شؤون الموظفين بالأحمدي .. محد يداوم ؟؟

الكاتب : فيصل العجمي | المشاهدات : 1,267 | الردود : 12 | ‏5 أغسطس 2010
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    شؤون الموظفين في مصفاة ميناء الأحمدي تعتبر هجانة الشركة ماشاءالله تبارك الرحمن وعسى الله لا يغير عليهم .

    تخيلوا من الصبح ادق على جميع التلفونات ومحد يرد ... ويوم رحت علشان اطلع شهادة راتب ماكو غير موظفين اثنين ( الاخ عماد الله يعطيه العافيه واللي قايم بالشغل كله ) ووحده من الاخوات اللي توقع على شهادة الراتب بدال التيم ليدر واعتقد ماعندها شغل غير التوقيع ومن ثم اكمال اللعب بالبلاك بيري , يعني لو مخلين الاخ عماد يكمل الشغل كان وجودها مثل عدمه.

    غيرهم ماكو احد .. اليوم خميس ونهاية الأسبوع وياليت السالفه تزريق اخر ساعه او ساعتين ... للأسف من بداية اليوم محد مداوم ... واغلب الاخوات اللي في قسم شهادة الراتب ماتلقاهم وانا هنا اتحدث في اغلب الاوقات وليس بعض الاوقات , يعني الغالب في هذه الدائرة هو الفلتان وعدم الرد على الهواتف وبالتالي تتعطل مصالح الموظفين بسبب اهمال البعض وعدم التزام الشخص المسؤول بمتابعة موظفيه ومحاسبتهم على تقصيرهم .

    لو بحثنا في هذا القسم في المنتدى لرأينا العجب من المواضيع التي تتحدث عن نفس الموضوع والمشاكل التي يواجهها موظفي المصفاة مع شؤون الموظفين .

    موظف وموظفه فقط اللي مداومين من اصل كم ؟؟ وهل يعلم رئيس الفريق بهذا التسيب ؟؟

    نتمنى ان نرى رد الاخ المسؤول على ارض الواقع من خلال التزام موظفيه بالعمل والرد على الهواتف .
     
  2. mtm

    mtm بـترولـي نشيط جدا

    419
    0
    0
    معاناة شهادة الراتب في الاحمدي مستمرة

    انا اكثر من مرة اروح اطلب شهادة راتب ولا القى الموظفين واروح افتر من مكتب الى مكتب واخر شي يحولوني على موظف اسيوي شكله مندوب او يرتب ملفات .. يطلعها لي

    طبعا التوقيع لازم موظف ثاني او مسئولهم

    نفس الشي روح دوره
     
  3. لأجلك^ياوطني

    لأجلك^ياوطني بـترولـي جـديـد

    37
    0
    0
    علينا

    شدعوه شباب يعني لو حصلكم تزريق ما تزرقون

    انا عن نفسي لو يحصلي ازرق ما يبيله ازرق
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    لا والله لو يحصل لنا بنزرق بس بدون مانعطل مصالح الناس يخوي
    والشخص المسؤول اذا يبي يزرق احد على الاقل بدون ماايعطل الشغل
     
  5. sniper

    sniper بـترولـي جـديـد

    29
    0
    0
    بس حبيت اوضحلك ان شؤون الموظفين يا بوعبدالله راحوا المكتب الرئيسي عشان جذي تشوف بس 2 مخلينهم حق شهادة الراتب فقط .
     
  6. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    صحيح راحوا بعضهم هناك

    بس فيه البنات حق شهادة الراتب اللي يدوامون يوم بالاسبوع الظاهر

    وفيه اربعه خمسه بعد قليل تشوفهم
     
  7. ربينا سوا

    ربينا سوا بـترولـي خـاص

    خوش منطق.!!!! لا ومسمي نفسه (لأجلك^ياوطني).. المفروض (لأجلك نزرق ياوطني)
     
  8. ربينا سوا

    ربينا سوا بـترولـي خـاص

    أشكرك أخوي فيصل على هالموضوع..

    شؤون الموظفين في ميناء الأحمدي عنوان التمرد الا مبالاة..

    قمة في الإستهتار وأنا هنا لا أقصد أشخاص بعينهم إنما الدائرة.

    إذا ذهبت لهم وطلبت شهادة راتب كأنك ذاهب تقدم العزاء لأهل الميت

    لا يعرفون شيء إسمة الإبتسامة( وتبسمك في وجه أخيك صدقة).. بصراحة أنا أتحاشى أن أذهب لهم

    وإن إضطررت لطلب شهادة راتب أترجى أي واحد من الإخوان يذهب بدالي لأني بصراحة أتكدر طول اليوم

    اللي أقابلهم فيه هذا إذا لقيت أحد أقابلة وإذا طلعت منهم كأني طالع من قبر وأقول لهم عظم الله أجركم.
     
  9. KNPC_HO

    KNPC_HO بـترولـي جـديـد

    21
    0
    0
    اشهد انك صاج

    حتى الي بالمكتب الرئيسي يتعاملون بنفس خايسه ماعدا جم واحد بس الغالبيه باردين ونفسيتهم خايسه جنه الواحد يطر منهم مكاتبهم امحولينهم دوانيات واكل ولعب وكركره ولمن اييلهم موظف يبي شهادة راتب من منظر اشكالهم يخلي الواحد يتحسف يطب ادارتهم
     
  10. KWO

    KWO بـترولـي نشيط

    ما أدري لي متى على هالحال
     
  11. لأجلك^ياوطني

    لأجلك^ياوطني بـترولـي جـديـد

    37
    0
    0
    مشالله تبارك الرحمن

    بسرعه هاجمتوني


    اخوي .. ربينا سوى ... ترا اتغشمر .. والله ما ازرق والله :)
     
  12. q8i-2008

    q8i-2008 بـترولـي نشيط جدا

    332
    9
    18
    الحمدلله انك خلصت شغلك
    هذا راس المال
    الامور الباقيه كل(ن) عنده مثل ماعندهم
    واستر على ما واجهت
    جت عليهم يعني ههههههههههههه
     
  13. بن زريق

    بن زريق بـترولـي مميز

    804
    0
    0
    اخوى فيصل قابلة الاخ عماد وبالحرف الواحد انا مش عاوز احد يمدحنى اخاف يفصلونى....تكفون لاتعمون على الرجال
     
جاري تحميل الصفحة...

مشاركة هذه الصفحة