تعليمات جديدة حول نسبة الشاي والقهوة لكل موظف

الكاتب : الوعد الصادق | المشاهدات : 2,091 | الردود : 13 | ‏6 أغسطس 2010
حالة الموضوع:
مغلق
  1. تفاجأت في الاسبوع السابق وعند التحاقي للعمل بعد رجوعي من الاجازة التعاقدية بموظف الpantry يقوللي حدك استكانتين شاي باليوم والنسكافيه كوب واحد ، قلتله قبل نشرب ضعف هالكمية شاللي استجد.
    قاللي تعليمات جايتنه بنص الكمية وقالولي اللي يكلمك او يبطل حلقه تعاللي وانا اوريك فيه اي والله ما صدقته.
    طلبت اول شاي حليب الساعة 7:30 الصبح وبعدها الساعة 10:15 طلبت شاي حليب مرة ثانية وجابلي قلاص فيه ماي حار وحليب كرنيشن قسما بالله انصدمت قلتله وين الشاي قاللي انت استنفذت كميتك اليوم واذا تبي خذ حصة واحد من ربعك من الشاي .
    والحين يوميا اروح المطعم الهندي اللي بالصناعية ولا منتهم.
    بس انا حاس ان هذا مخطط لتطفيش الكوادر الوطنية واحلال الاجانب مكانهم وين النقابة ****** عنهم؟
     
  2. المشاكس

    المشاكس بـترولـي خـاص أعضاء الشرف

    998
    1
    0
    أخوي الوعد الصادق ليش تروح المطعم الهندي ألي بالصناعيه

    أحسن لك روح أشتر مطاره وكرتون شاي وخل التي بوي يحط لك فيها كل يوم ماي حار واشرب على كيفك وإذا ماتبي تشتري مطار خل الشاي عندك وكل شوي أطلب ماي حار وفك عمرك. وعلى قولتك ولا منتهم
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    هذا القرار طال عمرك راح يوقف الخسائر اللي قاعده تصير كل سنه وراح يطلعون من وراه ملايين الملايين

    الشركات العالميه تهتم بالموظف اكثر من الشغل نفسه علشان ينتج

    وربعنا اول مايبون يوفرون حطوا حيلهم بالموظف

    بس عندكم نقابه كلموهم :)
     
  4. الشعيبة

    الشعيبة بـترولـي نشيط

    59
    0
    0
  5. سهاله

    سهاله بـترولـي نشيط جدا

    202
    0
    0
    تذكرون سافة بطول الماي

    قبل فترة قلتلكم على سالفة بطول ماي الصحة الي اقطعوها وطالبة النقابة تتحرك بس للاسف لاحياء لمن تنادي والحين دور الشاي والباقي جاي بالطريق.

    وبعض الشباب متهاونين بالموضوع ويقولون شدعوة تبون النقابة تتدخل علشان سالفة ماي يله الحين اشربوا:mad:
     
  6. تطفيش العمالة الوطنية

    زين انا بشتري مطارة وكرتون شاي واخللي التي بوي يحمسهم بس المشكلة مو هني بعد بشتري نسكافيه من حسابي وقوطي كرنيشن يعني انا كل يوم بشيل معاي من صباح الله خير الجنطة هذي اللي تهد الحيل انا مريت بالتجربة هذي من سنتين وادت لانخفاض انتاجي السنوي المشكلة اكبر من جذيه انا احس ان في مخطط لتطفيش الكوادر الوطنية واحلال الفلبن والهنود مكانهم والنقابة ******راح اتقوللي اكتب كتاب للعلاقات الصناعية والمسؤول عن التموين قايا اللي يفتح حلقه انا اوريه يعني راح يعطوني كوشن اذا اشتكيت .
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    شكوه صغيره للعلاقات الصناعيه تسنع اللي كل شوي يطلع قرار من مخباته
     
  8. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    اخوي الوعد الصادق ممكن تقول وين موقعك بالضبط لأني انه موظف المختص بالتغذية في الحقل برقان
     
