محتار بين الوظيفه و تكملة الدراسه ..ابي نصايحكم

الكاتب : Fawaz.kh | المشاهدات : 2,460 | الردود : 17 | ‏19 يوليو 2010
  1. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    السلام عليكم,,,,
    هاذي اول مشاركه لي بالمنتدى و اتمنى اكون خفيف على قلوبكم:p

    الحمدالله انا حديث تخرج دبلوم هـندسة بترول/ انتاج و تصدير

    والصراحه ودي اتوظف لأن فرص التوظيف اكبر عالدبلوم من البكلوريوس

    بس عندي جم استفسار اتمنى ردود منكم

    بالنسبه على شهادة الدبلوم حاليا..:

    1- اذا قدمت و اقبلوني انشالله جم يصرفولنا في فترة التدريب "الدورات" ومدتها تقريبا؟

    2- واذا عينوني well serviceman بالروضتين قريد 9 جم راح يكون الراتب تقريبا و شيفرق عن برقان؟

    ------------------- اما بالنسبة لشهادة البكلوريوس----------------
    انا اللحين قاعد افكر اكمل دراستي و حاط عيني على جامعه ابــ امريكا و معترفه من قبل التعليم العالي تخصص هــ/بترول وقاعد اراسلها حاليا.. و ابيكم تفيدوني من خبرتكم يا جماعة الخير...

    تسوى اكمل دراستي سنتين و نص او ثلاث و ارد مهندس بترول؟
    لأني سمعت حجي وايد... ومنها
    نسب قبول المهندسين ضئيله...خاصتا تخصص البترول
    واللحين اقرو الخصخصه يعني بتطيح المعاشات ولا شنو بالضبط؟ اتوظف عالدبلوم احسن لي؟

    انا الحمدالله انقليزيتي ممتازه و اقدر اييب التوفل وو اسافر شهر واحد الياي و على حسابي الخاص..والحمدالله انا متمكن وايد من هالمجال و حابه.


    مع العلم ...الشهاده زينه
    لكن بهالوقت خاصة..جامعيين مو لاقيين وظايف سنعه و هذا الي يخوفني... اييب شهادة و آخر شي يقولون لي ما عندك خبره اقضب الباب...:(

    ابي نصايحكم يا جماعة الخير لا تقصروون معاي


    ولكم جزيــل الشكر و الامتنان
     
  2. API 18

    API 18 بـترولـي مميز

    513
    0
    0
    اخذلك جوله باقسام ال كي او سي و شوف الهنود والمصريين و الباكستانيين شكثرهم و انتا قرر بعدين اذا الدوله فيها نقص مهندسيين واللا لا. انا براييي تكمل دراستك و ترجع مهندس ابرك.
     
  3. Mr.Ahmad

    Mr.Ahmad بـترولـي مميز

    نصيحه

    كمل دراستك ولا توقف

    حتى البكالريوس (شويه) اذا عندك (القدره) على الدراسه

    راح تتوظف على الدبلوم ويمكن يصير لك نفس ما صارلي وتتحسف

    دام الانجلش عندك تمام وانت حاب التخصص , انصحك تكمل حتى ماستر ودكتوراه ان شاء الله

    اتعب على نفسك وادرس صح وربك يسهل امورك , حتى لو الكل قالك القطاع النفطي ما يقبل مهندسين كويتيين ومادري شنو

    هالكلام عن نفسي ما اعترف فيه , دام انا ماشي صح خصوصا بالدراسه قاعد اتعب واجابل , ان شاء الله ربي يرزقني باحسن وظيفه

    على فكره

    انا توظفت على شهادة الثنويه وحاليا اشتغل الصبح والعصر ادرس وإن شاء الله ماراح اوقف عن الدراسه ليمه يصير قبل اسمي حرف الدال

    فـ هذا اللي عندي :)

    اكررها لك , كمل دراستك
     
  4. Mo7med

    Mo7med بـترولـي جـديـد

    12
    0
    0
    الله كريم
    الكويت
    طويل العمر اكيد تسوى وعشان يتبطل المستقبل جدامك واتصير خياراتك اكثر
     
  5. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    مشكورين و يعطيكم الف عافيه و الله يكتب فيه الخير..
     
