كادر المهندسين -- مافي تطورات؟

الكاتب : dalmurja | المشاهدات : 2,246 | الردود : 17 | ‏23 يوليو 2010
  1. dalmurja

    dalmurja موقوف

    85
    0
    0
    صارلنا فترة ما سمعنا شي --- خلاص مالنا حق ؟
     
  2. dalmurja

    dalmurja موقوف

    85
    0
    0
    محد رد.... الله يستر .... محد عنده خبر أو خلاص راح نسكت ؟!
     
  3. koc-76

    koc-76 بـترولـي مميز

    591
    0
    0
    صحيح اللي سمعته ان الوزارات الحين من بعد الكادر اقل راتب مهندس فوق ال1700. ابي احد يأكدلي هالمعلومه اذا صحيحه
     
  4. يبيله

    يبيله بـترولـي نشيط

    74
    0
    6
    صحيحه
    أنا اخوي بالوزارة عزابي معاشه 2100 وعنده خدمه 7 سنوات
     
  5. knpc_ref

    knpc_ref بـترولـي جـديـد

    21
    0
    0
    اي صح ولد خالي مهندس جديد عزابي وزاره الكهرباء يستلم 1600 عزابي
     
  6. koc-76

    koc-76 بـترولـي مميز

    591
    0
    0
    اذا السالفه جذي ما اقول الا الله يعين اخوانا المهندسين بالقطاع النفطي
     
  7. dalmurja

    dalmurja موقوف

    85
    0
    0
    الحمدلله

    انا كنت في الحكومة قبل 3 شهور --- معاشي كان ينزل في البنك 1037 دينار. يعني المعاش كان حوالي 1150 دينار.

    الحين على حسب الكادر --- معاشي يصير 1596 دينار...

    تبون الشي إلي قاعد يكدرني؟ أنا توني تعينت في ال KNPC و معاشي 1553....



    يعني دشيت البترول, زادت ساعات العمل ساعتين في اليوم.... و نقص معاشي 43 دينار...!

    (في الحكومة كنت مهندس على الدرجة الثالثة... في البترول أنا الحين على Grade 14 . )
     
  8. knpc_ref

    knpc_ref بـترولـي جـديـد

    21
    0
    0
    الي توه متوظف على درجه 12 و 13 معاشه اقل اب 300 دينار
    انا كنت استلم من وزارة 1390 بدون كادر مع كادر يصير 1670
    اهني بالشركه استلم 1270 يعني اقل اب 400 دينار
     
  9. API 18

    API 18 بـترولـي مميز

    513
    0
    0
    والله اللي قاعد يصير ظلم يعني وين المسؤولين و النقابات من هالكلام ..بس نسمع عن نقابات و لجان و تجمعات والنتيجه صفر.ابي واحد يقولي شنو هالمعادله ..تداوم ساعات اكثر معاشك اقل مسؤولياتك اكثر معاشك اقل. ترى كل شي له حدود. اتوقع انه لو يسوون استبيان الرضا الوظيفي الحين عقب كادر الوزارات راح يكون مو 49 راح يكون صفرررررررررر. لانه اللي بالقطاع ودهم كلهم يهجون منه باقرب وقت. على الاقل القطاع يفتح باب الانتقال للوزارت بدون استقاله و جيبو مصريين و هنود بدالنا.
     
  10. الطيب

    الطيب بـترولـي نشيط

    52
    0
    0
    راح اعطيهم فرصه لي نهايه هالسنه
    اذا مافي تطورات
    راح اقدم استقالتي
    والف وزاره تتمناني
     
  11. الماجستيري

    الماجستيري بـترولـي نشيط

    91
    0
    0
    القطاع النفطي افضل يا جماعة
     
  12. knpc_ref

    knpc_ref بـترولـي جـديـد

    21
    0
    0
    اشلون افظل فهمني
     
  13. dalmurja

    dalmurja موقوف

    85
    0
    0
    الحمد لله

    انا ماقول إلا الحمدلله على النعمة. إلي انا فيه نعمة من ربي!

    بس انا انادي علشان ابي اشوف العدالة بين الموضفين في الديرة....
     
  14. Taekwondo

    Taekwondo بـترولـي جـديـد

    10
    0
    0
    شنو تقصد عفوا اخوي؟ اذا زادوا رواتب القطاع النفطي هذا مقياس العداله؟ اللي اشوفه من وجهة نظري العداله بتوحيد رواتب المهندسين بأي مجال كان :) على فكرة اخوي انا يوم تعينت وكنت متزوج بالوزاره معاشي ما يتعدى ال 650 دينار ، ويومها كان راتب المهندس بالنفط ما شاء الله ربي يزيدهم اكثر مني الضعف تقريبا ، صبرنا وقلنا الحمد لله على كل حال
     
  15. dalmurja

    dalmurja موقوف

    85
    0
    0
    تمام كلامك -- عدالة...

    إخذ معاش المهندس في الحكومة و إقسم على عدد ساعات العمل ... ثم خذ معاش المهندس في القطاع النفطي وإقسم على عدد ساعات العمل.

    شنو الناتج؟

    هذا قصدي.

    معاش إلي في النفط لازم على الأقل يكون 133% من معاش الحكومي. (6 ساعات و 8 ساعات).
     
  16. المهندس

    المهندس بـترولـي خـاص

    1,305
    8
    0
    شوفو دوام رمضان وراح تعرفون عدل .. انداوم 6 ساعات .. ولا تنسون في قطاع البترول المسئوليات الملقاه على العامل والمحاسبه مو فللاتي مثل ما في الوزارات يعني الموظف يرد بيته منهد حيله وماله خلق شي... اللي قاهرني ليش ما عاملونا مثل القطاع الخاص .. يا جماعه خللوا الخاص مثل الاهلي وعطونا ال 400 دينا وراح نكون راضين ... اما فالسين من الصوبين لا حكومي ولا اهلي صراحه مصيبه :)
     
  17. saad123other

    saad123other بـترولـي نشيط

    71
    0
    0
    بكل أمانة اللي قاعد يصير في القطاع النفطي موطبيعي
     
  18. Q8_oil

    Q8_oil بـترولـي خـاص

    1,387
    0
    0
    يدروون إنه إحنا بس إنتحلطم و ما نقدر نسوي شي ليش يزيدونه و التارجت مالهم ماشي خصوصا إنه المانجيرز و الدي أم دي شغلهم ماشي و البلان مالهم ماشي عدل بس على ظهورنا إحنا الفقارا المساكين
     
جاري تحميل الصفحة...

مشاركة هذه الصفحة