عيب في ماكسيما 2010

الكاتب : nash | المشاهدات : 9,660 | الردود : 20 | ‏1 أغسطس 2010
  1. nash

    nash بـترولـي نشيط جدا

    236
    0
    0
    [​IMG]

    بسم الله الرحمن الرحيم



    الكثير منا سمع عن رجوع الماكسيما لأسواق الخليج عشان تنافس الاوريون و الهوندا اكورد اللي سيطروا على اسواق الخليج كأفضل سيارة صالون للاستعمال , الماكسيما اليديدة لها الكثير من المميزات مثل الماكينة الجبارة اللي تتفوق على كل السيارات اليابانية اللي بفئتها و تتميز بالمواصفات الداخلية مثل جدافات القير ( تعطي السيارة تبديل رياضي و هالشي مو موجود بالاوريون و لا الاكورد ) لكن لها عيوب اولها سعرها المرتفع لانه اقل فئة تبدأ عندنا بالكويت بملغ 7850 دينار و بذلك تكون اغلى من الاوريون لكنها تضل ارخص من اكورد المطوع ( سته سلندر ) اللي حاطه بسعر خيالي اهوا 8900 دينار .... لكن العيب اللي الكثير ما يعرفه اهوا قير cvt اللي يستعمل للمرة الاولى في الماكسيما و لا يستعمل عند التيوتا و لا الهوندا حتى انه نيسان نفسها ما تحط هالقير على الانفنتي لانه يحمل الكثير من العيب و ميزته الوحيدة انه يعطي تبديل سلس ما تحس فيه ..

    من عيوب القير ..

    1- يحد من سرعة السيارة و يضيع قوة المكينة الجبارة .

    2 - القير ما يتصلح اكرر القير ما يتصلح اذا اخترب يتبدل لانه بكل بساطة ما فيه تروس كل اللي فيه جنزير يعمل على تغير السرعة .

    3- نفس القير موجود بسيارات اودي a4 و سعر لتر الزيت بـــثمن دنانيير و تسعمية فلس يعني تعبي القير زيت بستين دينار تقريبا .

    4 - القير معروف عنه انه لا يتحمل التسارع العالي ... يعني اذا انت من النوع اللي يكفخ للموتر راح تسلم على القير بظرف مدة قصيرة .

    5- القير اصلا مصمم لسيارات عزمها بسيط يعني سيارات 4 سلندر و نيسان مركبية على ماكسيما سته سلندر .

    6- السيارة كاملة و القير تحديدا مصنوعين بأمريكا مو اليابان .

    7- حاليا الكثير من الامريكان يذمون قير السيارة و سعر السيارة ككل لانه فل ابشن غالية عندنا و عندهم و سعرها حيل قريب من لكزس is و انفنتي g37 لانه المكسيما فل سعرها 10500 .

    اللي خلاني اكتب هالموضوع انه الشريحة اللي تشتري ماكسيما تعتقد انها سيارة تكد مو كشخة مثل الالماني و انا كانت لي مشكلة كبيرة مع نفس نوعية هالقير بعد ما اخترب على الاودي و قالولي بالوكالة انه ما يتصلح و تبدييله 3 الاف دينار ينطح دينار و بعد ما افتريت السكراب محل محل حصلته بــ 550 دينار و تركيبة 70 و سعر لتر الزيت الواحد ثمن دنانير و تسعمية فلس و على فكرة اعتبر حيييييييييييل محظوظ اني حصلت القير اصلا و اني حصلته بهالسعر .

    نصيحة اذا كنت تبي سيارة صالون استعمال اشتر افالون اليديدة 8200 اقل درجة و اذا كنت تعتبر سعرها غالي على سيارة استعمال فمالك الا فورد فيكتوريا او ماركيز لكن دير بالك من المنحنيات لانه ثباته مثل ثبات القاري او عندك الاوريون بس الله يعينك على تكيفه .
     
    آخر تعديل بواسطة المشرف: ‏11 نوفمبر 2010
  2. Workers

    Workers إدارة المنتدى

    7,767
    30
    48
    ذكر
    الكويت
    الله يعطيك العافية ماقصرت
    البابطين حاط كفالة خمس سنوات بدون تحديد المسافة وخطوة ممتازة تحسب لوكيل نيسان عندنا
    وهالقير يمدحونه ناس كثير وما اتوقع امداهم يعرفون مشاكله إلى الأن مجرد اعجاب من سواقة السيارة
    وقير cvt المعروف عنه يستخدم لسيارات الهايبرد اكثر شي ..
     
  3. Al-Hammadi

    Al-Hammadi بـترولـي نشيط

    148
    0
    16
    السلام عليكم

    اول شي يعطيك العافية على هالمعلومات.

