كذبة استحقاق الترقية بعد سنه

الكاتب : اطفائي محبط | المشاهدات : 6,134 | الردود : 59 | ‏20 يوليو 2010
  1. اطفائي محبط

    اطفائي محبط بـترولـي جـديـد

    37
    0
    0
    قبل الانتخابات الاخيرة اصدرت النقابة بيان بشرت فية العمال بامكانية الترقية

    بعد سنة واحدة ولكن تبين كذب هاذا البيان الذي اتضح انة ضحك على الذقون

    لان لحد الان محد ترقى بعد سنه وبالعكس صارت معظم الترقيات تتم بعد 3 سنوات

    بدلا من سنتين سؤالي للنقابة ليش ماتنفذ المكسب اللي اعلنتوا عنه في بيانكم

    النقابي اللي قبل الانتخابات الاخيرة ؟
     
  2. Pic.2013

    Pic.2013 بـترولـي جـديـد

    8
    0
    0
    النقابة ماقصرت يوم جابتلكم العشرين درجة كان موقفها مشرف . لاكن التيم ليدر مالكم حاول يقلصها ولو كان الأمر بيده كان ما رقي غير أربعه أو ستة بالكثير مع العلم إن النقابه بذلت جهد كبير عشان تفتح الدرجات وبالأخير الأخ يوقف في طريق رزق الناس لاكن كانوا له بالمرصات ومشوا أكثر من عشرين درجة مع العلم إن درجته هو من ضمنها .. والحين تقول ضحك علي الذقون الكثير بالشركة إستفاد من الشروط الجديدة وقاعد يشكرون ربهم ثم النقابة .... أطلع منها بس وغيييييير هالنقابة مانبييييي أنا واحد من الناس اللي بشهر واحد 2009 أخذت درجة وشهر واحد 2010 أخذت درجة بعد والحمدلله والشكر .. إذا فيه مشكلة بقسمك وفيك أنت مشكلة لاتشربك العالم معاك وتقول ضحك علي الذقون إلا جابوا مكسب وفعلا نقابة أفعال لا أقوال ...والدليل لوحات الشكر اللي حطوها ربعكم بالأطفاء والأمن وشكروا النقابة بس وخصوها هي بالشكر فقط وماذكروا لاالتيم ليدر مالكم ولا مديركم لأن مالهم فضل بالدرجات والناس عارفه هالشي .
     
    آخر تعديل بواسطة المشرف: ‏16 نوفمبر 2010
  3. kwow

    kwow بـترولـي نشيط جدا

    214
    0
    0
    هذي درجات التسكين مالها شغل في سؤال الرجال علشان تعرف وش يقصد شف ونا خوك انت آخر درجه خذيتها 2010
    تراك ماراح تاخذ غيرها إلا 2013 يا خوي Pic.2013

    اللي عرفناه في التسكين هي درجتين وبس مافيه غيرها شي
    وبيان النقابة هو استحقاق الموظف للدرجه بعد سنه شي طيب لأن مهيب معقوله جميع الشركات النفطيه
    استحقاق الموظف للدرجه كل سنه إلا البتروكيماويات كل سنتين وياليتها تصير لأنها بالعادة تقعد ثلاث سنين

    اتمنى من الاخوان بالنقابة يضغطون على المسئولين يعطون الموظفين درجاتهم بعد سنه من اكمال المدة
    الشركة وراح يخصخصونها بعد سنه ولا سنتين بالكثير والنقابة فيهم الخير والبركة وحنا نستاهل
    عطونا حقوقنا قبل يبيعونا الشركة للتجار :(
     
  4. عامل

    عامل بـترولـي نشيط

    65
    0
    0
    عامل
    كويت
    اريد اسماً واحداً

    السلام عليكم ورحمة الله وبركاته


    ان كان ما تقوله النقابة مكسب فعلية يجب ان يتحقق في ارض الواقع والا فهو خلاف ذلك وبالتالي يكون زيف وهذا غش على جميع من صدق النقابه في بيانها .


