(التأمين الصحي) لمن تم رفضه لاستلام بطاقة التأمين الصحي

الكاتب : mjaljaser | المشاهدات : 1,021 | الردود : 4 | ‏27 يوليو 2010
  1. mjaljaser

    mjaljaser بـترولـي جـديـد

    18
    0
    0
    السلام عليكم،،،

    أنا من الناس اللي قالولي أسمك مو موجود بالتأمين الصحي، أنا رفعت شكوى رسمية في النقابة و كلمت العضو أحمد الفيلكاوي (بو نواف) و قالي لازم نجمع أسامي الناس اللي نفس حالتي، اللي أهم تقريبا فوق ال100 شخص، و قالي إن في بس واحد من المارين مسجل قبلي.

    لكل من يعرف شخص واجهته نفس المشكلة التوجه للنقابة و تسجيل أسمه و معلوماته، كل ما يزيد عددنا يكون أحسن، و النقابة وضعت لهذا النوع من المشاكل، أرجوا كل من يعرف شخص لديه نفس المشكلة أن يبلغه بأسرع وقت ممكن.

    أو يمكنكم إرسال معلوماتكم إلى بريدي الاكتروني و أنا سأقوم بدوركم بتسجيل أسمائكم:

    mjaljaser@kockw.com
     
  2. mjaljaser

    mjaljaser بـترولـي جـديـد

    18
    0
    0
    رجاءا اللي يعرف أي واحد عنده نفس المشكلة يبلغه يروح النقابة، التأمين الصحي حق من حقوقنا، مو معقولة يطوفنا هذي السنة و السبة خطأ في النظام!
     
  3. nawaf52

    nawaf52 بـترولـي نشيط

    127
    0
    0
    وجهة نظري لك ومن تجربه شخصيه خليك بمستشفى الاحمدي احسن لك الحين المستشفى صار فاضي ولو يصير الغي التأمين ورد الاحمدي اسويها وسبب انك لارحت المستشفى الخاص مو كل شي مشمول بالتأمين وكل مابقيت تسوي شغله قالولك نخاطب التأمين وانت حاط ايدك على قلبك لا يقول التأمين هذي الشغله غير مشموله وصارت معاي ومع غيري والاحمدي ما أذكر مره قالولي هذا الشي مانعالجه بس اللي خلاني سجلت بالتأمين الزحمه وقبل اسبوعين رحت اخذ دوه للوالده ولا المستشفى فاضي قلت الله يرحم ايام قبل والزحمه .
     
  4. afaraj

    afaraj بـترولـي جـديـد

    14
    0
    0
    هل قمت بالتسجيل لنظام التأمين الصحي بشهر 12/2009

    فقط المسجلين تنزل أساميهم .. واللي ما لحق يسجل بشهر 12/2009 الله يعوض عليه السنة الجاية .. لأنه في تسجيل سنوي

    شــــــــــــــــــــكرا ،،،
     
  5. Q8UT

    Q8UT بـترولـي جـديـد

    2
    0
    0
    الشره على موظفي التأمين الصحي اللي يقولون ما نقدر نسوي شي

    سستم خربوطة والله اللي الناس تسجل ولمن تروح علشان تستلم كروتها ينصدمون انه مو مسجلين واهو مسجل بالأساس

    لا والمشكلة انه في بعضهم يقولون انت سجلت وشركة التأمين راح يدقون عليك علشان تستلم الكرت وفي بعضهم يقولون انطر السنة الجاية. موظفين مو عارفين شغلهم عدل كل واحد يقول حجي الله يغربل ابليسهم

    والله انه كل كلمة كتبتها انا صاج بكلامي.
     

مشاركة هذه الصفحة