دوام رمضان

الكاتب : API 18 | المشاهدات : 2,948 | الردود : 22 | ‏21 يوليو 2010
  1. API 18

    API 18 بـترولـي مميز

    513
    0
    0
    أصدر ديوان الخدمة المدنية مواعيد عمل الجهات الحكومية خلال شهر رمضان المبارك، حيث نصت نشرة الديوان على ان تكون مواعيد العمل الرسمي خلال رمضان من 8.30 صباحا، وحتى الـ 1 ظهرا.

    و احنا دوامنا من 9-3 و اذا دوامك بالشمال واللا بالوفره زيد عليهم ساعتين يعني 8 ساعات دوام . ما اقول اللا لنا الله..انا مو مشكله عندي بس اللي يحز بالنفس انهم لما تطالبهم بالكادر يقولون احنا نتبع الديوان ولما تقولهم عن دوام رمضان راح يقولون لك احنا قطاع ماله صله بالديوان...الله كريم ورحيم
     
  2. koc-76

    koc-76 بـترولـي مميز

    591
    0
    0
    انت بالقطاع النفطي المظلوم ودوامك برمضان 6 ساعات اذا كنت اداري من الساعه 8.30 لغايه 2.30
     
  3. Eng.Vampire

    Eng.Vampire بـترولـي خـاص

    اذا حاس بظلم أخوي ليش ما تقدم استقالتك وتروح للحكومه هم ينرفع عنك الظلم وهم تستفيد من كادرهمم
     
  4. koc-76

    koc-76 بـترولـي مميز

    591
    0
    0
    العالم كلها حاسه بظلم واذا منت مصدق شوف اغلب مواضيع المنتدى المهندسين والمحاسبين وغيرهم لاكوادر ولا شي واذا موعاجبك كلامي ان القطاع النفطي مظلوم خلاص بغيره بس لا تتضايق واذا على الاستقاله لاتستعجل انت وانا وغيرنا اذا تخصص القطاع النفطي ومسكه احد هالتجار مالنا الا الحكومه لان الكويتي طلباته زايده والوافد ارخص ويخاف من التفنيش ويرضي بأي شي هذا تفكير اي تاجر بهالبلد يبي الربح باقل الخساير*
     
  5. المنجنيقي

    المنجنيقي بـترولـي خـاص

    1,966
    0
    36
    شنقول حنا إللي دوامنا 12 ساعه ( شفتات )
    مايتغير على طول السنه
    الله يعين بس
     
  6. API 18

    API 18 بـترولـي مميز

    513
    0
    0
    ماشاء الله عليك.. انا لو بدالك اخذ على كل نصيحه فلوس حرام نصايحك هذي تكون ببلاش نبي اكثر من هالعقول النيره اللي بشاكلتك... هذي العقول واللا بلاش..انتا لازم يعينونك مستشار بالشركه او حتى كبير مستشاريين. انا انشاالله راح اخذ بنصيحتك و باستقيل اليوم و اروح الوزاره و اخذ الكادر و اداوم اربع ساعات.. وينك من زمان ما نصحتني.
     
  7. Eng.Vampire

    Eng.Vampire بـترولـي خـاص


    هذه وجهة نظري بالموضوع وأقولها بكل حرية ولا أحد له حق يحجر علي :)

    لازلت عند كلامي في هالحالة الاستقالة والعمل لدى الحكومة أفضل بكثير من التحلطم
     
  8. جابر

    جابر قــلــم بــتــرولــي أعضاء الشرف

    بالعكس ..دوا م رمضان بركه ...على الأقل للى بالخفجى ..
    بدال القومه مع الزرازير ... يصحى بالسبع ...وعلى راحته ..والدوام بالتسع وشبعاااااااااان نووووم
    واللى شفتات يحسبله ساعتين أوفرتايم كل يوم......يعنى العيديه توصله بعد العيد ..لما يكون على الحديده ....
     
  9. API 18

    API 18 بـترولـي مميز

    513
    0
    0
    خل وجة نظرك حق عمرك و مالك شغل نتحلطم والا لا تبي انتا تستقيل روح والله يوفقك بس احنا في عقول براسنا. صايرلي ابو العريف يعني ..وانا لا زلت عند كلامي انه دوام رمضان طويل شتبي تسوي ولا ماني مستقيل و بقعد على قلبك وغصبن عنك.
     
