهزه ... اذا التجربه تاخذ على سبيل المثال نصف ساعه .. شلوووووون اخلصها بوقت اقل من جذي ؟؟ اترك الحكم لكم .;)

    خلصنا من موضوع العينات ونأتي لموضوع التلفون .. الاعتقاد الخاطيء الثاني بأن فني المختبر قاعد على المكتب ومتربع وناطر اتصال منك انت يا الاوبريتر بنل او ايا كنت عشان يعطيك النتيجه ... انزين منو بيشتغلك العينات ؟؟

    فني المختبر هو فني فقط وماله شغل يرد على التلفون .. شلون تبيه يرد على التلفون اذا كان يشتغل ( طبعا ايده تكون وصخه عزكم الله يا بالزيت او سوالف محاليل الماي ) واذا رد وعطاك نتيجه فهذا طيب منه مو غصب لان في برنامج اسمه لمز ... يقوم الموظف بعد الانتهاء من الشغل وتسجيل النتائج في الاوراق بادخال كافه النتائج في اللمز ..
    كل ما عليك فعله هو انك تدخل اللمز وتاخذ نتايجك .. لكن للأسف معظمكم يدق وياخذ النتيجه لان الجواب ( والله ما اعرف حق الكمبيوتر ولا الكمبيوتر خربان ) ...... حاله وحده اللى الموظف يعطيك فيها النتيجه وهي عينه غير روتينيه ( check sample )

    وفي مصيبه ثانيه .. بعد ما ترسل الفاكسات للplcr و Documents بكامل النتائج يتصل عليك ويسألك التانكي خلص ؟:eek: .. شنو تكون ردة فعلك ؟ لا ومرات يقولك الكنترولر ما يعطينا النتايج .. و . . و . . . اعذار مادري شلون صايره

    ولا لما تعطيه نتيجه مثلا flashpoint تقوله بالانجليزي فلاش بوينت 43 مثلا ... الحبيب يكتبها 0.43 .. يصير ؟؟

    الله يسامح الشركه اللى ما كلفت على نفسها عالاقل كورس بو اسبوع حق هالسوالف وعلى ما اعتقد الدفعات القديمه كلها ماخذه دورات بمركز التدريب وقت التعيين .

    يا جماعه الخير قبل لا تحكمون على طبيعة عمل تختلف عن طبيعة عملكم ادرسوها عدل وتعايشوا معاها او اسألوا اهل الخبره

    سامحوني على الاطاله بس كان لازم اوضح هالشي

    والله يوفق الجميع
     
  15. ربينا سوا

    ربينا سوا بـترولـي خـاص

    أشكر الأخ الكريم Knpc15على التوضيح الوافي والكافي والشافي..

    وأضيف نقطة مهمة جدا وهي أن النتائج التي تمرر عبر التيلفون غير موثقة وغير ملزمة وغير معتمدة

    ولا يتحمل موظف المختبر مسؤوليتها لأنك لا تعرف كيف يسمعها موظف اليونت ولا تعرف كيف سجلها.

    لك كل الشكر والتقديرknpc15
     
  16. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    العفو حياك الله اخوي ربينا

    هذا الواقع اللى نعيشه
     
  17. KWO

    KWO بـترولـي نشيط

    مشكور أخوي Knpc15 على التوضيح و الرد الرائع
     
  18. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    العفو اخوي ما سويت شي هذا واجب :)
     
  19. ربينا سوا

    ربينا سوا بـترولـي خـاص

    هناك مسؤول وموظف أستدعوا للعلاقات الصناعية بسبب خطأ بسيط وليس ببسيط.!!!

    وهذا يدل على المسؤولية الكبيرة الملقاة على موظفين المختبرات.. يجب على النقابة التدخل السريع

    وإنصاف موظفي المختبرات ومساواتهم مع باقي الموظفين بالشركة من ناحية الدرجات وعلاوة الخطر.

    نصيحة لموظفي المختبرات: عدم تمرير النتائج عبر التيلفون واللي ما عنده كمبيوتر مو لازم تعطونه النتيجة

    واللي أعرفه أن نظام (اللمز) متوفر لجميع (اليونيتات).
     
  20. fatherlife

    fatherlife بـترولـي نشيط

    54
    0
    0
    السلام Knpc15 يزاك الله خير قلت الي ابي اقوله كفيت ووفيت
     

مشاركة هذه الصفحة