  6. Safety First

    Safety First بـترولـي خـاص أعضاء الشرف

    مثل ماقالوا لك الاخوان

    كمل دراستك وانت مغمض والوظيفة رزق ومحد ياخذ الا نصيبة

    موفق أخوي فواز
     
  7. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    هذا الي راح يصير انشالله و الله يسهل
    ومشكور على مرورك اخوي:)
     
  8. Eng_3li

    Eng_3li بـترولـي جـديـد

    اخوي كمل دراستك بدون اي تردد
    اخذها مني وانا اخوك ماراح تتحسف

    انا حاليا مهندس بشركة فرنسية اسمها Schlumberger
    و اقدر اضمنلك ان المهندس مرغوب في جميع المجالات
    ولا تصدق اللي يقولك غير هالكلام

    وان شاءالله بكمل ماجستير عن قريب بدون اي تردد
    الله يسهل علينا جميعا :)
     
  9. Fawaz.kh

    Fawaz.kh بـترولـي نشيط

    118
    2
    18
    Operator
    Q8

    لا خلاص انشاالله انا ناوي اكمل اشد حيلي هناك لا تخاف قدها و قدوود :]

    و تصدق عبالي Schlumberger المانيه طلعت آخر شي فرنسيه:p
     
  10. BaNDaR AlShuiAL

    BaNDaR AlShuiAL بـترولـي جـديـد

    9
    0
    0
    W.S.M
    Q8
    اخوي كمل دراستك وايد احسن لانه كل مالها و تتصعب الامووور
     
  11. الماجستيري

    الماجستيري بـترولـي نشيط

    91
    0
    0
    كمل دراستك للدكتوراه إذا تقدر
     
  12. Balloons Shop

    Balloons Shop بـترولـي نشيط جدا

    415
    0
    0
    visiter
    Kuwait
    وضع القوانين بالديرة تقول العكس
    وانا أقولك تتوظف وتكمل بعد سنتين دام النية موجوده
    آخر هالسنة كلامي بكون له وزن أكثر

    بالتوفيق
     
  13. AL AJMI

    AL AJMI بـترولـي جـديـد

    32
    0
    0
    Balloons Shop


    يالغالي .. انا قدمت الفحص الطبي للشركه

    يعني بتوظف وناوي اكمل دراستي ..

    فـ بما انك ناوي تفيدنا .. خير البر عاجله :)

    قولنا الحين اذا سامع اخبار ولا شي ولا تأخرها لـ آخر السنه ..
     
  14. stinkysocks00

    stinkysocks00 بـترولـي نشيط

    79
    0
    0
    اخوي السلام عليكم

    شوفلك بنت الحلال وتزوج اذا مومتزوج

    وروح كمل دراستك بكالوريوس ثم ماستر ثم دكتوراه

    وارجع بالسلامة واشتغل بالجامعة او بالشركة

    والله ايوفقكم
     
  15. لازم تكمل

    ما انصحك تدرس بامريكا لان الكورس فيها شهرين

    الحق ما تلحق جامعة توها معتمدينها في نيكاراغوا الكورس فيه 3 ايام وتتخرج مهندس

    ( والله أإعلم )
     
  16. برقان

    برقان بـترولـي جـديـد

    24
    0
    0
    الدبلوم في الشركة ما يوكل خبززززز
    خصوصا إذا دبلوم إداري
    نصيحة تكملة الدراسة أحسن قرار في حياة كل موظف جديد في الوظيفة

    بالتوفيق لكل من يكمل دراسته سواء الجامعة أو الماستر أو الدكتوراه
     
  17. alpacino

    alpacino بـترولـي جـديـد

    13
    0
    0
    كمل دراستك وارجع بشهادتك مهندس وشوف لما ينادونك مهندس والشغل لاحق عليه لاتحاتى .
     
  18. عباس الناصر

    عباس الناصر بـترولـي جـديـد

    8
    0
    0
    معاك معاين آبار ماكل هوا اخوي اذا عندك قدره ماديه وماعندك مسؤليات اجتماعيه مثل زوجه واولاد توكل على وكمل وخل عندك معاين الابار ولا يغرك كلام الناس الوظيفه ماتسوى لانك راح تكون باسفل السلم الوظيفي يعن باختصار بتقزر عليك صح
     
جاري تحميل الصفحة...

مشاركة هذه الصفحة