    بس ياريت نعرف مصدر المعلومه ؟؟؟؟؟؟؟؟؟؟؟؟
     
  4. nash

    nash بـترولـي نشيط جدا

    236
    0
    0
    اخواني هالتقنية قديمة مو يديدة لكن عدم انتشارها بسبب مشاكلها و انا كلامي نابع من تجربة بعد ان صارت مشكلة بقير الاودي عندي و كان نوعة (cvt ) و الوكالة قالولي بالحرف الواحد هالقير ما تصلح لازم يتبدل و هذا كان كلام كل القراجات اللي مريت عليها حتى انه القراج اللي ركبت عنده قير يديد وراني قير اودي (cvt ) مفتوح و شلون اهوا ما فيه تروس بس مجرد جنزير .

    و تأكيدا لكلامي هذا مصدر من المصادر الكثيرة اللي تشرح عيوب هالقير ...

    http://www.autozine.org/technical_school/gearbox/tech_gear_cvt.htm

    و اللي مو مصدق يقدر يسوي بحث بنفسة اما سالفة الكفالة فياريت كل واحد يسأل شنو شروطها و جم ياخذون على كل سيرفس عشان بس تستمر الكفالة .
     
  5. nash

    nash بـترولـي نشيط جدا

    236
    0
    0
    http://www.nissanassist.com/

    هني نسيان قررت مد مدة الكفالة لمدة 10 سنين او 150 الف كيلو و ذلك بسبب الانتقادات الموجة لنوع القير في الولايات المتحدة و اعتقد انه هالكفالة غير مو جودة عندنا ....
     
  6. Mr.Ahmad

    Mr.Ahmad بـترولـي مميز

    الله يعطيك العافيه على المعلومات
     
  7. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    والله ماتوقع اخوي

    حتى لو هالعيب موجود مو مشكله انا عندي كفاله شامله ومفتوحه 5 سنوات:)

    السيارات عندنا بالكويت وخاصتا اليديده حدها الحين تكدها 5 سنوات

    يعطيك العافيه اخوي
     
  8. Safety First

    Safety First بـترولـي خـاص أعضاء الشرف

    تسلم يداك على الموضوع الجميل
     
  9. speed-way

    speed-way بـترولـي نشيط جدا

    يعطيك العافيه على المعلومات الطيبه
     
  10. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    نصيحة اذا كنت تبي سيارة صالون استعمال اشتر افالون اليديدة 8200 اقل درجة و اذا كنت تعتبر سعرها غالي على سيارة استعمال فمالك الا فورد فيكتوريا او ماركيز لكن دير بالك من المنحنيات لانه ثباته مثل ثبات القاري او عندك الاوريون بس الله يعينك على تكيفه .


    اشكرك من كلللل قلبي على هالنصيحه لأنها عدل و 10000% بعد
    بالنسبه للافالون انا انصح اللي بيشتريها ياخذ الدرجه الاولى لانه مواصفاتها احلا وااايد من الثانيه ماتفرق الا 1000 د,ك

    والفورد ماركيز عزالله نفس ماقلت ( جنه طراد ) ولااااا تقضبلك خط أو تسافر عليه والهوى يكون شوي قوي ,, تشوف
    السكان كاسره للنص :) بس والله ضحكتني على هالفورد :) :)

    والاوريون يبتها 100% وعيبها التكييف وقالو فيها عيب موجود بين التواير الخليفه بس للامانه مالاحظت شي


    والماكسيما 2010 والله ماخذينها الاهل صارلهم شهر ومااشتكو من شي واتوقع ان هالخبر اشاعه أو لعبه
    من شركه من هالشركات المنافسه لنيسان !!





    ويعطيك الف عافيه يالغالي ...




     
  11. nash

    nash بـترولـي نشيط جدا

    236
    0
    0
    و الله يا اخوي بالنسبة للافالون تعبتر سيارة استعمال مو كشخة عشان الواحد يحرص انه يوفر فيها على اساس انه مهما حطيت فيها مواصفات عمرها ما تصير كشخه :D

    اما بالنسبة لنيسان حاليا اضطرت شركة نيسان انها تعطي على القير بس كفالة عشر سنين بس ضغوط الامريكية اما عندنا و الله ما دروا عنا اختربت سياراتنا و لا احترقت :)

    الله يبارك لك بالمكسيما و ان شاء الله ما تعاني من اي خراب بس عاد احرص على السيرفس عشان لا تطيح الكفالة :)
     
  12. e3lamy

    e3lamy بـترولـي جـديـد

    24
    0
    0
    بالنسبة لكفالة الخمس سنوات ... ليست من الوكيل بل هي من المصنع

    ولو تطوف سيرفس واحد تروح عليك الكفالة

    لكن السيارة الى الان جيدة وسمعتها طيبة
     
  13. nash

    nash بـترولـي نشيط جدا

    236
    0
    0
    المشكلة و السؤال انه جم راح يدفعون الواحد عشان يسوي سيرفس ؟ اخوي حاليا بأمريكا قاعدين يشكون من القير نفسه لانه ركبوه على الالتيما قبل المكسيما و في بعد شكاوي من السعودية على نفس نوع القير ...
     
