سؤال لو سمحتم: ابي افضل د.اسنان يغطيه التأمين

الكاتب : العندليب | المشاهدات : 3,474 | الردود : 14 | ‏18 يوليو 2010
  1. العندليب

    العندليب بـترولـي نشيط جدا

    164
    0
    0
    أخواني واخواتي جميعا السلام عليكم ورحمة الله وبركاته. ابي احد جرب د. أسنان يغطيه التأمين ويكون زين وفاهم وأيده خفيفه هذا أهم شي، ومو استغلالي كلها 750 دينار صرنا نخاف نعالج فيها عشان ماتخلص :) ..وبعد د. أسنان للأطفال يكون محترف وفاهم بعد....وجزاكم الله خير
     
  2. الأحمدي80

    الأحمدي80 بـترولـي جـديـد

    26
    0
    0
    حتى أنا أبي أعرف دكتور فاهم ومو إستغلالي .. اللي يعرف يفيدنااا
     
  3. العندليب

    العندليب بـترولـي نشيط جدا

    164
    0
    0
    للرفع ياشباب نبي الأفاده
     
  4. hassankoc

    hassankoc بـترولـي خـاص

    سؤال حلو والله يكون مخلص ومو استغلالي الله يكفينا شرهم
     
  5. PPA

    PPA بـترولـي نشيط

    91
    0
    0
    السلام عليكم ورحمة الله وبركاته

    والله أنا جربت عند الدكتورة قماشة الجامع حق بنتى وعمرها 4 سنوات وكنت ادور أحد يعرفها وسالت عنها وزرتها بالعيادة وعالجت بنتى بصراحة فوق الوصف والتأمين مغطيها وتشتغل بنفسها مو اجانب وخبرة كبيرة فى الصحة المدرسية والاميرى
    وشكرا
     
  6. hassankoc

    hassankoc بـترولـي خـاص

    الميدان والبيان ايهم افضل للكبير والطفل وايهم افضل لتركيب تقويم الأطفال5سنوات؟
     
  7. العوضي

    العوضي بـترولـي خـاص

    1,054
    3
    0
    عليك بعيادة مستشفى السلام
     
  8. Mr.Ahmad

    Mr.Ahmad بـترولـي مميز

    انحش عن الميدان

    نصابين

    عندي موعد بالميدان اليوم وكنسلته لان بصراحه يخلون الواحد يزهق بسبت حركاتهم

    وحجزت موعد باجر بدار الشفا ( جربتهم قبل وكان شغلهم عجيب وسريع عند دكتوره هنديه )
     
  9. الحر العنيد

    الحر العنيد بـترولـي جـديـد

    35
    0
    0
    ياناس عيادة الميدان اللي بالفحيحيل اكبر نصابه وطماعه ذاك اليوم وديت بنتي حقهم عند دكتورة لبنانيه اسمها ناديه قالت بنتك تحتاج خلع قلت لها بكم الخلع عندكم قالت لي السكرتيره ب25 ولما شالتلها الضرس ورحت باوقع على الفاتوره الا هي ب30 قلت للسكرتيره ليش قالت الدكتوره كاتبه هالسعر مع انها دقيقه وحده مااستغرقتها عليها قلت انا باكلم الدكتوره لما دخلت على الدكتوره واستفسرت منها عن الموضوع قامت تصارخ ايه ب30 البنت عندها 750 دينار تامين وماتبي تدفع انت دافع شي من جيبك قلت لها ها يعني انتي طمعانه في المبلغ يعني وتبون تشفطونه على الفاضي وطلعت منهم وحلفت ماارد لهم مره ثانيه النصابين
     
  10. Mr.Ahmad

    Mr.Ahmad بـترولـي مميز

    عقب ما كنسلت موعدي عند الميدان

    قاموا يدقون علي ويسإلون عن اخباري وصحتي وإن شاء الله اكون مرتاح :) وتقولي متى تبي موعد ثاني

    شزين الاهتمام عقب ما طقيتهم بالطوفه

    طبعا انا كنسلت موعدي عندهم لان بصراحه حسيتهم يلعبون ويماطلون بالمواعيد بس عشان ادفع فلوس حق كل موعد

    وعندهم دكتور لبناني عقب ما فحص الضرس قالي لازم اشيل ضرس العقل عشان اعالج الضرس اللي مسبب لك ألم

    وطبعا شكيت بكلامه لان ما احس بألم بضرس العقل

    وعطوني موعد تاريخ 9/8 وقبلها بيوم دقت علي الموظفه وقالت لي ان الدكتور حاب يسأل هل انت عملت خلع لضرس العقل ولا لأ؟