    والسؤال وهو في غاية الأهمية ((((( من هو ذاك الشخص الذي اخذ درجه واحده خلال سنه واحده )))))

    ( من غير نظام التسكين )





    اريد اسماً واحدً اخذ درجهً ..... لتبرهن النقابه صدق البيان الصادر لأستحقاق الترقية بعد سنة



    ونريده موثق ..... نعم موثق

    والسلام عليكم وحمة الله وبركاته
     
  5. Pic.2013

    Pic.2013 بـترولـي جـديـد

    8
    0
    0
    يوجد شخصين واحد من قسم المواد وواحد من قسم الأطفاء وبإمكانك معرفة أساميهم عن طريق قسم الذاتية .. لا يحق لي الأدلاء بأساميهم لأنها تعتبر خصوصية . والله يرزق المسلمين ......
     
  6. Workers

    Workers إدارة المنتدى

    7,767
    30
    48
    ذكر
    الكويت
    [​IMG]

    يجوز ترشيح العامل للترقية بعد سنة على الاقل .. ويجوز للمسئول يعطيك طاف سنتين والثالثه يفكر بعد يرشحك
    او لا .. لو نسلم من التعليمات الشفوية اللي شركتنا ماشية عليها طول السنوات الماضية كان احنا بخير
    اذا كلمت مسئولك المباشر تبي الدرجه قال المدير يقول لاترشحون احد إلا اذا كمل ثلاث سنين اما كل سنتين الواحد ياخذ درجه هذي فوضى !
    سبحان الله حتى سنتين صارت فوضى مع العلم نظام الترقية يجيز الترشيح بعد سنه من سنين طويلة
    ولكن بسبب نظام التعليمات الشفوية صارت سنتين ومو عاجبهم بعد !
     
  7. اطفائي محبط

    اطفائي محبط بـترولـي جـديـد

    37
    0
    0
    كلامك غير صحيح وخصوصا فيما يتعلق بالموظف اللي بالاطفاء لأني ما اعرف عن قسم المواد ولكني تاكدت انه ولا موظف بالشركه حصل على الترقيه بسنه وحده غير نظام التسكين.

    أنا أتحداك اذا تقدر تثبت كلامك والمفروض ما تدافع عن كذب مجلس النقابه على الموظفين وعليك انت بصفتك من الموظفين

    عيب عليك
     
  8. Pic.2013

    Pic.2013 بـترولـي جـديـد

    8
    0
    0
    الأخ . اطفائي محبط ...

    مبين من آخر كلمتين لك إن ماعندك ذوووق ..

    وإذا تبي إثبات مني بخصوص الأخ اللي حصل علي درجة في الأطفاء وبأقل من سنتين ومن دون التسكين هو الأخ (*********) والرجال تقدم إلي النقابة بكتابه وجابوله حقة .. والحين روح تأكد وقص الحق من نفسك .. لاكن مبين عليك إنك ناكر جميل حتي لو النقابة تجيبلك حقك . . .
     
  9. اطفائي محبط

    اطفائي محبط بـترولـي جـديـد

    37
    0
    0
    مالك شغل عندي ذوق او ماعندي. احنا قاعدين نناقش قضية تهم العمال والمفروض ما ندافع عن من يكذب على العمال.

