الى متى وانتو ناطرين ياشباب تحركووووا

الكاتب : يخلووونك ؟؟؟ | المشاهدات : 446 | الردود : 0 | ‏3 ديسمبر 2007
  1. يخلووونك ؟؟؟

    يخلووونك ؟؟؟ بـترولـي جـديـد

    18
    0
    0
    بسم الله الرحمن الرحيم

    ماني عارف الصراحه انتو شلون متحملين الوضع اللي انتو فيه وليش ما تتحركون ووين نقابتكم وشلون ساكته للحين

    الصراحه انا ماني موظف عندكم بس الصراحه مقهور عليكم والله شلوووون يعني للحين الدفعة الاولى على قريد 8 ليش ليـــــــــــش والمشكلة انه اقل قريد حق رجل الامن في الشركات النفطية 12 ليـــــــــش الظلم هذا وبعدين ممكن افهم شلون راح يصير الوضع والتعامل بين امن الخدمات وامن الشركات الاصلية يا جماعة يا جماعة هذا تخبط وانتو اللي ماكلينها وشلووووون يرجع المستشفى ويطلع من شركتكم والله مصخره والااا الموظف اللي بالمستشفى اول ما ودوووه للخدمااااات هفوه بمبلع حلو نهاية خدمة من الكي او سي ويوم رد وطلع من الخدمات هم عطوووه الخدمات نهاية خدمة ياجماعة لازم تتحركووون بالصحف والجرايد وتعملون لقاءات مع المسئولين الكبار مو مسئولينكم اللي بالخدمات لانهم ما يدرون عن شي , وانا انصحكم تمشون كالتالي :
    1: تشكلون تجمع للعاملين بشركة الخدمات النفطية وهذا امر قانوني ومشروع حسب قانون التجمعات

    2: مطالبة التجمع الوزير بالتدخل الفوري في انهاء مأساة شركة الخدمات بخيارين لا ثالث لهما الأول استمرار الشركة وذلك بشرط تحويل جميع موظفي الامن والاطفائيين العاملين في جميع الشركات النفطية لها وهذا من أسس انشاء الشركة والاا ستحدث عراقيل وتداخل صلاحيات في العمل , والخيار الثاني حل الشركة وتوزيع موظفيها على الشركات الأصلية .

    3: عمل حملة اعلامية في الصحف اليومية وعمل ندوة كبيرة تدعون لها اعضاء مجلس الامة والصحافة والمعنيين

    4: مقابلة رئيس مؤسسة البترول ومن ثم الوزير

    5: عمل اعتصام كبير وليس اضراب

    أتمنى انكم تتحدون في هذي الفترة وما تتفرقون واذا فيه انتخابات وحساسية بين القوائم فمو مشكلة اهم شي تتحدووون وتشكلون تجمع والنقابة امر ثاني ياجماعة

    تحياتي لكم ,,,
     
جاري تحميل الصفحة...

مشاركة هذه الصفحة