ساعدوني بارك الله فيكم

الكاتب : ALHAJRI87 | المشاهدات : 2,009 | الردود : 16 | ‏17 يوليو 2010
  1. ALHAJRI87

    ALHAJRI87 بـترولـي جـديـد

    6
    0
    0
    السلام عليكم ورحمة الله وبركاته

    يا اخوان انا ان شاء الله بدخل تخصص تكنولوجيا تشغيل المصافي بمسمى مساعد مهندس يقولون التخصص صعب لاكن شركة Knpc توقع معاك عقد والوظيفه مضمونه ان شاء الله ..

    وعندي كذا سؤال ...

    - ابي المسمى الي بتخرج فيه ( مساعد مهندس ) ينفعني بالترقيات والراتب ولا حالي حال الثانوي !!
    لاني سمعت اني اتوظف على قريد 9 وبعد سنه اخذ 10 ولو ادخل وواحد قبلي داخل بالثانويه ووصل قريد 9 بكون انا وياه نفس الراتب بالضبط لان كلنا على نفس القريد ؟؟ اذا كذا شنو فايدة ( مساعد مهندس ) ؟؟

    - على اي قريد يوقف مساعد المهندس ؟

    - اقدر اخذ تفرغ واكمل هندسه بعد كم سنه خدمه ؟

    - تنصحوني بهذا التخصص وبشركتكم لان ناس حذروني بس فيه ناس يقولون ان رواتبكم والترقيات اسرع من باقي الشركات ؟؟

    - هل فيه اختبار قبول لتخصص ( تشغيل المصافي ) اختبار انجليزي يعني ؟

    - وابي كم راتبي بالضبط مع الزوجيه وطفلين اول ما اتوظف وعلى اي قريد بيعينوني بالضبط وشنو فرقي عن الثانوي ؟؟

    وموفقين
     
  2. ربينا سوا

    ربينا سوا بـترولـي خـاص

    حياك الله يا خوي الalhajri87 وشرفت المنتدى.

    وأتمنى من الإخوة المعنيين بالأمر مساعدة أخونا والرد على إستفساراته.
     
  3. ALHAJRI87

    ALHAJRI87 بـترولـي جـديـد

    6
    0
    0
    ابقاك الله وانتظر رد الاخوان

    وموفق خير
     
  4. سعود السبيعي

    سعود السبيعي بـترولـي نشيط جدا

    227
    0
    0
    حياك الله وأنصح بزياره للمكتب الرئيسي وتوجه للأخ علي القشعان وسوف تجد عنده أجوبه لكل مايدور في ذهنك .

    ونتمني لك التوفيق

    وأذا حبيت فكره عن طبيعة العمل أتصل فيني خلال ساعات العمل 3205107 &3205777
     
  5. KWO

    KWO بـترولـي نشيط

    السلام عليكم
    اخوي الهاجري نصيحه اذا بتتخصص تشغيل مصافي فانا ما انصحك لأنك بالنهاية راح توصل لي نقطه وحده انت و الي معا ثنويه و انصحك تكمل لي الهندسه و موفق انشالله
     
  6. ALHAJRI87

    ALHAJRI87 بـترولـي جـديـد

    6
    0
    0
    ما اعتقد وانا اخوك انك اني بوصل لي نقطه انا والي شهادته ثنويه وبنوقف على نفس القريد اقل شي برتفع عنه بالقريدات او اكيد لي ميزه عنه لان ما يصير مساعد مهندس ماله اي ميزه
     
  7. alnweem

    alnweem بـترولـي نشيط

    77
    0
    0
    اول شي ماكو شي اسمه مساعد مهندس
    راح اتوظف على انك مشغل مصفاه على قريد9 مثل ما حضرتك قلت
    فرقك على اللي عنده ثانويه راح يدخل على قريد 7 و6 شهور ياخذ8 ووراها بسنه ياخذ9
    واثنينكم راح توقفون على11 لين يفضى مكان بقريد12
    عشان قريد12 لهم عدد معين بكل قسم وايصير مسماك مشغل حقل اول
    اما بالنسبه للتفرغ الدراسي انت وواسطتك
    بالنسبه للشغل عندنا في اماكن كرف وفي اماكن الشغل خفيف فيها
    وهذا اللي عندي واتمنى اني فدتك بشي

    وموفق يا الحبيب
     
  8. Dashtawi

    Dashtawi موقوف

    153
    0
    0
    الثانويه احسن منك بعد اقولك ليش
    خل نقول انك دشيت التكنولوجيا وانا دشيت دورة البترول انت بتدرس سنتين ونص الى ثلاث عشان تتخرج و ميداني ولعنة خير انا ادش دوره ست شهور وادش المصفاة انت ليحينك قاعد تدرس بعد ست شهور حتى بس مخلص كورس واحد صح...انا اتثبت بعد ثلاث شهور و اخذ قريد 7 وانت بعدك تدرس بعدها بست شهور اخذ شريد 8 وانت ليحينك تدرس و بعدها بسنه اخذ قريد 10 وانت توك ادش المصفاة على قريد 9 وفوق هذا اساسيي اقوى من اساسيك لأني اكون صارلي ماخذ زيادة سنويه مرتين و غير ان صارلي سنتين بالمصفاة اخذ معاش كامل وانت حزتها كنت تاخذ مكافاة !!!!!!!!!!!!!!!!!!