    الحين بثبت لك ان كلامي هو الصحيح وان كلامك خرطي مثل بيان النقابه

    ********** اخذ الدرجه بتاريخ 1/10/2009 عملا بقانون مساواة الدرجات والتسميات بين الشركات النفطيه.
    بيان النقابه صدر بتاريخ 22/12/2009
    يعني بعد ترقيه الاخ ********** بشهرين ونص تقريبا

    الحين لو سمحت اطلع من هذا الموضوع لأني اخاطب الناس اللي تفهم شاللي صاير امامها ولا اخاطب من يردد خرابيط النقابه ويدافع عن كذبها

    نعود لموضوعنا الاساسي:

    هل كذبت النقابه على العمال بالبيان المذكور وهل استخدمته كورقه انتخابيه؟
     
  10. (مذهل)

    (مذهل) بـترولـي نشيط

    87
    0
    0
    نتمى أن يطبق النظام على جميع العاملين لديكم وليس على شخص واحد !!!!
    علما بان الجميع بالاطفاء لديكم لم يطبق عليهم هذا النظام او قانون مساواة الدرجات والتسميات
    منا للشئون الادارية والقائمين عليها !!!!!!!!!!!!!!!!!!!!!!!!!!!!!!!!!!!!!!
     
  11. عامل كويتى

    عامل كويتى بـترولـي نشيط

    111
    0
    0
    الصراحه

    انا اللى عاجبنى فى رد الاخ مذهل الكلام
    باللون الاحمر وعلامة !!!!!!!!!!!!!!!!!!!!!

    موضوع شيق فيه ضياع حقوق الاطفاء والامن
    على فكرة منو مدير القسم!!!!!!!!!!!!!!!!!!!!!!!!!!!!!!!
     
  12. اطفائي محبط

    اطفائي محبط بـترولـي جـديـد

    37
    0
    0
    كلامك صحيح
    ورئيس النقابه موظف في الأمن وهو المسئول عن ضياع الحقوق وعدم مساواتنا بالشركات الثانيه

    نروح ونروح ونبحث عن حقوقنا وبالنهايه نلقى النقابه ساكته وراضيه وفوق هذا تكذب على الموظفين بالبيانات الوهميه
     
  13. (مذهل)

    (مذهل) بـترولـي نشيط

    87
    0
    0

    مو يقولون اذا عرف السبب بطل العجب ...ولا اشرايك

    بهالادارة وغيرها من ادارات الشركة ما تعرف المدير من العامل البسيط و لكن انا هالشئ اكتشفته من زمان
    واللي هو ان لكل شخص ثمن والثمن يختلف من شخص لآخر
    هذا يسكت ببونص
    وهذا يسكرون حلجة بسفرة
    وهذا كثر ما تظلمه يسكت
    وهذا ثمنه محد يقدر عليه ...


    ولكن اللي شفته وعرفته وسمعته ان شخص واحد يدير الكل منو تتخيلون من اللي يديرهم
    لغز ها !!!!

    والباقي اعظم ...!!!!
     
  14. (مذهل)

    (مذهل) بـترولـي نشيط

    87
    0
    0


    يا اخي افهم انت بشركة تتبع المصالح الشخصية , يعني مسؤولك طالب لنفسه وطنش ربعه
    الاداري الحقاني او المسؤول اللي يعرف الحق يقول الكل مو نفسي نفسي
    ان عرفت العلاقة بين هالمسؤول عليك والنقابة ما اتوقع بتسأل هالسؤال


    تبي الصراحه واذا كنت تبي درجة اطلع لمسؤولك فوق وقوله طبق النظام علي مثل ماهو مطبق عليك
    وشوف رده
    !!!!!!!!!!!!!!!!!!!!!!!!!!!!!!

    شخبار الخبير ابو فوطة ومنو مكانه الحين !!!!!!!!!!!!!​
     
  15. Pic.2013

    Pic.2013 بـترولـي جـديـد

    8
    0
    0
    جبنالك دليل وماعجبك . . . ياموكاموكا .