  9. AD-01

    AD-01 بـترولـي خـاص

    1,040
    2
    38


    مع اني ابتعدت عن الساحة السياسية والشباب في النقابة وجابلت دراستي الهندسية بس اتوقع ان مشكلتك ما راح تقدر ( النقابة ****** ) تحلها .. :eek:

    اول شي لان المشكله جايدة وتبي اجتماع مع الرئيس والعلاقات الصناعية علشان يزيدون الكمية ويعطونك اربع استكانات شاي لك و 8 حق ضيوفك .. بس اتوقع الادارة راح تقول (للنقابة ******) ما عندنا مانع والشاي يكون الربيع اكسبريس بشرط السكر يكون على الموظف.:mad:

    ثاني شي ان المسؤول على التموين (بايعها) وراح يوريك و يحذفك بكرتون ماي صحه (ابراج) اذا شافك مشتكي في العلاقات الصناعية ، فـ(النقابة ******) راح تخاف عليك تتعور من كرتون راعي التموين الشرير:confused:

    ثالث شي .. كلامك صحيح 100% .. (النقابة ******) ما راح تقدر توقف كوشن عنك لانك (فتحت حلقك) و شربت شاي وهذا مخالف للوائح الشركة وانت غلطان والغلط راكبك لين راسك.:cool:

    رابع شي انا ودي اتوسطلك عند راعي التموين ويمكن (الصراف) يعرفه ويخلص هالمشكله العويصة اللى يمكن توصلنا للاضراب .. فالصلح خير و خلنا نكف الشر لا تصير عواقبها وخيمة ولا تحمد عقبها.






    الحمد لله و الشكر .. ناس غريبة !
     
  10. الى من يهمه الامر

    مكاني تحديدا بخدمات الاحمدي بلوك 12 واسم التي بوي امين والتيم ليدر مالنا *********
    بس الله يخليكم انا ما ابي مشاكل وابي ان مشكلة التموين تنحل سلمي وبدون تدخل النقابة ****** اللي ما عندها شغل الا تكبر الموضوع وبعدها يقطونك على صخر ويسكرون هواتفهم النقالة ،ولا تدزهم ادارة الشركة كورسات وقت اجتماعك مع العلاقات الصناعية ( مشاكل قوم عند قوم ديوتي او اكستيرنال كورسيز ) ويا جماعة لين ناداني التيم ليدر والله ما افتهم عليه ****** واخاف يحط علي ويعطيني كوشن ويقوم حظ النقابة ******بالكورسات على ظهري وعلى قولة العجوز لا من فلوسي ولا من عروسي .
     
  11. اشفيكم

    الله يخليكم ما ابي مشاكل انتوا سويتو من الحبة قبة , ووصلتني اخبار اليوم ان تعليمات تخفيض نسبة الشاي والقهوة الى النصف معممينها على الشركة ، يا اخوان في مخطط كبير يستهدفنا لتطفيش الكوادر الوطنية والنقابة ******متواطئة مع الادارة وعندي أدلة ما راح أكشفها الا بالجمعية العمومية .
     
  12. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    اخوي الوعد الصادق تقدر تدق على قسم التغذية في فريق خدمات المجتمع و هذا رقمهم 67606 و تتاكد بنفسك اانه الي قاله التي بوي مو صحيح و انته لك حق تشرب و تطلب على راحتك
     
  13. العامري

    العامري بـترولـي نشيط جدا

    بيض الله وجهك يالصراف
     
  14. قهر

    اشعقبه !عقب ما جه ارمضان !!. . الشرهة على النقابة ******* اللي خلت اللي ما يشتري يتطمش علينا
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    7,284
  2. Workers
    الردود:
    19
    المشاهدات:
    3,407
  3. المحرر النفطي
    الردود:
    1
    المشاهدات:
    6,999
  4. فهد شموه
    الردود:
    5
    المشاهدات:
    2,187
  5. المحرر النفطي
    الردود:
    7
    المشاهدات:
    1,661
حالة الموضوع:
مغلق

مشاركة هذه الصفحة