شفتوا التعميم هذا ؟؟؟

الكاتب : زهرة التوليب | المشاهدات : 2,039 | الردود : 13 | ‏28 يوليو 2010
  1. زهرة التوليب

    زهرة التوليب بـترولـي خـاص

    شفتوا النعميم اللي طالع من المؤسسة بخصوص التأمين الصحي ؟؟

    [​IMG]

    يا جماعه بعرف شنو علاقة العيادات مالت الشركة في مستشفى KOC !!!
    وليش ما قالوا هالشي قبل لا نشترك بالتأمين الصحي ؟

    على فكره التعميم توه واصلنا امس عن طريق الايميل !!
    يعني طلع من المؤسسة بتاريخ وتوزع لباقي الشركات بتاريخ متأخر حيل !!!

    مو عارفين اشلون يكرهونا في التأمين الصحي اللي لين الحين ما استفدنا منه وعلى المواضيع اللي قريتها سلبياته اكثر من ايجابياته وخاصه الأدوية اللي مو مشموله في وتلاعب المستشفيات في اسعار العلاج والكشوفات !!

    وين مبدأ الشفافيه اللي يقولون عنه ؟
    يعني الحين ما اقدر اروح عيادة الشركة الا اذا تعبانه حيل وباخذ طبيه ؟؟
    اروح اخذها من مستشفى خاص او المستوصف اللي يم بيتنا ابرك ؟

    فعلا نظام فاشل وقرارات تعسفيه وغير صحيحه
    اتمنى النقابات ياخذون هالموضوع بعين الاعتبار ويطالبون بإعادة العلاج في العياداة التابعه لكل شركة نفطيه
    علشان ما نستأذن ونروح مكان ثاني للعلاج ونرجع حق دوامنا !! وهذا كله راح يعطل الشغل
    يعني كلش ماراح يكون لا لصالحنا ولا لصالح العمل
     

    الملفات المرفقة:

  2. aL- raSy

    aL- raSy إدارة المنتدى

    2,714
    0
    36
    وصلني هالتعميم بتاريخ 26-7-2010..

    بصراحه تعميم غبي..!!

    اساسا.. فكرة التأمين الصحي الجماعي جاءت لتخفيف الضغط على مستشفى الاحمدي..
    و توفير العلاج بالمستشفيات و العيادات الخاصه لراحة الموظف..
    و كل هذا لفتره محدده و مؤقته لحين الانتهاء من تجهيز المستشفى الجديد..

    بمعنى ان مستشفى الاحمدي.. هو المحور الاساسي للتأمين..

    و السؤال::
    العيادات الداخليه بالمصافي و المكتب الرئيسي شكو تحرمون الموظفين منها..!!؟؟

    بعد هالتعميم.. و بالاضافه إلى مواضيع سلبيات التأمين اللي واجهوها اخوانا و اخواتنا الموظفين..
    اعتقد ان اعداد المنتسبين للتأمين في العام المقبل قليله جدا.. و هذا اللي يبونه..
     
  3. mtm

    mtm بـترولـي نشيط جدا

    419
    0
    0
    هذا شي جديد

    كأنهم خلونا نوقع شيك على بياض

    لا نعرف شنو اللى لنا واللى علينا

    وافقنا على التأمين قبل لا نعرف شروطه

    بصراحة ظلم !!!
     
  4. AD-01

    AD-01 بـترولـي خـاص

    1,040
    2
    38
    ماني شايف شي غبي او غريب !!