    قلت لها شلون اعمل خلع وباجر موعدي وياكم؟ قالت ثواني بكلم الدكتور ,,, جان تقولي انت المفروض قبل تاريخ 9/8 تكون عملت خلع !! قلت لها شلون اعمل خلع بدون ما تحددون لي موعد لمه كنت عندكم بالعياده؟ جان تقول لحظه وترد تكلم الدكتور مره ثانيه

    عقبها قالت لي موعد باجر لازم نغيره لان اول شي لازم موعد خلع ضرس العقل وعقبها بإسبوع علاج العصب وطبعا الدكتور المتخصص بالخلع حضرته يداوم من 9 بليل لي 4 الصبح بسسسسس :/ فترة دوامه عجيبه صراحه

    وعطوني موعد السبت اول امس , ودقيت عليهم وكنسلته لان صج تنرفزت من حركاتهم , خصوصا اول موعد كان كشف + اشعه + فتح ملف بـ 32 دينار , وثاني موعد الدكتور اشتغل بالعصب 5 دقايق وقالي لازم تعمل خلع لـ ضرس العقل عند دكتور فلان وعقبها راح اعالج العصب ويومها اخذ 40 دينار

    يعني راحوا 72 دينار عالفاضي

    ويوم السبت دقيت على دار الشفا واخذت موعد يوم الاحد ( امس )

    رحت دار الشفا من اول يوم عالجت وخلصت مع ان رافعين السعر اشكره

    لان قبل سنه ونص عالجت العصب عندهم بـ 112 دينار وامس عن طريق التأمين بحدود 175 دينار

    طبعا عالجت عند دكتوره هنديه اهي نفسها عالجتني قبل سنه ونص

    ولمه سوت لي اشعه بدت تعالج على طول , سألتها لازم تشيلين ضرس العقل ولا لأ؟؟؟ قالت اذا تحس بألم اوكي نشيله , يعني كلام الدكتور اللبناني طلع خرابيط لان حضرته قال ماقدر اعالجك الا عقب ما اخلع ضرس العقل

    اهو الظاهر كل مكان شغلهم استغلالي بس حرامي عن حرامي يفرق شوي لول

    عموماً انصح بالابتعاد عن عيادة الميدان

    على فكره كانت مراجعاتي لـ فرعهم بمجمع بيروت
     
  11. HO_MAN

    HO_MAN بـترولـي جـديـد

    37
    0
    0
    بعد هذه الردود ... اقول أنحش عن عياد\ة الميدان ... و الله لو ببلاش ما ني مراجع عندهم

    وياريت عيادة الميدان وغيرها ... يقرؤون الردود هنا ... لمعرفة ..ان أسغلالهم ما يفيد

    ... و الله لو الغالبية ... تقاطع ... المستشفيات ... و العيادات ... الأستغلالية .. لنخليهم يتحسفون على هذا الأستغلال

    يا أخوان ... المسألة ليس مسألة فلوس ... ولكن ... الأستغلال .. و أرواح البشر هي المشكله



    اتمنى فتح موضوع جديد ... يطرح فيه .. فقط ,, أستغلال الأطباء .. لكشفهم
     
  12. hassankoc

    hassankoc بـترولـي خـاص

    نفس الشي وديت بنتي الميدان فحيحيل عند ناديه افحص اسنانه يوم بجت تنرفزت وماعجبتني صراحه يعني طفله 4سنين اكيد بتصيح وخذو علي 20 دينار على الصياح الظاهر ولا استفدت قالت لي اذا عورها السوس جيبها والله المستعان
     
  13. فزاع السهلي

    فزاع السهلي بـترولـي نشيط جدا

    بيـــــــان اجمل عياده

    تحياتي
     
  14. أم يوسف

    أم يوسف بـترولـي جـديـد

    7
    0
    0
    جرب عيادة الميدان الفروانية

    أنا أراجع في عيادة الميدان الفروانية ، والله ما شفت إلا كل خير ، حتى أخذت بنتي عمرها 6 سنوات عند دكتور فلسطيني اسمه محمد جعفر بس حباب وروحه حلوة وأهم شي ما عور بنتي وأسعاره عادية يعني خلع ضرس البنت ب 15 د.ك ، وأنا أراجع عند الدكتور عبدالله ، شغله وايد حلو وإيده خفيفة بس زحمة حيل عنده من كثر المرضى اللي يراجعون عنده
     
  15. جهراوي نت

    جهراوي نت بـترولـي نشيط جدا

    208
    0
    0

    iهل المفروض ان الموظف فينا يشيل فرد ويطلعة قدام الدكتور مثلا

    هل صرنا في غابة
     
جاري تحميل الصفحة...

مشاركة هذه الصفحة