    لاكن الله يعين النقابة المجتهدة واللي سعت للكل وجابتلهم الدرجات علي طبق من ذهب . . . مو ذنب النقابة إذا قسمك ماشمله التسكين جابولك أكبر معجزة ماكنت تحلم فيها السنتين صارت سنة .. وحطولك الكورة بملعبك يعني بينك وبين مسؤولك إذا كملت سنة روح كلمة وهو إذا يخاف ربة يسعالك ويجيبلك درجتك لاكن إذا كان مسؤولك مايخاف ربه ولا يفكر إلا بدرجة هو بس وساوي نفسة بالشركات الثانية وينسي باقي القسم أظن إن الله راح يحاسبة علي كل كبيرة وصغيرة والظلم اللي زرعة راح ياكل ثمرتة هو نفسة ...

    وردا علي الأخ اللي يقولي إن التسكين درجتين موصحيح راح نوصل لي درجة 14 وهذا كافي ونعمة ماكنا نحلم فيها ...

    وعسي أن يثبت النقابة هذي إنشاء الله لأنهم قد الأمانة وفي ميزان أعمالهم والله الكثير منا يدعولهم بالخفاء لأنهم إنصروا العمال علي المسؤولين ... أخذنا درجتين بدون منة المسؤولين اللي ضيعوا حقوق الناس طوال السنين ،، قبل تكمل سنتين وتركظ ورا درجتك سنة ويالله تخلص .... الحمدلله علي مغير الأحوال

    الموضوع: صدقة إستحقاق الترقية بعد سنة
    ....
     
  16. kwow

    kwow بـترولـي نشيط جدا

    214
    0
    0
    ياخوي لو مهيب درجتين وبس كان محد تكلم وجعل استحقاق الدرجه بعد سنه في اللي مايحفظها
    في ذمتك وش نبي في استحقاق الدرجه بعد سنه وعندنا تسكين ماشي اتوماتيكي لي درجه 14 :confused:
    قلنا لك اذا فيه درجه بتاخذها غير اللي خذيتها في التسكين في ذا الوضع التعيس راح تاخذها 2013
    ولحد يلعب على نفسه كل اقسام الشركة مثل قسم الاطفاء بس بعضكم يدور السوالف على بعض الاخوان في قسم
    الاطفاء خلو عنكم الشخصنه اللي مامنها فائدة وكيف تبون حل للمشكله وانتم تقطونها براس بعض الموظفين حالهم حالكم
    والله لو انا مسئول كبير وفي ايدي القرار واشوف ردودكم بعطيكم طاف وحلوها بينكم لأن ماعندي مشكلة
    المشكله فيكم

    يعني اللي في نفسه شي على احد من زملائه لايدخله في الموضوع ركزو على اساس المشكلة وترا حلها بيد النقابة
    ولازم تهتم فينا ومابقى كثر اللي راح الخصخصة ياقربها منا وتكفون يانقابتنا نبي فزعتكم وانتم ذخر لنا اليوم ودوم
    ومتعشمين فيكم الخير من كمل سنه لاتخلونه يلعب فيه المسئول لعب بالمواعيد اللي مامنها فايدة طالبو بدرجته وراح ياخذها باذن الله
     
  17. اطفائي محبط

    اطفائي محبط بـترولـي جـديـد

    37
    0
    0
    انت مو راضي تفهم.
    الموضوع بصوب وانت بصوب.
    انا اسأل سؤال عام وشامل جميع أقسام ودوائر الشركة: هل يوجد أي موظف حصل على الترقية بعد سنة وحده حسب ما ورد في بيان"الإفك" اللي أصدرته النقابة بتاريخ 22/12/2009 ؟؟؟
    أقولك المثال الفاشل اللي جبته يؤكد كلامي وينفي كلامك وكلام النقابه.


    السؤال مره ثانيه للناس اللي تفهم فقط:
    هل يوجد أي موظف حصل على الترقية بعد سنة وحده حسب ما ورد في بيان"الإفك" اللي أصدرته النقابة بتاريخ 22/12/2009 ؟؟؟
     
  18. (مذهل)

    (مذهل) بـترولـي نشيط

    87
    0
    0


    الاخ اطفائي محبط
    اولا : اود ان اشير بأن الدرجات وتسليم الدرجات امر شخصي بل اكثر من شخصي وسري ايضا
    ومن الطبيعي سرية هذه الامور وخاصة كلما كبر الموظف في الدرجة !!