  10. ابومحمد1

    ابومحمد1 بـترولـي جـديـد

    38
    0
    6
    السلام عليكم
    لحد يستقيل و لحد يعصب

    الحمد لله اللي يداوم 8 ساعات كاملة مآخذ ساعتين أوفرتايم و هذي خير و بركة و اللي إداري 6 ساعات عقب الثمان ساعات و هم خير و بركة

    فلنحمد الله على النعمه و نشكره سبحانه و تعالى على الخير الوفير اللي منعم فيه علينا

    و إلا شرايكم
     
  11. Eng.Vampire

    Eng.Vampire بـترولـي خـاص


    أترفع عن الرد على المفردات الي تدل على ضحالة فكر صاحبها .... بخلي المتنبي يرد عليك :)

    لسانك لا تذكر به عورة امرئ .... فكلك عورات وللناس ألسن
     
  12. Eng.Vampire

    Eng.Vampire بـترولـي خـاص


    في بعض ناس ما يحمدون ربهم ياخوي ..... وكل شي مو عاجبهم :)
     
  13. API 18

    API 18 بـترولـي مميز

    513
    0
    0
    والله ماادري شنو قاعد تخربط يا رئيس منظمة مكافحة التحلطم و النصائح الموليه
     
  14. LaRambla

    LaRambla بـترولـي خـاص أعضاء الشرف

    2,041
    3
    38
    نداوم 12 ساعه وناخذ عليها اوفر تايم

    اللهم لك الحمد
     
  15. amkl

    amkl بـترولـي نشيط جدا

    173
    0
    0
    الى اخواني وزملائي الأعزاء هذا المنتدى لم يتم أنشاءه لتبادل اللفاظ الغير لائقه بين الزملاء وانما تم وضعة لتبادل الخبرات والتعارف بين موظفين القطاع النفطي وتوصيل كل خبر أولا بأول ، فأرجو من الأخوه الأعزاء الترفع عن سفاسف الأمور التي تولد الحقد والضغينه ، وإذا كان هناك نصحيحة يجب ان تكون باللين وبالتي هي احسن .
    حفظكم الله جميعا ودمتم سالمين
     
  16. AD-01

    AD-01 بـترولـي خـاص

    1,040
    2
    38
    في كلمه عجبتني سمعتها من واحد من الشباب .. ودايما اشوفها جدامي في بعض الناس واعتبرها حكمة :)


    " الخبل له مواري "



    الله يعين على بعض العقول !!
     
  17. AD-01

    AD-01 بـترولـي خـاص

    1,040
    2
    38


    كلامك يبيض الوجهه
     
  18. الماجستيري

    الماجستيري بـترولـي نشيط

    91
    0
    0
    يا أخوان

    الإنسان مطلوب منه يكون واقعي و قنوع وإنت في النهاية حر

    والحرية لا تعني أنك تقول أي شي حتى لو ما كان واقعي فقط لإنك حر قل ما شئت حتى لو كان هراء !!!

    معاشات القطاع النفطي منذ سنين طويلة أفضل من القطاع العام في الدولة بالإضافة إلى الإمتيازات المتوفرة

    والله ثم والله لو نقارن متوسط مقدار الإنتاجية اللي يقدمها الموظف عندنا مع تلك الموجودة في الدول المتقدمة ونقارنها بالمردود المادي يمكن البعض منا يستحي يقول اللي قاعد يقوله

    الحمد لله رب العالمين.... الدولة تتطلب منا أن نكون على مستوى من الوعي مو فقط نطالب بالمزيد ونحن لا نقدم شيء في المقابل
     
  19. dalmurja

    dalmurja موقوف

    85
    0
    0
  20. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    في مفاهيم عندنا معكوسة في إرمضان
    (اللي صار شهر الراحة والنوم والسهر والمسلسلات والبرامج والمسابقات والدورات الرياضية)

    فعليا هو شهر الله وشهر عبادة والعبادة من ضمنها العمل ، بس للإسف صار عند الغالبية برمضان إنا مانبي نشتغل بحجة الصيام والتعب والحين الجو والحر

    أتمنى أن تتغير هالمفاهيم المعكوسة في رمضان وتقبل الله طاعاتكم وأعمالكم مقدما ومبارك عليكم الشهر الفضيل
     
جاري تحميل الصفحة...

مشاركة هذه الصفحة