عالج عيوني لو بعد طبك عميت

الكاتب : كلمـ ولو جبر خاطر ـه | المشاهدات : 305 | الردود : 5 | ‏4 ديسمبر 2007
  1. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0

    (يامؤمن الريفي )انا جيتك زبون
    جيتك على مدح اكثر الناس وعنيت
    جيت وتعالى الله عمّا يشركون
    لولاه (يامؤمن) لطبك ما اهتديت
    راضي بحكم الله علي مهما يكون
    عالج عيوني لو بعد طبك عميت
    ودي اخاشر فالبصر من يبصرون
    واشوف دربي لا سرحت ولا ضويت
    والى قنصت اثبت مع اللي يثبتون
    واشوف طيري كل ما اوميت ودعيت
    ياااكثر ما يضرب خويي (الطابلون)
    من كثر ما اكلّته مطباات وكليت
    وودي اشوف اللي علي يعرضون
    وبعض الليالي ودي اسري دون ليت
    وااشوف ناس ٍ فالقفا ما يرحمون
    اما وقفت لصاحبي والا مشيت
    من دون نظاره ولا هم يحزنون
    يااا كثر ما كسّرت كشمات وشريت
    لكنٌ يا دكتور جعلك ما تهون
    ابغيك كلمت راس دامك ما بديت
    اسمع......ولا ابغي اللي وزانك يسمعون
    ربي كتب يكشف لك اسراري وجيت
    صورة عديل الروح عندك فالعيون
    واخاف تقطعها بموسك ما وعيت
    ولا عليك امر..اطوها تحت الجفون
    وعقبه لو تقطع عيوني ما شكيت
    هي راس مالي والعرب ما يدركون
    اني على باب الممات و ما حكيت
    ياقو قلبي يوم قفن الضعون
    اللي على ذاك الموادع ما بكيت
    ويا صبر صبري والعواذل يحسبون
    اني دلهت من الهوى والا سليت
    اسكت عساهم من سكاتي يسكتون
    وانا عن اللي في ضميري ما انتهيت
    وادور الفرحه مع اللي يسهرون
    وان ذكروني خذت فنجال وسريت
    اخذت من وقتك يا دكتور العيون
    عالج عيوني لو بعد طبك عميت
    واستر علي واللي معك لا يفطنون
    انت الوحيد اللي بعد ربي دريت


     
  2. الفيصل

    الفيصل بـترولـي خـاص أعضاء الشرف

    صح لسانك وعلا شانك



    شاكرك على هذه القصيده الجزلة




    في انتظار جديدك
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    من روائع الشاعر بن فطيس

    مشكور على النقل الجميل
     
  4. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    تسلمولي على المرور حبايبي وماقصرتوا وصح بدنكم
     
  5. الناهض

    الناهض بـترولـي خـاص

    2,144
    0
    0
    شركة نفط الكويت
    انا اجيزك :d
    القصيده فيها صور شعريه ومعاني كثيره انا اقول
    فالك المليون :d:d
     
  6. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
جاري تحميل الصفحة...

مشاركة هذه الصفحة