    كيف عرفت كل هذه الامور عن مسؤولك ؟؟!!
    أأنت مقرب له لهذه الدرجة ليفضي لك عن اموره الشخصية وحتى تاريخ الدرجة وايضا اسباب
    استحقاقه الدرجة ايضا

    في تصوري الشخصي وما أراه هو وما نراه بالطبع هو انك مقرب جدااااااااا لهذا الشخص المسؤول
    وإلا لما عرفت عنه كل هذه التفاصيل الدقيقة جدا أليس كذلك

    وعندما ذكرت لك بانك يجب ان تتقدم لمسؤولك الشخصي وتطالب بالدرجة كما نصت عليه القوانين
    واعطت له درجة بقانون المساواة والدرجات والتسميات بين الشركات النفطية

    انظر بنفسك ماذا كتبت



    اخي العزيز جمينا يعرف ان ابتزاز هذا ما سميته ( الاخ ) المسؤول لنقابة الشركة وايضا تعرف تماما بمن طالب بعدم
    مخاطبة شركة الخدمات البترولية إلا من خلاله !!! وان لا تتدخل النقابة بالمفاوضات بين قسم الاطفاء والامن
    إلا من خلال بعض الاشخاص ( ... ) فهل هذا يعقل !!!
    وقد وقع الكثير ممن (....) واعتقد بانك احدهم اليس كذلك

    والضغط الذي وقع مع احد اخوتنا في القسم عندما عمل فرعية ( ******* ) وزعلوا عليه وخاصموه
    وعاتبوه لان اخواننا اتفقوا على الوقوف بصف احد القوائم


    وتتهم النقابة !!!!!!!!!!!! عجبي
    اذهب ما سميته ( الاخ ) المسؤول والذي اعطاك تفاصيل دقيقة عن درجة وكيف حصل عليها ومتى واطلب منه
    ان يطبق النظام عليك وان يعمل بما ذكرته بقانون الدرجات والتسميات بين الشركات النفطية



    هل الرسالة وصلت !!!
    ولا تتهم النقابة فمازال للحديث بقية والبقية قد تكون قاصمة هذه المرة

    عجبي !!!!!!!!!!!!!!!!!!!!!!!!!!!!!!!!!!!!!!
    مسير لا مخير = يعمل بالريمونت كنترول !!!!



    مذهل ​
     
  19. ARSENAL

    ARSENAL بـترولـي جـديـد

    31
    1
    6
    صباح الخير على الجميع

    توضيح بسيط بيان النقابه بخصوص الاستحقاق بدال سنتين اصبح سنه بس (( استحقاق )) مو معناه كل سنه تاخذ درجه
    اهم شي انك تستحقها يعني تنطبق عليك شروط الترقيه بس ( تاخذها ماتاخذها هذي تعتمد على قسمك والشواغر ومديرك وشطارتك;))

    ادري الكل فاهم بس مدري ليش اللف والدوران النقابه ماقالت مبروك كل سنه لكم درجه قالت نزلنا شرط الاستحقاق من سنتين الى سنه مكسب مهم او غير مهم هذي سالفه ثانيه :)


    ومشكورين
     
  20. الوزير

    الوزير بـترولـي نشيط جدا

    166
    5
    18
    بالفعل النقابة ماقالت كل سنة راح نعطيك درجة جابوا الشروط اللي بالشركات الزميلة لي عندك ويحق لك مثل مايحق لزميلة بالشركات الأخري للحصول علي الدرجة ... لاكن يجب الكل يستفيد من هذي الشروط ماتحتكر علي الدرجات العالية فقط يجب أن تشمل الجميع ....
     
جاري تحميل الصفحة...

مشاركة هذه الصفحة