    لوووووووووووووووووووووول النظام غلط
    وعلى فكره ادش مشغل حقل حالك حال الثانويه واهو احس منك لأن شهادته من لندن وعادي يشتغل فيها بره الكويت و انت شهادتك من التكنولوجيا يعني ما اطوف فيها الخفجي !!!!!!!!!!!!!!

    ومسمى مساعد مهندس مو موجود على ارض الواقع اكو مشغل حقل

    الميزه الوحيده اهي اذا نقول فرضا في كرسي واحد بغرفة التحكم مثلا ويبون واحد وانتوا اثنين وصل دوركم اهو ثانويه وانت تكنولوجيا ذيك الساع يحسبوزلك نقاط زيادة بس مو معناته ان شرط انت تاخذ القريد لأن اشياء ثانيه ادش مثل التقدير السنوي و المرضيات والانذارات

    انشاء الله وصلت
     
  9. swarovski-man

    swarovski-man بـترولـي جـديـد

    37
    0
    0


    عدل كلامك يا ولد دشتي حسسوني الربع والهاجري ان مشغل الحقل بنغاليه ومايقدر ينزل مستواه لهم اقول الهاجري روح اشتغل وزير مره وحده افضلك
     
  10. Workers

    Workers إدارة المنتدى

    7,767
    30
    48
    ذكر
    الكويت
    تصدق حتى اللي معاه بكالوريوس هندسة يعني مهندس .. مسماه وقت التعيين مو مهندس ..
     
  11. KWO

    KWO بـترولـي نشيط

    الله يسهل و اخوي الهاجري اذا لك خاطر تدخل البترول لا اتعب نفسك و تدرس بالتكنلوجيا ادخل على الثنويه او كمل لي الهندسه و انا عطيتك نصيحتي ونت على راحتك غيرك وايد دخلو على شهادة التكنلوجيا و تحسفو بهالشركه النظام صاير غلط بغلط لكن ما بيدنا شي على العموم اخوي الهاجري موفق انشالله و اتمنالك كل خير
     
  12. ALHAJRI87

    ALHAJRI87 بـترولـي جـديـد

    6
    0
    0
    الله يجزاكم خير ويوفقكم جميعا

    اما انت يا swarovski-man ما قلنا عن مشغلين الحقل شي وفيهم ربعي وجماعتي لاكن ردك رد واحد فيه عله ***************

    اما انك تجاوب مثل الرياجيل ولا خل منك الكلام الزايد ..

    لاكن ان لم تستحي ففعل ما شئت ..

    الله لا يهينكم يالربع الي رديتوا ووضحتوا لي الامور وعسى الله يوفقكم
     
  13. ALHAJRI87

    ALHAJRI87 بـترولـي جـديـد

    6
    0
    0
    المشكله ياخوك ان شهاتي ثنويه ويمكن يقبلوني ويمكن لا وانت وواسطك فقلت ادخل التخصص ويوقعون معانا العقود ووضيفتك موجوده اول ما تخرج وعلى قريد 9 وبعدها بست شهور 10 ولو فكرت ولا جبت واسطه بعدين اخذ الهندسه بسنتين برى فبتكون ان شاء الله افضل لي مستقبلا ..

    والله لا يهينك على الرد وبيض الله وجهك
     
  14. KWO

    KWO بـترولـي نشيط

    اخوي الهاجري اذا دخلت على الدبلوم راح تاخذ قريد 9 و بعدها بسنه و اربع اشهر تاخذ 10 و ما ادري ليش مسوينها بهالطريقه و موفق انشالله
     
  15. دلالي

    دلالي بـترولـي نشيط

    74
    0
    0

    اخوي اسمحلي على السؤال بس جد ودي اعرف
    شنو مسماهم بكالريوس الهندسة؟
     
  16. mtm

    mtm بـترولـي نشيط جدا

    419
    0
    0
    كلام اخوي دشتاوي سليم ...

    وبخصوص المعاش على قريد 9 مع طفلين وزوجية

    تقريبا الف دينار اقل او اكثر بشي بسيط

    وبالنسبة للترقيات انت اسرع من الثانوية باشهر يعني لو درجة ياخذها الثانوي بعد سنتين
    انت تاخذها بسنه و7 شهور :)

    يعني انت افضل لكن دامك بتدرس تطبيقي ليش ما تدرس تخصص طيب مثل ميكانيكا لانه تخصصك

    ما يوظفونك بالكويت باي مكااان غير البترول الوطنيه

    يعني قصوا عليك بدبلوم محكووور هذا مثل ما صار بصديقي لما حب يطلع من الشركة :)
     
  17. ALHAJRI87

    ALHAJRI87 بـترولـي جـديـد

    6
    0
    0

    يالغالي الراتب الي عرفته وقالوا لي الي في الشركه مع الزوجيه وطفلين يوصل 1200 او اكثر اجمالي الراتب ..

    وبخصوص التخصص انا مقدم استقاله من الحكومه ابي الشركه ولا فيه تخصص يضمن لك البترول الى تشغيل المصافي اما باقي التخصصات انت وواسطك فقلت اخذ المضمون
     
جاري تحميل الصفحة...

مشاركة هذه الصفحة