    كلنا ندري ان اللى يسجل في التأمين راح يتسكر ملفه في مستشفى الاحمدي وفي 7 او 6 حالات المسموح بعودتها لمستشفى الاحمدي مثل :

    - العلاج في الخارج
    -العقم
    -الصرع
    - الليزك
    - الحالات الطارئة
    -استنفاد السقف التأميني



    وشي طبيعي العياده في المؤسسة او بالحقول او بالمصافي ما راح تستقبلك الا اذا حاله طارئة فقط


    ماكو مشكله اذا واحد وده يعالج بالعياده انه يسوى فيلم على الدكتور ويدخله علبوا حاله طارئة ;)
     
  5. زهرة التوليب

    زهرة التوليب بـترولـي خـاص

    مشكورين اخواني على مداخلتكم

    بس اخوي اللي يقول مافي مشكله
    وشي طبيعي ان يصير هالشي ؟؟

    لا مو شي طبيعي !! لو كان شي طبيعي جان من الاساس بلغونا من يوم دزوا لنا الاشتراك في التأمين الصحي وحطوا ضوابط وشروط ليش ما حطوا هالشي معاه

    ليش ما تذكروه الا بعد ما الناس سجلوا في التأمين !!!

    بعرف عيل العياداة اللي بالمبنى والمصافي شنو فايدتهم ؟؟ يكشون ذبان ؟
    مالهم فايده الا انهم يجمعون الطبيات !!! والله حاله

    فعلا واضح انهم يبون يطفشونا من نظام التأمين والا ما تطلع هالعيوب كلها بفترة بسيطه من تاريخ 1/7 ؟؟ يعني ما كملنا الشهر والكل يتذمر

    يعني الشركه راح ترتاح لما الموظف يكون منشول والا فيه كحه ويستأذن من دوامه عشان يروح عياده خاصه والا مستشفى خاص وياخذ علاج وتالي يرجع الدوام ؟؟ خو اهو يقدر ياخذ طبيه ويفك روحه لكن شايف انه مرض عارض ومو محتاج انه يغيب عشانه

    بس دام السالفه صارت لعانه انا بشتري راحتي وباخذ طبيه وعلااااااااااج
    مو علااااااج ودواااااام :mad:
     
  6. Online

    Online بـترولـي نشيط جدا

    374
    0
    16
    الحمد لله تم الرجوع عن قرار منع الموظفين من العلاج داخل العيادات الموجوده في المصافي وفي مواقع العمل
    كل الشكر لمن ساهم في هذا العمل
     
  7. زهرة التوليب

    زهرة التوليب بـترولـي خـاص

    صج ؟؟؟ ما شفنا التعميم متى غيروا رايهم ؟؟
     
  8. navy

    navy بـترولـي جـديـد

    9
    0
    0
    اي مستشفى الي راح ينبني اذا مسنشفى جابر الاحمد صارله 5 سنين واقف تبون مستشفى اتوقع عام 2020 :D
     
  9. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
  10. اطفائي محترف

    اطفائي محترف بـترولـي جـديـد

    22
    0
    0
    بالنسبه للعيادات اللي بالمصافي تم الغاء هذا التعميم .... لأنها اصلا حطوها حق الحلات الطارئه .... يعني مااحد يدش عيادة المصفاه الا حاله طارئه ..... ومافيه احد بيدق سلف من بيتهم وهو تعبان ويروح حق عيادة المصفاااه ...... تعميم غبي ....
     
  11. LaRambla

    LaRambla بـترولـي خـاص أعضاء الشرف

    2,041
    3
    38
    انا عندي تامين وراجعت الطواري ودخلوني وصرفولي دوا

    بعدين طبيعي ماتعالج بالاحمدي الا للطواري هم طلعوا التامين على شان يخفون على المستشفى
     
  12. Online

    Online بـترولـي نشيط جدا

    374
    0
    16

    عفوا اخوي اهم يقصدون العيادات اللي داخل المصافي والمكتب الرئيسي
    مو مستشفى koc
     
  13. kuwaitbutterfly

    kuwaitbutterfly بـترولـي جـديـد

    14
    0
    0
    مو بس جابر حتى الصفاة الامريكي

    وحتى جمعيتنا لووووووول صارلها سنين خالصه

    :p
     
  14. تاجر ومفلس

    تاجر ومفلس بـترولـي جـديـد

    15
    0
    0
    مشكلللللللللللللللللة والله
     

مشاركة هذه الصفحة