  14. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    تصدق اخي الكريم انه السيارات عندنا بالكويت لما تكون على الكفالة تكون احلى من العسل ممشها أوكي صرفها اوكي كل شي تقريبا اوكي ..بس تخلص الكفالة اليوم باشر السيارة صرفية و تسمع اصوات بالسيارة من وين ما تدري واكسات وكراسي مكينة ..والله شي يضحك :)
     
  15. الحمدلله

    الحمدلله بـترولـي جـديـد

    16
    0
    0
    حبيت اعلق على الموضوع

    السيارات الي طرحتها جميعها جربتها .. وخلني اعطيك ملاحظاتي عليها

    الاوريون كانت عندي استخدمتها سنة مشت 40 الف وبعتها .. سافرت عليها وكرفتها كراف .. ايجابياتها مكينتها جباره وقيره جدا جدا ممتاز مع السته غيااار .. شكله جذاب .. اهم سلبياتها .. لايقصون عليك ويقولون لك عليها انظمه ثبات واي بي اس واي بي لس .. مردها دفع امامي وتخوف باللفات اذا على سرعه .. علما الي عندي الفل ... تكيفيها متوسط ليس بجوده الياباني .. يرجع لانها استراليه وليست يابانيه.. اصوات الديكور تطربك بالممشى من كل مكان يطلع صوت

    الافالون .. سيارة يمكن مو من الفئات الي ذكرتهم .. لكنها ممتازه بس غاليه

    الماركيز والفكتوريا .. انعم سياره ركبتها .. ما اذكر اني ركبت سياره وماحسيت بالخطوط الي بالشارع وعيون القط .. يعني الفورد تظل سيارة الخطوط الاولى .. ومن نعومتها يقولون اذا مرتك حامل خذ لك فورد لنعومتها بالخط وراحة كشناتها .. تركبها تبارك الرحمن قنفه تقول مو كشن .. صحيح الثبات فيها سيء نوعا ما .. ما يمديك تدوس بانزين الا شفطت

    اعتقد افضلهم الهوندا اكورد ... يمكن لانها يابانيه بحته 100% ديكور ومكينة وقير وشكل افضل من الاوريون والالتيما

    بالنهايه هذي وجهة نظر محتملة الصحه ومحتمله الخطا

    وشكرا :)
     
  16. King-fahed

    King-fahed بـترولـي نشيط

    85
    0
    0
    انا انصح بالافالون سيارة كشخه واستعمال
     
  17. nash

    nash بـترولـي نشيط جدا

    236
    0
    0

    انا معاك انه الهوندا اكورد افضلهم و حاليا عندي اكورد و ما في اي مقارنه بين قيادتها و قيادة الكامري و الاوريون و ان كانت الاوريون اسرع بشكل واضح لكن بالثبات و القيادة ماكو اي مقارنه و داخليتها روعة و بصراحة هذي اثبت سيارة سقتها مو المانية ...

    عيبها الوحيد انه الوكيل مبالغ بسعر 6 سلندر لانها بــ 8650 و قبل مدة كانت بــ 8900 و هالمبلغ وااايد على الهوندا
     
  18. nash

    nash بـترولـي نشيط جدا

    236
    0
    0

    الاوريون كسرعة مالها اي منافس كسيارة صالون قيرها تماتيك لدرجة انه مع شويه تعديل تقدر تسبق فيها سيارات سبورت سته سلندر ...
     
  19. nash

    nash بـترولـي نشيط جدا

    236
    0
    0
    B]اخواني نصيحة لوجه الله اللي يبي يشتري سيارة استعمال يبتعد عن نيسان لانه سياراتهم حولوا قيرها الى cvt و هالقير مشكلة حطوه بالاتيما و المكسيما و المورانو على ما اعتقد و الخيارات الحين بين تيوتا و هوندا ...

    حاليا الكامري و الاوريون و الافالون و الاكورد مالهم اي منافس لدرجة انه الكامري هي السيارة الاكثر مبيعا في امريكا و بعدها على طول الاكورد فاللي يفكر بالسيارة كاستعمال ما عنده الا هالسيارات الا اذا كان يتحمل قيادة الفورد فيكتوريا هذا غير انه السيفتي معدوم فيه
    [/B]
     
  20. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    ناش يعطيك العافية على الموضوع ، يعني تنصح بالهوندا يا خوي ؟

    بصراحة الماكسيما حلوة و ديكوراتها عجيبة لكن سالفة الجير و مصرف البنزين تخلي الواحد يتردد

    شكرا للموضوع مرة ثانية
     
جاري تحميل الصفحة...

مشاركة هذه الصفحة